محكمة المنتدى

موضوع: رد: محكمة المنتدى 2/3/2010, 7:42 pm

لك تئبري البي مجنونة
والله مافي منك وانت كمان حبابة بعرف بعرف
ولازم نقضي قصدي نضهر الحقيقة والادعائات الباطلة للقاضي والادعاء
حياتووووووووووو مجنونتي

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: محكمة المنتدى 4/3/2010, 9:58 am

[ندعوك للتسجيل في المنتدى أو التعريف بنفسك لمعاينة هذه الصورة]
سيدي القاضي حضرات السادة المستشارون على أساس في مستشارون [ندعوك للتسجيل في المنتدى أو التعريف بنفسك لمعاينة هذه الصورة]
كلكن على جورجينا والله لادبحكن كلكن [ندعوك للتسجيل في المنتدى أو التعريف بنفسك لمعاينة هذه الصورة] ( ليا – حنين – روح اليوفي – مجنونة -.. ) [ندعوك للتسجيل في المنتدى أو التعريف بنفسك لمعاينة هذه الصورة]
لا صح مجنونة معنا [ندعوك للتسجيل في المنتدى أو التعريف بنفسك لمعاينة هذه الصورة]

المهم نعود بعد غياب طويل عن المنتدى وبين يدي قضية شائكة و[ندعوك للتسجيل في المنتدى أو التعريف بنفسك لمعاينة هذه الصورة] وهي
اتهامات باطلة على موكلتي جورجينا البريئة اللطيفة الناعمة ( شايفة كيف عم امدح فيكي وأكذب يا جورجينا )[ندعوك للتسجيل في المنتدى أو التعريف بنفسك لمعاينة هذه الصورة]
المهم بلا طول سيرة رح تجتمع لجنة الدفاع لوضع الأسس المناسبة لرفض الدعوة لأنها قائمة على افتراضات من أناس مغرضين هدفهم مصع رقبة جورجينا وتشويه سمعتها بأدعائهم أنها مشاغبة
شوفوا صورتا هي جد ملاك[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

بالله هي بيطلع معها تشاغب بدي بس تحكوا ضميركم

[ندعوك للتسجيل في المنتدى أو التعريف بنفسك لمعاينة هذه الصورة]لذلك نرجو من سيادة القاضي المنحاز( ليا ) أن يمهل لجنة الدفاع بعض الوقت لدراسة القضية

بين ما أرجع بدي الكل يوقف مع جورجينا فهمتو [ندعوك للتسجيل في المنتدى أو التعريف بنفسك لمعاينة هذه الصورة]
وبالنهاية الباب اللي بيجيك منو الريح ولا عشرة عالشجرة
والله ولي التوفيق
وهي دقني يا جورجينا اذا بتشوفي البراءة [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: محكمة المنتدى 4/3/2010, 4:35 pm

وقعتي وما حدا سما عليكي
هعععععععععععععععععععععع
والله لفجرررررررررررررررررررك
وانتقم منككككككككككككككككككككككككك
يا جرجيرااااااااااااااا
هاهاهاههاههاهاههاههاهاههاها
لكن وقعتي اااااا والله لاعمل فيكي اللي ما انعمل فكرتي رح تنفدي مني
اي لا وحياة ستك
مانفدتي دعوانك غير مستجابي
خخخخخخخخخخخخخخخخ
وشو مشان كاكا الخاين انا بورجيك بسيطة
راجعتلك ولي
سيدي القاضي خلصضت شماتي انزل
اقسى العقوبات بتلك الغبية المعتوهة جرجيرا
لي عودة

موضوع: رد: محكمة المنتدى 4/3/2010, 5:02 pm

[ندعوك للتسجيل في المنتدى أو التعريف بنفسك لمعاينة هذه الصورة]

أول شي بدي قول أنو نورت برجوعك ع المنتدى حسام

تاني شي نظرا أنو صار معي شوص من خطك
فأنت معاقب

أول عقاب أنو ممنوع تكتب بهل حجم الخط
وعقوبتك هيي أنو لازم تنزل خاطرة بقلمك وعندك مدة يومين بس لحتى تنزلا

