سؤال للشباب الصبايا

موضوع: سؤال للشباب الصبايا 4/9/2010, 3:48 am

السلام عليكم اخوتي واصدقائي

تنقلت بين صفحات المنتدى ذهايا وايابا

وقراءت ما كتب من مواضيع وما تم من ردود

فاحببت ان اتشارك معكم بموضوع جديد واعتقد انه لم يسئل من قبل

ولكن اسئلكم بالله

اللي ما بدو يجاوب بصدق لا يجاوب

السؤال بسيط جدا ولكنه متفرع

لماذا تدخل النت وماذا اسفدت من دخولك وما هو السن المسموح له بدخول النت برائيك وهل تنتقد احد من دخول النت

طبعا انا مني رايح اجاوب اول واحد بس اكيد بدي اجاوب لاحقا

موضوع: رد: سؤال للشباب الصبايا 4/9/2010, 5:32 am

كلمك صحيح يسلمووو

موضوع: رد: سؤال للشباب الصبايا 4/9/2010, 8:03 am

كان مجرد تسلية بس بعدين صار لعب بس من سنتين صار جد بالنسبة ألي

اصدقائي معارفي واحبابي

وع فكرة انا مشترك كتير بمنتديات لكن هاد المنتدى الوحيد ألي عملت فيه تفاعل مدري ليش

ومشان قصة السن برأي يفضل بعد 15

يعني بكون الشب واعي

اي بنتقد بس قليلين الاحترام وتبع 400 وحدة

انت فنان ايها المتألق مو بس بالصور

وبتمنى من المشرف قسم الرياضي يقرأ قبل الرد وشكرا

موضوع: رد: سؤال للشباب الصبايا 4/9/2010, 11:47 am

لماذا تدخل النت للثقافة والمعرفة والتسلية

وماذا اسفدت من دخولك حصلت ع المعرفة وتعلمت منه الكثير بكل امور الحياة
وما هو السن المسموح له بدخول النت فوق سن ال18

وهل تنتقد احد من دخول النت ؟؟؟؟؟؟؟

يسلمن ابو اليسر وننتظر منك كل جديد

موضوع: رد: سؤال للشباب الصبايا 4/9/2010, 1:53 pm

سؤس

موضوع: رد: سؤال للشباب الصبايا 4/9/2010, 10:45 pm

لماذا تدخل النت:للتسلية والاستفادة من الغير وكسب المعلومات

والمحادثة مع الأصدقاء والحبايب
وماذا استفدت من دخولك :تعلمت شغلات كتيرة ماكنت بعرفها
صار عندي خيرة اكتر بمجال الحياة بشكل عام
وتعرفت على ناس أكابر كتير
وما هو السن المسموح له بدخول النت :أنا برأيي 18ومافوق
لانو في كتير مواقع بينخاف منها

وهل تنتقد احد من دخول النت ؟؟؟؟؟؟؟
بنتقد كل شخص دخل النت بسبب البسط ؟
انشالله تكونوا فهمتوا شو بقصد بالبسط

مشكور المتألق على الأسئلة

موضوع: رد: سؤال للشباب الصبايا 4/9/2010, 11:59 pm

انا كنت ادخل هيك وانا ماافهم شي يعني هيك تسلاية
بس هلاء النت صار أهم شي بحياتي وأنا كتير بحب النت
هوي تسلايتي وحتى رفقاتي عالنت انا مابتوقع اني ابعد عنن
النت مضيعة وقتي اصلاً وأحياناً كتير باخد من النت مواضيع مفيدة

والعمر اللي مسموح إلو انا بقول18سنة مو أقل لأنو النت بدو حدا واعي وبيفهم وبيفكر هاد صح وهاد غلط

يسلمن سؤال حلو كتير

موضوع: رد: سؤال للشباب الصبايا 5/9/2010, 1:53 am

موضوع كتير حلو
بلنشبة ئلي شو ستفدت ولا شي
لانو مع احترامي للكل كلو كزب
عم احكي ع التشات والفيس وهي لامور
هلق في مواقع كتير مفيدة
فيك تتسقف منا
لعمر يلي لازم يفوت ع النت مو ئئل من 18 سنة
مشكور المتألق
موضوع مهم
laial1987

