حبيت أودعكم لأني رح اترك المنتدى

بسم الله الرحمن الرحيمـ ..
..
اكتب لكم أخر موضوع لي بهالمنتدى هو عن تَركي ورحيلي عنكم ويمكن يكون الموضوع الوحيد اللي اكتبه وما أرد على كل من ردوا علي ..
تعلمت وتعلمنا لكل شي بداية ونهاية ، واليوم هي نهاية بدايتي معكم ونهاية علاقتي معكم ..
بترك المنتدى لأن ظروفي اجبرتني على تركه رغم كل الأيام الحلوة اللي قضيتها معكم إلاّ إن الظرف أقوى مني ومنكم ..
بترك المنتدى لأن بصراحة كبريائي يجبرني على تركه
لأن في عضو/ة أحس انه مو مرغوب فيني وماو من عادتي افرض نفسي على حدى
وفي ردود كتير عم تزعجني لما عم تكون نيتي اني أقوم بواجبي كمشرفه على أقسامي فبتكون جزاة الاحسان الرد العنيف والجفص وبدون يعملوا معلميه علينا وكأنوا ماحدى بيفهم بهالدنيا غيرون والناس ادامون دبين

ياريت أقدر أزعج الي بيزعحجني........ فبفضل الانسحاب

أخذت من هالمنتدى أشياء كثيرة والشهادة لله أغلبها كـــانت حلوه بس يا ريت أكون عطيته الشيء اللي يستحقه مني .

اطلب من الإدارة إلغاء عضووويتي لأني ما راح اقدر أعطيه أكثر ، وفي غيري يستحق مكاني وراح يضيف للمنتدى ..
استودعكم الله الذي لا تضيع ودائعه .. وإن شاء الله نلتقي في جناته ...
سامحوني على كل كلمه أو غلطه غلطتها في حق أي عضو ..
أتمنى أن تذكروني بالخير ولا تحرموني من الدعاء الصالح ..

......
......................
.....................................







الودااااااااااااااااااع

رهف حبيبتي بعرفك قوية ليش اخترتي الانسحاب

بتمنى منك ترجعي تعيدي النظر بالموضوع
لاني بجد بنحبك فلا تتركينا
واذا كانت ظروفك ما بتسمحلك طلي كل فترة علينا بس لا تتركينا بالمرة
واذا متل ما عم تقولي في ناس ضدك ؟؟لازم تعرفي اللي معك أكتر بكتير
يا الله رهوفة اذا كتير متضايقة رح بعطيكي اجازة لمدة جمعتين روحي عيدي وانبسطي وارجعيلنا
اوك
ناطرينك

