عــــــدو المرأة

موضوع: عــــــدو المرأة 28/8/2009, 1:16 am

هاي شباب وصبايا

متل ما تعودتو دايما على افكار ليا المجنونة

اليوم كنت عم احضر فلم المشهور كتير

ويللي سام عدو المرأة ( لرشدي أباظا )

o12

الفكرة هيي انو رح اختار كل مرة شب
مع اني متاكدة انو اغلب الشباب الموجودين بيعشقو المرأة Suspect

بس بتخيل انو عدو المرأة ناقض لتصرفاتها

رح يكون اول ضيف

مرتضى

وعلى كل مرأة ان تدافع عن نفسا وعن نقد مرتضى

بطريقة محترمة و ما نقلبها حرب

وطبعا ما تقصرو باسئلتكم بنات

يلا مرتضى المايك معك ونقود على راحتك

موضوع: رد: عــــــدو المرأة 29/8/2009, 8:05 pm

هههههههههههههههههههههههههههههههههههههه والله فكرة حلوة وبتجنن

بانتظار الانتقادات

موضوع: رد: عــــــدو المرأة 2/9/2009, 3:21 pm

حلوووووووووووووووووة

يلا شو وينو ابو الرووووووووض
روح ياعمي الله يكون بعونك

مشكورة للوشة على الموضوع

موضوع: رد: عــــــدو المرأة 3/9/2009, 11:27 pm

وينكككككككك مرتضى ؟؟؟؟؟؟؟

موضوع: رد: عــــــدو المرأة 5/9/2009, 9:54 pm

مرتضىىىىىىىىىىىىىىىىىىىى وينكككككككككك
حلوة كتيير الفكرة ليا

موضوع: رد: عــــــدو المرأة 15/1/2010, 3:20 am

طيب انا رح اسأل سؤال هون للمرأة مشان فيق هالموضوع الظريف كتير كتير..

بقول توفيق الحكيم وهوي كاتب الو وزن معروف جداً ..انو فاق باحد الايام ليكتشف انو نص كتاباتو عن المرأة..بس للاسف بحياتو ما شاف امرأة مبدعة بمعنى الابداع والخلق..
يعني مثلاً المرأة دخلت عالم الغناء وابدعت وعالم التمثيل وكل الفنون..
بس مين سمع بحياتو بكاتبة كلمات ؟او ملحنة؟او مؤلفة موسيقية؟
كلهن رجال..هههههههههههههه
حدا بحياتو سمع بعالمة كيماوية ؟او مخترعة؟او عالمة فيزيا او كهربا؟ببساطة لا
حدا بحياتو سمع عن فيلسوفة؟ههههههههههههههههه ببساطة لا
المرأة برعت بمجال محدد هوي تأليف القصص وسرد الحكايا وابراز المشاعر لانو بدمها هاد الحكي ..
بتشوفو كاتبات عظيمات متل الليندي وهي تبعة الروايات البوليسية نسيت شو اسمها
وعربيا احلام وغادة السمان وغيرهون..
بتشوفوا فنانات عظيمات ..ورئيسات دول وحكومات..وهاد طبيعي ومن حق المراة..
بس للتاريخ!!!!!!!!!!!!!
وانا من صف المرأة دائماً..
كل الانجازات السامية بتاريخ البشرية كانت للرجال..
كل الانبياء والمرسلين كانوا رجال..
كل الاختراعات والنظريات الفلسفية واكتشاف القوانين كانت للرجال..
مرتو لنيوتن بشو احسن منها هوي لحتى يكتشف الجاذبية وهيي قاعدة عم تحضر وادي الذئاب؟؟
مرتو لاقليدس بشو احسن منها لحتى يكتشف نظريات مشهورة وهي عم تثرثر مع جارتها عن ستار اكاديمي؟
مرتو لانشتاين كانت عم تكتب "ههههههههه"عالماسنجر لما طور زوجها النظرية النسبية يللي قلبت موازين الكون!!!

يالله بنات ردوا لشوف ..
هههههههههه

ملاحظة :القوا نظرة على آخر 300 موضوع في قسم حواء لتجدوا ان المواضيع التي تفيد المرأة حقاً هي 3 مواضيع فقط..
موضوعين للحكيم نيكولاس وموضوع للعضو نزار ابو حلب..
والباقي كلللو شغل ماركات ودعايات ووجع راس
حاجتكن جنس حوى ..بشرفي لاكتب هالرد بموضوع لحالو
ههههههههههه

مشكورة للوش ..دائماً مميزة بمواضيعك وهي من عندي +
...

موضوع: رد: عــــــدو المرأة 15/1/2010, 3:33 am

مشكورة ليا على الفكرة الحلوة والرائعة بس وبنو جد ابو الروض قوم وقلهن على الابداعات الرجولية هههههههههههه نحنة صحيح منحب النسوان بس كمان بنحب الشباب

موضوع: رد: عــــــدو المرأة 16/1/2010, 4:22 pm

العمى العمى العمى شو هااااااد
لي هيك طاحش فينا اولا رد برد عليك مين الي حطت هالموضوع يلي بجنن مو بنت واحلى بنت
مين يلي كان ورى كل هدول الناجحين
بكفي قلك انو انتو يلي قلتو مو نحنا وراء كل رجل عظيم امراة

دخلك وينو بلي كلنتون هلا مثلا بعد ما طار من الرئاسة وين مرتو
مين كان مشي بوش كانو كوندليزا

مين كان مدوخ قيصر مو كليوباترا
مين طير اذينة وكان افضل منو مو زنوبيا
لك مين نزلت صورة بالقران الكريم باسمو النساء او الرجال

مابقدر قول اكتر من هيك مسيو ثعلوب

موضوع: رد: عــــــدو المرأة 16/1/2010, 4:53 pm

ماشالله عليكي جورجي شو بتعرفي تردي
ههههههههههه
لك شو عم احكي من الصبح؟؟؟
شو في شي من الابداع انك تكوني رئيسة وزراء امريكا ؟؟يللي بتسوقها الصهيونية متل النعجة؟
شو في شي من الابداع انو تتزوج كليوباترا اخوها ؟ترجع تتزوج قيصر ترجع تنتحر لانو اوكتافيوس قتل حبيبها انطونيوس وهي اختارت هاد الاهبل الضعيف لانو حلو(ماشالله شو كانت بعيدة نظر)
انا قلت انو المرأة نجحت بكتير من المجالات وانا بتمنى تنجح بكل المجالات وما بحب ابدا النظرة الفوقية للرجل الشرقي لانو هاد تخلف..
وما بنفي انو في بنات هون قمة بالعقل والرزانة بس شو نسبتهن قدام اتباع القديسة هيفا وهبة ؟او الاخت نانسي؟او معذبة الرجال لميس؟
شو نسبة الانوثة الحقيقية بزمن السيليكون والبوتكس؟
كلامك مردود جورجي لانو مافيكي تنكري انو في (عجز) عند النساء بالوصول لحقائق كونية متل سببية الوجود الانساني ..ومتل القوانين الوضعية الرياضية والفيزيائية..
يللي كل ما كشف عنو ..وما لقينا شي بعتقد ..كان شغل رجال ..مولانو الرجال عقلو اكبر من المرا..بس لانو ما بشغل بالو بتفاصيل مهملة واشكالات ماالها داعي ..ولانو العقل عندو مسيطر اكتر من العاطفة..
يعني انا استنيتك تقليلي مدام كوري..كنتي افحمتيني هههههههههههههه
بس للاسف ما زمر بنيك هههههههههه
وبالنسبة للقرآن عدي لقلك..
سورة محمد سورة يوسف سورة ياسين ...
وانتوا كلكون لحشكون بسورة وحدة..هههههههههههه دخيل اسمو
الشغلة مو شغلة آيات قرآنية يعني عندك سورة البقرة..شو يعني البقرة مقدسة؟
سورة العنكبوت؟سورة النحل؟سورة الانعام؟شو مشان؟؟

ناطرك جورجي..

