تزامن الحقيقة مع كزبة نيسان ..

نيساااااااااااااااان واخ من نيسان شو عمل فيني
متل ما بتعرفو بلش نيسان وبلشت الكزبات تتالا كزبة ورا كزبة
وانا اول المشجعين على الكزب وطبعا اكلو الضرب
روزاليندا .. ايمان .. عاشق الاسد .. جود
وبدي اعتزر منن كتير عالكزبات وقلن وانا كمان عشت كزبة بس مع الاسف طلعت مو كزبة
متل ما الكل بيعرف اني انا مرتبطة وزواجي اسا بدو شوية وقت
دقلي خطيبي اليوم الصبح وانا محضرتلو كزبة على كيف كيوفو
وطبعا تنص على انو نحنا لازم نترك ونحنا مو لبعض ومن هالحكي طبعا
ومحضرة حالي والتليفون عم يرن وانا عم راجع خطة كزبتي
بلش حكيو عن انو وافقولو عالسفر الي كان مخططلو وانو هوي رح يسافر عكندا هالاسبوع
وانا صرت اضحك معلنة النصر على كزبتو وانو اي يا عمي مين قدك سبقتني بالكزب
وبعدا الطامة الكبرى ... لا حبيبتي مو كزبة هاد الواقع
انا فعلا مسافر وبعد تلت ايام وانتي لازم تحضري حالك .. انا حاكيت اهلك وقلتلن القصة
هون بقا بلشت علامات الاستغراب .. القصة؟؟!! انو قصة شو في؟
قالي حبيبتي انا بعد يومين جاية لعندك بدنا نعمل حفلة زغيرة بين اهلك وبعدا بدك تسافري معي
وانا انفجرت ضحك طبعا وقلو اي يا عمي مين قدك كزبتك رايقة كتير .. وبلش يعصب
انا عم قلك مو كزبة وحلفلي باقدس حلفان عندو وانا عيوني صارو هيك
كيف .. ليش .. الجيش .. شلون هيك؟؟؟؟؟
بلش يحكيلي كيف صارت الامور بسرعة وكيف جاب استثناء وانو سفرتو الها علاقة بشي وشو بعرفني
وانا عم اسمعو وعقلي مو معي انو ليش هيك وانا الي مبارح عم اكزب على الناس ومحضرتلك كزبتك
انو شلون تزامنت القصة مع كزبة نيسان ووقعانة بحيرة كبيرة
اجا بابا وقعد معي وقلي القصة وفهمني انو خطيبي دقلو وقلو انو هيك هيك وانا جاية لاخدها بعد يومين
............. يؤسفني انو خبر متل هاد يجي مع كزبة نيسان
بيؤسفني انو عالم هلق ما رح تصدقني .. بس الي بيؤسفني اكتر شي انو ساعاتي معكن عم تحتضر
وانو ما بقا فيني شوفكن واحكيكن ..
هي صار الوقت الحقيقي لفراقكن .. فراق اغلى الناس عقلبي والي قضيت معن احلى الاوقات
بتمنى اقدر ارجع فوت واتطمن عنكن ولاقي تبريكاتكن الي
بس هاليومين رح كون كتير مشغولة ويمكن ما عاد فيني فوت
انشالله عقبال هالفرحة توصل لكل البنات والشباب وبتمنالكن الخير من كل قلبي
رح اشتقلكن كتير .. ولو اشتقتولي بتمنى تلتفتولي بدعوة اني كون مبسوطة واني اقدر ارجع احكيكن
بحبكن كتييييييييييييييييييييييييييييييير
والي مفكر انو هي كزبة انشالله هاليومين يقتنع ويدعيلي بالخير
رح اشتقلكن كتيييييييييييييييييير

ليناي انتي نزلتي موضوع قبل هادا بالمغادرة وتراجعتي عنه
وقلتي ان رح يرجع ينزل من جديد
كنا متمنايين ان تضلي معنا وقت اطول من هيك
لكن بضل في شي اسرع من شي
متل ما قلتلي هلاء يمكن ما حدا يصدقك لان تزامنت الحقيقة مع هاليوم
وانا رديت عليكي ان كان صح او كزبة لان ممكن ما يصحلي رد عليه بعدين

الف مبروك يا رب وبالرفاه والبنين وتكوني بخير وسعادة ديماااا
ليناي بصمتك كانت كتيير مميزة معنا

رح نشتقلك كتيير
طمنينا عنك اذا صحلك

هلق انا لساتني نايمة و عم شوف منام ولا حقيقة
لولووووووووووووووو
رح اشتقتلك كتير يا لولو ورح ادعيلك من كل قلبي
نشالله الف الف مبروك يارب
و نشاللح جوازة الدهر
و تكوني مبسوطة طول حياتك يارب

مواه على بوزك

بالتوفيق ليناي

الله يوفقك بحياتك وان شاء الله بتلاقي السعادة والخير

اكيد كلنا رح نشتقلك ومنتمنى انو تبقي تطلطلي علينا وتطمنينا عنك

مافينا نقلك غير

الف مبرووووك بالرفاه والبنين

طول عمرك لئيمة ولك كرة

كزبة فااااااااائســــــــــــــة

منتهى الفئســــــــــــان