هل حاولت أن تبقى عيناك جافة من الدموع

------------

هل حاولت أن تبقى عيناك جافة من الدموع في دنيا تملئها تلك القلوب القاسيه.. ؟
أكيد رح تجف الدمعه لحالها لما بتشوف حواليك قلوب

--------
هل جربت أن ترفع راية التحدي في وجه حظك العاثر.. ؟
دائما أنا بهالحاله عايشتها والحمد لله بنجح وبكون كتير سعيده بنجاحي
هل فكرت بأن الدنيا حقيرة و لا تستحق أن نحزن من أجلها.. ؟
اي والله بس يازاهي الدنيا مالها حقيره بالعكس الدنيا ربنا خلقنا فيها لنتمتع فيها بطاعته والتعرف على صفاته ونعمل بما أمرنا به ربنا عز وجل بس لما عم نتخلى عن مبادئنا وأخلاقنا وعم نقول كل الناس هيك

وبدنا نعامل بالمثل والي أغلب الأحيان عم نضطر نعامل بالمثل لأني بتكون الضربات موجعه وعالقتل هي صارت دنيا حقيره بس يد الانسان الحقير هو الذي جعلها حقيرة يكرهها هو ويكره الناس الي حواليه فيها
هل حاولت أن تقف وقفه صارمه في وجه أحزانك ولو بإبتسامه.. ؟

للوهله الأولى ممكن الانسان ينصدم ويقف عاجز بس بعد مايمر عالألم كذا يوم اللانسان الي واثق من نفسه رح يستقبل أحزانه بابتسامه وبضحكه كمان بس الله يستر ماتجي ايد خفيه وتخفي حسه وتمحق هالضحكه بوقتها رح كون كتير مبسوطه اني عرفت انه في حيوانات بهالدنيا بصوره بشريه وبكون حذره كتير بالتعامل معهون وباخد احتياطي وبفكر كتير بخطواتي
هل حاولت أن تعايش الفرح برغم حزنك الذي يسكنك.. ؟
كمان هالحاله موجوده فيني بتناسى دائما وبهرب وبعمل جو يرضي نفسي ويطلعني من حزني بس بين حين وحين بلجأ للعزله لارتاح من التمثيل والممسلين الي حوالينا
هل جربت أن تقف في وجه دموعك وتمنعها من السقوط ..؟
لأ هون اسمحلي مافيني على هي لأني دمعتي مابنزلها أمام عدوي بنزلها بيني وبين نفسي بكون بحالة الاضطرار والضعف لرب العالمين وبعدها مباشرة بكون الفرج من عند رب العالمين
هل فكرت بأن الحياة واحده وحاولت أن تجعلها ذكرى جميلة ..؟
الحياة نعم واحده ونحن من نجعلها ذكرى جميلة أو قبيحة مقته بتعاملنا مع الناس بلباقة واستيعاب واحتضان وأمتصاص غضبهم بأسلوب حسب كل واحد طبيعته وتقبله لهالسلوك الي بدي أعامله فيه
تســاولات كثيره تمر بمخيلتي ..


فلا أعلم إن كان للفرح طعم ُ دون أن تسبقة مراره الحزن ..

بعمره ماكان طعمه للفرح الا بعد حزن قوي
فالايام تمضي والاحزان تتزاحم بدواخلنا

في زمن نحن أحوج فيه إلى السعـــاده

في زمن غاب عنه أصحاب القلوب
اي والله
وكثرت فيه تلك القلوب القــاسية
هي مو قلوب هي مستنقع للوساخه تنتج عن عقد نفسيه بداخل كل انسان محروم من شيء ما في حياته بصغره
فإلى متى ونحن لانجيد سوى الاستسلام في شتى أمورنا ..
ان شاء الله مابستسلم الا لأفقد الأمل تماما ساعتها بقول هذا مراد الله وكل شيء من عند رب العالمين يامحلاه
فلقد أصبح لكل منا موطناً من الحزن يسكنه
وطن بس واحد قول مدينه
ويضع الاغلال والاقفال عليه ليكتمها بين أحضانه
الي مابيقدر يحمل همه لحاله ثق تماما ماحدا رح يحمل عنه ولاحتى بكلمه حلوه رح تكون المجامله والتمثيل واللسع من الضهر شغال
وإذا أختنقت يخرجها لترى النور لا لتذهب
كيف رح تشوف النور مارح تشوفه الا بتناسي هالهم أو حله
فلما لا نرسم أوجاعنا على ورقة النسيــان
ونضعها في أدراج الرياح لكي يتراكم عليها الغبار لتختفي
ولو اختفت رح يرجع يجي أحزان غيرها وعلى هاد ومتله لأني الدنيا دار ابتلاء والدنيا مابتعطي لأي انسان كل شيء بدو ياه
ونبدأ بطريقُ يكون في التفائل هدفنا ..
ان شاء الله غصب عننا رح نتفائل لنكمل بهالحياة
لكي لا تسيطر الاحزان علينـا من جديد.....

الزاهي شكرا كتير عموضوعك حسستني كأني عم بكتب الي بداخلي يعني ضربت عالوتر الحساس