مواضيع متنوعه تحتاج لارائكون

السلام عليكم ورحمة الله وبركاته
ومساء الخير ...وصباح الخير ... صبايا ...شباب

-ماهو شعوركون عندما تخا لفون رأي والديكم ولا تلبون رغباتهم ولماذا تتشبسون بارائكم رغم قناعتكم بأن الأهل
يرغبون بنجاحنا وسعادتنا
وكيف تقنعههم بوجهة نظرك ؟
-------

ماهو شعورك عندما تعلم أنك ستصبح أبا أو اما ؟

------
-الأطفال يطرحون أسئله جوهريه معقده تتعلق بالحياة والموت والعلم
فهل تجاوبونهم على أسئلتهم
أم تؤجلون الأجوبه حتى يكبروا ويستطيعون استيعاب الأمور وفهمها؟
----------

-عندما يتحول الطلاق الى الانتقام من الطرف الاخر
ماذا بوسعنا أن نفعل لنتجنب هذه المعركه؟
------

-اعتاد بعض الناس على التصنع مارأيك بالتصنع ؟ وكيف نتخلص من هذه المشكله؟
------

-كيف يمكننا أن نتعامل مع الأشخاص المقربون منا جدا المصابون بمرض السرطان واللذين يعرفون مسبقا
أن الموت قادم اليهم في أي لحظه ؟
-------
-كيف نساعد الزوجه التي توفي زوجها لتتخطى هذه المحنة وهي مازالت شابه؟
-------

-هل تستخدمون الموسيقى كعلاج لكم والى أي حد تؤثر بكم ؟
وتساعدكم على الخروج من حالات اليأس والمرض
-----

-عندما نحب هل نفقد حريتنا واستقلالنا التام؟
-------
كل سؤال فيه بيتضمن موضوع وبحاجه لعلاج بتمنى شوف ارائكون

