تعالوا نتناقش بأمور الانسان العربي

مشكورة رهف على الطرح والاسئلو وانا معك بالسئلة وكلها تحتاج الى مناقشة بس انا قد مالي مغتاظ من الوضع العربي فبقول انو نحن من نصنع انفسنا ولا يجب على احد ان يفرض علينا ما نريد ويمليه علينا بالغصب والاكراه ونحن له نركع ونطئطئ الرقاب تحت الاقدام

رهف نحنا عم نتحدث عن الإنسان العربي

الإنسان العربي هو انا وانت وابائك واحفاد هاد وهاد
نحن العرب

موضوعك أثار إعجابي كثيرا
استمري في نثر الخيرات علينا

هايات رهف نورتي قسمك
رح حاول جاوبك

-العقل العربي يقسم الكل الى أجزاء ولكنه لايجمع الأجزاءلتصبح كل...هل هكذا هو العقل العربي...؟

هي دلالة واضحة عالعجز العربي
نحنا ماعنا قدرة على تجميع الافكار او صرف النظر عن الامور الثانوية
دائما مندور عالتفاصيل ومنخلق اعذار لحالنا لنبرر فشلنا
للاسف كل العرب هيك ويبدو انو الها علاقة الوراثة

-كلام الناس من أقوى العوامل التي تؤثر على سلوك الفرد العربي وعلى عقله...لماذا ...وهل تهتمون بكلام الناس عنكم...؟

نحنا مربوطين بمحيطنا بس كمان منسمع بس يللي بيعجبنا او يللي تربينا على انو هاد الصح المطلق وغيرو الخطأ المطلق
كل واحد منا بيعمل حالو انو ما بيتأثر بكلام الناس بس الحقيقة كل حياتنا هي عبارة عن محاولة انو نظهر انو منيحين وطيبين وكلنا خير وما منستحق شفقة قدام العالم
منلبس ومناكل ومنحكي متل ما بدهن العالم
منحب من ملتنا متل ما بدهن العالم مو متل قناعاتنا
منجيب ولاد لانو العالم بتحكي اذا ماجبنا ولاد انو نحنا عاطلين
منزور الاقارب حتى ما يحكوا علينا
منشتري هدايا حتى ما يزعلو منا

هي الطريقة من التفكير مصنوعة بامتياز عند العرب
ببلاد تانية متل الصين واليابان لحتى ما تقولي امريكا مافي هيك شغلات بالمرة وكل واحد حر بحياتو ومو شايف العالم
نحنا منحكي انو موشايفين العالم بس بالحقيقة نحنا مو شايفين حالنا ..موشايفين الا كيف العالم عم تتطلع علينا

الناس بحياتهن ما اتفقوا على شي لهيك اذا كان في حدا ضدي بشي مسألة فاكيد غيرو رح يكون معي ولهيك ما بهتم بكلام الناس

-ماسبب تغيير طباع البعض عندما يخرجون من بلدهم الى بلدغريبه.سواء في اللباس أو الطباع أو الطعام...؟

بدك تقولي بيسفقون الهوا !!!
هههههههههههههه
حكالي استازي الله يزكرو بالخير كان بفرنسة مرة وشاف وحدة ختيارة معها كياس فركض لعندا بدو يساعدها قامت نظرتلو نظرة مريبة بعدين وافقت يساعدها ولما وصلوا عالبيت طالعت 5 فرنكات وناولتو ياها !!!
طبعا ما اخد منها بس شوفي قديش الفرق بالعادات والتقاليد بين مجتمعين
لهيك ما بستغرب حدا يغير طبعو بعد مايسافر

-ورد في الكتاب :الكبار لايقبل منهمأن يظهروا المرح والضحك والاستمتاع بالحياةلأن هذا يقلل من شأنهم...مارأيكم...؟

لا يقلل من شأنهم اكيد بس لانو كل ما الواحد كبر بتكبر همومو ومشاكلو وببطل يعرف معنى الاستمتاع

-وردأيضا في الكتاب :العرب أكثر تقبلا لفكرة اظهار الحزنمن فكرةاظهار الفرحومايباح للنساء في الجنازات في صراخ وعويل ورفع للصوت وظهور على الرجاللايباح لهن مثله في الأفراح...مالسبب برأيكم...؟


مابعرف بس يمكن الها علاقة بالعادات الجاهلية او تاريخنا المشرف هههههههههههه
كل تاريخنا حروب ومجازر وسبي وفتح واستعمار اشتهيت شي 200 سنة تمر من 1500 سنة عمرها حضارتنا مافيها حروب!!!

-الانسان العربي يحكم على الاخرين حكما نهائيا بمجردتصرف واحدأو سماع خبر عن الاخر ...فهل مازالمجتمعنا على نفس الحال

طبعا لساتو مجتمعنا من ايام خيم البدو على حالو
عنا عقل بس ماعنا ملكة التفكير ولا منعرف نفكر
عقولنا متل شي كومبيوتر بين ايدين بدوي !!!

-هل تؤيدون ماورد في الكتاب على أنه يجب أن نعترف بالفرد كوحده قائمهبذاتها بغض النظر عن أهله وناسه...؟


اكييييييييييييييييييييييد
الفرد لحالو مجتمع قائم بذاتو
وحلنا بقا نطلع من شعار الفرد في سبيل الكل يللي اهترى عالقدم
لازم نبلش بتربية الفرد عاساس انو هالبلد كلها وكل مؤسساتها وكل حروبها قامت مشان تحميك وتربيك وتخليك تشعر بالفخر مو انو لازم تحمي هالبلد وتخوض حروبها مشان غيرك ينبسط منك

-نرى البعض بوجه مثالي ووجه اخر ...والغالب أنه يحاول أن يعوض نقص ما بشخصيته
بافتعال هذه الشخصيه ...هل برأيكم الأغلبيه يعانون من النفاق ...أو الازدواجية...وماهي صفات الأشخاص الثابته والواحده


الازدواجية ما بلاقيها مرض او نقص شخصية يعني احيان الواحد بيضطر يستعمل هالقناع وبرأيي هي ملكة عقلية او قدرة اكتر منها نقص

-مارأيكم بالصوت العالي والانفعال...وماذا تسمون هذه الشخصية التي تتكلم وتتحاوروتناقش بصوت عال...ماهو السبب ...؟

هاد مريض نفسي الا اذا كان ضابط ههههههههههههه


-العربي يتحدث ويناقش ويعارض ويثير المواضيع ...هل العربي يضيع وقته بالكلام وينسى العمل ؟
دول اسيا وأورباشعوبهم كلامهم قليل جدا وانتاجهم وافروبالتالي تقدمهم وتطورهم ملحوظ...فما رأيكم ؟؟؟

نحنا شعب شاطرين بالحكي
شوفي من ايام الجاهلية ووامرؤ القيس يللي ما خلا اسد بالصحرا ما قتلو وكلو كزب وتجليط لحتى الرسول وصف الشعراء بالكزابين
حطي العربي على التفاخر بامجادو والسحب ورواية القصص وتكفير غيرو والاستهزاء بالشعوب التانية
غيرنا وصل للقمر ونحنا لسا عم نحكي عن بول البعير!!!

----------------------------------
سلميلي عاطافيلك