ترفع الجلسة لحين تنفيذ حكم محامي الدفاع
وشكرا

موضوع: رد: محكمة المنتدى 4/3/2010, 5:13 pm

يا حبيبي شكلو القضاء بالمنتدى اخوه التوأم لقضائنا السوري على هالحالة المحاكمة بتكون بعهد احفادا للست فشكليتا خانم ..
انا بطالب بتسريع اجراءات المحاكمة يا سيدي القاضي
لانو المماطلة هدفها كسب الوقت والمقت عالفاضي

كيفني معك للوش شاعر مو هيك؟ [ندعوك للتسجيل في المنتدى أو التعريف بنفسك لمعاينة هذه الصورة]

ومن هلق رح بلش جمع الادلة على الشغب يللي قامت فيه المجرمة سواء بالشات او المنتدى او حتى الماسنجر والاخطاء الفظيعة يللي ارتكبتها وما ارحمك وليه يعني اقل شي اقل شي اعدام قولة المختار البيسة
هههههههههههههه

وغنيلو لحبيبك حبل المشنقة ليلة البلبسلك الاحمر
هههههههههههه

موضوع: رد: محكمة المنتدى 4/3/2010, 5:58 pm

اولا تقبر قلبي لك كاكا احلى محامي
لك عيني ربك عيني جبنا العدام قصدي البرائة مافي مجال
بس بكفي انك اجيت انت كلك على بعضك دافع عني هي عندي برائة
لك حتى تعرفو شو ملاك انا
متل الصورة بس بلا البالون
هههههههههههههههه

وليه روزا الاهي يوم بشوفك بقفص الاتهام وبروجيكي
بس الله يامحك مارح احكي شي انا حبابة

تروح روحك ولا
قصدي روح اليوفي لك قاتلة ابوك انا حتى شمتان فيني
بعدين عم تحكي على قضائنا
سيدي القاضي اطالب بتادينب المدعي على هذا التهام السافر ضد المحكمة والقضاء
تلبس البرتقالي الاهي روح
ماشي

بعدين شو هي عقوبة بالمحامي هلئ بطير ولك سيادة القاضي

بس انا اقبل باي حكم من محكمتنا الرشيدة وبعرف انو مارح تضلمو ملاك بريئ متلي

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: محكمة المنتدى 4/3/2010, 10:47 pm

وليه روزا الاهي يوم بشوفك بقفص الاتهام وبروجيكي
بس الله يامحك مارح احكي شي انا حبابة
شو مشان الاخطاء الاملائية جرجيرا
عرفاني بحالك يعني انك مزنبة وبدك شنق
وتعليق من رجليكي بالهوا
انا بقترح سيادة القاضي تعليق المتهمة
من رجليها وزتها بالندورة المفعوصة قصدي المستوية
كعقاب جزئي
ولسا برجع سيادة القاضي مع مصايب اكتر
هههههههههههههههه ومشان تشوفي يوم
شفناكي وقت كنت بس انا ما بيطلعلك معي بنوب
هاهاهاها طلعت برائة مو متلك
خخخخخخخخ