...

موضوع: رد: عــــــدو المرأة 16/1/2010, 5:39 pm

ليك ليك ثعلوب يا حرام شو بواسي حالو
طيب رئيسة وزراء تابعة للصهيونية طيب مين يلي حط قواعد الصهيونية كانو صاموئيل هرتزل يعني كانو رجال

كلليوبترا اخدت اخوها كانو الرجال وضعو هالقوانين السخيفة للمحافظة علىسيطرتن على الحكم

الاختراعات الرياضية طيب هي بعترفلك فيها مابنكر

بس عشاق هيفا واليسا وغيرن وعيراتن كانون رجال او انا غلطانة
وبطير عقلون من اول تغنيجة من امراة لا تحسب على النساء

بعدين الايات القرانية انت نسيت انو الايات يلي ذكرتا هذول رسل ونحنا ما منتشبه فيهن
لهيك مابينحسبو نقطة لصالح الرجال

بس انت نسيت انو المراة الوحيدة الي ذكرت صورة باسمها هي مريم

بعدين كانو نسيت زنوبيا ومازكرتا

واهم شي لما انت بتحكي ع الرجل
نسيت مين يلي كان السبب بوجود الرجل
ومين يلي عم ينجب هيك رجال ويكون الاساس بتربيتن ليكونو يلي هنن عليه هالايام
ونسيت كرامة الام واهميتا وتقديرا بجمع الديانات والمذاهب والاعراف
وحتى برى الدين نسيت قيمة الام
وتقدير الرسول عليه الصلاة والسلام امك ثم امك ثم امك ثم اباك

موضوع: رد: عــــــدو المرأة 16/1/2010, 6:13 pm

لك يا جورجي شبك ما تطلعي عن الموضوع ...
انا ما ناقتشك باهمية دور المرأة بالتاريخ..وانتي عم تدرسي تاريخ لازم تعرفي...
انا عم احكي عن التأليف الابداع الخلق ..انى لكنّ من هذا يا نساء؟
انا مو اعتراضي على زنوبيا يللي بعتبرها اهم قائد تاريخي سوري وحتى اهم من كتير قادة مسلمين..
يعني لو بتعرفي قديش بحب زنوبيا عنجد ما بتحطي اسمها ههههههه
اما بالنسبة للصهيونية يعني هاد الابداع الصهيوني انتي برأيك شي عاطل؟
ما زرع كيان عنصري بقلب الوطن العربي وبالصرماية اجلكون بذكاء اليهود وهرتزل؟

وكليو باترا ..شو قصتك معها؟ههههههه يعني القانون تبع الزواج من الاخت موجود بالتاريخ المصري قبل كليوباترة بالاف السنين وعفكرة كليوباترة مانها فرعونية ..اصلها يوناني

وبالنسبة لاتباع القديسات الجدد يعني انا ما توقعتك تردي بهالطريقة لانو متل مافي هيفا ..عندك تامر ومهند ومراد (هاد ضارب هالايام) ..
هدول البنات يللي عم ينتحروا ليشوفوا هيك نماذج . أنى لهنّ من الابداع؟
ههههههههههههه

ورجعتي لقصة الاسماء بالقرآن الكريم ..فسر مايلي :وجود سورة باسم سورة الاحزاب..
انو يعني اسماء السور هي قضية ممكن نتناقش فيها؟
يعني سورة النساء مو كلها قوانين للنساء لانهن حالات خاصة؟؟
يعني شو ممكن نسميها غير هيك؟
معقول في قوانين للرجال؟مشان تتسمى السورة سورة الرجال؟

هاد مو حكي منطقي ..وبرجع بقلك انتي عم تتهربي من الرد ..
الموضوع بيتلخص بسطر واحد:
المرأة عاجزة عن الخلق..التأليف..الاختراع..
المرأة فنانة ..مبدعة ..شاعرة..قائدة..محددة مصير..ذكية
لكن كل شي الو علاقة بالتفكير العميق ..ابعد ما يمكن عنكنّ

ناطر انا ناطر
هههههههههههههه

...

موضوع: رد: عــــــدو المرأة 16/1/2010, 7:02 pm

الابداع ليس سمة الرجال
والتفكير لم يحصر فيهم
هلا مستعدة اعطيك مية مثل او مية مقولة عن اقوال اعقل رجال العالم بالنساء
شو بتعتبر هالشي انو المراة مابتستاهل انو تعتبر ند للرجل
انا ما عم انكر الابداع عند الرجل في مجال العلوم وتفوقو يمكن على المراة
بس مابتعتبر انت هالشي لانو في مجالات بتبدع فيها المراة بيكون الرجل بعيد عن الابداع فيها
الله خلقنا جنسين ولكل واحد وضيفتو بهالحياة
ماتقلي يلي بيبدع بالختراع هو الجنس الافضل
لانو يلي بيبدع بالانشاء يعني بالتربية هي المراة
يعني بعتقد كل واحد الو سبب لوجودو وكل واحد الو اختصاصو
هاد مو معناتو انو المراة اقل من الرجل اكيد ولا حتى هو اقل منها

موضوع: رد: عــــــدو المرأة 16/1/2010, 7:30 pm

طيب انا رح اسأل سؤال هون للمرأة مشان فيق هالموضوع الظريف كتير كتير..
فيقو لقلك بس تحمل النتائج
بقول توفيق الحكيم وهوي كاتب الو وزن معروف جداً ..انو فاق باحد الايام ليكتشف انو نص كتاباتو عن المرأة..بس للاسف بحياتو ما شاف امرأة مبدعة بمعنى الابداع والخلق..
ما بحب ناقش بقناعات اشخاص ما فيني احكيها ولا فهمها وجهة نظري لهيك خلينا ضمن منظورك انت ورؤيتك المجردة
يعني مثلاً المرأة دخلت عالم الغناء وابدعت وعالم التمثيل وكل الفنون..
بس مين سمع بحياتو بكاتبة كلمات ؟او ملحنة؟او مؤلفة موسيقية؟
كلهن رجال..هههههههههههههه