-

السلام عليكم ورحمة الله وبركاته
ومساء الخير ...وصباح الخير ... صبايا ...شباب
هلا مساكي وصباحك خير
-ماهو شعوركون عندما تخا لفون رأي والديكم ولا تلبون رغباتهم ولماذا تتشبسون بارائكم رغم قناعتكم بأن الأهل
يرغبون بنجاحنا وسعادتنا
وكيف تقنعههم بوجهة نظرك ؟
هلق اكيد بنقول الي بدن ياه صح ولصالحنا بس كمان العالم بيتغير وكل زمن والو قوانينو
يعني انا بناقش اهلي وقت بلاحظ انو افكارن مو ظابطة مع الزمن الي انا فيه ومرحلة الشباب الي عايشتها
لهيك بحاول قد ما فيي فهمن بالفروقة الي بينا وبينن وبين زمانا وزمانن
-------
ماهو شعورك عندما تعلم أنك ستصبح أبا أو اما ؟
بتوقع انو رح كون طايرة من الفرح والدنيا ما سايعتني
بحس الولاد اعظم نعمة وهبة من الله
------
-الأطفال يطرحون أسئله جوهريه معقده تتعلق بالحياة والموت والعلم
فهل تجاوبونهم على أسئلتهم
أم تؤجلون الأجوبه حتى يكبروا ويستطيعون استيعاب الأمور وفهمها؟
بحاول قد ما فيي بسطلن ياها بس مستحيل كزب عليهن مشان ما تنبنى عندن افكار على كزبتي
لانو الطفل كمان الو عقلو ومنطقو الخاص والي بيتعلمو بالزغر بيضل طول حياتو مرافقو
لهيك بجاوب بطريقة بتناسب منطقو وبترك الايام تبلورلو الي انا ما قدرت بلورو
----------
-عندما يتحول الطلاق الى الانتقام من الطرف الاخر
ماذا بوسعنا أن نفعل لنتجنب هذه المعركه؟
وقت بدي ارتبط بشخص بدي ارتبط بشخص واعي وبيعرف انو مشاكلنا العائلية ما لازم تطلع لبرا
وانو خلص بنترك بالطيب متل ما ارتبطنا بالطيب وكل حدا بيروح بحالو
ولو في ولاد بدنا نحترم كينونتن وحبون للاسرة واجتماعنا وانا مستعدة اجتمع مع طليقي مشان ولادي
------
-اعتاد بعض الناس على التصنع مارأيك بالتصنع ؟ وكيف نتخلص من هذه المشكله؟
ما بتخلص منها انا بحبها التصنع هوي احسن شي لتتعايش مع كل اشكال المجتمع
لانو انا ما فيني عامل الناس من تفكيري وشخصيتي في عالم ما بتحترم حالها لتحترمني
لهيك بتصنع عليهن وبكزب وبلبس قناع كمان المهم ما حدا يازيني
ولما بيكون حدا قريب مني اكيد رح ارفع قدامو القناع ويعرف مين انا وما يبقا في تصنع
------
-كيف يمكننا أن نتعامل مع الأشخاص المقربون منا جدا المصابون بمرض السرطان واللذين يعرفون مسبقا
أن الموت قادم اليهم في أي لحظه ؟
اووووف صعب هالسؤال ولو انا لو حدا ما بعرفو بيزعجني هيك موضوع
بصراحة بحاول قد ما فيي تكون دمعتي بيني وبين حالي وكون معو عادية
بس مابعرف لو فيني اتحمل فترة طويلة
-------
-كيف نساعد الزوجه التي توفي زوجها لتتخطى هذه المحنة وهي مازالت شابه؟
اكيد بنضلنا واقفين جنبا وعم نصبرا وما فينا نعمل اكتر من هيك
-------
-هل تستخدمون الموسيقى كعلاج لكم والى أي حد تؤثر بكم ؟
وتساعدكم على الخروج من حالات اليأس والمرض
الموسيقى؟ هئ ابدا مانها علاج شو دخلها بالعلاج
برايي الي بيساعد على الخروج من اي حالة هوي انو الواحد يشغل حالو
اما الموسيقى بحسها شي بيزكرنا ما بيخلينا نتخطى المحنة
-----
-عندما نحب هل نفقد حريتنا واستقلالنا التام؟
لا بالعكس بنكسب حرية تعبير وحرية مشاعر اوسع واشمل
ولما بنتقيد وبنستسلم لشي بيكون بحرية اختيارنا وبحرية مشاعرنا مو فرض العلاقة وبس
-------
كل سؤال فيه بيتضمن موضوع وبحاجه لعلاج بتمنى شوف ارائكون
وهي رايي انشالله يعجبك
تقبلي مروري

-ماهو شعوركون عندما تخا لفون رأي والديكم ولا تلبون رغباتهم ولماذا تتشبسون بارائكم رغم قناعتكم بأن الأهل
يرغبون بنجاحنا وسعادتنا
وكيف تقنعههم بوجهة نظرك ؟

والله انا يعني ماكنتير بقتنع براي اهلي بحس رائيي عكس رأئيهن لهيك بحب اعمل برائيي وخالف رأين بحسب انه مايزعلو مني

-------

ماهو شعورك عندما تعلم أنك ستصبح أبا أو اما ؟

هوي لسى ماجربته بس بقولو انه حلو كتير وبخوف بنفس الوقت
لاني سالت رفيقتي عندا بنت قالت شعور حلو كتير وشعور بخوف انه بدا تولد هههههههههه

------
-الأطفال يطرحون أسئله جوهريه معقده تتعلق بالحياة والموت والعلم
فهل تجاوبونهم على أسئلتهم
أم تؤجلون الأجوبه حتى يكبروا ويستطيعون استيعاب الأمور وفهمها؟

