الرجاء من أعضاء الدخول و المشاركة بالرأي حول إمكانية تجاوز سوريا عقبة الدور الأول في كأس أمم آسيا 2011

برأيك: هل المنتخب السوري قادر على تجاوز عقبة الدور الأول من كأس أمم آسيا 2011 ؟

أسفرت قرعة كأس أمم آسيا 2011 بكرة القدم عن وقوع المنتخب السوري في المجموعة الثانية "النارية" إلى جانب منتخبات السعودية واليابان والأردن.

وأكد مدرب المنتخب السوري فجر إبراهيم في أول رد فعل على القرعة أن فريقه "لن يكون ضيف شرف على البطولة الآسيوية", مشيراً إلى أن "وقوع سورية في مجموعة صعبة يمثل فرصة جيدة لمقارعة الكبار وإثبات الذات".
ويستهل المنتخب السوري مشواره في البطولة بمواجهة نظيره السعودية, وصيف بطل الموسم الماضي, قبل أن يلاقي اليابان في الثانية, والأردن في ختام جدول لقاءات المرحلة الأولى.
وتعود سورية للمشاركة في نهائيات كأس الأمم الآسيوية لكرة القدم بعد غياب 16 عام عندما شاركت لآخر مرة في نهائيات كأس آسيا في الإمارات عام 1996.
وجاء تأهل سورية للنهائيات الآسيوية, التي تستضيفها العاصمة القطرية الدوحة في الفترة الممتدة من السابع من كانون الأوّل حتى التاسع والعشرين منه بمشاركة ستة عشر منتخباً, بعد تصدره المجموعة الرابعة التي جمعته مع منتخبات فيتنام والصين ولبنان دون أي خسارة جامعاً 14 نقطة ورافقه المنتخب الصيني بعد احتلاله المركز الثاني.

برأيك: هل المنتخب السوري قادر على تجاوز عقبة الدور الأول من كأس أمم آسيا 2011 ؟

ههههههههههههههههههههههههههههههههههههههههه

الله يبعتلك الهنا !!!!!!!!!!
السعودية واليابان؟؟؟؟؟؟؟؟؟؟
عيني الله
[ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههههههههههه

طيب خلينا نحكي بجدية والله ابوعلي فجر بدو يفكر عالشكل التالي..
منتعادل مع السعودية واليابان ومنفوز عالاردن وهيك منحصل عخمس نقاط بيلحشونا بالدور التاني ..
حسب تفكير فجرينهو التعادل مع السعودية مانو صعب اذا لعبنا بخطة 9-1-0 العتيقة يللي خلتنا نتعادل مع الصين ببكين صفار ..
والسعودية منتخب مزاجي وصراحة ماني مستغرب نفوز عالسعودية لانو فجرينهو بينطبق عليه المثل:
رب رمية من غير رامي

اليابان هي اصعب حكاية لانو حتى لو لعبت 10-0-0 بدهون يطقونا غول ولازم يكون المنتخب بقمة الاداء لانو اي نتيجة تقيلة رح تمرغ سمعتنا الكروية الجديدة المنيحة بالتراب..
يعني لحد 2-0 مقبولة من اليابان ومنستنى الاردن تاكلا شي نقطة من السعودية او اليابان ..

بعدين الاردن هدول ولاد العم بدهن يصطادونا متل ما بدنا نصطادهن يعني عم نتربص ببعض من هلق ..
بعتقد يمكن تكون نقاط لعبة الاردن اول نقاط لالنا نحنا التنين ههههههههههه
ويمكن اذا ساعدنا الرب وقدرنا ناخد نقطة او اكتر من الكبار نهرب بلعبة الاردن للدور التاني ..

شخصيا ماني متفائل كتير لانو ماحدا باسيا بحب تطلع اليابان او السعودية عحساب المنتخب السوري ههههههههههههههه
بس انشالله نعمل المفاجأة والله يوفق الشباب وخاصة ابو علي فجر لازم نكون معو خلص يعني مابقا في داعي للحرب الكلامية ...

يسلمون ابو شريك

سوريا 2 السعودية 0
سورية 3 اليابان 1
سوريا 4 الأردن 0

رن رن رن
هلأ وقت المنبه يعني على شوي كنا أخدنا الكأس
و لعبنا بكأس القارورات عفواً القارات

كلام أكثر من منطقي علوش
يعني إذا بيتعادلوا مع الأردن 0 - 0 بيكون انجاز يحسب لكرتنا السورية

هلا ثعلوب منور

هههههههههههههههههه ادهم شو هالموضوع حلو هلق شو بدنا جد مجموعتنا كما يقال بالعرف الرياضي حديدية والله يعين السعودية واليابان وربك يعين شو بدنا نعمل لازم التفائل لانو لاولا التفاؤل لما كانت لهذه الحياة معنى شو انو شطحت عن الموضوع ههههههههههههههه

هلق السعودية ما اتاهلت لكاس لعالم فكاس اسيا متل ما بيقولوا تضميد جراح
اليابان لازم نركب موتورات ياماها لنلحقن
الاردن الحال من بعضو
ان شاء الله نتاهل للدور التاني

