رياضة الشعب السوري الحبيب

موضوع: رياضة الشعب السوري الحبيب 28/9/2008, 7:06 pm

رياضة مزعجة نوعاً ما لأنها عنيفة ولكن الجميل فيها
أنها تمارس من قبل الجنسين ولا تتطلب عمراً معينا للاشتراك بها، الرياضة المعينة
هي رياضة الصعود والهبوط من الميكرو صباحاً و ظهراًوعصراً ومساءً

حيث تبدأ صافرة البداية عند اجتماع الناس على الموقف ونظرات

التحدي والوعيد التي يتبادلونها , وعندما يبدأ ذلك الشيء الأبيض أو الأصفر
من ماركة آيسوزو على خط جوبر- مزة أستراد حصراً بالاقتراب من
الجموع الغفيرة يقوم اللاعبون بالتأهب للانطلاق كما في مسابقات ألعاب القوى
.
و ما أن يبدأ الميكرو بضرب فراماتو حتى يبدأ الرياضيون بالتفنن
في عملية التدافع كل حسب طريقته ( و تربيته) وبيئته والمنتصر
هو من ينجح برفس العدد الأكبر ممن خلفه والصعود

رغما عنهم و يتقنْزَع في صدر الميكرو مجهّزاً الخمسة(يعني المصاري=صارت عشرة) بكل فخر
و اعتزاز.
وبنفس الطريقة تكون المباراة على الجهة الأخرى من طرف الفريق النازل من الميكرو ,
حيث يقوم أعضاء هذا الفريق بكل ما آتاهم الله من قوة
بلبط ولبج ولكم لاعبي الفريق الخصم محاولين النزول وبكافة الطرق

وأكثر الإصابات تكون من نصيب لاعبي هذا الفريق لأنهم ينْزلون
إما بالورب أو بالقفز العشوائي بدون مظلة أو يعلق أحد يديه او
رجليه بالميكرو وينشحط معه لمسافة لا تقل عن عشرة أمتار
وذلك لأن الشوفير يكون قد انتبه لوجود شرطي (كاليميرو) لاطي عالسوكة

فيفز بالميكرو وبشكل مفاجئ تجنبا للمخالفة
وإن هذه اللعبة فريدة من نوعها , و من المستحيل على أي شعب
أن يقوم بالتفكيرفي ممارستها لصعوبة قواعدها وما تتطلبه

من تَيْسَنَة وعدم توافر الملاعب المخصصة لها إلا عنا
[/size]

هههههههههههه بربي هيدا الواقع

وخصوصي بالشام

خلال اجازتي طلعت عالشام اكتر من مرة ووجعني قلبي عالناس

يعني طلاب مدارس وموظفين عما يتضاربوا على السرافيس

وخصوصي انو في حريم وزحمة رهيبة

الله يعين الناس والله ويعينا بطريقهم

شكرا كتير نينو للموضوع

هههههههههه اي والله المواصلات بالشام غير شكل

لانو عجئة فظيعة

نورت حمودة شكرا لمرورك الظريف متلك

هههههههههههه لا خيو لا هههههههههه
تعو وشوفو بحلب
العالم بتطلع فوق بعضا
كنت سنة اولى جامعة وقررنا انا ورفقاتي نغامر ونطلع بميكرو
استينا شي ربع ساعة لحتى حسنا نطلع
وطبعا صار هجوم وعيونكن لا تشوف التدفيش طبعا
نصنا طلع ونصنا ضل بصفوف الاحتياط
لانو ما ضللنا محلات
ومن حسن حظي طلعت انا اول مقعد قاعدة وجنبي رفيقتي
والله لا يوفقني ع هل القعدة
لانو كل شوي تجيني خبطة ع كتفي خدي المصاري
تقولو مساعدة الشوفور (السائق ) وما الي خبر
هي اذا ما بدك ترجع المصاري وتعا عراف لمين
واكتر شي عصبني انو ما ضل ولا محل ولسا يوقف ويطالع عالم
ونطلع انا ورفقاتي ببعض انو وين بدو يوسع هل العالم
صار المكيرو معبا عالم كيف بيكبسو المخلل نفس الشي
من بعدا حرمت اطلع بميكرو
تنذكر ولا تنعاد
مشكورة نينو
تقبلي مروري

رياضة الشعب السوري الحبيب Thank195

هههههههههههههههههههههه

له له يا لولو

تجربة للمرة الاولى والاخيرة

يامحلا اللاذقية مافي منها والله

اي اي محمد التوبة ارجع عيدا
هي اختصاص الحلبية خيو
والك عليي يا محمد اول جية الك لسوريا
وبس تجي ع حلب رح خليك تطلع بميكرو
لانو لازم تعيش بجو المنافسة ع المقاعد مو هههههههههه

رياضة الشعب السوري الحبيب Thank195

والله معكون حئ
عنا عجئة كتير
ههههههههههههه
والله عم يطلع معك يا نينا
مشكورة
عامر

ولكموووووووووو للكل

عامر وشك ولا ضوو القمر؟؟؟؟؟

نورتووو

هههههههههههههههههههه نينا ولي عليك لكن عم تحكي عل المكرو
انا الحمد الله بعمري ما لعبت لعبة الميكرو وان شاء الله ما بلعبا بس انا بلعب لعب تانية نينا
بعدلك ياهون: احم احم
1- لعبة الوقوف المفاجيء للميكرو(بوقف بنص الطريق وانت عم تسوق ورا )
2-لعبة الطحش والكسر مع الميكرو
3- لعبة الغمازات المخفية (يعني بدك تتحزري وانت عم تسوقي يا ترا هالميكرو رايح يمين ولا شمال ولا دغري )
4- ولعبة كمان اسما مخلوقات فضائية (الشوفير تبع الميكرو بيطلع فيك وبيلي معك بالسيارة كانو بعمرو مو شايف بني ادمين )
5- واخر لعبة بس هي مالا علاقة في بس بشوف الناس عم يلعبوا لعبة المكدوس اسما (يعني الميكرو بكون معبا عل الاخير ورح ينفجر ولسا بوقف وبعبي ناس)
هههههههههههههههههههههههههههههههههه
شو نينا حاجتنا لعب هيك مو يلا بكفو هدول بسلو

شكرا الك عل موضوعك احلا نينا

ههههههههههههههههههههههههههههههههههههههههههههههههههههههههههههه

نيكولا الله يسامحك موتتني ضحك

عنجد فرطت ضحك

ههههههههههههههههههههههههههههههههههههه عجبوك ما ههههههه يلا بس تجي عل الشام بلعبك معي هالالعاب كلا هههه

يلا وانا موافقة Suspect

» شعب سوريا حزين ولكن ،وفاة مجد الاسد ووقوف قناة مرح الوحيدة بجانب الشعب السوري
» دليل المواقع السوري , الدليل السوري , الدليل السوري التجاري الصناعي الخدمي الشامل ...
» رياضة
» رياضة>>
» يلا رياضة