موضوع: رد: محكمة المنتدى 5/3/2010, 4:35 pm

سيدي القاضي حضرات السادة المستشارون
هلق شو منشان أنو كلكن على جورجينا [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]طيب بنرجع للدفاع
من خلال دراستي الدقيقة والمتعمقة لحيثيات القضية والناس المدعية على موكلتي وشخصياتهم ونفسياتهم طبعا وأنا عم أشرب نفس أركيلة منشان مخمخ عليكن[ندعوك للتسجيل في المنتدى أو التعريف بنفسك لمعاينة هذه الصورة]
أرى أن هذه القضية تبلي والسبب يا سيادة القاضي لأن هؤلاء الأشخاص يقومون باسفزاز سافر لموكلتي في كل مكان في الشات وفي المنتدى وأرى أن تقوم بمراجعة الردود لترى مقدار الكره والضغينة التي يكنوها لموكلتي البريئة الملاك ( ما في داعي نرجع نعرض صورتا هههههه )[ندعوك للتسجيل في المنتدى أو التعريف بنفسك لمعاينة هذه الصورة]
وبالاستناد إلى ما شاهدته في الشات من عمليات استفزازية ضد موكلتي توصلت إلى قناعة تامة أرجو أن تشاركني بها يا سيادة القاضي وهي براءة موكلتي جورجينا [ندعوك للتسجيل في المنتدى أو التعريف بنفسك لمعاينة هذه الصورة]

لذلك أطالب برد الدعوة ضدها وأطالب برفع دعوة مستعجلة ضد روح اليوفي وروزاليندا بسبب الاتهامات الباطلة الموجهة لموكلتي وإذا ما بتطلع براءة
بدي [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]وتقبلوا فائق الاحترام

هلق شو منشانك ليا [ندعوك للتسجيل في المنتدى أو التعريف بنفسك لمعاينة هذه الصورة]أنا محامي الدفاع مو المتهم
يعني أنا ما فيكي تحكميني [ندعوك للتسجيل في المنتدى أو التعريف بنفسك لمعاينة هذه الصورة]

واللي عم يوقف ضدي بدي [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: محكمة المنتدى 5/3/2010, 5:44 pm

[ندعوك للتسجيل في المنتدى أو التعريف بنفسك لمعاينة هذه الصورة]

لك الله حي رجال شو كمالة الغنية
لك عيني ربك يا ريكي شايفين شايفين وحياة الله انا عم استفز بكل مكان
كل هدا حتى يثبتو التهمة عليي
حرام انا ولو
انا احتج على روزا عم توجهلي اهانات حتى تستفزني

كما اطالب بعدم التعرض لمحامي الدفاع
لانو هالشي اكيد رح ياثر على مسا الجلسات
محامي عم يدافع عني ماغلط بشي حضرة القاضي

كما اطالب بتوجيه انذار لروح اليوفي لتهديده لي بالشات

وشكرا حضرة القاضي المحترم

موضوع: رد: محكمة المنتدى 6/3/2010, 2:32 am

انا ما الي حكي مع المتهمين المجرمين أمثالك لهيك رح وجه الحكي لسيادة القاضي لانو واضح انو فهمان لب المشكلة وما خافي عنو شيطنتك وشغبك بالشات ايتها المتعجرفة المبعجرة متل السفرجلة..[ندعوك للتسجيل في المنتدى أو التعريف بنفسك لمعاينة هذه الصورة]

سيدي القاضي ..

هي المبعجرة الكلمات ماحدا بينكر انو ضربت صناعة الكيبوردات الوطنية عنا من خلال استهتارا واكلا لعدة احرف ما بتقرب عليهن وبالمقابل عندا احرف انمحت عن كيبوردا المظلوم يللي عم يعاني منها كتير ..
سيدي القاضي احيانا بيخطرلي حط كاميرا مراقبة عاللابتوب او الكومبيوتر عند هالمفعوصة لانو بحس انو عم تكتب برجليها مو بايدها من كتر الاستهتار واكل الحروف وتغيير الاحرف بالكلمات ..[ندعوك للتسجيل في المنتدى أو التعريف بنفسك لمعاينة هذه الصورة]
وانتا اعلم سيدي القاضي شو ممكن يغير الحرف من معنى الكلمة او الجملة ..

واذا افترضنا انها بريئة من مزاعم الاخطاء غير المقصودة بامكانك تتطلع على هذا التسجيل لحديث بالشات اتهمتني فيه بالغباء لمجرد انو اطلعتا على حكم البنت يللي بتحكي الشب بالاسلام وبامكانك تشوفي هالمصطلحات الخرندعية يللي بتتحفنا فيها هالمغضوبة والساعية لتدمير المجتمع..

