الحرب النفسي +الحرب النفسي

مرحبا شله


سمعانين بالحرب النفسي ؟؟؟؟؟

الحرب النفسي لما بيكون فيه حرية الرأي وانت ممنوع منه

لما بتكون طيب ومعدنك أصيل وبتلاقي نفسك ضايع بمسرح الحياة الي كله أقنعه مزيفه وكل قناع اله وقت معين وكل مبدأ اله وقت معين بتظهره لما بتكون ملزوم اله

الحرب النفسي لما بتلاقي ظروفك حاكمتك بشيء معين وانت ماعندك خبره فيه وضايع
تائه
غريب
حارمينك من كلمه تريحك من أقرب الناس الك

الحرب النفسي لما بتشوف الغلط وممنوع تحكي لأني فيه الي أقوى منك وهيك قوانين الغابه البشريه

الحرب النفسيه لما بتلاقي نفسك مخدوع
مغشوش بناس عطيتهون ثقتك وأمنتهون على كل شيء بتملكه

الحرب النفسي لما بتحاول تزرع الثقه والمحبه بين الناس وبتلاقي الرفض والتهجم من خوفهون لتكون ممثل متلهون

الحرب النفسي لما بتترك أحبابك انتصار لكرامتك

لما بتحاول تتأقلم مع ناس ماعندك خبره بتفكيرهون وطباعهون ونفسييتهون

الحرب النفسي لما بتختنق الدمعه بعينك ومابتنزل من صدمتها من الي حواليك

الحرب النفسي لما بتلاقي نفسك مقيد وبداخلك بركان من الألم والماسي والحرمان

الحرب النفسي لما بتعطي بدون مقابل ومابتلاقي غير التهجم والصد والغموض

الحرب النفسي لما بتنأثر لشيء مجبور عليه وبتجي ساعه بتحررك وبتفتح عيونك عن أشياء كانت غامضه عنك وبتنصدم فيها وبتتمنى ترجع أعمى البصيره لتكمل مشوارك بهالمسرح المزيف

الحرب النفسي لما بتلاقي الانسانيه معدومه من الانسان وهوي بقمة أناقته من الظاهر وبالداخل ---------

الحرب النفسي لما بكون عندك حب الاطلاع والمغامره وبتنصدم بنص الطريق
محتاج انسان يساعدك ويوقف بجانبك من ظلمة الطريق

الحرب النفسي لما بتتحول لدكتور نفسي تعالج الي حواليك وبتلاقي نفسك انصبت بالعدوى

الحرب النفسي لما تضطر تنسحب والاه بداخلك ماحدا حاسس فيه

الحرب النفسي لما بتعاقب نفسك على أخطائك

عرفتوا شو الحرب النفسي ؟؟؟؟؟؟؟؟؟

صمت الليل
ماشالله حولك وحول برودة أعصابك
بهنيك على هالأعصاب الي الك
شكرا
----------
جورجينا
لما الانسان بيكتب وهوي متدايق مابينتبه للأخطاء الاملائيه وبيكتب هيك بعفويه
وعكل
شكرا الك

------------

تسلميلي سلوتي
لك الله يحيي أصلك ويكتر من أمثالك
انتي مثال للصداقه والعطاء والود
بحييكي على ردك الشافي متل طلتك وأفكارك وصدقك

ههههههههههههههه
أول شي هلافيك أحمد الحلبي وهلا بحلب والله على رااااسي
وبما انك ابن بلدي
فاسمحلي الك
ولو ليه هيك عم تقلي لاتعصبي علي هههههه!!!
شو شايفني بعصب عالفاضي والمليان
ولو أنا كتير بالي طويل
بس لما بعصب وببكي وبكتب الي شايفته من وجهة نظري صح بدافع كتير عن رأيي ومابستسلم أبدا أبدا
عكل مقبوله منك حمودي
تاني شي سوري منك كبرتك الخط شوي لأني ماقدرت أقرأ
انعموعيوني خاااااااااي هههههه
تالت شي كتير بتشكرك انه رديت على هالموضوع بالتحديد بالوقت المناسب لنفسيتي وتحديدا للمنتدى
مشان الي ماقرأه يقرأه
وبظن فهموا علي المقصودين
ولو انه عم كابر وعم حاول اتناسى شغلات موعاجبتني
بس يصطفلوا
كل انسان بنام على الجنب الي بريحوا
الكلام هادا منك مقصود فيه انت أحمد مقصود لناس بتعرف حالها منيح
ماحدا أحسن من حدا

-------
وهلأ منرجع لردودك وتعقيب زغير عليهون بعد اذنك

مابقدر إلا وبدي بق البحصة صدقيني مابقدر أبداً إلا ما احكي وانقض وبعذركم انتم البنات

وأنا متلك أحمد مابقدر الا بئ البحصه بطق ولو


اذا في شي بيستدعي الانسحاب فبنسحب
واذا كان مجرد امور عابرة فثقتي بنفسي منيحة وانا
مرة شفت الك رد على عضوة وصفت موضوعك بكلام فاضي وكان ردك بيفش الخلق
بقى يعني شو بدك كمان يعني بدك
تقطعيلها شعرها كمان !!!!!!! عادي ولو


هههههههههه
ولو أحمد بحياتي ماعملتها مع حدا شوبك طول بالك

بالنهايه شكرا كتير كتير كتير لردك وللي كنت بحاجه اله نورت