قانون شرب المتة

موضوع: قانون شرب المتة 6/8/2010, 8:56 pm

أولاً:

يُمنع منعاً باتاً التعرض للشخص الذي يتولى صب المتة عبر تقديم اللوم إليه أو إنتقاده أو ما شابه وذلك بسبب تمتعه بحصانة صب المتة الممنوحة من المجلس الأعلى العالمي لصب المتة

ثانياً:
لكل شخص موجود داخل الغرفة الحق في الحصول على نصيبه العادل من المتة

ثالثاً:

يبدأ الدور طبعاً من اليمين إلا إذا كان أبو الجماجم على اليسار ( في ما عدا الحالات الإستثنائية والتي تحدد في حينها .(تنفيذاً للمادة رقم 1\ب م م , والمعدلة في المادة رقم 2\ب ي ج 1 ).

رابعاً:
على الفرد الذي يقوم بتسخين إبريق الماء أن يبقى امامه كي لايغلي.

خامساً:

أقصى مدة لبقاء كاسة المتة مع المستفيد المباشر من المتة هو 3 دقائق 27 ثانية .

سادساً:
تمدد المهلة الواردة في البند السابق الى 4 دقائق 26 ثانية في حال كانت درجة حرارة الماء 88,5 سنتيغراد وما فوق-----طبعا معروف السبب لانو حلقو مو تيفال .

سابعاً:
عندما يقول شارب المتة كلمة krassias أو ما يُعرف ب (كراسيا ) يعني بالعربي دايمة تُمنع المتة عنه
وفي حال أراد أن يستفيد من دور إضافي يُمنح فرصة على ان لا يكون قد برم الدور عليه ثلاث برمات __________

ثامناً:
إذا طُلب من أحد الجالسين تمرير الكاسة إلى شخص اخر ولم يقم بذلك بل قام بشربها ، يُحرم تلقائياً من ثلاث أدوار متتالية وذلك إستناداً الى البند الرابع من المادة السادسة من قانون شرب المتة الصادر في الأرجنتين عام 1945م
.................

تاسعاً
لا يحق لشارب المتة أن يضع الكاسة على الطاولة بل عليه أن يبقيها بيده حتى تفرغ وتصدر الصوت " المعروف " بالقرقعة فيقوم عندئذًٍ بإرجاعها
................................

عاشراً:
عند شعور شارب بأن المتة قد ( فرطت ) أو برد ماؤها عليه ان يبلغ فوراً صبيب المتة لكي يقوم هذا الخبير بالإجرآت اللازمة، وفي حال تمٌنع عن ذلك تطبق عليه أحكام المادة 9\10

الحادي عشر
يعتبر هذا القانون ملزماً لكل من تذوق المتة و الضيوف وتعتبر مشروب الضيافه الاول وتلقب بكاسة الواجب

ملاحظه
اذا كان احد الشاربين مشغل سيكارة أو أرجيلة وصارت بآخرها ... يحق له استخدام حق الفيتو .... وطلب كاسة المتة حتى لو كان الدور ليس له

ملاحظة 2 : يمنع منعا باتا تحريك كاسة المتة او هزها لأن ذلك يسرع في إمصالها .

ينشر ويعمم بالجريدة الرسمية ويعمل به من تاريخه..

واليكم بعض صور أكبر شريبي المتة

القائد الثوري غيفارا

قانون شرب المتة 52943d1256631151-help-some-slang-words-che_guevara_-_tomando_mate_en_cuba

قانون شرب المتة 52943d1256631151-help-some-slang-words-che_guevara_-_tomando_mate_en_cuba

انيشتاين

ماردونا

ميسي

تمثال لمحارب يشرب المتة

قانون شرب المتة Widget_cGlseOcDjgu6mnX5-bW4_H

وكمان وليد جنبلاط

قانون شرب المتة P06_20080919_pic1.preview

وأخيراّ روح اليوفي

بس للاسف لم نتمكن من العثورعلى صورة له وهو يشرب المتة وذلك لاسباب غامضة

موضوع: رد: قانون شرب المتة 6/8/2010, 10:43 pm

هههههههههههههههههه
حلللللللللللللللللللللللللللللللللللو
علللللللللللللللللللللللللللللللللللللللللللللللليا
شهتيني عمتي مع اني من شوي خلصت عاساس
ههههههههههههههه
تحياتي حلو

موضوع: رد: قانون شرب المتة 7/8/2010, 12:51 am

أي منيح حطيتي قوانين لأن و الله ناس بدون قانون ما بيمشوا هههههههههه

موضوع: رد: قانون شرب المتة 7/8/2010, 1:18 pm

هههههههههههههههههههههههههه
شو قانون غير شكل
مشكورة ياغالية

موضوع: رد: قانون شرب المتة 8/8/2010, 12:30 am

ههههههههههههههه

ههههههههههه
ههههههههه
ههههه
أما شو قوانين نهفة والله
لك عيني ربك عيني علوشة
ياهيك القونين يابلا
بس وينك وينك حاولي تجيبي صورة روح اليوفي قانون شرب المتة 433193

موضوع: رد: قانون شرب المتة 8/8/2010, 9:24 am

حلوووووووووووووووووين وكتير كمان

موضوع: رد: قانون شرب المتة 8/8/2010, 4:41 pm

ههههههههههههههههه

ولو طلعت المته شغلة كبيرة وامن دوله وماعندي خبر
هههههههههه

جد بجنن علوش
ومتل ماقالت عشوقة يا ريت تجيبيلنا صورة يوفي مع كاسة المته
ههههههههه

موضوع: رد: قانون شرب المتة 9/8/2010, 7:07 pm

هلا بأحلى شباب وأحلى صبايا الغالين على قلبي

قانون شرب المتة 216178

مشان روح اليوفي قانون شرب المتة 339778

مو مبين لا هو ولا صورتو
عم فكر نتصور صورة جماعية ونحنا عم نقرقع المتة قانون شرب المتة 831348