حدا بحياتو سمع بعالمة كيماوية ؟او مخترعة؟او عالمة فيزيا او كهربا؟ببساطة لا
حدا بحياتو سمع عن فيلسوفة؟ههههههههههههههههه ببساطة لا
المرأة برعت بمجال محدد هوي تأليف القصص وسرد الحكايا وابراز المشاعر لانو بدمها هاد الحكي ..
والانوثة والحنان والعطف والتفهم وسبب نجاح هالرجال والهامن مينها؟؟؟ كمان الرجال؟
وبالنسبة لعبارة بدمها هالحكي معناها انت مستسلم لواقع انو المراة مختلفة
وانو المراة لا تقارن بالرجل بما انو هيي خلقت بتكوين مختلف وباهتمامات مختلفة ودمها كان بيحوي شي معيين (منيح على الاقل نحنا عنا شي ثابت وبتكويننا العترة على الي بينتهج الكزب وبيعيش التارجح )
واستسلامك هاد وتسليمك باختلاف تكويننا بيلغي للنقاش وجود لانو رح يتحول لجدل مع شخص حاطت رايو بمثابة المسلمة وليس الفرض
ومع هيك رح كمل على مسلمتك لورجيك ضعفها وقبلوها للطعن
بتشوفو كاتبات عظيمات متل الليندي وهي تبعة الروايات البوليسية نسيت شو اسمها
وعربيا احلام وغادة السمان وغيرهون..
بتشوفوا فنانات عظيمات ..ورئيسات دول وحكومات..وهاد طبيعي ومن حق المراة..
بس للتاريخ!!!!!!!!!!!!!
بالنسبة ليلي نسيت اسمها هي اغاثا كريستي
التاريخ ... طيب رح اسالك سؤال بمناسبة التاريخ ما بتشهد الحكمة لنساء تاريخيات متل نساء النبي ؟ طبعا رح تقلي هون هدول غير بس رح زكرك بشي قلتو هوي المراة الها فطرة لمجرد انها مراة وبالتالي كل النساء متشابهات وكل النساء ممكن يكونو بحكمة نساء الرسول
وهاد مو كفران هاد بس تتمة للمسلمة تبعك الي انت حطيتها ومشيت عليها
ما بتشهد للسيدة مريم العدرا؟ ما بتشهد لزنوبيا؟؟ ما بتشهد لسارة مرت فرعون؟
لا تقلي هدول ما اثرو العلم والتاريخ وهني بس لمعو بقدرتهن على عيش حياتهن وبس
لا تنسى انو قدرة المراة على انها تعمل الي بدها ياه بتوازي قدرة ابداع الرجل
ما ضروري نحمل سيف وترس وما ضروري نفتح بلدان ونشيد عمران
المهم انو بنحمل شغلات اسمى من هالتاريخ واسمى من البلدان والحضارات
بنحمل قدرتنا على تحملكن وهالشي لحالو تمييز ما بيعادلو تميز الرجال باي مجال
انتو عم تتعاملو مع اشياء وجمادات بس نحنا عم نتعامل مع متغير ومع هيك عم نقدر عليه
وعم نحتويه ونفهمو ونقدرو ونوصلو لابداعو وندمجو مع مواهبو ليقدر يفجرها
وانا من صف المرأة دائماً..
كل الانجازات السامية بتاريخ البشرية كانت للرجال..
كل الانبياء والمرسلين كانوا رجال..
بعارضك وبشكل كبير ... لو هالحكي صح مين الي دعم الرجل معنويا؟
مين الي خلاه يوقف بوجه اعدائو؟؟؟ هلق هون بتوقع رح تعطيني مسلمة تانية والي هيي الرجل خلق ليكون بطل
ورح تنسى دور المراة بحيات هالرجال الي اثرو التاريخ برايك
وبعدين شو ناطر تكون نبية او رسولة بهالعالم؟ برايك هيك ممكن يضل في اديان؟؟
مو تبخيس بحق المراة بس متل ما الكل بيعرف المراة بعصور الدين والانبياء كانت ضلع قاصر وبنسبة كبيرة وكانت يا سبايا يا ضحايا يا عبيد او مجرد متعة الرجل؟؟
بهيك فترة بتامن انو لازم تسطع المراة؟ بوقت الي بترفع راسها وبينقطع؟؟
ابدا شوف التاريخ من القرنين الماضيين ولهلق وساعتها فيك تلاقي المراة
فيك تلاقي انجازاتها السامية والمميزة والي ما بتقل قيمة عن انجازات الرجل
وحتى يمكن بتكون اعلى لانها بفترة قصيرة كتير لمعت مو متل الرجال الي عاشو عمر ليلمعو ويكون الون وجود بتاريخنا
كل الاختراعات والنظريات الفلسفية واكتشاف القوانين كانت للرجال..
بس فيك تزكرني هون ايمت بلشت المراة تتعلم ولا كان من المسموح الها وجودها كند للرجل؟
لاقيلي فترة فيها سطعو الرجال وكانت النساء بتقدر تسطع وما عملت شي مفيد؟
مرتو لنيوتن بشو احسن منها هوي لحتى يكتشف الجاذبية وهيي قاعدة عم تحضر وادي الذئاب؟؟
مرتو لاقليدس بشو احسن منها لحتى يكتشف نظريات مشهورة وهي عم تثرثر مع جارتها عن ستار اكاديمي؟
مرتو لانشتاين كانت عم تكتب "ههههههههه"عالماسنجر لما طور زوجها النظرية النسبية يللي قلبت موازين الكون!!!
هاد حكي مشحف بحق المراة بشكل كبير
قبل ما تحكم على نساء اعظم العلماء فيك تقلي هالرجال بحياتن ما كانت المراة سبب نجاحن؟
برايك انو المراة عنجد هيك؟؟؟؟ طيب مع الاسف كتير نسيانة مين العالم الي كانت مرتو هيي اساس كل شي بحياتو وكانت هيي الي تحللو المسائل الي يعجز عليها وهوي نايم
ورح جبلك اسم هالمراة وقلك مين هالعالم لاني انا واثقة من القصة بس المشكلة قريتها من اكتر من ست سنين ولهيك زاكرتي خانتني هلق

يالله بنات ردوا لشوف ..
هههههههههه
اكيد رح نرد وللموضوع تتمة هاد مجرد راي بسيط وسريع

ملاحظة :القوا نظرة على آخر 300 موضوع في قسم حواء لتجدوا ان المواضيع التي تفيد المرأة حقاً هي 3 مواضيع فقط..
ههههههه ممكن صح بس مو للسبب الي ببالك
بس يمكن افادتنا نحنا بنلاقيها بشكل اسرع ما بنضطر لحدا يزكرنا فيها
اما انتو رجولتكن ما بتسمحلكن انو ما تسمعو المدح على مدار الثانية من مبدا انكن انتو الاعظم
موضوعين للحكيم نيكولاس وموضوع للعضو نزار ابو حلب..
والباقي كلللو شغل ماركات ودعايات ووجع راس
حاجتكن جنس حوى ..بشرفي لاكتب هالرد بموضوع لحالو
ههههههههههه
ههههههههههه تكتب الرد بموضوع لحالو؟ من مبدا قدرتك على القص والنسخ ولا من مبدا ايمانك بحكيك؟
لانو بالحالتين بقلك خليه هون ويا ريت الموضوع كلو ينغمر مشان رايك ما يصير في مهب الريح

