نكت هههههههههه

: نكت


واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه ففكوه ونزلوه بسرعه.... فبص لهم وقال: ياجزم كنت هتخنق
******************************************************

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخيرلركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. اناطالع شغل
***************************************************

واحد بيقول لمراته انا بحب فيتراك
قالتله وانا بحب سمير قالها فيتراك دى مربى قالتله سمير ده عسل
***************************************************

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه؟
المزارع : انهي فيهم البيضا ولا الحمرا؟؟
الصحفية : البيضا
قال : البيضا بأكلهابرسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضوبتاعتي
****************************************************


اتنين مساطيل راكبين عربية خبطوا واحد فالسائق بيقول للى جمبه انزل شوفه مات ولا لسه قاله السكران التانى تعالى يمين شوية .. أيوه .. شمال شوية .. أطلع لقدام .. بس كده مات
*************************************************

بلديات حب يعاكس واحدة لابسة جزمة بيضة

فقالها نهارنا زي الجزمة
*********************************************

في مرة عيلة اغبياء نزلو القاهرة

فالولد شاف طيارة فسأل ابوه

ايه دي بابا

قالوا: معرفش

وبعدين شاف الولد اوتوبيس

فقال لابوه ايه دى يا بابا

قالوا:معرفش

فأمه قالتله: ماتسكت بقى ابوك زهق من كتر الاسئلة

فقالها جوزها:سيبي الواد خليه يتعلم
*******************************************


واحد غبى اوى اشترك في مسابقة فك الألغاز

وكان مرتبك شويه

ولما خرج المتسابق إللي قبله من غرفة المسابقة

سأله الغبى هو اللغز كان ايه

فقلة : عن الحذاء

ولما جاء دورالغبى

سألوه : ما هو الشيء الذي يمشي على أربع ارجل

ويقول : ميااووو ميااووو ؟

فأجاب الغبى : عندو رباط ولا؟
**********************************************

صعيدى أخذ شهادة دكتوراه

فقال لزوجته والله ماخبرشى ليه الناس بيتريقوا على الصعايدة

أدينى خدت الدكتوراه.

فقالتله زوجته: دق على الخشب لا تحسد نفسك بالعين.

فدق على الخشب. فقالت الزوجه مين على الباب؟

فقال الزوج: خليكي انا هشوف مين
*********************************************

اثنان صعايدة يلعبون الشطرنج فقال الأول

قتلتلك الحصان

فاقالة التانى طيب ممكن دقيقة

ولما رجع قله وانا سممتلك البهايم
***************************************************

اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.
***************************************************


مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض
**************************************************

اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!
*****************************************************

واحد غبى بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”
****************************************************

مجموعة شباب بيدرسو فى امريكا فا فى واحد فيهم ابوه مات فا احتارو يقلوله ازاى فا فى واحد فيهم رغم اوى قال انا اقولة فا راح للولد وقله امتى اخر مرة شوف فيها ابوك قالة من شهرين فا رد وقالة ابقى قبلنى لو شفتة تانى
****************************************************

واحد بيقول لصاحبه انا منشف ريق البنات قاله ازاى؟ قاله من كتر تفهم على

*************************************************
محشش صحبه بيتصل عليه ومش عايز يرد عليه بعتله رساله
"أنا ناسي تلفوني بالبيت
**********************************************

اتنين مساطيل ماشيين مع بعض واحد بيقول للتاني تصدق ان في الصين كل دقيقة بيتولد واحد .. التاني رد عليه وقاله ياه على التطور داحنا هنا لازم نستنى 9 شهور
************************************************
الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه؟؟؟

*********************************************
واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا

********************************************
واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم
**********************************************
كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام

ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة

ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة

نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة

جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة

ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد

ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري
***************************************************
اب كسلان بيقول لابنه كسلان اوم افتح الباب لامك

قاله: ماتروح تفتحلها انت مش دي تبقى مراتك

قال الاب اوم يا ابني دي امك

قال الابن: وتبقي برده مراتك اوم انت افتحلها

طب هي طالق اوم بقي افتح
*******************************************************

الابن:بتعمل اية يا بابا؟؟ الاب: بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا.....

*************************************************