لغز اينشتاين لم يتمكن من حله الا 2% من سكان العالم

لغز انيشتاين

هذا اللغز للأذكياء
فقط .... كتب إينشتاين هذا اللغز بنفسه في القرن الماضي , وقال أن 98 % من سكان
العالم لم يتمكنوا من حله يمكن قديم

1- توجد خمس منازل لكل منها لون
مختلف .
2- يسكن كل منزل شخص من جنسية مختلفه .
3- كل ساكن يفضل ان يشرب
مشروبا معين , ويدخن سجائر نوع معين منها,ويحتفظ بحيوان أليف معين .

4-
لاأحد من الجيران الخمسة يشرب نفس المشروب أو يدخن نفس النوع من السجائر أو لديه
نفس الحيوان الأليف .

معلومات الربط :
* يسكن البريطاني في المنزل الأحمر
.
* لدى السويدي كلب.
* يحب الدنماركي شرب الشاي .
* البيت الأخضر على
الجانب الأيسر من البيت الأبيض.
* مالك البيت الاخضر يشرب القهوة.
* الشخص
الذي يشرب سجائر نوع بال مال لديه طائر.
* الرجل الذي يسكن في البيت الأوسط يشرب
الحليب.
* مالك المنزل الأصفر يدخن سجائر نوع دانهيل .
* يسكن النرويجي في
المنزل الاول .
* يسكن مدخن سجائر نوع مارلبور مجاورا لمن لديه قطه.
* الرجل
الذي لديه حصان يسكن مجاورا لمن يدخن سجائر نوع دانهيل .
* مدخن سجائر نوع
وينفيلد يحب شرب الجعه (شراب الشعير).
* يسكن النرويجي مجاورا للبيت الأزرق
.
* يدخن الألماني سجائر نوع روثمانز.
* مدخن سجائر نوع مارلبور لديه جار يحب
شرب الماء.

المطلوب -.:
تحدد اللون / الجنسيه / الحيوان / المشروب / نوع
السجائر لكل واحد مع توضيح : من منهم لديه السمكة (أو أن حيوانه الأليف
سمكة)؟

لا توجد خدعه في حل هذا اللغز , بل هو منطق صرف من يعرف
الإجابة سيكون من ضمن أذكى أذكياء العالم (2% الأذكياء في العالم).

ليش السمكه بتتصنف من أنواع الحيوانات ؟؟؟

انا يمكن فيني حلا بس بدكون تعطوني وقت لانو مرق عليي تقريبا وحدة قريبة عليها شوي

ورح كون انا ال 3% من الاذكيااااء

هههههههههههه
إأنا بس لمن اريتها وفتت بالحيط
شلون بدي حلها ههههههههه
يسلمو على الغز

معقول ما حدا من شلة سوريا من أذكياء العالم
لا هيك بدي أزعل شباب وصبايا
يالله تحركو شوي
وأنا أول وحدة رح حاول حلها
فحاولو تسبقوني

بتوقع انا عرفت حلها:

لون البيت: الاصفر الازرق الاحمر الابيض الاخضر
الجنسيه: نرويجي دنماركي بريطاني سويدي الماني
الحيوان: قطه حصان طائر كلب سمكه
المشروب: ماء شاي حليب جعه قهوه
السجائر: دانهيل مالبورو بال مال وينفيلد روثمانز

معناها اللي عنده السمكه هو الالماني اللي ساكن بالبيت الاخضر

صحيح الحل ولا لاء؟؟؟؟؟

مشكورة سكاي دريم
بكرة بكتبلك الحل
ان شاء الله

ههههههههههههههههههههههههههه روني شغلة بكرا بجلك الحل

والله اجوبة رورو زابطة ما بعرف هيك حاسس
انا قريت الموضوع من زمااااااااان بس ما عرفت الحل ولح ارجع وفكر ويلا يا رب

يا شباب

مبارح قعدة ساعتين ونص لقدرة حلا
والحل هوي
البيت الاول :يسكن فيه النرويجي ولون البيت اصفر ويدخن سجائر نوع دانهيل ويربي قطة وهو يحب شرب الماء

البيت الثاني :يسكن فيه الدنماركي ولون البيت ازرق ويدخن سجائر نوع مارليور ويربي حصان ويحب شرب الشاي

البيت الثالث :يسكن فيه بريطاني ولون البيت احمر ويدخن سجائر نوع بولمان ويربي طائر ويحب شرب الحليب

البيت الرابع : يسكن فيه الماني ولون البيت اخضر ويدخن سجائر من نوع روثمانزوهو يربي سمكة ويحب شرب القهوة

البيت الخامس :يسكن فيه السويدي ولون البيت ابيض ويدخن سجائر نوع وينفلد ويربي كلب وهو يحب شرب الجعة

