المرأة والرجل والحاجز الذي بينهما

مساء الخير ...وصباح الخير ... صبايا ...شباب

اليوم حابه نتناقش بموضوع مهم كتير بحياتنا الواقعيه
المرأه والرجل
لما الرجل بيكون عنده امرأه بينحسد عليها وهو نفسه بقول زوجتي مافي منها
بس بتلاقي انه هالرجل عينه لبرا واله علاقات غير مشروعه
بتسأله ليه هالعلاقات ؟
بجاوبك الرجال هيك طبعهون بحبوا التغيير
النساء متل الفاكهه كل وحده الها طعمه ومتعه وحلو التجديد
طيب
رح احكي هيك بأريحيه شوي
ليه مابتسأل نفسك لما زوجتك حتعمل علاقات مع غيرك وغايتها كمان التجديد
وممكن يكون شايفه فيك نقص كبير وحابه تعوضه بغيرك لتشعر بوجودها وأنوثتها
أكيد حيكون هالشي بالمخفي لأني هيه بالأصل من داخلها مو مقتنعه فيه
بس عم ترضي غرورها
أنوثتها
ليه محلل عليك ومحرم عليها
ليه دايما المرأه مطالبه بالصبر والتحمل وعدم مطالبتها بحقوقها الي هيه من فطرتها الي الله فطرها عليها
ياجماعه
الخيانه الزوجيه منتشره بمجتمنا بشكل مو طبيعي
من الرجل
ومن المرأه
كل واحد منهون عم يدور على ملذاته الشخصيه
وتارك شريك حياته على جنب
كرمال الأطفال
ولما بتحاول الزوجه أو الزوج
يكونوا واضحين مع بعضهون ويعبروا عن الي بداخلهون
مابلاقوا تجاوب من الطرف التاني
برأيكون
شو الحل ؟؟؟؟؟؟؟؟؟
في نساء ارادتهون قويه وايمانهون قوي
وعم يشغلوا نفسهون بأي شيء بحياتهون ليعوضوا النقص الي بشوفوه من زوجهون
بس بنفس الوقت
في كتير نساء
ضعيفين الاراده والايمان والصبر والتحمل
مابعرف شو الحل ؟
بتمنى اسمع وجهات نظركون

هلا صمت الليل
بس كيف بدنا نصلح
مأنا عم قلك انو مافي تجاوب
والطرفين ماعم يصلوا لنقطه معينه
كتير عم بسمع أنا عن هيك امور
التقليد ممكن يكون لأني الانسان أحيانا بيصل لمرحله بينفجر فيها واله طاقه معينه للتحمل واذا
ماأكل ضربه كبيره عرأسه مستحيل يصحا من غفوته
البشر متفاوتين بالطاقات وبالتحمل وبالايمان وبكل شي
والي كاتبته عم يسير وبكل الطبقات من المجتمع
وتفضل عالج لشوف
نورت صمت الليل

هلا ودادو
الأسباب ياودوا انو هالزوج هيك طبيعته
بحب التجديد والتغيير لأني رجل
هههه
ومتل ماقلتي سوسه (عاده)
وأكيد الخيانه غلط
لابيرضاها لاالشرع ولا الناس
اي شايفه ياودوا على هالحب هاد العجولي
مشكوره على اهتمامك
وجودك أسعدني

رهف بهنيكي من كل قلبي على جراتك وقوتك بطرحك للموضوع يلي متل ما عم تحكي صار عادة ومنتشر بكثرة بالمجتمع
اول شي بحب ئلك انو اي علاقة زوجية من البداية لازم تكون علاقة فيها الحب وفيها الصدق وفيها شعور متبادل من كل النواحي
يعني ليش من البداية لما البنت ما بتشوفو انو صادق او بحبا ليش لتتزوجو
ونفس الشي الشب
هلأ الشب يمكن يكون ما عندو مانع بما انو الشرع محللو باربعة بتجي بتقوليلي اي ونحنا امتى الشرع بدو يحللنا باربعة بئلك هي شغلة مو بأيدنا لان الدين هيك
بيجي واحد بقول انا مالي علاقة لا بالدين ولا بشي او وحدة مثلا فخلص هون تعمل يلي براسها يعني مافي شي رح يمنعها وهاد يلي عم يصير بالمجتمع لان الفساد عم ينتشر من وين ما بتروحي
متل ما قلت ما بدي فوت كتير بالموضوع
بس اي علاقة من البداية لازم تكون واضحة وقبل الزواج
تقبلي مروري لموضوع الجريئ جدا

الملاك الحزين
شكرا كتير لمشاركتك
بس في أمور مابتظهر الا بعد الزواج يعني بالنسبه لشخصية المرأه ولشخصية الرجل
وممكن الحرمان الي يكونوا عايشين فيه بعد الزواج يخليهون يفكروا بالخيانه
هلأ الرادع الأساسي للمرأه بهيك أمور هوي دينها ومبادئها
وأنا ماعم قول زواج الملاك الحزين
أنا عم قول( علاقه غير شرعيه )
وبظن أكتر الرجال ماعندهون جواب لهيك موضوع
ولا تقولولي بكون الزوجه مقصره بواجباتها مع زوجها
لأني في كتير رجال بقولوا زوجاتنا مامقصرين معنا
بس نحنا هيك عينا زايغه
وشيء متوفر لنا وببلاش
والمدام للبيت وللولاد
والرفيقه للمتعه ولأمور تانيه مابيرضاها لزوجته لأني مقدسه عنده
صحححححح

هلا فيكي سلوتي
شايفه ياسلوتي لك هادا طبع فيهون
سوسه مابيئدروا يغيروها
هههههههه
ماعم شوف تعليق من الرجال على هالموضوع ليه ؟
مابعرف
مشكوره سالو لاهتمامك نورتي الموضوع بمشاركتك

رهوفاتي

بجد مواضيعك جريئة وبتهبل

وانا باييد سالي بكلامها كلمة كلمة
وبحب ضيف انو بني الادم انانين بكل شي

علوشاتي
شكرا كتير عزيزتي
مواضيعي بتزداد ابداع وتألق لما بتكون بصمة الأعضاء ومشاركاتهون عليهون
خجلتيني بنت بلدي
هلافيكي نورتي وسررت لمشاركتك