كلنا كنا هيك نسال اماتنا اسئلة ماكنا نعرفلا جواب مثلا
قلتلا لامي مرة وقت كنت صغيرة امي هلق من وين جينا
قالت من بطني ياماما وحتى ع اساس فرجتني شق ببطنا ماكان موجود ههههههههه
اي وبس كبرت عرفت من وين هههههههه
اي وهيك يعني بس وقت انا ولادي بقلن وين المشكلة يعني مابكرا رح يعرفو ويقولو اهلنا كذبو علينا خلين يعرفو منا احسن مايعرفو من غيرنا ومن النت وغيرو

----------

-عندما يتحول الطلاق الى الانتقام من الطرف الاخر
ماذا بوسعنا أن نفعل لنتجنب هذه المعركه؟

احسن شي لهالحالة هوي السفر والابتعاد عن الطليق اوا لطليقة منشان ينسا هالشي ومايوصلو
وبعدين بينسو بعض
------

-اعتاد بعض الناس على التصنع مارأيك بالتصنع ؟ وكيف نتخلص من هذه المشكله؟

والله انا اكره شي علي انه حدا يعمل حالو شي وهوي شي تاني
وبكره التصنع كتير يعني شو فيا ان كان كل انسان ع حقيقته سواء كان وسخ او منيح

------

-كيف يمكننا أن نتعامل مع الأشخاص المقربون منا جدا المصابون بمرض السرطان واللذين يعرفون مسبقا
أن الموت قادم اليهم في أي لحظه ؟

اكيد منعاملن متلن متل اي انسان مسالم ماعندو شي ومنحاول نه نسيهن هالشي وكل ماذكرو هاد المرض وذكرو الموت منبلش ناخدو بشكل مزح منشان ينسو هال شي

-------
-كيف نساعد الزوجه التي توفي زوجها لتتخطى هذه المحنة وهي مازالت شابه؟
اكيد هي صعبة عليا كتير ومستحيل البنت تنسى جوزا وخاصتا لساهن اول حياتن
بس ان كانت معا ولد منه يمكن بتحاول انه تعزي حالا بابنها وتتخيلو انه عطول جنبا

-------

-هل تستخدمون الموسيقى كعلاج لكم والى أي حد تؤثر بكم ؟
وتساعدكم على الخروج من حالات اليأس والمرض

انا وقت كون مزعوجة او مبسوطة بحب اسمع ع اغاني مافيي اقعد بلا اغاني ووقت كون حزينة بحب اسمع ع حزين حتى لو اطريت اني ابكي لانه بريح

-----

-عندما نحب هل نفقد حريتنا واستقلالنا التام؟

يمكن الواحد بيطلع عن طوره بالمشاعر مثلا وقت انا حب شخص ومابيعرف انه بحبني فيه كتير عالم بتخلي مشاعرن تعمل شغلات تطلع عن الحد او انه يقول كلمات منشان يدل ع انه منحب هالشخص ويمكن هاد بيأذي مشاعرنا لانه مارح ناخد لاحق ولاباطل

مشكورة رهوف اسئلة كتير حلوة مواه ع بوزك

ليناي مو بس عجبني
أنا معجبه بالأصل بارائك وأفكارك
رسمتي بسمه بروحي بمشاركتك ومرورك بيسعدني كتير
هلا فيكي نورتي الموضوع بمشاركتك
الله يسعدك يارب

سلولتي
شكرا كتير لمشاركتك
لك انتي الحلوه وأحلى من الحلالالالالا
ومواه لأناملك ولألبك ولاحساسك
نورتي صديقتي الصدوقه

-ماهو شعوركون عندما تخا لفون رأي والديكم ولا تلبون رغباتهم ولماذا تتشبسون بارائكم رغم قناعتكم بأن الأهل
يرغبون بنجاحنا وسعادتنا
وكيف تقنعههم بوجهة نظرك ؟
هلق طبعا ما في حدا منا ما بيخالف راي اهلو بس انا بخالفون على شغلات انا بحسا مو منطقية
بالنسبة الي يعني الزمن تغير الطريقة يلي كانو هنين عايشين و هلق تغيرت
-------