التسجيل

[جورجينا] 9:25 pm: مو الي بتحكي شب بيجلدوها يا غبي
[nise] 9:25 pm: لعيونك روح (شايفة كيف بتحكي العالم[ندعوك للتسجيل في المنتدى أو التعريف بنفسك لمعاينة هذه الصورة])
[جورجينا] 9:25 pm: هديك غير شي
[روح اليوفي] 9:25 pm: باخ سريعة جدا
[جورجينا] 9:25 pm: الله ياخدك
[nise] 9:26 pm: وهي رح فوت روح الميرنغي انا
[صمت الليل ] 9:26 pm: حديد كيفك اليوم
[روح اليوفي] 9:26 pm: بالله جورجينا؟
[nise] 9:26 pm: رووووووووووووووووووووواء عمي صمت الله يبسعدك
[جورجينا] 9:26 pm: بالليين
[nise] 9:26 pm: رح ارجع وبثلك النكتة الجديدة
[روح اليوفي] 9:26 pm: ههههههههههههههههههههههههههههههههههههههههههههه

طبعا نايس هوي حديد ولا حظوا انو خلال 3 جمل بهدلتني 3 مرات واخترعت مصطلح ال بالليين!!!

لذلك انا اطالب بتطبيق اقصى العقوبات ومنها :

1- انو لا يسمح لها بدخول الشات او الماسنجر الا ما تكون لابسة جزمة برجليها لنتأكد انو ما عم تكتب برجليها ..والا ترفع من رجليها متل الخاروف المسلوخ مشان تضطر تكتب بايدها[ندعوك للتسجيل في المنتدى أو التعريف بنفسك لمعاينة هذه الصورة]
2- صناعة كيبورد خاص بالست جورجينا بحيث يكون حرف الفاء في المطبخ والقاف في غرفة النوم والكاف عالسطح مشان تتعلم قيمة الحرف وتتعب وهي عم تدور عليه وتكبس عليه بحنان مو تاكلو هيك بلا مسؤولية
3- قص لسانا وتعليقو عند ابو عبدو اللحام مع لسانات الجمال والخواريف والقرود لانو دسم وكلو هبرة وانا بقترح ينفرم بكون احسن ..[ندعوك للتسجيل في المنتدى أو التعريف بنفسك لمعاينة هذه الصورة]مشان ما بقا تتحفنا بمصطلحات شاتية معتة جديدة
4- بما انها مصعت كم رقبة بالسابق انا بقترح انو تنحط على آلة الاعدام المسماة مصاعة الرقاب (شفتا مرة بفلم لجيمس بوند وصوفيا مارسو )
5- تغيير اسما بالمنتدى الى مفشكلة بما انك قاضية ومديرة وبتموني تمصعي رقبتا لحتى تتربا وتتعلم تكتب متل البشر لك يخرب بيتا عشو مستعجلة ولو؟؟بتقول رح تخلص بطاقة النت بعد اجزاء من الثانية!!!!
يخرب بيت الكحتنة انا ببعتلا بطاقة نت لهالكحتوتة بس لا تستعجل بالكتابة ما رح نهرب ..[ندعوك للتسجيل في المنتدى أو التعريف بنفسك لمعاينة هذه الصورة]

اشكر حسن قرائتك سيدتي القاضي

ولسا ما خلصت طولي بالك عليي يا سفرجلة هوهوهوهو

موضوع: رد: محكمة المنتدى 6/3/2010, 4:34 pm

انا ما الي حكي مع المتهمين المجرمين أمثالك
لهيك رح وجه الحكي لسيادة القاضي لانو واضح انو فهمان لب المشكلة وما خافي
عنو شيطنتك وشغبك بالشات ايتها المتعجرفة المبعجرة متل السفرجلة..[ندعوك للتسجيل في المنتدى أو التعريف بنفسك لمعاينة هذه الصورة]