موضوع: رد: سؤال للشباب الصبايا 5/9/2010, 1:54 am

شكرا لتفاعلكم مع الموضوع

موضوع: رد: سؤال للشباب الصبايا 6/9/2010, 9:47 am

لماذا تدخل النت
للدراسة والعمل والمحادثة مع رفقاتي اللي كونتن ولمعرفة اخبار العالم و التسلية وشغلات كتيرة ممكن تكون استثنائية
وماذا اسفدت من دخولك
استفدت منه بدراستي والبرامج والمواضيع اللي بتفيدني

وما هو السن المسموح له بدخول النت برائيك
هلاء الطفل عمره 3 سنين فيه يدخل عالم النت لهيك في برامج ومواقع خاصة للاطفال
ومواقع وبرامج خاصة للكبار

ومشان الاطفال في برنامج خاص يحجيب المواقع الغير مرغوبة كي لا يستطيع الطفل من دخولها طبعا ومع مراقبة ع طول ع المواقع والبرامج اللي بيدخلها

يعني عندك من سن الطفولة بتحسن تدخل عالم النت

وهل تنتقد
احد من دخول النت؟
بنتقد الاشخاص اللي بسبو وبشوهو صورتن بالنت

مشكورررررررر ع الاسئلة

موضوع: رد: سؤال للشباب الصبايا 6/9/2010, 3:31 pm

شكر لمرورك الغالي ثكر

موضوع: رد: سؤال للشباب الصبايا 23/9/2010, 3:30 pm

لماذا تدخل النت
ممممممم عم ادخل منشان كتير شغلات
انا تعرفت ع النت وقت اجيت ع الكويت واخدت هي المادة بالمعهد وتعرفت عليه ومن يوم ليوم تعلقت فيه اكتر وصار ااخد اكتر من وقتي والسبب يمكن لانه اغلب وقتي بالبيت لانه بعد المعهد والشغل ماعندي شي اعمله

وماذا اسفدت من دخولك
استفدتت كتير من النت بصراحة وهو يلي خلاني اتفتح واعرف كتير شغلات ومنا

عرفت اصناف العالم والبشر والشباب والدنيا كلا منه
عرفت الكذاب والكذاب الكبير وعرفت المظلوم والظالم وعرفت المنيح وعرفت القبيح
عرفت منه الثقافة وتفتحت ع كتير شغلات بحياتي ماكنت شايفتا ولاسمعاني فيا
شفت كتير صور كمان ولامرة شفتا سواء حيوانات او بشر او غرائب وعجائب والى اخره

عرفت منه اصدقاء مخلصين وصحبة وحتى حبيت منه وعرفت شو يعني الحب وشو اايجابياته وسلبياته

صح انه حبيت كذا مرة منه وفشلت معي بس تعلمت من كيسي كتير وتعلمت انه مالازم الواح ديثق بحدا وانه لازم يعطي فرصة لانسان منيح ولانسان مامنيح
وتعلمت انه الحب حلو من خلاله الا اذا انتبه منيح لانه ان ماكنت دب رح تكون ذئب هههه

وكمان مشاركة باكتر من منتديات من خمس سنين لهلق وشاتات وفيس بوك وكيتر شغلات ماخليت شي من شري الا طبعا الشغلات يلي فيا خط احمر مابقرب عليا

وما هو السن المسموح له بدخول النت

مممممممممممم برائي وبصراحة مطلقة
حرام الشب او البنت يدخل ع النت يلي من عمر ال20 وتحت
يعني يلي بدو يدخل نت لازم يكون عمره ع الاقل فوق ال20 وحتى اكتر من 23 لانه مابكون واعي ع شي اسمه نت ورح يحب ويكذب تيشبع ومابظن ناضج ع شي بالنت لاصور ولااصدقاء ولاحتى احباب

هي انا دخلت ع النت من عمر ال19 تقريبا واكلت مليون الف مقللب وايمت عقلت ووعيت؟
بسن ال23 او 24 تحتى عرفت وحسيت ونتبهت وصرت فكر بعقلي قبل قلبي

لهيك يلي تحت ال20 مو نصيحة يفوت نت يفكر بدراسته وحياته العملية وبس يخلص ابقا يفوت تيشبع

برائيك وهل تنتقد احد من دخول النت.