ماهو شعورك عندما تعلم أنك ستصبح أبا أو اما ؟
اكيد بفرح بنبسط لانو يمكن شعور انك تصير ام حلو كل ام عند بيبي بتكون مبسوطة كتير
------
-الأطفال يطرحون أسئله جوهريه معقده تتعلق بالحياة والموت والعلم
فهل تجاوبونهم على أسئلتهم
أم تؤجلون الأجوبه حتى يكبروا ويستطيعون استيعاب الأمور وفهمها؟
هلق انا برأيي انو ما بحب خلي الطفل انو يعرف شغلات عن الموت و يخاف و هو لساتو زغير
بس الشغلات الجوهرية يلي ممكن خلي يتعملما بقلو ياها حتى بكبر عليها
اما الموت بتركو ليكبر هو يفهمو لحالو
----------

-عندما يتحول الطلاق الى الانتقام من الطرف الاخر
ماذا بوسعنا أن نفعل لنتجنب هذه المعركه؟
في كتير ناس هيك بتحب انو تطلي الطلاق لحتى ياخدو المتقدم و المتأخر و هي النفقات
بس لانو الطرف التاني غلط غلطة ممكن تكون كبيرة او زغيرة
يعني بظن هيك شغلات بدا تفاهم و هدوء و تروي
------

-اعتاد بعض الناس على التصنع مارأيك بالتصنع ؟ وكيف نتخلص من هذه المشكله؟
يعني التصنع بصراحة شي مسخرة متل واحد عم يحاول يمثل و هو مالو علاقة بالتمثيل
و مبين انو عم يمثل يعني لشو التصنع الواحد يكون على طبيعتو اريحلو

------

-كيف يمكننا أن نتعامل مع الأشخاص المقربون منا جدا المصابون بمرض السرطان واللذين يعرفون مسبقا
أن الموت قادم اليهم في أي لحظه ؟
هلق مو ضروري هالشخص يموت ما حدى اقوى من الله
بس اكيد بكون جنبو و معو برفعلو معنوياتو قد ما بقدر
بخلي مبسوط و متفاؤل لبكرا
-------
-كيف نساعد الزوجه التي توفي زوجها لتتخطى هذه المحنة وهي مازالت شابه؟
بصراحة هاد شي صعب انو لساتون باول حياتون و هيك صار قضى الله
بس اذا كان عندا ولد منو ممكن يواسها و تنسى وجعا انو في ذكرى منو
-------

-هل تستخدمون الموسيقى كعلاج لكم والى أي حد تؤثر بكم ؟
وتساعدكم على الخروج من حالات اليأس والمرض
حسب الموسيقا او الغنية يلي عم يسمعا الواحد
في كتير اغاني لما كون مدايئة بسمعون بحسون عم يحو عني
-----

-عندما نحب هل نفقد حريتنا واستقلالنا التام؟
يمكن بنفقد السطرة بس منرد منرجع نقدر نسيطر على مشاعرنا مرة تانية

هاد رأيي مشكورة حبي اسئلة حلوين

ماهو شعوركون عندما تخا لفون رأي والديكم ولا تلبون رغباتهم ولماذا تتشبسون بارائكم رغم قناعتكم بأن الأهل يرغبون بنجاحنا وسعادتنا وكيف تقنعههم بوجهة نظرك ؟
طبعا الخلافات كانت في مرحلة سابقة وحاليا بالعكس هناك تفاهم وتطابق في وجهات النظر ..
من المهم جدا ان يكون الاهل متفهمين لرغبة الاولادفي العمل او الدراسة او الارتباطومساعدتهم بدل الوقوف في وجههم
-------