يا رهف


الناس طبقات بالتفكير و التعبير و طريقة التعامل

و إنسحابك أنا بعتبره هروب

بتمنى تكوني قويه و تثبتي وجودك رغم اي ظرف أو مضايقه

يا أختي

نحن هنا أسرة واحدة


يعني أنا مثلاً في البيت بتشاجر مع أخوتي بس هاد مابيعني اترك البيت و ارحل


بتمنى تفكري أكتر

و ياريت قرارك يأخد حيز من وقتك ولا تتسرعي

رهوفه

نحن بنحبك لا تتركي المنتدى طلب لا امر



أختك soofy

بربي خجلتوني كلكون
ماكنت متوقعه انوا الي مكانه بقلوبكون لهالدرجه
ولسا ماصرلي كاتبه الموضوع يومين
جولييت :تسلميلي شو زريفه ومهضومه
عليا: سديكتي الي روحها متل النسمه البارده بالصيف
صوفي : الأنيقه والواعيه
زهورتي : المرحه اللي لما بتحكي معي عالتلفون بكون بقمة عصبي بتدحكني وبتكون متل المخدر لالي من الامي
أبرار الشام : بيبو -الشفافه الرقيقه خجلتيني والله والي الشرف كون أختك بالله تحياتي لأختك التوأم وشكرا عالصور
أخوي الغالي متألقنا :بتشكرك كتير
بس الأسلوب الحلو بيلعب دور كبير بروحنا والفظاظه والله مو حلوه وانت فهمان علي شو بأصد نحنا هون عم نتعامل مع بعضنا بالخيال والأحاسيس والمشاعر
فياريت نقدر شوي أحاسيس بعضنا ويكون كلامنا في لباقه أكتر من هيك
هالكلام طبعا مو الك انت فهمان علي عمين بقصد مهيك
أسيرة الظلام :عشوئتي تسلميلي انتي وطلتك الي كلها حيوية ونشاط الله يحميكي لشبابك
روح اليوفي : ثعلوبو -انت طلتك لحالها بتعطي الأمل والبسمه بروحي وأرواحنا كلنا بالمنتدى وكتير بعزك
الحنين : روح المنتدى الي بتحمل بداخلها المشاعر الشفافه والروح الفكاهيه والكلمة المؤثره العميقه والمفيده
حسن : تسلملي أنا بحترمك وبعزك انت وثعلوبو سجلنا بهالمنتدى تقريبا مع بعضنا وعشنا أيام ولحظات حلوه كنا وقت نغلط مع بعضنا كان محمد يدخل ويمحي الردود ويعطي تنبيه للمخطئ بحق التاني هلأ ممكن تقولولي وينوا محمد وينوووووووووووووووا
شو رضيان عن هالردود الي عم تصير ليه ماعم بوقف كل واحد على حده
وين الادااااااااااااااااااااارررررررررررررررراااااااااااااااا وينهااااااااااااااااااااااااااا
كنت لما أغلط مع ليناي كان يمحيلي ردي ويقلي مو من حقك تحاسبيهااذا ردت على موضوعك أو لأ وادام الكل هلأ سااااااااااااااااااكت عن كل الاهانات الي عم تصير لييييييييييييييييييييييييه
لك لييييييييييييييييه ممكن حدا يئلي
أنا دخلت لأني كلكون خجلتوني وبحبكون قضيت هون أكتر من سنه دحكت وبكيت وتعلمت
وبعز علي فراقكون بس كرامتي ؟؟؟؟؟؟
أنا عم بنتظر محمد يدخل ويرد على رسائلي ويوقف المتمردين وهوي وانتوا بتعرفوا مين قصدي
المفروض يكون في احترام بينا ولو كانت المستويات مختلفه من كل النواحي وكل انسان يلزم أدبه وحدوده بالردود
تكرار المواضيع الكثيف الي عم بروح متعة وجمالية الموضوع لسا مابكون منزله الموضوع من أسبوع بلاقيه بقسم تاني ونفسه تماما لأ والمشرفه بتكون راده على موضوعي وموضوع المتكرر لأ وبطالب بأشياء هي مو موجوده عندها
ياريت كل واحد قبل مايوجه أي كلمه لحدا يراقب نفسه بالأول وبعدين ينتقد مشان مايكون كلامه وردوده مضحكه
المفروض نفهم وجهة نظر الي عم بحاكينا متل ماهوي قاصد
مو متل مانحنا من فسره على كيفنا
حسن الكلام هاد أكيد مو الك- بظن الي عم بعمل جوله بالمنتدى رح يعرف مين هي العضوه الي بقصدها
(وأنا زعلانه عليها مو زعلانه منها )
----------

نبض حسن :شكرا كتير والله يسعدك يارب
طفلة الناي :ياألطف طفله بهالمنتدى ياصاحبة العقل الراجح شكرا كتير عسؤالك عني
عماد الليبي : شكرا كتير وممنونتك تحياتي
حساس :كلامك وكلام الحبايب الي مروا بموضوعي كلوا أثر فيني وخجلني كتير
(((أنا عم بنتظر يدخل محمد وبس وبعدين لكل حادث حديث )))
سامحوني
هلأ أجواء العيد شاغلتني شوي ومن شوف بعدين شو رح يصير
(كل عام وانتوا كلكون بألف خير )
ونشاالله ينعاد عليكون بالخير واليمن والبركه
ونشاالله الي عندو حجاج السنه يرجعولهون بخير وسلامه
سلام
-----------
بدي اتشكر كل الي استفقدوني وسألوا علي بالرسائل الخاصه وساندوني
عاجزه عن الشكر للكل

جورجينا: أسفه كتير
شكرا على استفقادك الي
جورجينا في كتير شغلات متغيره بالمنتدى ولازم يكون في تحسينات وتغييرات
---------
حسن : يسلمو كتير بس بظن أحيانا عم تدخل نائب/ة الاداره ببعض الأمور أو الهيئه الاداريه
وبعدين عم تقول اني مالون صلاحيه غير محمد
طيب ممكن أعرف شو وظيفة المشرفين ونائب المدير والهيئه ؟؟؟؟؟
عكل يروح ويرجع بالسلامه محمد وشكرا لاهتمامك عزيزي
---------
حساس : روح عيد وانبسط وشكرا كتير على مشاعرك
وبحب الك اذا رجعت عالمنتدى رح أطلب من محمد يرجع لوني أخضر هيك أريحلي
ومالي عم بعمل هيك حركات مشان صير من الاداره أنا اذا شي مالي حمله ماباخده ومافي شي بالزور
لما بدو يكون في مسؤوليه على عاتقي المفروض أكون قدها لأني هي شغله بترجع لضمير وانسانية كل انسان

--------
شكرا لكل منتدى شلة سوريا