تعلم اللهجة الحلبية في ثلاث دقائق

أمتازت اللهجة الحلبية عن غيرها

=

من اللهجات السورية بأنها
فريدة من نوعها
ولايوجد لها مثيل على الإطلاق وإليكم بعض المفردات شائعة الاستعمال

عوجة--------كوع
سيوي ------دغري
أنضرة--------الكندرة
تاسومة--------السكربينة
دوينات------ --كفوف
لاصطيكة-------مطاطة
مصراط -------مصاري
خوته---------معه صرع
جدبة----------مجنون
طاول طاول---------أبداً
معلاق جلق--------الغليظ
خَلْء-----------عالم
خيت وخَيْتو--------يعني أختي
خاي وخيو---------يعني أخي
أبويْ--------أبي
ونانتي يعني جدتي
يوم: معناها باللغة العربية وبكل اللهجات هو الـ24 ساعة
بينما باللهجة الحلبية بتجي بمعنى ماما

سكرتون---------خزانة
السلاتة--------القشّاطة
السحّابة--------ا8 4درج
خولية---------البشكير
أردغان-------هدية
وبتلاقي كاتبين عالمحلات يوجد لدينا (صمن) وبعد سؤال واستفسار ببين معكن
أنو معناها خبز السمون
جنق--------هي الصحن
جمجاية-------معلقة السكب
فرتيكة--------هي الشوكة
الدءماءة------مدقة الثوم
الدروبُس--------البونبون إللي بتعرفوه
كما امتازت ال8 4هجة الحلبية بأدوات إشارة خاصة بالحلبية ..
يعني العرب كلهون كوم .. وهنن كوم تاني
كوهنه----------للمذكر القريب
كيهنه----------للمؤنث القريب
كوهاك----------للمذكر البعيد
كيهاك----------للمؤنث البعيد
كوهاكيي-------لجمع المذكر البعيد
كيهاكين-------لجمع المؤنث البعيد
كوهنن--------لجمع المذكر القريب
كيهنن--------لجمع المؤنث القريب

وطبعا للسهولة في اختصارات كمان
اختصار المذكر القريب .. كو
اختصار المؤنث القريب .. كي

ومن الاختصارت أيضاً
تاااا.... بدل من ت عال
رووو.... بدل من روح
ما راي آجي.... بدل من ماني جاية

بروك--------------اجلس
تشطّح:بدل من تسطّح (وما تسألوني ليش!!؟)
أبوس روحك : للمدح

أبوس شنقات وشك بالشلمونة : للمدح البليغ
(الشنقات طبعاً هي الخدود متل ما بتعرفوا)
يبلاك بقتلك : دعاء بالقتل والضرب
إشْ ضاءلَّك---------يعني شو بدي قلك
عجب-----------للدهشة
كنّي-----------للاستفهام
ديه بقا-------للتأفف
أَبَوْ-----------للتفاجؤ

ووللدقة باللفظ يرجى لفظ
ال ج : ادجه
وال ش : اتش

وميت السلامة والله

اي لكن لكن معروفين
بتميز الحلبي من لهجته
اذا حكى وين ما كان وبأي بلد وباي لهجة

مشكوررررررررررررة عاشقة السهر

هلا فيك وشكرا لمرورك

ههههههههههههههههههههههه بتصدقي الحكي الحلبي حلو كتير لانو غريب ومميز عن كل المحافظات

يعطيكي الف عافية يارب

حلو كتير لك الله ههههههههههههههههههه

بربي انا ما بتنكرز غير انو بتشوفي البنت حلوة و بتشل

بتجي بتحكي معا كلمتين

بتقلك اشوووووو خيووووووو اشبك ئاعد بتجئجئ هههههههه

بيقول بقلبو الواحد

لعما انا قديه كنت غبي و اهبل وقت اجيت حكيت معا ههههههههه

قال حلوة قال

هههههههه مشكورة عاشقة

تقبلي مروري

moon light كتب:: ههههههههههههههههههههههه بتصدقي الحكي الحلبي حلو كتير لانو غريب ومميز عن كل المحافظات

يعطيكي الف عافية يارب

اي والله بصدق هلا فيك وشكرا لمرورك

Shebell-Al-Assad كتب:: حلو كتير لك الله ههههههههههههههههههه

بربي انا ما بتنكرز غير انو بتشوفي البنت حلوة و بتشل

بتجي بتحكي معا كلمتين

بتقلك اشوووووو خيووووووو اشبك ئاعد بتجئجئ هههههههه

بيقول بقلبو الواحد

لعما انا قديه كنت غبي و اهبل وقت اجيت حكيت معا ههههههههه

قال حلوة قال

هههههههه مشكورة عاشقة

تقبلي مروري

ههه لتكون صايرة معك شبول عترف
هلا فيك وشكرا لمرورك الحلو

» اللهجة الحلبية
» اللهجة الحلبية وشرح مفرداتها
» اللهجة الحلبية تعود إلى الدراما.. من خلال «في الميزان»
» تعلم اللهجة الطرطوسية
» تعلم الحلبية في خمسة ايام