هل من الممكن ان يكون اصدقاء النت افضل من الواقع؟؟؟؟؟

نمر بالعديد من الظروف .. يمر علينا آلاف بل ملايين الأصناف من الناس
منهم الضعيف ومنهم الكاذب ومنهم الشريف ومنهم الخائن ومنهم ومنهم ...إلخ ..
وبحكم طبيعة الإنسان ف هو بحاجة إلى صديق
يحكي له عن همومه ويصارحه بما يلوج في خاطره ويشاركة السعاده والحزن ..
بالطبع الإنسان في بداياته يكون قليل الخبره
ولكن مع مرور الوقت ومع تلقيه ل صفعات الزمن التي طغى عليها طابع
الكذب والخيانه .. يكتسب خبراته من خلال تجاربه فيها .
ولو ركزنا الضوء على عالم الإنترنت
ف سنرى أنه يعجّ بالكثير والكثير من الناس من مختلف بقاع الأرض
نلتقيهم إما من خلال المحادثات أو المنتديات أو الأعمال التي نجريها
خلال هذه الشبكه العنكبوتيه أو أو ..
وربمّا نصادف ذلك الشخص الذي نرتاح له ..
ويقاسمنا العديد من صفاتنا المشتركه ..
ذلك الشخص الحنون الصادق المحترم ذو الأخلاق العاليه ..
ربمّا يكون فعلا هو كذلك مثلما تصورنا ..
وربمّا يكون " ذو وجهين "
ولكن في كل وقت وفي كل مكان .. تكون كلمه " قد يكون .. وقد يكون "
سواء في النت أو خارجه..

ف سؤالي لكم

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟
* 2- هل لك تجربه في هذا الامر لتحدثنا عنها بكل صراحه ..؟!!

تحيااااتي لكم جميعااااااا وانتظر آرائكم
ميراا

اول شي مشكورة على طرح متل هالموضوع الجريء طبعا جريء لانو الواحد بدو يعطي رأيو بعالم النت وبناس عاش معن خلال هالشبكة فترة من الزمن ...

بالنسبة الي أنا اكيد من خلال هالشبكة قدرت اتعرف على ناس كان مستحيل بالنسبة إلي اني اتعرف عليهن بالواقع والسبب هوي بعد المسافات وغيرو من الأمور

طبعا في كتير منهم بعتبرهم أصدقاء مقربين ومنهم مين هوي اخ الي وكلمة أخ ما ببالغ فيها ...

طبعا متل ما في ناس منيحين بالحياة وناس كذابين وخاينين بالانترنت فيه الشي نفسو لانو الانترنت بيعكس الواقع لكن بيكون بحجم أصغر لكن ناس من جميع الاشكال وللاسف للاسف اللي بالنت من الكذابين والخاينين اكتر من غيرن لكن بنفس الوقت ممكن تلاقي شخص واحد بيغنيك عن العالم كلها وممكن كتير ...

وبالتوفيق للجميع والله يبعد عنكن ولاد الحرام

تقبلي مروري وكلامي الكتير والله يعطيكي الف عافية على موضوعك اللي بيدل على فكر عالي وثقافة وانشا الله نحو مزيد من التقدم والنجاح ....

هلا حسام
فعلن كلامك صح أنو ممكن نبني علاقة صداقة أو علاقة أخوة أو... الخ
أنا برأيي شغلة وحدة أنو الشخص الطبيعي والعاقل ( واثق من نفسو ) بيعرف كيف يختار صداقاتو وعلاقاتو لأنو الخبرة أكيد بتلعب دور كتير كبير بالحياة ومنها بالنت كمان

