هل تقبل الزواج ممن تكتب في المنتديات؟

بسم الله الرحمن الرحيم
اللهم صل على محمد وآل محمد وعجل فرجهم

قرأت هذا الموضوع فى أحد المنتديات وأردت أن أعرف رأيكم وأناقشكم فيه لأهميته

ما كنت أعــرف أن كتابة البنــت في المنتديــات

حتى لو كــانت كتاباتها محترمــة ومفيــدة

جريمــة يعاقــب عليها المجتمــع

هذه قضيــة نشــرت في أحــد المواقــع واستغـربت كثيــراً عندما قرأتها

وحبيت اشــووووف آرائكــم في هــذه القضيـــة

جاءت إليها أمها ووجها يتهلل فرحا وقالت :

بنيتي لقد جاء فلان وابنه لخطبتك

ألجم الفرح الفتاة ونطقت عيناها ببريق السرور والأمل :

الآن سيتحقق حلمي أبني بيتا من السعادة وأربي جيلاً يكون قطعة ً مني
أربيه على ناظري يكون عونا لي في الدنيا وذخرا لي في الآخرة

لم تنم تلك الليلة فهي لاتحتاج النوم بعد أن تحولت أحلام نومها

الى حقائق تداعب يقضتها ......

وافق ابوها على الخطبة وتمت الرؤيه الشرعية

سُرّ بها العريس وسرت به

وابتدأ الجميع يوزعون بطاقات ليلة الفرح الموعودة

ذهب العريس إلى عمله أخبر بعض أصحابه بأنه سيتزوج ابنة فلان
بارك له الجميع

وفي اليوم التالي قابلهُ أحد زملائه وقال له :

الله الله أنت إذن ستتزوج الكاتبة الفلانيه

التي تكتب في المنتدى الفلاني نظر العريس إلى زميله متعجباً

عن من تتحدث وماهذا الكلام؟؟

قال : زميله خطيبتك كاتبه في المنتدى الفلاني بالاسم الفلاني ؟

قال : وما أدراك ومن أعلمك ؟

قال : أختي تعرفها وأسرت لها بذلك ؟

وهي تكتب باسم مستعار (( ........ ))

أتريد أن ندخل الى المنتدى لنشاهد مواضيع خطيبتك ؟

قال : العريس وهو يتصبب عرقاً ولما لا ؟

فتح الزميل المنتدى استخرج بالبحث جميع مواضيعها

ثم بدأ الاثنان في التصفح

فها هي ترد على فلان وتشكر فلان وتتناقش مع فلان

وتضحك من طرفة فلان

وهذا فلان يمدح ما تكتب ويثني على ماتقدم

وهي ترد عليه بالثناء والشكر

احمرَّ وجه الخطيب وخرج من المكتب

واتصل ببيت خطيبته

وقال لامها :

هل تسمحين لي أن أكلم خطيبتي قالت : امها لامانع

أخذت البنت الهاتف

وقلبها يخفق ويداها ترتجفان تخشى من سماع الكلام المعسول

أو أن لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد :

هل أنتِ الكاتبة الفلانية في المنتدى الفلاني ؟؟

قالت : نعم أنا هي

قاطع حديثها وقال آسف أنا لا أتزوج فتاة انترنت

ووضـــع السماعة

أخــي ......

هل تقبــل الزواج من فتاة تكتب بالمنتديات ...؟؟؟

هـــل الانترنت حكــرا على الرجــااال فقط دون النســاء ؟؟؟؟

وأنت أخـــتي مارأيــكـ, في ذلكـ,

هــل ستعـتـرفيــن لزوجــكـ, بدخـــولكـ, للمنتـدى والمشــاركـة فيــه

أم ستبقـــين الموضــوع طـــي الكتمـــان ؟

أنا مستعد أتزوج بنت من مجاهل إفريقيا إذا كانت صادقة وصريحة معي بكل شي .
شكراً سالي .... يا لطيف شو في عقليات ما قبل التاريخ .