مشكورة للوش ..دائماً مميزة بمواضيعك وهي من عندي +
...
هههههههههههههه هي امراة مميزة مع انعدام ثقتك بتميزنا
عيني الله اجا جوابك بسؤالك

موضوع: رد: عــــــدو المرأة 16/1/2010, 7:44 pm

للاسف يا ليناي وقعتي بنفس المطب تبع جورجينا
انتي ما كملتي المناقشة وبدك ترجعي تردي اجباري عنك فهمانة؟؟

انا برجع بكرر للمرة الالف ..انا ما عم قول المرأة ضلع قاصر ولا انو الرجل اهم من المرأة..
انا فكرتي من الرد انو بمجال التأليف ..والاختراع ..المرأة لا ناقة لها ولا جمل ومافيكي تنكري هالشي حتى لو جبتي اسم هي المرا وعذبتي حالك لانو شو نسبتها بالنسبة لجماهير العلماء؟ولا بدك تعممي حالة وحدة عالمجتمع كلو ؟؟
كل جنس الو مجال خاص للابداع والرجل بمجال الاختراع ما فيكي تناقشي فيه ابدا متل المرأة بمجال العواطف والمشاعر و الامومة..
يعني عمرك شفتي شي سفاحة؟؟؟ او رئيسة عصابة ارهابية؟؟هههههههههه
ليش؟لانو هاد مو مجال المرأة ومافيها تبدع غير بالامور
ومافيني احكي عن نساء النبي اصلا مين انا لاحكي عنهن بس انو شو عملت نساء النبي؟
السيدة عائشة قادت حرب ضد خليفة المسلمين؟
والباقي شو عملو؟
بتحبي اعطيكي كم مرجع عن قصص الغيرة بين نساء الرسول وكيف كانو يكيدو لبعض؟
لا تغيروا الموضوع رجاء

ناطر ردك التاني لانو بعرفك عنيدة

هههههه

موضوع: رد: عــــــدو المرأة 16/1/2010, 7:45 pm

شو صاير هون ههههههههههه

اول شي مرسي كتير الك ثعلوب لانك اهتميت بالموضوع
بالحقيقة انا وقفتو لاني ما حسيت انو في حدا متشجع عليه او عاجبتو الفكرة
لهيك ما عدت كملت فيه
مع اني لما شفتو كتير عجبني لانو حسيت انو الطرفين فيون يتناقشو بكتير افكار
وبالنسبة للنقاش راجعتلكون

موضوع: رد: عــــــدو المرأة 16/1/2010, 7:51 pm

ماشالله عليكي جورجي شو بتعرفي تردي
ههههههههههه
لك شو عم احكي من الصبح؟؟؟
شو في شي من الابداع انك تكوني رئيسة وزراء امريكا ؟؟يللي بتسوقها الصهيونية متل النعجة؟
شو في شي من الابداع انك تنقض مكملة الرجل وسبب ابداعو؟
شو في شي من الابداع انو تتزوج كليوباترا اخوها ؟ترجع تتزوج قيصر ترجع تنتحر لانو اوكتافيوس قتل حبيبها انطونيوس وهي اختارت هاد الاهبل الضعيف لانو حلو(ماشالله شو كانت بعيدة نظر)
شو في شي من الابداع انو اول شي بيلفتكن بالمراة شكلها؟ وجسمها؟؟
ولا تقلي بيهمك العقل والمضمون بقص ايدي اذا ما بتقلب رقبتك لفة كاملة لو بتشوف بنت حلوة
ولا تقلي ولو شفتها ما رح فكر فيها لانو هي الانسانة الاولى الي رح تدرسها وتشوف افكارها
هاد على فرض انو انت انسان واعي وبتحب العقل والمنطق وما بتهتم بالسطحيات (وبس ينوجد هيك شب قلي عليه لاني بشعة وما ملاقية كيال اعور)
انا قلت انو المرأة نجحت بكتير من المجالات وانا بتمنى تنجح بكل المجالات وما بحب ابدا النظرة الفوقية للرجل الشرقي لانو هاد تخلف..
واضح عفكرة انت كتير داعم للمراة انا عم استشف هالشي من حكيك بشكل كبير عنجد
نيالكن يا بنات عندكن شب سكرة بضهركن متل السيف والدليل انو اول واحد شارك بهالموضوع
بس لا تفهموه غلط مشاركتو كانت مشان انو نحنا نصحح اخطائنا ونحاول نبدع
وما بنفي انو في بنات هون قمة بالعقل والرزانة بس شو نسبتهن قدام اتباع القديسة هيفا وهبة ؟او الاخت نانسي؟او معذبة الرجال لميس؟
شو نسبة الانوثة الحقيقية بزمن السيليكون والبوتكس؟
خخخخخخخخخخ سؤال لزيز بس هني بصراحة معادلين لنسبة اتباع هالشخصيات من الرجال
او يمكن نسبة الرجال اكبر مشان ما اظلم البنات
كلامك مردود جورجي لانو مافيكي تنكري انو في (عجز) عند النساء بالوصول لحقائق كونية متل سببية الوجود الانساني ..ومتل القوانين الوضعية الرياضية والفيزيائية..
يللي كل ما كشف عنو ..وما لقينا شي بعتقد ..كان شغل رجال ..مولانو الرجال عقلو اكبر من المرا..بس لانو ما بشغل بالو بتفاصيل مهملة واشكالات ماالها داعي ..ولانو العقل عندو مسيطر اكتر من العاطفة..
يا عمي والله موجودين وهني اساس نجاح رجالهن ومتل ما قلت رح جبلك اسم المراة الي زوجها كان على اساس عالم كبير وهيي كانت الي بتكتبلو المعادلات والنتائج
واصلا عندي ايمان تام انو الرجال ما وصلو لشي لولا النساء
وصح موضوع حجم عقل المراة بالنسبة لحجم عقل الرجل هوي موضوع ركيك ومجرد فرضيات
بس بصراحة بامن فيه لانو
يصرعن ذا اللب حتى لا حراك به وهن اضعف خلق الله اركانا
بقا بشو بنصرعكن؟؟؟؟ بعضلاتنا ؟؟ اكيد لا
بس بعقلنا الي بيحتوي حجم عقلكن الي وصل لهالابداعات الي عم تزعم انو دور المراة فيها قليل كبير
عزكر التفاصيل المهملة نسيت تزكر انو هالتفاصيل هني الرجال وكيفية اسعادن
وجعلهن يؤمنوا بقدراتن الي نحنا حفزناها بانو نكبر غرورن ورجولتن
وبالنسبة للعاطفة ابقا زكرني وقت بتكون تعبان او وقت بتنهار بتفكر بالكون وتكوينه؟
ولا بتبدا مرحلة الخلق والابداع تبعك وبتبلش تكتب موازين جديدة للحياة؟
لانو بتوقع الشي الي رح تفكر فيه بهيك وقت هوي المراة وبس
بصفتها ام او اخت او حبيبة هيي الي رح تكون منفذك للراحة
يعني انا استنيتك تقليلي مدام كوري..كنتي افحمتيني هههههههههههههه
بس للاسف ما زمر بنيك هههههههههه
هههههه وبتعرف ثغرات بموضوعك ومع هيك مستمر فيه
هههههه هي كمان يمكن من مميزات الرجل انو بيفوت بموضوع مع انو بيعرف انو الو ثغرات
وبالنسبة للقرآن عدي لقلك..
سورة محمد سورة يوسف سورة ياسين ...
وانتوا كلكون لحشكون بسورة وحدة..هههههههههههه دخيل اسمو
الشغلة مو شغلة آيات قرآنية يعني عندك سورة البقرة..شو يعني البقرة مقدسة؟
سورة العنكبوت؟سورة النحل؟سورة الانعام؟شو مشان؟؟
هون ما عندي تعليق لاني ما رح استشهد بالقران بهيك موضوع
لانو قدسية حكيك ما بتصلح انها تتوازى مع القران مع الاسف بدك كتير ماحل تعبرها قبل ما ناقشك بالدين
ناطرك جورجي..
انا وجوجي نصين بقا مو مشكلة هي كملت الي ما كملتو هيي
عيني ربك عيني يا جوجو كدعة عنجد