ماهو شعورك عندما تعلم أنك ستصبح أبا أو اما ؟
ما بعرف لكن بالنظر للخبرات السابقة شعور ممزوج من الفرح والخوف والمسؤولية ..
------
-الأطفال يطرحون أسئله جوهريه معقده تتعلق بالحياة والموت والعلم
فهل تجاوبونهم على أسئلتهم أم تؤجلون الأجوبه حتى يكبروا ويستطيعون استيعاب الأمور وفهمها؟
لا طبعا اجيب انما بمقدار العمر العقلي للطفل وباستخدام امثلة مقربة ولا اكذب ابدا على الطفل لان ذلك يعلمه الكذب اولا ..ويفقدك ثقته ثانيا ..
----------

-عندما يتحول الطلاق الى الانتقام من الطرف الاخر ماذا بوسعنا أن نفعل لنتجنب هذه المعركه؟
حسب وين بتحطنا الظروف..
لازم الامور تكون مدروسة قبل الاقدام على خطوة الارتباط ولازم الطرفين يدرسوا كل الخيارات المحتملة مستقبلا حتى الطلاق وعندها منلاقي حل
------

-اعتاد بعض الناس على التصنع مارأيك بالتصنع ؟ وكيف نتخلص من هذه المشكله؟
ما بحبو ولا بحب المتصنعين ..انا واضح قدر الامكان وجريء وبالنسبة الي عانيت من جرأتي ببعض الاماكن والجراة هيي الحل المؤقت لافقاد المتصنع اعصابو!!!
اما الحل الدائم بكون بالتربية
------

-كيف يمكننا أن نتعامل مع الأشخاص المقربون منا جدا المصابون بمرض السرطان واللذين يعرفون مسبقا أن الموت قادم اليهم في أي لحظه ؟
لازم يشعر المريض انو انسان عادي متلو متل غيرو وماعندو وضع خاص ..
انا صارت معي قبل والمعاملة لازم تكون عادية تماما ..ومالازم يدرى شو مخبالو القدر لانو بس يعرف بمشكلتو رح تتعقد الامور نفسيا عليه ويفقد ثقتو بالله وايمانو ..
اهم شي ماتبين الحزن قدامو..لازم نضل مبتسمين
-------
-كيف نساعد الزوجه التي توفي زوجها لتتخطى هذه المحنة وهي مازالت شابه؟
لازم تفهم انو هاد قضاء الله ومافيها تعمل شي..ولازم تفهم انو ولادا صارت مسؤولة عنهم وانو زوجا رح يرضى عليها بمجرد انو تكمل مسيرتو بالتربية الصالحة الهن
وبالنسبة للزواج مرة تانية لازم تدرس العروض منيح وما تتسرع وما تاخد بالمظاهر
-------

-هل تستخدمون الموسيقى كعلاج لكم والى أي حد تؤثر بكم ؟
وتساعدكم على الخروج من حالات اليأس والمرض
احيان الموسيقا بتكون طريقة مفيدة للتخلص من الانزعاج ..والملل..
بس احيان لا الموسيقا ولا غيرا ممكن تخفف من الانزعاج!!
-----

-عندما نحب هل نفقد حريتنا واستقلالنا التام؟
اي للاسف
-------
كل سؤال فيه بيتضمن موضوع وبحاجه لعلاج بتمنى شوف ارائكون

يسلمون رهوف لك هدول كل واحد موضوع لحالو!!
ههههههه

لك هلالالالالالالا
فيك روح اليوفي مأنا عم قول( مواضيع متنوعه )
وفيك تناقش وتكتب الي بدك ياه
كتير عجبتني أفكارك
أحيانا بتعجبني أفكارك مو دائما
لأني بحس في اختلاف وجهات نظر بيناتنا
هههههههه
منور روح اليوفي وأكيد نورت موضوعي ببصمتك عليه

ديمو هلالالالا فيكي نورتي موضوعي وصفحتي
الله يسعدك بكل حياتك

» نكت متنوعه
» ازياء متنوعه
» أسئله متنوعه
» كلمات تحتاج للتعريف
» اسئلة حب تحتاج الى اجابة .....