يعني مالك البيت الرابع وهو الالماني يربي السمكة

لللليييييييييييييييييش
حليتا
والله اكلت معي حوالي الساعتين ونص

رورو معك خطا بتوزيع الدخان
والوان البيوت

برافوووووووووووو روني صح حلك
طبعا رورو أنتي كلامك صح بس البيت الرابع هو البيت الأخضر وهو يلي بيعيش فيه الألماني
يعني إنتي كلامك صح بس مكان البيت غلط
بس روني حللك صح مية بالمية
وأنا حاللتها والحل عندي بس حبيت حدا غيري يحلها
برافو شباب وصبايا
وهي الحل مزبوط وطبعا الترتيب من اليسار
الأبيض ****الأخضر ****الأحمر**** الأزرق ****الأصفر
السويدي*** الألماني***البريطاني***الدنماركي*** النرويجي
جعة ****القهوة ****الحليب ****الشاي**** ماء
وينفيلد ***روث مانز*** بال مال ***مال بورو*** دنهل
كلب**** ...سمك...**** طائر**** حصان**** قط

طبعا يلي حابب ممكن يتأكد أنو كل المعلومات صحيحة
وأنا حطيت الحل على هادا الشكل مشان يبان شو يعني البيت كذا على يسار البيت كذاو فلان يكسن في البيت الوسط

وبتشكركم مرة تانية أنو رديتو جواب على رسايلي والله يقويكم
لغز اينشتاين لم يتمكن من حله الا 2% من سكان العالم Rosa_glitter.gif_320_320_256_9223372036854775000_0_1_0

لغز اينشتاين لم يتمكن من حله الا 2% من سكان العالم Rosa_glitter.gif_320_320_256_9223372036854775000_0_1_0

طيب مو هون الشطارة بجد ... الشطارة يلي بيقول ليش حطيتو الجواب هيك ... ويفسر ليش الحل طلع هيك ... مشان تحلى اللعبة اكتر

روني لو معاها غلط بالتوزيع أول شي ما كنت طلعت الحل بنظري ... لأنو بالفعل معقدة

تاني شي ليش النروجي مالك المنزل الأصفر يدخن سجائر نوع دانهيل ؟؟؟
هي أسهل تفسير بهاد اللغز لأنو من اول المعطيات بيعطيك هالشي ... بس الشاطر يقول :
ليش السويدي مدخن سجائر نوع
وينفيلد يحب شرب الجعه (شراب الشعير).؟؟؟؟
أكيد التفسير موجود ... ويلي حل صح بيعرف ليش حط هدول هون على ما اعتقد Smile

ليك كادوش هلق إذا بدي فسرلك ليش الحل هيك طلع ممكن ما تقدر تفهم علي إلا إذا قعدن حليتها كلها خطوة خطوة وحطيت الاحتمالات وبهي الحالة كتير صعب تعرف

بس إذا حابب تعرف ليش هيك الحل طلع

حاول أنت تحلها

وهادا الشي بالإعتماد على المعطيات يلي عاطينك ياها

فيك ترسم جدول مؤلف من خمس خانات وتبدى تعبيهم وحدة ورا وحدة فبتوصلل للحل

فمثلا لو أنت رسمت جدول من خمس خانات وإنت حاطط ببالك أنو ترتيب البيوت يكون بهل الجدول من اليسار لليمين طبعا

وتبدا تعبي هل جداول يلي عندك بالمعطيات

فمثلا الذي يسكن في البيت الأوسط يشرب الحليب

وتروح حاطط بالجدول النصاني حليب

وتجي بعدها تحط يلي بيسكن بالبيت الأول مين هو

وهيك معك معك بتوصل للحل

والشغلة بدها شوية تركيز وذهن صافي مو أكتر

وبس

أمنا بالنسبة ليش طلع الألماني هو يلي بيربي السمكة فببساطة لأنو الشخص الوحيد لما عبينا الجدول ما طلع عندو حيوان أليف

مشان هيك هو يلي كان بيربي السمك

وطبعا مربع السمك رح يكون آخر شي بتحطو بالجدول

حبيت وضحلك كيف انحلت وإن شاء الله كون قدرت وصلك الفكرة

اخت ميرنا هاد اللغز حليتو من سنة ونص تقريباً ... ولحد هلأ زاكر الحل وزاكر كل نقطة انحطت بالجدول ليش وكيف ومستعد فسرهن نقطة نقطة ... بالمناسبة حل هاد اللغز أكل معي من الوقت 20 دقيقة وربي .. صعب انا معك ... أنا بقدر قلك انو الحل موجود وين ما كان وبتلاقيه بالنت محلول جاهز ... بس لو غيرتلك المعطيات انا ما رح تقدري تحليها انا واثق ... وفي شغلة حابب قلك عليها ... جربتي تشيلي من المعطيات شي وحدة وحاولتي تحليها ؟؟ أنا واثق انو لا ... بس كوني واثقة انو انا شلت وحدة وحليتها على نفس الطريقة واعتبرت انو هالجملة مانها ببالي ... هيي الجملة الأخيرة يلي بتقول : مدخن سجائر نوع مارلبور لديه جار يحب شرب الماء.