اولا سيدي القاضي شايفة كيف عم يوصفني باوصاف بعيدة عن المعاملة الانسانية
[ندعوك للتسجيل في المنتدى أو التعريف بنفسك لمعاينة هذه الصورة]

بعدين سيدي القاضي الحديث مزور وتلفيق ع لساني وانا مستحيل احكي هيك حكي اعوذ بالله
وكل يلي بيعرفوني بيعرفو مدى التزامي
[ندعوك للتسجيل في المنتدى أو التعريف بنفسك لمعاينة هذه الصورة]
وهالشي بيشهد عليه حضرة المحامي المحترم لانو كان بلحظة الحديث مبارح وبيعرف كيف تهمني المدعي انو رح يلفقلي كل هالتهم ولما كان عم ينسجل الحديث

بعدين سيادة القاضي انا مابنكر الخطئ او الاخطاء الاملائية بس هدا الشي غير مقصود وذلك لعطل وانفجار مدمر بكي بوردي
يعني مو انا السبب

بعدين مو من حقو يطالب بهالاحكام السافرة قبل ما يكمل محامي الدفاع كل مرافعاتو
وشكرا سيدي القاضي على صبرك واناتك

موضوع: رد: محكمة المنتدى 6/3/2010, 4:45 pm

سيادة القاضي انا بشد على ايد روح اليوفي
لانو اكتر واحد حكيم وعاقل هون
وبيعرف انو جرجيرا المتهمة تستحق السجن ومؤبد
مع تعليقها من قدميها ورمي البندورة عليها
لي عودة سيادة القاضي
ولا تنسى تطلع على طريقة العقوبة
ومشان المحامي ريكي بقلك اعتزل المحامات
افضل صديقي مشانك مو مشان شي
لي عودة

موضوع: رد: محكمة المنتدى 6/3/2010, 5:40 pm

سيادة القاضي ارجو تدوين الالقاب الموجهة الي من بعجورة وجرجيرا ومافي من تجريح لشخصي

موضوع: رد: محكمة المنتدى 8/3/2010, 9:02 am

سيدي المحامي اعضاء السادة المستشارين اعضاء منتدانا الكرام والاكارم
يعني مبينة الشغلة وواضحة تلفيق بتلفيق على جورجينا من قبل المدعيان روح اليوفي وروزا
روح اليوفي يدعي عليها بفشكلتها بالكتابة والسرعة فيها سيدي القاضي من منا لا يسهو ويغلط عن الكتابة
هي تعمل هذا كي تلحق بالرد للجميع وتريد ان تثبت للجميع انها لن تتخلى عن المنتدى وانها على علم بكل صغيرة وكبيرة تحدث فيه
و لان في ساحة المعركة متهم واحد والجميع من حوله يزخون عليه بالاسئلة والمشاحنات والمواضيع
فكيف لها ان تكتب بصيغة صحيحة وخاصة ان الكيبورد عندها لاقي الهويلات
فانت يا روح اليوفي هل تخلو كتاباتك من الاخطاء والفشكلة رغم انك لا تزخ عليك كل هذه الاسئلة بالشات والمنتدى
مثلاا
روح اليوفي : باخ ؟؟؟
وروزا لا تكتب بشكل صحيح لا بالشات ولا بالمنتدى اغلب الحروف مدري وين شاردة اما انقاص الحرف الاول او انقاص الحرف الاخير
مثلا روزالينذا :سيدي القاضي خلصضت شماتي انزل
اقسى العقوبات بتلك الغبية المعتوهة جرجير
فسر يا سيادة القاضي ما معنى هذا
فهل هذا دليل لاتهام موكلتنا بفشكلتها بالحروف
والتسجيل اللي قدمه المدعى فيه تلاعب وغير صحيح
ما بالك سيدي القاضي