مشكور على اطراءك حسام وشكرا لتعليقك ومرورك
احترامي الك
ميراا

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟

ام في احيانا بتلاقي رفقة ع النت بيفهموك وبيساعدوك اكتر من الناس ع ارض الواقع
يمكن احيانا بتحكي اكتر يللي بقلبك وهنن بكون ما الون مصلحة معك يمكن بساعدوكي اكتر
مع انو انا عندي رفيقة ع ارض الواقع وما بخبي عليا ولا شي بس كمان عندي رفقة ع النت
رائعين وبالفعل هنن رفقة
انا بالنسبة الي النت متل ارض الواقع بعامل فيه الناس كاشخاص ع ارض الواقع
يعني اكيد في كم شغلة بتختلف وبحسو متل الدنيا فيو المنيح وفيو الخاين وفيو كل شي
بضل بتتعلم منو ويتعلم يختار اصدقائو لانو مو كل العالم بستاهل الثقة

* 2- هل لك تجربه في هذا الامر لتحدثنا عنها بكل صراحه ..؟!

انا في اشخاص ع النت ما بخبي عليون شي وبالفعل هنن بوقفو جنبي وبساعدوني
وانا عندي ثقة كتير كبيرة فيون وبتشكرون دايما ع وقفتون جنبي
لانو اجت فترة كنت محتاجة يكونو جنبي وكانو ادها

مشكووووورة ميرا موضوع كتير حلو

هلا ليا
انا مع كلامك بالنسبة للسؤال الاول مية بالمية
وبالنسبة لجوابك على السؤال التاني فأنا كمان فعلن صار عندي صداقات بعتز فيها كتير وقريبة الي كتير

مشكورة على مرورك ليا
ميراا

الانترنت مليان عالم بس نسبة قليلة كتير لتشوفي صديق بمعنى الكلمة ليكون الصديق الصادق الصدوق ولازم يجي هلاحساس من بعد فترة يعني مو بيوم وليلة لتحسي فيو وخاصة اذا كانت الصداقة صادقة وخاصة في كتير عالم بعملو حالن ملائكة بس هنن من جواتن شياطين واغلب صداقة المنتديات سطحية ومالى اي معنى

هلق كأنا,انا لئيت الصداقة الصادقة عبر النت ومالاقيتا بشكل شخصي او يومي فينا نقول
وانا كتير بفتخر بهالصدقة لانو بمجرد الحديث مع هالصديق الافتراضي بتحسي انو عبحس فيكي من كلمات ببن في بدفئ وخاصة اذا كان الشخصين رائعين ومافي لعب او كذب او دافع لتبرير وفي ديما تغطية مع بعض.

بس بتعرفي شو لو الله بعتنا هل الصديق ما فينا نحكي كلشي عبيوجعنا من جوا حرصا على مشاعرو وانا اذا بدي احكي كلشي بقلبي بخاف لما يضل فرح بقلب هالشخصية او دئيئة يفرح فيا لانو حيزكرني كتير بكل كلمة عبقولا متل ما انا عبذكر يعني فيكي تقولي تواصل القلوب ومدى مقدار صدق تبعونا.

فبعتقد الله غناني عن الصداقة الشخصية بهي الصداقة الي عندي ياها بدلا من السطحيات الي عبشوفا كل يوم بحياتي.

وثانكس غاد فور افري ثينغ

تحياتي الك ميرا

الانسان ممكن يلاقي شخص يرتحله ويكون صادق سواء عن طريق النت او عن طريق الواقع

صح انو يلي منتعرف عليه عن طريق النت ممكن يكون الو وجهين ونحنا ما شفنا الا وجه واحد بس بارض الواقع ممكن يكون هالشي موجود