وحليتها بس كانت أصعب بجد ... وفي شغلة لو شلتي اي جملة تانية من المعطيات كوني واثقة انو الحل ما رح يطلع معك ولا بأي شكل من الأشكال ... انشا الله يكون ردك الجاي تفسير فعلي للشي يلي حطيتو انا اوك

تقبلي تحياتي

أخ كادوش شكرا لتوضيحك ورح قلك غير كل المعطيات وحط شو مابدك ومستعدة حلها
لا دورت على النت ولا شي
بس إذا أنت بهل ذكاء يلي ذكرتوة فأنا مستعدة أعطيك حزيرة بدها بعض ذكاءك وتحللي ياها
وأنا متأكدة ما رح تلاقي الحل على النت
وبحب قلك أنو مستعدة أكتبلك خطوة خطوة ليش هيك حليتها بس ما كتبتها لأنها بدها تاخد وقت
وبحب قلك كمان أنو لما بدو بقول صديق عزيز هون عنا أنو حلها بساعتين ونص فنحنا بدنا نصدقو وأنا أول الناس بقلك أنو حلها وليك رح قلك شغلة كمان مافي شخص بيعجب بحزيرة أو لغز ليحلو وبيدور على نتيجتو على النت أو غيرو لا
لأن لو وصل للحل وماعرف ليش هيك انحل ولا كأنو وصل لشي
ووقت بتكون جاهز لأعطيك لغز تحلو وتجبلي حلو بالتفصيل قلي
وموفق إن شاء الله

أكيد ميرنا أنا جاهز لحزورتك وبأي وقت بتحبيه ... ورح يكون حلها بأسرع وقت عندك ... بما انو صارت تحدي بيني وبينك هههههههههههه

كادوش بحب قلك انا ماني مستنيك لتصدق اني حليتا
وبحب قلك انو الساعتين ونص الي اخدتن حتى حلينا
كنت عم شوف فلم التايتنك للمرة ال17
وكنت حل فيها وقت الدعايات بس
يعني اكلتمعي حوالي 35 دقيقة بس
وانا بتحداك باي ي بدك يا

مشكورة كتير سكاي دريم انا شايف اللغز من زمان
وحاولت اني حل اللغز بمساعدة شي 200000 صديق وحاولنا نجمع البيانات ونرسم ونحلل
وللاسف ماطلع معنا لانو عمو انشتاين قايل 98% من سكان الارض مارح يعرفو يحلوه اي كان الزلمي فهمان وبيعرف شو عم يحكي لانو عنجد صعب والمشلكلة حتى الان ماحدا بيعرف الإجابة الصحيحة.

بانشر شبك
ليكو الحل وهادا هو الخل الصحيح وفيك تتأكد منو لما بتروح وبتشوف إذا كل المعطيات صح
ليك بتجداك تلاقي معطى من المعطيات ما يكون صح بهادا الجدول
والألماني هو يلي بيربي السمكة
وهي رح عيدلك الحل

وهي الحل مزبوط وطبعا الترتيب من اليسار
الأبيض ****الأخضر ****الأحمر**** الأزرق ****الأصفر
السويدي*** الألماني***البريطاني***الدنماركي*** النرويجي
جعة ****القهوة ****الحليب ****الشاي**** ماء
وينفيلد ***روث مانز*** بال مال ***مال بورو*** دنهل
كلب**** ...سمك...**** طائر**** حصان**** قط
لغز اينشتاين لم يتمكن من حله الا 2% من سكان العالم 626768799

لغز اينشتاين لم يتمكن من حله الا 2% من سكان العالم 626768799

ولو شبك بانشسر
هاد هوي الحل
وتاكد منو

................. كتير حلو وبدو تفكير بس صار الحل هون وصرنا بال2 بالمية منعرفو/ المرعب

عفكرة أنا هلأ لانتبهت لهاد القسم وكتير عجبني
استفزني بهالموضوع عدد الصفحات ولما قريت الردود استغربت
انو معقول شلون صار الموضوع حلو التحدي بس بشع التجريح
بالنسبة الي اللغز بعرفو من تلت سنين وحاللتو بساعة ونص
والحل متل ما انزكر مع روعة والطريقة كمان متل ما قالتها روعة كانت عبارة عن جدول وبعدها المعطيات والاستبعاد
تسلم دياتك سكاي دريمز

» لغز اينشتاين !!!
» لغز اينشتاين
» العلم يتمكن من «قراءة» أفكار الإنسان
» عدد سكان سوريا خلال العام الحالي
» غراااااااااااااااااااااااااااااااائب من العالم