لا مابتنقد وان بدي انتقد كنت انتقدت حالي اول شي لانه النت عندي ياه الدرجة الاولى بالحياة وخاصتا انا بالغربة

بس بتنتقد الانسان يلي ب فوت ع النت تيتسلا ويخرب العالم ويلعب بمشاعر الناس سواء بنت ولا شب

موضوع: رد: سؤال للشباب الصبايا 21/10/2010, 6:25 pm

شكرا لمرورك سالي

وتشكري على صراحتك الفائقة والرائعة

موضوع: رد: سؤال للشباب الصبايا 28/10/2010, 2:30 pm

والله اول شيء كان تطبيق بنات بعدين صار في ملل بعد هاد الشء اتجهة الى شيء اخر من شان شغلي دور على موديلات اشكال الوان والحمد الله في استفادة من هاد الموضوع

موضوع: رد: سؤال للشباب الصبايا 8/12/2010, 9:09 am

لماذا تدخل النت:
العلم و الثقافة والتسلية المفيدة فقط

وماذا استفدت من دخولك :
حصلت ع المعرفة وتعلمت منه والتقيت بأحلى أصدقاء وصديقة حقيقية فعلاً

وما هو السن المسموح له بدخول النت:
السن الحقيقي هو الوعي الكافي للخوض في مثل هذه المجالات المفتوحة
بغض النظر عن عدد السنين التي تندرج تحت مسمّى ( عمر )

وهل تنتقد أحد من دخول النت:
أنا لا أنتقد أحد بقدر ماالشخص الآخر هو من يترك نفسه
عرضة للانتقاد والتعليق ويوقع نفسه تحت فخ ( خطأ الفهم )

يسلمو إيديك يارب ( أسئلة حلوة )

موضوع: رد: سؤال للشباب الصبايا 8/12/2010, 9:28 am

لماذا تدخل النت
بصراحة علاقتي بالنت مو كتير منيحة نظرا لانشغالي الدائم بين الدراسة والشغل في كتير اشيا منيحة وكمان اشيا مو منيحة
بالنسبة للفيس وهيك أمور أنا ما حبيتا من يوم فتت ليوم طلعت كلو كزب وتطبيئ بنات وأنا ما بحب كون بمكان ما فيو ثقة وأمان
بفوت بمواقع تخص شغلي او دراستي وبحب كون بمنديات تقدر الأقلام المميزة لأني بحب اكتب كتير

وماذا استفدت من دخولك
أكيد استفدت من كتير مواقع علمية وأدبية وطبية
سعيدة لأني معكن بالمنتدى هاد أول وآخر منتدى رح كون فيه

وما هو السن المسموح له بدخول النت
كل شي مرتبط بوعي الشخص بس مو أقل من 18 ويمكن أكتر شوي بالنسبة لبعض أشخاص
أنا حمد الله سابئة عمري بكتير يعني من بكير كنت فوت بس للتعلم والتثقيف
وهل تنتقد أحد من دخول النت
بنتقد الناس الفاضية يالي بتتسلى بقلوب الآخرين ومشاعرهن بنتقد الناس المدمنة عالنت بشكل عام

شكرا لك المتألق دائما

» احذية للشباب و الصبايا
» اعلاااااااااااااااااااان الحرب على الصبايا ( حصري للشباب)
» سؤال للشباب والبنات
» سؤال للشباب والصبايا
» سؤال للصبايا وسؤال للشباب