الموضوع مو بنت بتكتب بالمنتدى انو نوافق نتزوجها ولا لا

هالايام واللي عما نشوفه من البنات هو اللي بخلي الشب بفكر بالموضوع

يعني البنت اللي بتكتب بالمنتدى بتحكي ماسنجر وبتدخل تشات

مانه المسموح للشب انو يكتب ويدردش والبنت لا

بس منرجع لنقطة انو ما بقى في ثقة بالنت بين الشباب والبنات

انا لو بعرف انو البنت صادقة معي واعرف عنها كلشي

ماعندي مشكلة

بس بهالوقت صعب مافي صدق بالنت

نسبة نجاح الزواج الطبيعي مو عالنت افضل بكتير من اللي عن طريق النت

شكرا كتير لموضوعك الحساس سالي

بس انا متاكد الناس بتحكي بس انا بتزوج وانا بساوي

لا تعليق

مع احترامي وتقديري للجميع

هيدا رايي

شكرا كتير سالي

الموضوع حلو وحساس

What a Face

اكيد الشب يلي بحبو لازم يكون بيعرف عني كل شي ومارح خبي عنو شي لانو الشي يلي بيبدا بكذبة مابكمل والا مايبين كل شي بالاخير

مشكووووووووووورة سالو

مشكور محمد عالموضوع بس أنا لقيت أنو دخول البنت للمنتدى ما عم يعمل مشكلة
الدردشة هي يلي عم تأزي البنات
أنا كنت فوت عالدردشة بس عم حاول بآخر فترة أني خفف لأنها سوسة والعلقة فيها مو سهلة بنوب
وبلآخر كل واحد ألو رأي

تقبل مروري

اكيد كل واحد عندو راي خاص ونظرة مختلفة للموضوع

الموضوع هو لسالي وانا كان تعليقي مطول شوي

صح كلامك الدردشة سوسة ومشكلة ان شاء الله منخلص منها

هيدا السؤال موجه للشباب

يا ترى ...؟؟

البنت بتوافق تتزوج من شب بيكتب بالمنتدى ؟؟

بيحكي تشات كتير ومتعرف على بنات كتير ولو كانت علاقتهم صداقة واخوة

واكيد اي شب بيستخدم تشات حب بنت او اعجب ببنت ولو مرة

يمكن علاقتهم قائمة لهلق ووممكن تكون انتهت

وممكن تكون مخطوبة اله وتكتشف بعدين انو كان بحاكي رفيقتها قبل وهي صديقتو؟؟

شو رايكم انتو يا بنات

هو الموضوع مو ببساطة اي حدا بقول انا بوافق ومانها مشكلة

انا كنت بقول متل الكل انا ماعندي مشكلة

بس باعتقادي هيدا موضوع للنقاش الصريح

وبالاخر كل شب او بنت عندهم ارائهم الخاصة

برجع بتشكر سالي للموضوع

وياريت شوف اراء البنات كمان واولهم سالي

أنا ما بقبل أبدا وخصوصي إذا كان يحب
ولا تصدق أي شخص بيقلك كنت حب وهلق نسيت لأنو الحب ما بينتسى
وحتى لو اتزوج ممكن يبقى عم يفكر بالحب القديم

مشكور محمد تقبل مروري

شكرا كتير لمرورك التاني والصريح ريهام

انا هاد قصدي

مو الشغلة موجهة للشباب بس

يعني الكل يحط حاله بالموقف ويجاوب

وشكرا مرة تانية ريهام

اذا هالشب لسا بحب البنت اكيد مابقبل بس اذا كان حب قديم وخلص انتسى اي عادي لانو بالنهاية الدني بدها تمشي ومالازم يلي حب وانتهى حبو انو يوقف ومايكمل حياتو

مشكوووووووووووور حمودي ومشكوووووووورة سالو

لأول مره بدى احكى بصراحه وفش خلقى

أنا ما بيهمنى هالمثاليات من ردود ومواضيع لى عم تنزلين البنت بالمنتدى

لأنو المنتدى في قوانين عم تقيد الردود

أنا لى بيهمنى شو عم يصير بكواليس المنتدى

وشو هي البنت هنيك

يعنى باختصار

(( المنتدى هو مجرد قناع عم تتخبى وراه الوجوه المقرفه والقذره ))

وهي رأيى بـــ 98 بالميه من الأعضاء

شكرا كتير لرايك مرة تانية ننوس والله يوفقك بالانسان اللي بيستاهلك

لك شو هاد يا مروق الغالي

وين مخبي هالكلام القوي يا معلم

انا حكيت رايي بصراحة وبحترم اراء الكل

وان شاء الله نسمع اراء كل الاعضاء لو ممكن

السلام عليكم ورحمة الله في البداية
بالنسبة لرأيي
ان بنت الشات تكون مختلفة تماما عن بنت المنتدى
الشات مسخرة وكلام فاضي المنتدى افكارو
هادفة بشكل كبير
مشكورة اختي الكريمة
مع تحياتي
العقرب الأحمر