كل واحد فينا عندو تجاربه بالانترنت وبالواقع

تعرفت على ناس شباب وبنات

ولاقيت الكاذب ولاقيت الصادق ولاقيت او وجهين

بس برايي صديق الانترنت بصير كامل بنظر الانسان لما يتعرف عليه على ارض الواقع

وشكرا كتير للموضوع المميز ميرا

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟
ممكن كتير ليش لاء انه النت يكون اصدق بكتير من الواقع
يمكن الانسان ببمر بفترة الكذب والخيانة يلي بتكون العين بالعين والسن بالسن
واحتمال كتير يلاقي عبر النت يلي بكون بس بالكتابة او الصوت او بالمشاعر يلي بتطلع بالكتابة كتير صادقة واصدق من اللسان
اانا من ناحيتي بلاقي يلي بالواقع صح بضلو قراب منك بس بحسن بوجهين ومو كتيرصادقين
يعني مصلحة وبس
اما بالنت جربت كتير وعندي اصدقاء صادقين نادرين وبحب احكيلن كلشي عني وعن مشاكلي وهمي ويشاركوني فيا
واكيد مريت بتجارب كتير ع النت منا حب او صداقة او غيرو وكلن تقريبا فاشل خائن كاذب غير مخلص
والبعض وفي صادق محب وبده ياك الك لصدقك وحبك اله

* 2- هل لك تجربه في هذا الامر لتحدثنا عنها بكل صراحه ..؟!!

اي مريت بكتير تجارب ع النت سواء حب او صداقة
الحب مريت مابين الحب الصادق والفاشل يلي فيه كذب وخيانة
والصداقة نفس الشي اكترها كانه كذابين ومابخبو عندك سر دغري بفسدو او بينشرو او بيغدرو

ماعلينا
مريت بحالة صداقات بنات كانه عاملين حالن صادقين وبالاخير غدروني واخده اعز شخص الي
وبحس انه الشب بينعطى السر اله اكتر من البنت هيك بحس
لانه ال بنت بتحاول تتحداكي وبتاخد الش ي يلي انتي بتحبيه
اما الشب مو كتير بصير هالشي من ناحيته
بس اذا كانت ال بنت واثقة منا وبتحبيا كتير اكيد مارح تخزلك

مشكورة يامو موضوع حلو كتير

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟
احيانن اي بحس انو ممكن يكون النت اصدق من الواقع
بس بنفس الوئت تنيناتن فين خيانة كتير
الصراحة انا لحد هلئ ما لئيت الصديق الحقيقي الي ممكن امنلو بالواقع او بالنت
نشالله ماحدا يكون صابو هيك
بس جد شي مزعج كتير مايكون عندك صديق حقيقي توثق فيه

* 2- هل لك تجربه في هذا الامر لتحدثنا عنها بكل صراحه ..؟!!

لا والله ماجربت فمارح احكم

مشكورة مرا الحبوبة صاية شاطرة والله
ههههههههه

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟

هلأ بعالم الانترنت ممكنن تلاقي صديق صادق ووفي وممكن تلاقي الخاين يلي مابيعرف شو يعني صداقة متلو متل ارض الواقع ما حدا اوفا من حدا
بس بعالم النت فيك تحكي لصديقك كل شي بدون احراج او خجل يعيني بتاخد حريتك اكتر وعندي اصدقاء عل النت كتير غالين وعزيزين علي وبحسون متل اخواتي
ويمكن برات النت ما كنت رح اقدر اتعرف عليهون او لاقي متلون
والانسان يلي بتتعرف علي بارض الواقع نفسو يلي بيكون قاعد عل النت مافي حدا بهالأيام ما بيقعد عل النت والكذب والخداع يمكن كتران عل النت بس كمان موجود عل ارض الواقع بشكل كبيرررررررررررررر