موضوع: رد: عــــــدو المرأة 16/1/2010, 8:03 pm

للاسف يا ليناي وقعتي بنفس المطب تبع جورجينا
انتي ما كملتي المناقشة وبدك ترجعي تردي اجباري عنك فهمانة؟؟
هههههههههه شو هي فهمانة من مبداك تبع الوهية الرجل على المراة؟ههههه
ويا عيوني وانا ما وقعت بمطب ولا تحاول تتهرب على حسابي
انا جاوبتك وقلتلك لا تحكم على جهل المراة بوقت ما كان فيها تكون موجود لاكتر من الطبخ والنفخ وترباية الولاد
انا كمان قلتلك انو قارن هلق من قرنين وجاي طبعا من الجنسين وقلي انو نسبة الرجال والنساء رح تكون بالتفارق الي انت حطيتو؟؟؟
او رح تكون بالمبدا الي انت عم تحكي منو؟؟؟؟ مستحيل
انسالي العصور الماضي وعمول بحث بهالفترة القريبة وشوف اني انا جاوبتك عسؤالك
بس شرحت بالبداية ليش المراة كانت شبه منفية الى عالم الخدمة والجهل والاستعباد
انا برجع بكرر للمرة الالف ..انا ما عم قول المرأة ضلع قاصر ولا انو الرجل اهم من المرأة..
انا فكرتي من الرد انو بمجال التأليف ..والاختراع ..المرأة لا ناقة لها ولا جمل ومافيكي تنكري هالشي حتى لو جبتي اسم هي المرا وعذبتي حالك لانو شو نسبتها بالنسبة لجماهير العلماء؟ولا بدك تعممي حالة وحدة عالمجتمع كلو ؟؟
عم احكيلك عن حالة ظهرت بزمن انا بحسها معجزة مو حالة بس تتعمم
لانو ظهرت بفترة كانت المراة فيها مش وكان الرجل هوي القائم على كل شي ومع هيك ظهرت
وهاد مو تعميم هاد بس لوضوح فكرة انو المراة موجودة بس بدها دعم شوي
كل جنس الو مجال خاص للابداع والرجل بمجال الاختراع ما فيكي تناقشي فيه ابدا متل المرأة بمجال العواطف والمشاعر و الامومة..
ولهيك عم قلك حاول تنقد المراة بشي ضمن تكوينها ولا تحاول تنقدها بشي من اخر اهتماماتها
يعني عمرك شفتي شي سفاحة؟؟؟ او رئيسة عصابة ارهابية؟؟هههههههههه
ليش؟لانو هاد مو مجال المرأة ومافيها تبدع غير بالامور
ومافيني احكي عن نساء النبي اصلا مين انا لاحكي عنهن بس انو شو عملت نساء النبي؟
السيدة عائشة قادت حرب ضد خليفة المسلمين؟
والباقي شو عملو؟
بتحبي اعطيكي كم مرجع عن قصص الغيرة بين نساء الرسول وكيف كانو يكيدو لبعض؟
لا تغيروا الموضوع رجاء
لا لا انا قلتلك الحكي بالدين هوي اخر شي ممكن الجالو ضمن موضوعك
اكيد بامن بانو كانت موجودة ليش مين قلك عم انفي عنهن صفات الانوثة مثلا؟
انا بس عم زيد عليهن صفات الوجود والظهور متل ما ظهرو العلماء الي شادد ضهرك فيهن
وانا ما عم امدح فيهن من باب العلم انا عم امدح فيهن من باب الحنكة والتفهم والانوثة بزات نفسها
قصدي مغاير للي فهمتو انا ما عم شيد بعظمتهن كمقارنة مع موضوعك
انا عم شيد بعظمتهن بمجال الانوثة يعني متل ما انت عم تمدح بالرجال بمجال العلم
مدحي لجنسنا كان بمجالنا الي بنفتخر فيه الي هوي الانوثة

بتمنى تكون اجابتي واضحة اكتر وتفهم المقصود من تداخل الافكار

ناطر ردك التاني لانو بعرفك عنيدة
ههههه
واكتر من عنيدة هههههههه وهي وصلت ليلي بدك ياه

موضوع: رد: عــــــدو المرأة 16/1/2010, 8:06 pm

فالج لا تعالج

هذه هي النساء
ليش بحسكون متل النمل؟؟اي شخص غريب بيقرب ناحكون فهو عدو؟؟وبتبلشو القرص؟؟؟

كمان ليناي طلعتي عن الموضوع ورجاء ارجعوا اقرووا الموضوع منيح قبل ما تردوا وليناي بالذات بدك قتلة من كعب الدست لانك عم تناقشي وانتي محششة ..بس تروقي وترتبي افكارك منتناقش..