كلك زوء حمودي وانت كمان الله يوفقك

مشكورين ع ردودكن الصريحة

انا اذا واثقة من الشخص يلي بحبو مليون من مية ومتاكدة انه مابخون
يمشي بين مليون بنت مارح شك فيه الا اذا
كانت شي بنت حرام هيي يلي عم تلعب براصو عم تغيرو
وفيه كتير ناس هيك

رح احكي انه فيه بنت من النت حاولت انه تعمل معي هالشي وتحاول انه تخرب العلاقة

بس يعني اكيد مو كل البنات يلي بتدخل ع المنتدى هني مثاليات وصداقيين
فيه منن متل ماقال مروق عم يتخبو ورا قناع

بس مروق مابجي معك انه كل البنات هيك برايك ولاتحط حدا ع زمتك هاد حرام

ومو جرائة منك تقول نسبة البنات يلي عم تفوت ع المنتدى بتكون وجوه قذرة ومدري شو

الشب اكتر من البنت عم يفوت ع النت او ع المنتدى لاسلوب الاغراء وجذب البنات مو ت يفيد ويستفيد

وع كلامك محمد انا

انا بوافق اني اتزوج شب بيدخل ع المنتدى بس يكون عم يدخل ضمن القانون

يعني مو عيب شب بيدخل ع منتدى مارح يتاخد منو شقفة من حيائو او كبريائو او ثقافتو

بس البنت يلي بدها تحب شب ع النت بدها تتحمل انه عم يحكي مع بنات سواء صداقة او غيره

واهم شي الثقة عدين تفكر شو بصير بالمستقبل

وع كلام وردة انه الشات بجيب سلبيات وهيك انا بققول

انه هاد بيجي من الشات بالاصل

اذا كان الشات محترم رح يكون الكل محترم والحديث فيه حلو

بس اذا كان الشات عبارة عن مسبات وحكي لجنس ومدري شو هاد اكيد رح يفسد اخلاق الناس

اهم شي بالنت برايي الماسنجر مع عدة اشخاص بتر تاح معن وبالمنتدى تسلي و ثقافة

مشكورين وطولن شكلي

برافو سالي

اللي بيدخل المنتدى بيدخل تشات وبيحكي ماسنجر ومافي شب

الا وعندو رفقات كتير بنات

كل حدا سواء شب او بنت عندو قناعته بالحياة

شكرااا كتير

ولك تشكل اسي يا شريكي

طالعتلك انا ولو هههههه

بس يعني مافي انسان ولاعندو رفقة بالنت او بالواقع بس توجد الثقة مافي خوف ع شي

اول شي مشكورة سالي موضوع كتير حلو وحساس
هلق انا رايي بالشب يللي حاطة قصتو انو هاد شب تافه وغبي لانو اول شي هو عاشر البنت فترة يعني ما اخدا ما بيعرف شي عنا يعني بيعرف طريقة تفكيرا وتصرفاتا وبعدين وين العيب اذا بنت دخلت على المنتدى وخصوصي منتدى متل هاد لانو فيو اشياء كتير ثقافية بكتسب منو كتير اشياء وحلو انو تعطي رايا وتشوف اراء غيرا وخاصة انو ناس مثقفين
هلق من ناحية الشات انا بقول تضييع للوقت بس فيو زاوية اجابية انو الشب والبنت هنن 2 عن طريقو بيكتشفو شخصيات العالم وكيف يكتشفو هلشخصيات هلق انا مثلا في عالم عاشرتن وحكيتن ع المسنجر وكنت متوقعتن شي وطلعو شي وانبسطط اني قدرت اكتشف هل الشي وناس بالعكس كنت ما احكي معون واكتشفت انو هنن اشخاص رائعين
اما الحب عن طريق النت حسب الاشخاص بعرف 2 حبو بعضون عن طريق النت وتزوجو لانو كانو صادقين .بس بتوقع انو هي حالات نادرة وما بتنجح كتير .بس كمان منقول الدنيا قسمة ونصيب وما حدا بيعرف كيف بيصير
انا عندي تعليق على رد مروق اكيد مع احترامي لرايو انو المنتدى والنت والشات ما دايما بكونو خليفات لاشياء قذرة كل شي بالدنيا الو سلبياتو والو اجابياتو اذا كل انسان كان واعي وعرف كيف يستخدما
مشكورة مرة تانية سالي جد موضوع كتير حلو
تقبلي مروري

شكرا

مداخلة حلوة ومقنعة لحد ما ليا

مشكورة ع مرورك والله ليا

بظن انه كل انسان عم يشوف ع كيفه
يعني مابظن انه كل انسان قعد ورا شاشة صار نجس او كل انسان حكى كلمة بكون نجس

