أسئلة اجتماعيه واقعيه جريئه

صباح الحب والأنس والود والصداقه أصدقائي شلة سوريا ... ومساء الهنا والنور والعبير
متل مابتعرفوا طبيعتي بحب المطالعه كتير وبعشق المواضيع الاجتماعيه والنقاش فيها
لاتمتع بالتعرف على أفكار واراءكل الأصدقاء
وأسئلتي الها علاقه كبيره بمطالعتي وحبيت اكتبها هون
واعتبارا من هالصفحه بهالموضوع حيكون الي كل يوم ان شاء الله أسئله لأصدقائي شلة سوريا
لنصل لحرية الرأي في التعبير
اي ياويلكمووووووو .. كتير حبيت افكارك وماشاء الله مبدعة بقسمك .. وتعبانة عليه ..
وصباحك او مساكي .. ورد يارب ..

اليكم الأسئله :
-هل برأيكم أن الرجل عندما يخون يشعر بعذاب الضمير أم أن الأغلبية لايهمهم الأمر ...؟
اذا بيحبا اكيد رح يتدايق ويحس ..

-أتعتقدون بأن أغلبية الرجال عندما يخونون زوجاتهم يستمرون في الخيانة حتى وان سامحتهم زوجاتهم
أم أن الأغلب يتوبون ...؟
يلي بيغلط اول مرة سهل يرجع يغلط مرة تانية ..

-مالذي يدفع الزوج الى خيانة زوجته؟
ممكن تكون عينو فاضية .. وممكن يكون غباء المرأة إلو دور كمان ..

-ماهو السبب الكامن وراء خيانة الزوجة لزوجها ؟
ممكن تكون عادة امرأة سيئة .. وممكن يكون الرجل مو موجود بدورو كرجل .. وانما آلة تصنع المال أو طبيعتو طبيعة دواب ..

-(الزمان كفيل بحل أعقد المشاكل )هل توافقون هذا الرأي ؟
لأ .. لأنو لازم نشتغل على اي مشكلة مو انطر الزمن ليحلا .. طبعا عدا عن الاشيا القدرية ..

-بعض الرجال يكونون بمركز سياسي مرموق في المجتمع
ويكتشفون فجأة خيانة زوجاتهم مع عشيقها
ورغم ذلك
يفضلون الصمت كي لاتتلوث سمعتهم في المجتمع جراء الطلاق ولكي يحافظون على أولادهم
برأيكوم
هل هذا التصرف سليم ...؟
اكيد مو سليم .. بس يلي بخلي كرامتو بالارض .. عادي يكون هو بالارض .. وصدقيني العالم رح تستفيد ماديا او اجتماعيا منو بس مجرد مايدير ضهرو رح يحكو عليه ومارح يحترموه ..

-بعض الأمهات يكتشفون علاقات أبنائهم الشباب الغير شرعية مع نساء متزوجات وعندهم أولاد
ورغم ذلك
لاتردع هذه الأم ابنها الشاب
هل للأهل دور في توجيه أبنائهم
حتى وان كان أولادهم في سن كبير ...؟
الام يلي بتقبل بهيك موضوع ببيتا .. هي مو أم .. هي وحدة بلا شرف ..

-هل تفضلون الذهاب في الرأي والمبادئ مع الأغلبيه حتى ولو كانوا على خطأ ...أم تناضل وتجابه مع الأقليه
اللذين هم على صواب ،وتمشي ضد التيار...؟
بعمري مامشيت مع تيار .. الا اذا كنت انا مقتنعة فيه .. وماتستغربي انو بطبيعتنا كبشر .. ممكن نمشي مع تيار غلط ومانحس انو غلط ..

-هل أنتن كفتيات مع فكرة انتقام الزوجة من زوجها الخائن واذلاله والتنكيل به ...؟
هوهوهوهوووووووو .. والله بكرهو عيشتو .. لانو انا رح اكره عيشتي معو ..