اول شي انا ما نقضت المرأة يا امرأة .. انا نقضت بعض النماذج يللي ذكرتهن جورجي على انهن نماذج الابداع الانثوي بالتاريخ..متل رايس؟ وليفني؟ وكليوباترة؟هدول اعظم نماذج للمرأة؟
مارح احكي عن السيدة العذراء لانو موضوع بفوت بمتاهات دينية وكمان نساء النبي ..
وخيتو شيلي قصة الانبياء والمرسلين وانو شهادة الذكر ب2 انثى..
انا عم احكي عن هاد العصر..
اخر 100 سنة اوكي؟؟؟
في شي امرأة اخدت براءة اختراع عن انجاز علمي غير مدام كوري؟(هي الثغرة مو انا يللي بدي علمكون عليها ..انتو لازم تنكشوها فلا تتمسخري ليناي)
اخر 100 حدا عندو شك انو المرأة اخدت كااامل حقوقها وصارت وزيرة دفاع ورئيسة وزراء ورئيسة دول ورائدة فضاء وحتى شوفير تكسي وهي مجالات رجالية 100%؟

بس اخر 100 سنة مين اخترع النظرية النسبية؟
مين طور المفاهيم الفلسفية والمدارس الشيوعية واللبيرالية والاشتراكية والفيدرالية؟
كلينتون ومرتو؟

وشغلة اخير ليناي بالنسبة لتعليقك عن القرآن انو انا اقل منك بكتير لناقشك فيه بقلك
الكفر بالله خطأ انساني
الكبر والغرور من الشيطان يعني خطأ شيطاني فلا تتكبري وتشوفي حالك ..موشي صديقتي؟

واخيرا بشكرك ليا انو انتبهتي عالمعركة ضدي هون ههههههههههه واذا فيكي تبعتيلي تعزيزات شوي لانو مهما كان الكترة بتغلب الشجاعة ..
وجيش النمل بالاخير بقتل الصرصور ههههههههههههههههههه

ولا تواخزوني عالتشبيه مني وعليي

موضوع: رد: عــــــدو المرأة 16/1/2010, 8:21 pm

ترفع الجلسة للاستماع لمحاميي الدفاع غدا عن مجلات الابداع

موضوع: رد: عــــــدو المرأة 16/1/2010, 10:36 pm

باكو مع اني مو رايقة كتير

اول شي بدي قولو انو ما بدنا ندخل بالمتاهات الدينة لانو بعيدة كل البعد عن موضوعنا
وتاني شي بدي قول
ثعلوب انت قلت انو المرأة ما عم تنجز ولا فيا تحقق شي .. طيب ما سألت ليش ؟؟
ما بتشوف انو لحد هلق في بنات ما بيعرفو يقرو ويكتبو من ورا العقلية يللي مسيطرة
لحتى يللي مثقفين ع اساس وفاتو جامعة اول شي بدي احكي عن الشباب بيطلع وبفوت من البنات
وانا بدي خليا تكمل درسا ومن هاد الحكي بس يتزوج بقعدا بالبيت لا في شي ويمكن حتى ما يخليا
تكمل درسا
والبنات مانن احسن كمان هنن بس يتزوجو ببلشو ما بيهتمو كتير لانو اصلا ما بعود عندون وقت كتير
بس بالنسبة للشبلب بيتفرلون كل الجو يعني فيون يسافرو يشوفو وفوق كل هاد مرتاحين ذهنيا يعني ما في وراهون مسؤولية وهاد عامل كتير اساسي
وحتى برا على اد ما في تحرر في شغلات كمان ما عم تخلي المرأة تاخد دورا وحريتا لانو بصير يصير عندا ولاد بتتغير كل حياتا
وبحس اكتر دور بيلعب بهاد الشي هو عواطف المرأة يعني دايما المرأة بتنساق ورا عواطفا وهاد الشي بعتقد عم يلعب دورو كتير كتير بحياتا
انت قلت انو ما في مرأة سفاحة مثلا مبلا في بس اكيد مو متل الرجل لانو هاد شي مو بأيد المرأة
بس انا برأيي شي ايجابي لانو ع الاقل هيي عندا انسانية يللي هيي معدومة عند هيك رجال
ولما بتحكي انو مرا وصلت للرئاسة بس هيي متل النعجة يمكن صح حكيك بس في قداما مليون واحد هيك كمان صاير فيون يعني بهي بتوقع متعادلين فيا
وبعدين في كتير نساء اخترعو علاجات لامراض .. اخترعو .. ووصلو للعالمية
واخر شي بدي قولو اني بشوف المرأة اقوى من الرجل لانو الرجل خلق وكل شي فيو يعمل
بس هيي ضلت وضلت لكتير اجيال لحتى وصلت للمرحلة وكتير نساء اضهدو على ايا خطوة كانو يتمردو فيا وعلى ايا خطوة المجتمع ما كان رضيان عليا

موضوع: رد: عــــــدو المرأة 17/1/2010, 9:05 am

اكيد الحكاية مو دينية و طبعا كل رجل عظيم في وراه امرأة عظيمة وهاد أهم بند فينا نقولو بنجاحات الرجل

هلق انا لح احكي خارج نطاق الدين والسور والاحاديث لانو هالقصص مالا علاقة بكركتير المرأة

طيب اذا بدنا نلقي الضوء على تاريخ العالم من ناحية المرأة منشوف انو المرأة من جديد لبلشت تاخد حقوقا و لا تنسى انو المرأة كانت مستعبدة من الرجل ومن المجتمع بحد ذاتو والكل كان يفضل الرجل بالتعليم والعلم وكانو اغلبيه النساء تعمل خادمات او تكون بس لزوجها و عيلتا وهي بكل العالم هي النقطة السودا وكانت شيم على الكل

كان لا يحق للمرأة التعلم وهي نقطة مهمة كتير بتاريخ العالم الي عم تستدعي هلق المرأة تهتم بس بالمكياج والموضة وقصص النسائية وتأليف القصص وهالقصص اكتر
لانو بمفهوم كل العالم المرأة ما خلقت للاعمال الذكورية وهي قضية بحد ذاتا
مو لانو تفكيرا محدود او مساحة ذكائها واستوعابها اضيف من مساحة ذكاء واستوعاب الرجل متل ما حضرتك ذكرت
لانو هنن ما عم يعطو مجال للمرأة وعم يعكرو نفسيتا

مجال التعليم عم يكون تحت تشجيع وعم يحسسو الرجل انو هو هيرو بحد ذاتو فيو يعمل الي بدو ياه والمرأة لا وهي اقل ذكاءً وهاد غلط بحد ذاتو لانو في هلق دراسات بتأكد انو النساء اذكى من الرجال

هلق خلينا ناخد شريحة طفل صغير كل يوم بترفعلو معنوياتو وئلو انت زكي وبطل ومن هالقصص ودائما تعطيه فرص وكتب وعم تنميلو ثقافتو وتعطيه حرية التعبير حتى سجلو بمدرسة بيرفكت

وجيب كمان طفل ما بدنا نقول طفلة عمول العكس تمام فهمو انو هو انسان غبي ما عندو مسوؤلية اسجنو تحت ايطار محدد وما تخليه يتنفس وفهمو هالشغل مو شغلو شغل ولاد الجيران هل لح يطلع مخترع ومفكر؟ متل هداك الطفل الي كنت محسسو لح يخترع الذرة

وكذالك صاير بين الرجل والمرأة
الرجل بجميع مفاهيم المجتمعات انو الاختراعات خلقت ئلو ولازم هو الي يخترعا ويأسس شي ولينمي هالشي فيو عم يسجلوه اهلو من هو صغير بأحسن المدارس والجامعات
المرأة ما عم تنعطا حقوقا متل الرجل ان كان عالميا او عربيا ولا عم يصحلا متل الي عم يصح للرجل