يعني انت لازم تقارن بين الواقع والنت

يمكن فيه اشخاص بسبو وبيلعبو ع البنات بالنت وتعى عليين با لواقع خجولين ومافي احسن مننن واكابر
واكيد فيه العكس

مو تروحو تحطو نسب عالية انه ابنات هيك
اصلا الشباب كلا بنسة 99% يلي عم تضحك وتلعب وتتسلى وفيا نجاسة مطلقة

لا يا سالي

انا معك بكلشي

بس ما بتظبط بسبو وبكونو خجولين

مو راكبة بنوب

شكرا شريكة

والله شغلة يسبو ويكونو خجولين يا شريك
الضعيف بالواقع ما بكون بأيدو غير يسب بالنت
وانا بواجه مين ما كان شخص شب او بنت ويكون بسسب ويكفر بالنت
مباشرة شريك عريف انو هاد شخص ضيف بالواقع ضيعف اكتر ما تتصور
هيدول بيعلمو هيك بالنت مشان يخوفو البنات الضعاف ويخلون يمشو متل ما بدون
مشان هيك يا شريك منلاقي بنات بيحكو مع شباب بسبو وبيكفرو
مو من محبتون فيون للأ مشان ما يعلقو بمسباتون هون في نوع وغلط كبير
وفي جزء كبير من صبايانا ما عم يفهمو هي النقطة
انا حسرتي ع كل بنت بترافق هيك شب
يعني بالنت ولا باالواقع بضل نفسو مو متل ما عم تحكي سالي بالنت خجول ولا بالواقع غير
من البداية نحنا هيك منضل هيكومنعرف معدن يلي منصاحبو من اول شي
اسف ع المرور الغليظ
سلام

والله كلامك صحيح 100% شريك

good

عنجد مداخلتك للموضوع مقتعة

هلق انا حأعطي رايي متل ما فهمت الموضوع لانو شوي صار في فوتة بالحيط عندي
انا اللي فهمتو انو السؤال ممكن ارتبط بواحد بيفوت عالمنتديات والشات وهالقصص او لأ
بصراحة انا ما بظن اني ممكن ارتبط بهيك واحد وعندي قناعة بجوابي ومستعدة اتزوج واحد ابيعرف الشاتات ولا المنتديات وعامل السبعة وزمتها قبل ما يعرفني على اني اتزوج واحد بيفوت عالنت والسبب انو اللي بيفوت عالنت غير ربكن ما بيطلعو من جو المنتديات والشاتات بقا حيضلو يفوت حتى بعد ما نرتبط لانو هي السوسة صعب يبعد عنها وكوني بنت صعب اصلا اني اتحكم فيها واللي بيخوفني من هالشي انو النت افكار واراء وهاد الشي كتير بيأثر على عقل الشب او البنت بقا ممكن يعجب بكتير بنات وحتى ممكن اذا لاقا بنت عقليتها متل عقليتو يستسخف عقلي ويصير يقارني فيها *لا حدا يقول خلي ثقتك بحالك كبيرة لانو هون ما عاد في ثقة بنفس الحدا هون صارت انا ممكن كون الوحيدة اللي عقلي على عقل شريكي؟؟؟؟ لانو ممكن يكون بيحبني وممكن كون عندو بعد الله بس ما متاكدة انو ممكن كون مية بالمية على عقلو وطباعو بقا الحب ممكن يموت بس التفاهم والتشابه الفكري مستحيل يموت بالنهاية ممكن يتركني ويرتبط بالانسانة اللي عرفها من النت لهيك انا بخاف من هالقصص وبظن اني ما حاقبل هيك واحد ( قبل ما تحكو انا ما جزمت بشي مشان اذا صار وارتبط بحدا من النت ما تقولو مو عند كلمتها واني متناقضة بس النسبة الكبيرة اني ما وافق عليه )

هيدا رايك ليناي وفي شي من الصح

بس ليش لهجتك حادة هيك طولي بالك هههههههه

هههههههههههههه محمد والله ابعرف الكل بيفكرني عصبت ولك بكون ماكتب الرد وانا ماضحك بس يمكن اسلوبي هجومي شوي ابعرف ليش بدي حاول غيرو عم خوف العالم لاني

» عندما يريد والدك الزواج بإمرأة اخرى هل ستحضر الزواج
» هل انت تقبل بزوجه اكبر منك سنا؟؟ :
» هل الزواج عن حب أنجح ام الزواج التقليدي
» تقبل نفسك
» بصراحة هل تقبل أن تتزوج من ...