قصيده حزينه: قصيده تبكي العيون \قصة شاب حزين على وفاة والدته

شاب كان مسرع بالسياره

ومعاه امه .. وصار له حادث

امه للاسف انتقلت لرحمة الله

وهو اصابته كانت جدا بسيطه

كتب فيها هالشعر

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

منقول

[center]

قصيدة رائعة ومؤلمة
تسلم ايديك
تحياتي

» فرانك لامبارد قد يغيب عن لقاءات فريقه الحاسمة بعد وفاة والدته المريضة
» اخي سوف تبكي عليك العيون
» هل تبكي على وفاة من جرحـــكــ !!!!
» شعب سوريا حزين ولكن ،وفاة مجد الاسد ووقوف قناة مرح الوحيدة بجانب الشعب السوري
» >>وفاة شخصين بحادث على طريق دمشق درعا.. وفاة شخص وإصابة عشرة إثر انهيار سقف مبنى قيد الإنشاء في حمص