مشكوووووووووووورة ميرا عل موضوعك الحلو تقبل مروري

* هلا بروز *
بتعرفي روز انا معك انو النت مليان شخصيات وطوائف مختلفة وكتيرة من البشر , مظبوط في عالم بتكون كتير منيحة ومنن بتكون سيئة , عالم بترتاحيلا وعالم لأ , أنا بالنسبة الي أنو قدرت أعمل صداقات الي جديدة عن طريق النت , تماما متل الواقع منزعل من بعض منحكي لبعض منتخانئ , منتصالح..... جد في أيام حلوة عم نقضيها مع بعض
وبالنسبة للصديق أو الصديقة يلي ذكرتيهم أنا برأيي أنو ليش لحتى ماتقدري تحكي يلي بدك ياه معهم حتى لو مارح يضل فرح بقلبو بالعكس اساس الصداقة الصدق بالمشاعر بالنصيحة الو لأنو ليكي روز يلي مابدو يتقبل نصيحتك وهو عرفان أنو نصيحتك الو ما الها غايات تانية وعن صفاء نية فأكيد هو يلي رح يكون خسران نصيحة وكلام هيك صديقة وأنت ذكرت مقدار الصدق بيناتكن فقوي قلبك وحكييي ...

شكرا روز لمرورك وتعليقك
وياهلا بعطر الورد الحلبي روز

* هلا بمحمد *
بتعرف محمد اي شخص سواء بالنت او بالواقع لما منتعرف عليه أن كان بوجهين أو صادق أو كاذب أو ذو وجهين , عم نقدر نكشفو متل الواقع تماما الخبرة بالحياة عم تلعب دور معنا بأنو عم نعرف نميز يلي بدنا ياه يكون قريب منا أو لأ
أنا معك تماما أنو الفرق بصديق النت عالواقع منتعرف عليه أكتر وأكتر لما منشوفو ومنتعرف عليه كامل على أرض الواقع , أكيد نظرة العين إلها دورها وقتها

مشكور محمد لردك على موضوعي
بس هالمرة ماتعبتك معي أنو وين وكيف بدي نزل الموضوع هههههههههههه

* هلا بسالي الغرام *
ليكي سالي مو قصة يكون مين أصدق أو مين مو أصدق بالنسبة لأصدقاء الواقع أو النت
لأنو الشخص الصادق مع نفسو مابيكون ناطر النت او الواقع لحتى يكون صادق مع يلي عم يتعامل معو
"الصادق صادق وين ماكان "
بالنسبة للغدر أو الكذب أو الخيانة هي بتبقى صفات الشخص بحد ذاتو وهيك اشخاص بدهن شكر مننا أنو عرفناهن لحتى قدرنا نبعد عنهم ونخلص منهم
وبالنسبة للي غدر واخد شخص عزيز عليكي , هو حصراً غدر حالو قبل وغدر الشخص يلي اخدو منك لأنو لو ماوجد شي مميز عندك أكتر منو ماكان وصل لمرحلة الغدر معك....

هلا بيامو سالو هلا بحبية قلبي
وموااااااااااااااه اشتقتلك

* هلا بجورجينا *
انا ذكرت وشرحت قبل شوي بكلامي لسالي بالنسبة أنو وين بيلاقي الواحد الصدق بالتعامل أنو ممكن يكون النت أكتر من الواقع .......
بس بالنسبة أنو لهلأ مالقيتي الصديق الصادق معك وين ما كان , فهو حصرا أنو نصيبك بالحياة هيك بدو , لاتنزعجي ابدا لأنو الدنيا مليانة أشخاص مليانة خير بس بيظهر القصة بدها وقت معك

شكرا جوجو لمرورك
لك تعي لهون أنو كيف مالقيتي آه ؟ لك مو أنا ميراا الحبوبة ههههههههههههههه بتتذكري ؟؟؟
لك اي انا شاطرة من زمان بس خايفة على مقدراتي العقلية لتطلع كلها فرد مرة هههههههههههههه

* هلا بنيكولاس *
انا معك بكلامك تماما بالنسبة لتفاوت الاشخاص بالتعامل معنا سواء بالنت او بالواقع
بس أنو بالعكس تماما أنو ليش لحتى أصدقاء الواقع - اذا كانو مقربين النا - مانقدر نحكيلن كلشي ؟
معك حق أنو ممكن تلاقي شخص بالنت ماممكن تلاقيه بالواقع بس أكيد القدر هو يلي رح يكون لعب دورو بهالقصة.....
معك حق أنو الكذب والخداع موجوووووود بكل مكااان سواء واقع أو نت

