مع او ضد ..عمل المراة؟

موضوع: مع او ضد ..عمل المراة؟ 17/2/2010, 10:21 am

كالعادة بتخطرلي المواضيع بطريقة مضحكة
مرة ايميل ومرة كتاب وهالمرة رح يكون موضوع من مناقشة زغيرة دارت بيني وبين صديق
هالصديق عم يخطب ورح يتجوز انشالله عن قريب وعقبال الكل
طبعا مو الفكرة بخطبتو بس الفكرة بمناقشتنا عن الحياة الزوجية الي بدو يعيشها
سالتو انو عروستو بس تخلص دراسة هل حيخليها تشتغل ؟؟
هون بقا الجواب الي صدمني من شب منفتح
قالي لا انا ما بخليها تشتغل ... سالتو ليش؟
انو من باب التسلط ولا لحتى تخليها بحاجتك وما تستقل وتعتمد على حالها ولا محبة ولا شو بالضبط؟
قالي لا ولا سبب من الي قلتيهن .. انا باختصار بدي ياها تكون مرتاحة
قلتلو بس فيها تكون مرتاحة بشغلها وتحس بالاستقلالية وبالانتاج وبالسعادة
قال بالعكس هيك بتدفن حالها بالحيا .. انا لو صاححلي حدا يشتغل عني ما بقصر
بقا ليش هالمرا لتشتغل وفي مين خلق ليشتغللها ويلبيلها كل طلباتها
ليش ما تعيش اميرة وتامر بتنطاع وما في مجال لاي شغل وتعب جسدي ونفسي
قلتلو انت عم تحكي هلق لانو بتحبها بس بعدين بتختلف نظرتك واكيد رح تمننها بانك عم تصرف عليها خصوصي لو قبت بوشك شي يوم
قال ما في داعي لانها توصل لهيك مرحلة لانو طول ما هيي عم تادي واجبها انا رح ادي واجبي وما في حدا رح يمن على حدا بالعلاقة
قلتلو طيب هاد من مبدا الحاجة بركي مرتك حابة تنفتح اكتر على المجتمع او حابة تشوف جو الشغل وهيك
قال هون بقا مستحيل هاد اضرب شي بشغل المراة
قلتلو كيف يعني ليش هالشغلة غلط ؟
قال لانو البنت بسن ال15 لل20 هيي بس بدا شب يحبها وتحبو
بسن ال21 للانهاية ... بس بدا رجل تتزوجو وتعيش معو وتكون اسرتها
قلتلو اي وهاد المنطق شو دخل الشغل فيه وانو البنت تفوت على مجتمع العمل والعلاقات المختلطة .. هل هيي الغيرة
قال لا مو الغيرة شي اعظم بكتير ... الخوف
قلتلو الخوف من شو بالضبط؟
قال اني انا بخاف هالبنت تنشد لجو مانو جوي ولعالم مانو عالمي وتصير تعمل مقارنات وتفوت بمتاهات عظيمة كتير ما لازم تفوتها
قلتلو يعني بتخاف تقارنك فيهن؟
قال لا بخاف تقارن حياتها معي بحياتها معن .. معي انا شغل بيت وهم وولاد
معهن شغل جسدي وعلاقات مانها مرتبطة بحدا فيهن بشكل مسؤل
قلتلو بس بنت الاصول مانها هيك
قال الشغلة مانها باصلها ولا بعقلها ولا برصانتها وكرامتها
قلتلو لكن شو؟
قال الشغلة بانو الانسان ميَال لاشباع رغباتو والمراة بترغب بالاستقلالية وقلة المسؤولية والاعجاب والكلام الحلو
قلتلو اى بيكون النقص منك لو فضلت هيك جو عليك لانو انت لازم تكون استقلالها والمسؤل عنها ولحن ادانها
قال ممكن يكون مني بس مو حكم تعسفي بس انا كمان انسان بيهوى الراحة بيمل من الحكي الحلو وبيحب يعتمد على زوجة منيحة
قلتلو معناها لازم انت تغير مو بس تخليها تتغير
قال لو ما بتفوت بهالمجال ما بتطلع عالتغيير وبتحسني قمة اهتماماتها وبوابتها الوحيدة للحياة
.... بكتفي بالي صار لهون
الحديث بيني وبينو طال اكتر بكتير بس رح انهيه هون واسالكن
شباب وصبايا انتو مع او ضد عمل المراة؟ شو منظوركن لعمل المراة وشو رايكن بمنطق هالشب؟
الي مع عمل المراة يقلي كيف بيحل المشاكل الي خطرت عبال صديقي وما حب الشغل لزوجتو مشانها
والي ضد يقلي شو اكتر سبب بيمنعو من شغل الزوجة
ناطرة ردودكن

موضوع: رد: مع او ضد ..عمل المراة؟ 17/2/2010, 1:28 pm

انا راح جاوبك بنعم اذا كان هناك تحمل للمسؤولية للطرفين أما إذا طغى العمل على الحياة الزوجية ونسيان حقوق كل منهم لبعضهما فأنا ضد هذا الامر

موضوع: رد: مع او ضد ..عمل المراة؟ 18/2/2010, 12:31 am

انا مع وبدون مناقشة
ونقطة على السطر
واللي بيعترض
بكون بلا فهم
مرسي ليناي
للسؤال المهم

موضوع: رد: مع او ضد ..عمل المراة؟ 19/2/2010, 10:53 am

وانا كمان رأيي من رأيي صمت

انا مع عمل المرأة
بس طبعا لا يتغطى على حياتها الزوجية
كل مين لازم ياخد حقوا

موضوع: رد: مع او ضد ..عمل المراة؟ 19/2/2010, 8:43 pm

امممممممممممممم
اول شي مشكورين لمروركن جميع
رايك حلو صمت بس الشغلة ما عادت تقصير
الشغلة صارت انفتاح انت بتقبلو لمرتك او هئة؟
يعني انو هوي مانو خايف تقصر عبيتا اكتر ما خايف عليها
خايف انها تفوت بجو مانو جوها وانها تبلش تدايق حالها بالمقارنات
روزا بدي كسرك ليش اي وبدون نقاش؟؟؟؟
صح عاشقة بس كمان متل ما قلت لصمت الخوف مانو من التقصير
مشكورين لمروركن مرة تانية
وشو مشان ما في تفاعل واااااااع

» جمال المراة
» المراة السورية
» تمايل المراة
» الرجل المميز عند المراة
» لمن لا يعرف قيمة المراة......