انه سبب لانتقامهم وكبت غضبهم بسب خسارة فريقهم اليوفي

سيدي القاضي هذه ادلة واضحة على اتفاق المدعيان روح اليوفي وروزا لانهما من طرطوس يتقابلان ويتفقان على الفاق التهم بموكلتنا جورجينا لان روزا لا تستطيع التواجد في كل جلسة
المشكلة سيادة المحكمة الموقرة أستحي من قولها لكن الذي أراه أنه هناك تجريحات ومشادات كلامية تجري لجورجينا ...ألفاظ غير محبذة كلها انفعالية
لذلك اطلب النظر بالقضية جيدا .سيدي القاضي ساترك الامر لحكمك وعدالتك
واطلب براءة موكلتنا جورجينا وتنزيل اشد العقوبات بالمدعيات لتلفيق التهم لموكلتنا وتوجيه القاب غير محبذة
تفضلوا مع فائق الاحترام

موضوع: رد: محكمة المنتدى 8/3/2010, 9:18 am

السلام عليكم سادتي وسيداتي
اود ان اعلمكم ان الجلسات المسجلة هنا قد فاضت بصبري ذرعًا
ما هذا التلفيق وما هذه الاتهامات الباطلة اتجاه موكلتنا جورجينا ...
لم هذا العنف الكلامي ولم هذه القسوة اللامتناهية والمشاحنات الاستفزازية؟
من اجل كي بورد ؟؟؟؟ انا اعارض واندب هذه الاتهامات السافرة بحق موكلتي
واشد على كي بورد الهيئة الادارية قمر في قولها ان لكل منا اخطاءه الدردشية
جل من لا يخطا يا سيادة القاضي
وانا التمس رجاحة عقلك ورزانة حكمك في هذا الموضوع فما هو الا تجريح مالو طعمة
واتمنى من الادعاء ان كان حقًا يملك ادعاءات غير باطلة اتجاه جورجينا ان يبرزها لنا
وليكن لوثائقه ادلتها ورصانة كتابتها ومغزًا لها
وشكرا لكم جميعًا

موضوع: رد: محكمة المنتدى 8/3/2010, 5:40 pm

[ندعوك للتسجيل في المنتدى أو التعريف بنفسك لمعاينة هذه الصورة]

قمر لك تقبري قلبي الاهي
ارئيت سيدي القاضي يكفي ان تكون قمر معي لتثبت برائتي وهذا المعروف عن قمر ونزاهتها وهدوئها
ووقوفها مع الحق ولو على قطع رقبتها

ليناي
شكرا لجميع الاثباتات والادلة
ارئيت سيدي القاضي
يعني يكفيني فخرا وجود هؤلاء المدافعين
وهم المشهورين بدفاعهم عن حقوق الانسان في جميع الاصعدة

ملااااحظة
سيدي القاضي اريد التقدم ببلاغ عن اختفاء المحامي الاول ريكي
واغلب الضن ان المدعوة روزاليندا قد اقدمت على عملية اختطاف لكاكا
وهذا سبب انقطاع اخباره من عدة ايام
ارجو النظر في الموضوع حالا

موضوع: رد: محكمة المنتدى 9/3/2010, 7:25 am

سيدي القاضي حضرات السادة المستشارين[ندعوك للتسجيل في المنتدى أو التعريف بنفسك لمعاينة هذه الصورة]
طبعاً في البداية أرجو الانتباه إلى سابقة خطيرة في تاريخ منتدانا وهي التهديدات التي تعرضت لها من مجهولين بسبب الدفاع عن جورجينا
وهذا يسبب خلل في العملية القضائية وهو سبب انقطاعي في الفترة السابقة لذا أرجو النظهر لهذه السابقة الخطيرة بعين من الحكمة والحزم
[ندعوك للتسجيل في المنتدى أو التعريف بنفسك لمعاينة هذه الصورة]
بالإشارة إلى مرافعاتي السابقة وبعد الاستماع إلى شهادة شهود الدفاع كل من ليناي وقمر والاستماع إلى المتهمة جورجينا نفسها
تلاحظ يا سيادة القاضي الافتراءات والادعاءات الباطلة[ندعوك للتسجيل في المنتدى أو التعريف بنفسك لمعاينة هذه الصورة]
لن أقوم بتفصيل هذه الإدعاءات لأن أعضاء هيئة الدفاع قام بذلك مشكورين[ندعوك للتسجيل في المنتدى أو التعريف بنفسك لمعاينة هذه الصورة]
لذلك أطالب برد الدعوة وإعطاء البراءة لموكلتي[ندعوك للتسجيل في المنتدى أو التعريف بنفسك لمعاينة هذه الصورة]
وأطالب بتطبيق العقوبة بالقدح والذم على روح اليوفي وروزاليندا بسبب اتهاماتهم الباطلة[ندعوك للتسجيل في المنتدى أو التعريف بنفسك لمعاينة هذه الصورة]
وشكرا لحسن استماعكم سيادة القاضي
والله ولي التوفيق