أم من الأفضل أن تغفرالزوجة لزوجها الخائن وتعتبرها ذلة من قبله في سبيل الحفاظ على الأسرة...؟
هاد بيرجع لكل وحدة وتصرفاتا ..

-في حال تم الانفصال ،هل تعتقدون أنه من حق المرأة الاحتفاظ بأولادهاخشية عليهم من والدهم الفاسق بأخلاقه...؟
هلق اذا خان يعني فاسق ؟؟ صح غلط وحرام بس ليش ليلتغى وجودو من عالكرة الارضية كونه فاسق .. يش اذا خان مرتو معناها هو كشخص صار صفر اجتماعياً !!!! لكن بالنسبة للولاد فهاد بيرجع للام والاب مع بعض .. بس اكيد مو لانو خان امهم بينحرم منهن ..

-الزوجه ...هل تنسى خيانة زوجها ...أم أنه لابد من الشك بكل شيءيقوم به...؟
شي وبينكسر .. مستحيل يتصلح ولو تصلح بيضل محل الكسر موجود ..

-البعض من الشباب تراهم وكأنهم يلعبون ببنات الناس
فهم عندما يقررون أن يرتبطوا بفتاة ويعطوا كلمتهم لأهلها يتعرفون على غيرها ويتركوا السابقة
فهل الشباب من حقهم القيام بمثل هذا الفعل
أم أنهم في زماننا مازالوا لايعرفون معنى كلمة الارتباط ...؟
كل واحد بيعمل بأصلو ..

-مع تقدم الزوجة في العمر ،فانها تفقد جمالها وشبابها قبل الرجل , في حين هو يكون في ريعان شبابه ...
فهل هذا سبب لكي يقدم الرجل على خيانة زوجته...؟
ماضل بنت بشعة بهالزمن .. الله يخليلنا عمليات التجميل من كل النواحي .. ويلي بتهمل حالا .. الحق عليها شوماصار يصير فيها .. من ناحية الجمال ..
(طبعا انا لغيت دور العشرة والود من جوابي )

-يقولون :ان من عادة المرأة أنها لاتستقييم على أمر ،فهي متقلبة المزاج
فهل هذا طبع أغلبية النساء ...؟
مو متقلبة مع العلم انا متقلبة بصراحة .. لكن مو طبع كل النساء هالشي ..

-عندما يأتي خطيب للفتاة ، وتكون هذه الفتاة مع (أم )امرة ناهية ،و(أب )عديم السلطة
فلمن الأولية في بت زواج الفتاة برأيكم ...؟
اكيد دور الاب هو يلي لازم يبت بالامر .. ومهما كان الرجل عديم السلطة امام زوجته .. بس مافي اب بيقبل يكون عديم السلطة بمصلحة بنتو .. وعفكرة حتى لوكانت امرأة داهية .. لازم تخلي بت الامر بايد الاب .. عالاقل يكون في خوف واحترام من زوج او خطيب هالفتاة .. لعيلتها ولمستواها ..

-(هل من طبيعة النساء اهتمامهم بالمظاهر وينخدعن بها أكثر من الرجال
وخاصة عندما يأتي عريس وهو صاحب أناقة وجاه ومكانة مرموقة )
مابظن في أم بالدنيا بتقبل تراهن عمستقبل بنتا .. لأنو اذا كان زواج مظاهر ماحدا رح يعيش بمأساة غير هالبنت .. بس اذا كان عريس كامل المواصفات طيب ليش لأ .. وليش لتكون مظاهر ؟؟ ليش ماتشوف انو بنتا كمان مو عادية وبيلبقلا ؟؟

-يقولون :ان اللباس هو ليس عماد المرأة وليس مقوم لجمالها ولايزيد من جمالها
فهل أنتم مع هذه المقولة...؟
مبلا عماد المرأة .. ومقوم جمالها .. مابدنا نضحك عبعض بصراحة ..
البنت المرتبة هية اول مابتلفت النظر بأي مجتمع ..
طبعا الجمال الخارجي قصدي انا بجوابي ..


يسلمن رهففففففففففف .. كتير ممتعين افكارك ..يفغ
مــيرا