مشكور نيكولاس لتفاعلك بموضوعي وياهلا فيك
بس كيفا قطتك؟؟؟؟؟

عا راسي ميرا الغالية واختي العزيزة من بطن امي سالو ههههه

القطة بتبوس ايدك وش وافا ومافي منا

هههههههههههههههههه هلا بخيي والله نيكولا
تسلمم يارب بس امانة بوسلي ياها للبسينة وياهلا نيكولاس

ميرسيتو ميراا موضوع كتير حلوو تسلم ايدك

* 1- هل من الممكن ان يكون اصدقاء النت افضل واكثر وفاء من اصدقاء الواقع ؟؟

ليكي انتو كتير بتفصلو بين النت والواقع وكأنن عالمين مختلفين
صح هنن مختلفين بس الاشخاص نفسن يعني انا هلق بنت بعالم النت بس باوقات تانية بكون من عالم الواقع يعني الاخلاق هي نفسها ما في اختلاف والاشخاص هنن نفسن بس الاختلاف انو عالم النت كتير صعب تحكمي على الشخص فيه لانو ما في تواصل مادي او انك تقدري تشوفي عيونو او تفهمي شعورو من تصرفاتو اللي بتبين بس على الواقع بس كمان في عالم بالواقع براعتهن باخفاء خبثن كتير كبيرة وانا تعرضت لهيك مواقف كتير وانغشيت بكتير عالم على الواقع اكتر بكتير من النت يعني على الواقع انا انغشيت باعز رفقاتي واللي كنت مفكرتن كتير مناح اما عالنت اسا ما عطيت حدا ثقتي الكاملة لهيك لو طلعو ما مناح ما حأتأثر متل ما تأثرت بالواقع
بقا بالنسبة للوفا واذا النت فيو اصدقاء اى اكيد فيو والواقع فيو اصدقاء والتنين ممكن تنغشي فين بنفس النسبة

* 2- هل لك تجربه في هذا الامر لتحدثنا عنها بكل صراحه ..؟!!

اى عندي كتير تجارب وبعتز برفقتي اللي من النت كتير وانا افضل صديق عندي واللي كتير مقرب مني وجد بحبو كأنو اخ عرفتو من النت وحتى رفقاتي البنات كتييير تعرفت عبنات بالنت انا بالواقع ابدا ما قدرت اعرفها ولا اوصللها وجد طلعو عند ثقتي ومحبتي الهن عم تزيد

*هلا بليناي *
ليناي مو قصة عم نقدر نفصل أو لأ لانو كان في اجوبة للي علقوا عالموضوع فكانت الاجوبة منهن مع ومنهن كان ضد
بس متل ماقلتي صح أنو النت بدك وقت لحتى تاخدي الفكرة الواضحة تماما عن الشخص بس كمان في بعض الاوقات عم تصيب القصة وعم يكونو كتير مناح بدون ماننكر أنو كمان صار نادر هالشي
هلأ الواقع عم يلعب دور معنا أنو عم تقدري تعرفي وفاء الشخص أسرع من النت وهالشي طبعا بيرجع للاحتكاك المباشر متل ماقلتي وعم يبانو علينا دغري .
بالنسبة لتجربتك بهنيكي على نصيبك بتعرفك على وجود الصديق الاخ بحياتك . وبهنيكي برفقاتك البنات يلي تعرفتي عليين وانشالله مابخيبو ظنك وبتكون علاقتكن للاحسن يارب .

موفقة لولو بحياتك وربنا يحميكي
بس وينك ماعم شوفك إلا أون وماعم نحكي آه .... هههههههههههههه
ميراا

» ايهما افضل اصدقاء الانترنت او اصدقاء الواقع
» هل من الممكن ان تحب شخص لم تره في حياتك؟؟؟
» أوله يكون الحب .... وآخره يكون العشق ... هو الحب
» شات اصدقاء
» اصدقاء الرجال