موضوع: رد: قانون شرب المتة 11/8/2010, 8:56 am

ثامناً:
إذا طُلب من أحد الجالسين تمرير الكاسة إلى شخص اخر ولم يقم بذلك بل قام بشربها ، يُحرم تلقائياً من ثلاث أدوار متتالية وذلك إستناداً الى البند الرابع من المادة السادسة من قانون شرب المتة الصادر في الأرجنتين عام 1945م
.................

ههههههههههههههههههههههههه

حلوووو كتير قوانين يعمل بها فور صدورها ههههههههههههههههههه

سؤال وجيه لشريبي المته ؟
ماهو طعم شرب المته ؟؟؟ هل من مجيب

مشكورة عليا

موضوع: رد: قانون شرب المتة 11/8/2010, 9:09 am

انا تعرفت ع المتة بالجيش والله

ههههههههههههههههه

مع حبي .............

قانون شرب المتة 1P6XD-4fmg_634563708

موضوع: رد: قانون شرب المتة 12/8/2010, 1:31 am

خلص علوشة منجتمع ومناخد صورة لكل الشلة

ونحنا عم نقرقع متة

موضوع: رد: قانون شرب المتة 16/8/2010, 8:36 pm

قمر كتب:: ثامناً:
إذا طُلب من أحد الجالسين تمرير الكاسة إلى شخص اخر ولم يقم بذلك بل قام بشربها ، يُحرم تلقائياً من ثلاث أدوار متتالية وذلك إستناداً الى البند الرابع من المادة السادسة من قانون شرب المتة الصادر في الأرجنتين عام 1945م
.................

ههههههههههههههههههههههههه

حلوووو كتير قوانين يعمل بها فور صدورها ههههههههههههههههههه

سؤال وجيه لشريبي المته ؟
ماهو طعم شرب المته ؟؟؟ هل من مجيب

مشكورة عليا

قمر
أكيد طعمتها متة
هلا اصدقائي منورين موعدنا عالعيد حضرو حالكن

موضوع: رد: قانون شرب المتة 19/8/2010, 10:04 pm

ههههههههههههههههههههههههههه
علوش عيني ربك من وين ناكشتيه للقانون؟؟؟
طيب بما انو خبير المتة وصل رح نناقش بعض مواد القانون ..يللي مع تقدم الزمن تغيرت لتناسب واقع شريب المتة المعاصر واحتياجاتو وامالو المرحلية المعاصرة

بالنسبة لاول ست مواد مافي عليهم حكي تمام التمام مع ملاحظة انو ابو الجماجم هو متسيد القعدة ولازم ينصبلو قبل الكل وفي رواية اخرى ابو الجماجم هوي الضيف لانو اكرام الضيف واجب

تاني شي بخصوص الدور والبرم هي تابعة لمجلس المتة السويداوي يللي هوي فرع اساسي من جمعية المتة السورية يللي بتضم 5 فروع ..
مجلس المتة الطرطوسي..ويتبع له ريف طرطوس وجبلة وبانياس واللاذقية
مجلس المتة السويداوي ..ويتبع له قرى المنطقة الجنوبية
مجلس المتة الحمصي ..حمص وريفها وحماة
مجلس المتة القلموني..قرى دير عطية وصيدنايا والنبك وريف دمشق
مجلس المتة الديري..المناطق الشرقية

وبباقي المناطق ماكو برم بالمتة والمتة تشرب حتى تقطع
لانو شعارنا بطرطوس لكل مواطن الحق في كاسة ومصيصة خاصة اتقاء للميكروبات
تالت شي امر غليان الابريق يختلف كمان حسب المنطقة والشغلة ديموقراطية
رابع شي بخصوص صوت القرقعة كمان يجوز الوجهان بدك تقرقع قرقع مابدك مو مشكلة
لكن القرقعة تدل انو الكاسة خلصت ويجب صب المتة للمقرقع
بالاخير الطريقة الجديدة لتدييم المتة هو تحريك المصاصة الى منتصف الكاسة متل فيتاس السيارة ..عندها يعرف الصبيب انو الكاسة مديمة ويحرم صب سوى كاسة واحدة بعد التدييم تسمى كاسة الدايمة ويجب شربها والا اكل صاحبها لعنات بلاوي من يللي بدو يجلي الكاسة!!!

موضوع: رد: قانون شرب المتة 20/8/2010, 8:23 pm

امر غليان الابريق يختلف كمان حسب المنطقة والشغلة ديموقراطية
صح كيف راحت عن بالي ههههههههههههه عندكن بطرطوس بتوصل المي لدرجة الغليان

أصدقائي تم تعديل القانون بواسطة خبير المتة روح اليوفي ويطبق القانون من تاريخه
ويعمم على كافة الفروع والمجالس

وسوف يتم فتح فرع في حلب ويسمى مجلس المتة الحلباوي قانون شرب المتة 185259

» قانون الارهاب و قانون الطوارئ
» المتة
» المتة.وطريقة تحضيرها بخطوات بسيطة
» تأملوا فيه وتفاءلوا ...قانون الظن
» قانون الجاذبية الرومانسية