بشو بيذكرك اقتراب العام الجديد

سؤال كتير ممكن انو يمر عليكن كل سنة ( بشو بيذكرك اقتراب السنة الجديدة): انا بالنسبة الي بيذكرني بكتير شغلات ..... 1-اول شي بيذكرني انو رح نصير بالعام 2011 ولسا سرعة الانترنت عنا لا تتجاوز ال44 كيلوبايت
2- بيذكرني انو رح نصير بالعام 2011 ولسا ما بيفتحو الا باب واحد بالملعب مشان يدخل 10000 مشجع ولسا الزميل وسنان والزميل مهاب شغالين ( اي لو حديد كانو صدو)
3-بيذكرني انو مشفى تشرين الو قيد الانشاء اكتر من عشر سنين وانو لما بلشو فيه كان اكبر مشفى في الشرق الاوسط بس المشكلة انو لليوم لسا ما خلص ؟؟؟؟؟!!!!!!
4-بيذكرني انو رح نصير بسنة ال2011 وكل ما صار شوية مطر وهوا بتنقطع الكهربا وبالصيف ما بيجين التقنين الا الساعة 3 الضهر اول ما بيوصل الناس من الشغل عالبيت........
5- بيذكرني وبيذكرني وبيذكرني واكتر شي بيذكرني انو الي 6 سنين متخرج من المعهد الهندسي وصار عمري الاف السنين ولسا عمدور عا شغل. شي بيخلي الواحد يحشش ما يأركل بس

بتمنى من كل حدا انو يكتب بشو بيذكرو اقتراب العام الجديد

شر البلية ما يضحك

شكراً صديقتي اسيرة الظلام بس ارجو ما تاخدو الموضوع على انو فقط موضوع شغل بالنهاية اللي بيدور على شي بيلاقيه بس المشكلة الحقيقية حالة المكانك راوح اللي عم نعيش فيا شوفو وين صارو الناس , الناس عم يفكرو يبعتو رحلات مأهولة عالمريخ وعم يجربو يعرفو كيف بلش الكون عن طريق تجربة علمية عملاقة وعم وعم وعم ونحنا لليوم ما منعرف كيف بدنا نحل مشكلة قسائم المازوت اللي صارت باب للسرقات. حتى موضوع منع التدخين بالاماكن العامة وبالمقاهي واللي لاقولو مية تخريجة وتخريجة .. كيف شي ممنوع وبيترخص كمان هادا باب جديد للسرقة ............الخ ....لن يصلح الله ما في قوم حتى يصلحو ما في انفسهم

بتذكرني اني صرت عضوة مع احلى شلة


وانا معك ذكرياتك كلها صح مية مية



الف شكر الك اخي وبتمنى هالسنة تكون خير عليك وتلاقي شغل

حمزاوي
كل عام وانت بالف خير
الله يكون بعونك وبعونا
شغلات كتير موعودين فيها تتحقق وما تحققت تتزبط وتصير احسن ولسى على حالها
ان شاء الله كل شخص بيحسن يحقق ولو جزء بسيط من امنياته بهالعام

فعام 2011
بذكرني بكل الاعوام اللي مضت عشت فيها ايام حلوة حققت نجاحات واخفقت باخرى عطنتني الامل القوة واخدت مني اللي عطاني هالامل والقوة
بذكرني يشروق الشمس بعد يوم عاصف
بذكرني بان بكرا احلى

فعام 2011 ان شاء الله رح يكون عام خير عليي وعلى الجميع