هلا صديقي صمت
بيعجبني تفاؤلك
طبعاً الكل بيتمنى تأهل سوريا للدور التاني أو أكتر
بس لازم يكون في مقدمات
وهالمقدمات معدومة عنا
وبتمنى بهالكام شهر يتدربوا منيح
لحفظ ماء الوجه ليس إلا
شكراً لمرورك صديقي

لك لا حديدية ولا شي لك صمت
يعني دخلك شو الاردن ولا من ايمتى
بصراحة مابتفائل بمنتخبنا السوري
يعني حتى لو كان عنا لعيبة لك بعوفوهن الي نجرن
ههههههههههههههههه
ماني متالمة خير وحتى لو اجتزنا المرحلة مو مكلمين كتير

يسلمن ادهم

لك تسلملي القطة الرياضية
تفكيرك منطقي عزيزتي
وبتمنى نجيب أهداف شرف بالبطولة
طبعاً هالكلام في حال بقي المنتخب على حالو
يعني إذا صار في تغيير إيجابي بالمنتخب
يمكن نفوز عالأردن بضربة جزاء

نورتي الموضوع عزيزتي جورجي

يسلموو بس شي كتير بضحك
ههههههههههههههههههههههههههههه

اكيد رح اتفائل لأنو اذا ما شجعنا وما شكلنالون حافز هنن بدورن ما رح يتعبوا ع حالون ويتقدموا مو ادهم

هلا شوتر
بالفعل شي بيضحك

حساس شكلك جاي من كوكب تاني
يعني ما بتعرف انو المنتخب تحضيرو بيهوي
و بهيك تشكيلة و مدرب صعب يربح على دوما و جرمانا

قشريك اذا انت ملاقي الموضوع مسخرة وضحك كنت الله يصلحك حطو بقسم اضحك وامزح بس انا سوري وشعبي وبلدي بحترموا حتى لو امكانياتوا ضعيفة

الفريق السوري

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههه

الله يهنيك حساس بعاطفتك الجياشة
بس مشكلتك ما بتعرف بالكواليس
لهيك مارح لومك

القصة قصة احترام بس مو اكتر

بس اكيد الواحد بدو يشجع بلدو

شريك انا معك كلامك منطقي

بس الا ما يعطوا الفريق حقوا حبيب قلبي [ندعوك للتسجيل في المنتدى أو التعريف بنفسك لمعاينة هذه الصورة]

شكرااااااااااااا للموضوع والله ؟؟؟؟؟؟؟؟؟؟؟؟؟؟ لا تعليق؟؟؟؟؟؟؟؟؟؟؟؟؟؟؟؟؟

هلا شبل المنتدى
نورت صديقي

منوووووووورة بوووووجودك ياغالي بس كمان والواحد لازم يحكي الواقع واذا منتحب بلدي
انا بحكي كرمال انه يتحسن المنتخب

اي شو هالمنتخب يللي عليه السلام ماشالله عليهن مابعرف شو ناقصهن والرب بيجيبوا الجلطة نظامي..
معقول فجر سبب تراجع المنتخب 10خطوات لورا؟؟
معقول صرنا عاجزين نفوز عاليمن والكويت والاردن مننبسط انو تعادلنا معها؟؟
حتى بدلاء الكويت فازوا علينا؟؟؟

السؤال المحوري تبع منتخبنا تبع كأس آسيا ..

وين فايتين بهالطحشة؟؟؟

اقول قولي هذا واستغفر الله العلي العظيم من هيك منتخب

لك يا عمياي كاس واي دوري
لك ياخوفي يا خوفي انو يجيبو حدى من برا يربح الدوري السوري
دري تعبان ومنتخب تعبان
يمكن بدل مانكون هلأ عم نحلم بالاشتراك بكاس العالم
صار لازم نحلم نوصل لتصفيات كاس اسيا
او بس يقبلونا بين المنتخبات بالعالم
مابتاعب كرة قدم سورية لانو باختصار ماعنا شي اسمو كرة قدم
نحنى بزيادة علينا طابة وكم ولد عم يلعبو بالحارة

سوري ادهم بس بتعرف رايي منيح

هههههههههههههههههههههههههههه

هلا ثعلوب و جورجي
منورين أصدقائي

ملاحظة فالج ولا تعالج

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يا جماعه تفاؤل بالخير تجدوه
المنتخب الوطني رح يتجاوز كل المباريات إن شاء الله
بس بدا الشغلي تفاؤل

بس تفائل هههههههههههههههه

اللي بيعرف بيعرف

[ندعوك للتسجيل في المنتدى أو التعريف بنفسك لمعاينة هذه الصورة]

» الرجاء الدخول ......
» الرجاء من الجميع الدخول
» بدء بيع تذاكر كأس أمم آسيا 2011 على الانترنت فقط
» قطر تعلن اكتمال استعداداتها لاستضافة أمم آسيا 2011
» كأس آسيا للناشئين : سورية تنتزع تعادلا بطعم الفوز من إيران وتبلغ الدور الثاني