موضوع: رد: محكمة المنتدى 9/3/2010, 8:45 pm

ههههههههههههههه

جورجينا

قلبي معك والله يفك اسرك

موضوع: رد: محكمة المنتدى 10/3/2010, 6:43 pm

محامي العزيز
بععد كلامك مافي كلام

ميرسي عليا
تعي زوريني
هههههههههه

موضوع: رد: محكمة المنتدى 10/3/2010, 6:56 pm

وين بالسجن

كش برا وبعيد

حبيبتي بس طلعتي براءة بجي بهنيكي

ههههههههههههه

موضوع: رد: محكمة المنتدى 10/3/2010, 7:37 pm

ههههههههههههههه
اوكي عليا يلا ناطرتك البرائة اكيدة نشالله

موضوع: رد: محكمة المنتدى 13/3/2010, 12:16 am

أنا أسفة لانو اضطريت غيب

بس حسام وين الخاطرة ؟؟

وبلييييز زبط خطك لانو عم انحول وانا عم اقرا ولو

يلا ناطرين الخاطرة

موضوع: رد: محكمة المنتدى 15/3/2010, 10:01 am

ايها القاضي ايها المستشارون ايها القراء

وهل هذا عدل ان يغيب القاضي العام من غير ان نعرف الاسباب
وموكلتنا تلقى الهويلات وهي مقبوعة بهذا المكان

ننتظر حكمك بالافراج عن موكلتنا
لان كل الادعاءت باطلة ومزيفة
وتنزيل العقوبات القانونية االازمة للمدعيان رووح اليوفي وروزاليندا

ههههههههههههه انا شايفة انسينا المتهمة وبلشنا بمحامي الدفاع
يعني المتهمة ومحامي الدفاع بقضية واحدة

جبناك يا عبد المعين لتعين طلع مين بده يعينك
ههههههههههههههه

تقبلوا فائق الاحترام

موضوع: رد: محكمة المنتدى 15/3/2010, 1:53 pm

سيدي القاضي من بعد اذنك يعني صحيح انك خارج التغطية بس بدنا ناجل شوي المحاكمة شنو
روزا وحنين مو مبينين لهلق

وانا لحالي بطحبش الدفاع كلو بما فيه المحامين [ندعوك للتسجيل في المنتدى أو التعريف بنفسك لمعاينة هذه الصورة] وبحطون بالسجن لذولك ورأفة بالمحامين المساكين [ندعوك للتسجيل في المنتدى أو التعريف بنفسك لمعاينة هذه الصورة] ارجو تاجيل الجلسة ريثما تعود حنين وروزا الى المنتدى ويشيولوني عنهن شوي [ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههههههههه

موضوع: رد: محكمة المنتدى 15/3/2010, 6:03 pm

سيدي القاضي شايف التهرب
ارجو الاخد باسباب قمر والافراج عني بسند كفالة

» الله ياخذ المنتدى ولي عما المنتدى واعضاء المنتدى
» محكمة
» محكمة العدل الاسلامية
» محكمة مصرية تسجن فتاة جمعت بين 7 أزواج في 45 يوماً
» محكمة بريطانية تقضي بإطلاق أبو قتادة بشروط مشددة