والمرأة بهالحالة عم تهتم بغير قضايا متل البيت الاسرة العمل ال الاسهل ئلها لبيئتا ولاسرتا لشي يناسبها هي ويناسب الكركتور تبعها مو متل الرجل ابدا الرجل وين ما شلفتو بنشلف بس المرأة بتختلف عن الرجل كتير وفيني ئلك انو نحن حطينا هالقوانين لو انفهم كل امرأة ونعاملا معاملة انو هي لح تعمل شي للعالم اكيد لح توصل لاختراعات الرجال مالح يقدرو يفكرو بأهميتا بالعالم كلو
بس المفاهيم العالم مؤثرة جدا على نفسية الرجل والمرأة بشكل كبير

طبعا انا ما بقدر انكر انو في نساء ناجحات عالميا وعربياُ وبلشو النساء هلق ينجزو أعمال الرجال بكل تضاريسا والخير لادام
بس النقطة المجتمع الذكوري الي كان بالماضي أثر كتير على نفسية المرأة بشكل سلبي وكبير كمان وهو سبب رئيسي انو ما شفنا مرأة فليسوفة او ما شابه...

تقبلو مروري

Rose

موضوع: رد: عــــــدو المرأة 17/1/2010, 9:31 am

فالج لا تعالج
هذه هي النساء
ليش بحسكون متل النمل؟؟اي شخص غريب بيقرب ناحكون فهو عدو؟؟وبتبلشو القرص؟؟؟
هههههههههههه طيب كمان حلوة لانو الهجوم افضل وسيلة للدفاع
وبما انو نحنا بننقصكن قوة وحكمة وحنكة على هوا حكيك معناها لازم نبدا الهجوم كاستعداد للدفاع
كمان ليناي طلعتي عن الموضوع ورجاء ارجعوا اقرووا الموضوع منيح قبل ما تردوا وليناي بالذات بدك قتلة من كعب الدست لانك عم تناقشي وانتي محششة ..بس تروقي وترتبي افكارك منتناقش..
هههههههههه اى والله محششة لهيك مو كتير عم احكي منيح وشيد بانجازات النساء على الوجه المفروض
وانا فهمانة قصدك من الموضوع وبعرف انو انت قصدك انو تحفز فينا رؤيتنا الحلوة لتكويننا
ورؤية قدرتنا وعم تحاول تاثبتلنا هالشي من خلال حكيك عن الرجال الي هنن بيساونا بالبشرية
اول شي انا ما نقضت المرأة يا امرأة .. انا نقضت بعض النماذج يللي ذكرتهن جورجي على انهن نماذج الابداع الانثوي بالتاريخ..متل رايس؟ وليفني؟ وكليوباترة؟هدول اعظم نماذج للمرأة؟
مارح احكي عن السيدة العذراء لانو موضوع بفوت بمتاهات دينية وكمان نساء النبي ..
وخيتو شيلي قصة الانبياء والمرسلين وانو شهادة الذكر ب2 انثى..
انا عم احكي عن هاد العصر..
اخر 100 سنة اوكي؟؟؟
في شي امرأة اخدت براءة اختراع عن انجاز علمي غير مدام كوري؟(هي الثغرة مو انا يللي بدي علمكون عليها ..انتو لازم تنكشوها فلا تتمسخري ليناي)
اخر 100 حدا عندو شك انو المرأة اخدت كااامل حقوقها وصارت وزيرة دفاع ورئيسة وزراء ورئيسة دول ورائدة فضاء وحتى شوفير تكسي وهي مجالات رجالية 100%؟

بس اخر 100 سنة مين اخترع النظرية النسبية؟
مين طور المفاهيم الفلسفية والمدارس الشيوعية واللبيرالية والاشتراكية والفيدرالية؟
كلينتون ومرتو؟
طيب رح جاريك على معتقداتك الي ممكن تكون صح وقلك هاد مجالكن للابداع ليش نحنا لازم نتعدا عليه؟
انت قلتها من تكويننا انوثتنا ونحنا ما حابين نمحيها بصفات الرجولة والي هيي العقلية وتجنب العاطفة
نحنا مبسوطين بكوننا عاطفيين وضحلين بالنسبة للعلم والنظريات بس على الاقل نحنا بنفوقكن قوة بمجالات تانية
وهالشي تابع لاختلاف تكوين المراة والرجل
الرجل خلق قبل المراة معناها الطبيعي انو يطور العلم هوي ويطور المعيشة هوي
لانو خلق لهالشي
والمراة خلقت من ضلعو مشان تضلها جنبو وتحت جناحو ويحميها وتكون الو الصدر الحنون
ونحنا كنساء مبسوطين بهالمميزات الي الله خصنا فيها وما حابين نفوت بمجالات الرجال
لانو لكل شخص بهالعالم دورو الي لازم يلعبو بمهارة
ومتل ما لعبتو بمهارة بسباق العلم والتاريخ نحنا لعبنا بمهارة بسباق الانوثة والحب والحنان والعاطفة
وهالشي فخرنا متل ما فخركن عقلكن
مع العلم انو نحنا بنحوي العقل بنفس النسبة تبعكن بس مو اول اهتماماتنا العقل
وعطي الخباز خبزو ولو اكل نصفو
بتوقع هيك عطيتك الاسباب الي عم تدور عليها لعدم وجود اسامي نساء بتاريخ العلم والانجازات
وشغلة اخير ليناي بالنسبة لتعليقك عن القرآن انو انا اقل منك بكتير لناقشك فيه بقلك
الكفر بالله خطأ انساني
الكبر والغرور من الشيطان يعني خطأ شيطاني فلا تتكبري وتشوفي حالك ..موشي صديقتي؟
صديقي فهمت قصدي غلط
انا ما قلت انك اقل من القران لناقشك فيه مع انو اكيد ما عم تحط حالك بكفة مع القران
بس انا قلتلك موضوعك وانشادك بالانجازات اقل من انويتقارن بانشاد القران للمراة
يعني الموضوع ما لازم يكون الو منحى ديني لانو بالدين متل ما تكرم الرجل تكرمت المراة
لا تنسى من صفات الله العدل
بقا الحديث كان عن الموضوع ومو عنك كشخص او عن طريقة تفكيرك
ولما عطاك القدرة للي عم تحكي عليها مشان الانجازات كمان عطانا قدرة تانية بتوازيها
واكيد لو ما بحترم تفكيرك وحكيك ما كنت شاركت بنقاش معك
لاني عنجد مغرورة ومتكبرة باني ما حط كلامي لناس ما تقدرو وبتوقع هالمعيار بيخالف الي انت توقعتو من تكبر لالي

واخيرا بشكرك ليا انو انتبهتي عالمعركة ضدي هون ههههههههههه واذا فيكي تبعتيلي تعزيزات شوي لانو مهما كان الكترة بتغلب الشجاعة ..
وجيش النمل بالاخير بقتل الصرصور ههههههههههههههههههه

هههههههههههههه يمكن لانو جيش النمل عندو شي يدافع عنو بشراسة
وبيحب يوضحو للصرصور هههههه
ولا تواخزوني عالتشبيه مني وعليي
وانت لا تواخذني للتشبيه كمان كان رد عحكيك مو اكتر

موضوع: رد: عــــــدو المرأة 17/1/2010, 12:54 pm

انا وجعني راسي عنجد من هالدوامة يعني عم نلف ونرجع عنفس النقطة مع انو النقاش كتير ظريف ..
جورجينا..

يعطيكي الف عافية ..يعني اذا لاحظتي بعد اخر رد الك انا ماعاد حكيت لانو ردك الاخير كان مميز وعجبني وهاد يللي بدي اوصلو ..بس كمان كأنو انتي نكشتي كور الدبابير عليي وهجموا الصبايا عليي على ارضي وبين جمهوري وبقسم آدم ونطرت حدى يشيل عني بس للاسف طلعوا الشباب (...) ...

ليا

انا بشكرك كتير عالموضوع مرة تانية وبما انك كاتبتيه بتمنى تنقليه على قسم تاني متل الجرأة او اسياد الكلمة لانو هون حسب ما سمعت قسم ادم مهجور كأنو والبنات بفوتوا اكتر من الشباب عليه وبالنسبة لردك ..ليش المرأة ما عم تنجز شي ..لانو بأيديها هاد الشي.
في كتير نماذج نساء بالعالم قدموا كتير للبشرية وعاشوا كمان حياتون الطبيعية كام وزوجة ..
يعني امرأة متل احلام مستغنمة عندا 3 ولاد ومع هيك ..فشر اي كاتب حالي يسبقها بكتاباتها وجراتها ودفاعها المستميت عن المرأة..وليكها عايشة حياة طبيعية ..
زنوبيا يللي بعتبرها امرأة حديدية كانت الام والاب والملكة والقائدة وكل شي..كانت هي تدمر بذاتها..واخر شخص قبلها تحدى الرومان بهالجرأة كان هنيبعل قبل 500 سنة؟؟؟
برجع بتشكرك وبتمنى تفيدينا بمشاركاتك اللذيذة
تحياتي الك

روز

انا معك انو القمع الطفولي الو دور بس انا ما عم احكي بالشاغور ولا زواقيق حلب..
انا عم احكي بكل العالم..يعني بامريكا مثلا مافي تفرقة بين الرجل والمرأة لدرجة مو طبيعية وصلت حتى للعلاقات الجنسية..؟؟؟؟
وانا حكيت انو المرأة وصلت لقمة العالم ..بس ماالها اثر بشي اسمو الاختراع او خلق الجديد في العلوم والفلسفة ..
بس انو بمجال العواطف..ماحدا بيطلعلو معها شي اكيد ..
اما بالنسبة للمجتمع الذكوري فانا معك تماما ..بس هي واقع الحركة الانسانية ..الانسان لما يعجز يلاقي عدو بيخترع عدو لحالو..ولما عجز عن مواجهة الخالق او الطبيعة
(تفشش بمرتو)
هاد كلام مزبوط 100% وبقلك المثل (ابي ما بيقدر الا على امي)

شكرا لكم جميعاً

موضوع: رد: عــــــدو المرأة 17/1/2010, 1:02 pm

فعلا فعلا انتو مافي امل منكن ثعلوب
طيب مارح روح لبعيد ابدا
ولا رح اعطيك امثلة من التاريخ ولا رح قلك مين هي المراة بالنسبة للرجل
ولا رح قلك انتو لولانا ما الكن وجود اصلا
بس رح قلك او المراة بجوز تاخرت عن الرجال بمجال الاختراع والابداع ببعض المجالات فقط مو الكل
بس رح قلك عن قوة المراة ودفاعها عن حقا
والدليل الواحظ والي باين قدام عيونا هلا هو هذا الموضوع
فيك تقلي كم انثى هون عم دافع عن حق المراة ومستواها وليش الرجل مبدع اكثر منها ببعض المجالات
وفيك تقلي كم رجل واقف معك
ههههههههههه
يعني شي غريب ازا انت على حق بكلشي عم تقولو اي وين الرجال يلي لازم يدعموك
هاد دليل واضح انون بخالفوك الاري وهاد اول دليل على بطل اقوالك مسيو ثعلوب
يعني اول شي لايقي مايدين لاقوالك
هي ميزة كمان للمراة او لصالح المراة انتو ماعندك ياها انها مدافعة قوية ومقاتلة شرسة
يعني لو الرجال كانو المضدهدين بالعالم يا ترى كنتو طالبتو بحقكن بالمساواة مابظن
صراحة انا بكره مقولة مراة ورجل ولازم يكون ي حرب مستمرة لتوضيح مين الجنس الاقوى
لانو شي غلط
بس حابة قلك بالاخر بعد ما طريتوني فوت بهالنقاش العقيم
انو انا في امل ربي بس انت مارح تاخد جائزة نوبل ابدا
ههههههههههههههه
عــــــدو المرأة 570695

فانا بفتخر بيلي انا عملتو بعيدا عن كوني امراة او رجل وبعتقد هدا الصح

موضوع: رد: عــــــدو المرأة 17/1/2010, 1:47 pm

هههههههههههههههههههههههه
وحياة عينك بس آخد جائزة نوبل بدي ابعت شوف اخبار تربايتك لولادك و لا تخافي رح اعملك بدلة سنان مجانية .. لانو ابنك العاق يللي لاحق ابوه الغني ما عبرك ولا قلك ياماما روحي عالدكتور لنعملك بدلة سنان ..وابقي ذكريني بعد شي 25 سنة لما بيتحول حرف السين عندك لحرف الثين ..ههههههههههههه

وبالنسبة لانو ما حدا واقف معي هون بالموضوع ..ما بعرف شو صاير مع الشباب بس بتوقع فيني اخدها من منظور تاني ..انو انا لحالي وقادر اضبعكون كلكن وما في داعي للتعزيزات لانو ساعتها رح تنتحروا هههههههههههههه والدليل انو لساني صامد بالمعركة لحالي وما رح استسلم ..

بالاخير برجع بقلك شكرا الك عنجد لانو فهمتي الموضوع تماما
انا مو ضد المرأة ابداً ..ومابنكر انها اكتر من نص المجتمع ..
بس مو تقليلي مين جابكون عالدني؟؟
شو كلكن صرتو مريم العذراء عليها السلام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لحالكون جبتونا؟؟؟؟؟؟؟؟
ماحدا لمسكون يا عيني؟ولا الداون لاود صاير اتوماتيك هالايام ؟؟
هههههههههههههههههههههههههههههههههههههههه

» أسطورة المرأة
» هل الرجل يصنع المرأة أم المرأة تصنع الرجل ؟؟؟
» المرأة
» المرأة ...
» كيف تذل المرأة