تعلم اللهجة الطرطوسية

موضوع: تعلم اللهجة الطرطوسية 3/9/2010, 4:12 pm

تعلم اللهجة الطرطوسية في عشر دقائق!!

اولاً مصطلحات اساسية :
هنا ،هنت ،هنتي ،هنتو ،هنّي : انا ،انت ،انتي ،انتو ،هم
هاكَ هاكي :ذلك تلك
هنّا :هنا
هكّيا :هكذا
بيّي :ابي
خيّي :اخي
خيتي :اختي
متيعيني : تبعوني
سيقاني :رجليّ مفردها إجري
ديّاتي :يداي مفردها إيدي
دينيّي :اذناي مفردها دينتي او داني
بوزي ،باجوقي:فمي
صيباعي :اصابعي (في بعض المناطق)
قرصوبة :رقبة
فراصيع : ركب

ثانياً اسماء افعال :
توقاه توقاها :كان كانت
أبدي أفيني :ما بدي ما فيني
حبزنّو، حبزنّا : ظننته ظننتها
خملت : فكرت
تخّر :ابتعد
روح ريح :تنحى جانباً
مجا؟ ، منجا ؟ :اليس كذلك؟
مسّجا ؟ :ألم يأت بعد؟
علوّاه :يا ريت
نهو :اسم استفهام بمعنى أي (نهو منهن :اي منهن)
أيمتي :متى
شو حالك : كيفك
هيّيتو :انهيته

ثالثاً اسماء
ديفونة :صوفاية :صوفا
قبوعة :قبعة تجمع على قبيبيع
سحسوحة:طيارة عالرقبة
الزيرة:جزيرة ارواد
مزليط :حجر نهري املس يستخدم للضرب
غبيط : منطقة عميقة من النهر تصلح للسباحة
رعش : حائط استنادي صغير
حاكورة : خرابة
كيّوت :حصة زوادة
موي :ماء
قرمة :عتيق
قارمة :آرمة
قرقة ، زيغة :دجاجة مراهقة
شلوف : ديك مراهق او فروج مذبوح
شلفون :مراهق
ضرب :بنت حلوة ، كاسة متة
اللاقوش :الموبايل
مسبحة:حمص حب
حمص ناعم :حمص مطحون
شدّوق :لقمة خبز
هريسة : نوع من الحلويات ، اكلة شتوية من القمح والدجاج
خيور : خيار (لهجة صافيتا)
ليمون :برتقال
ليمون حامض :ليمون
فليفلة حرة : فليفلة حادة
سقرق : وعاء معدني صغير يستخدم للسلق
قادوس : سقرق كبير ،برميل غسيل
تاسومة :شحاط
قلشين :جراب
خاشوقة :معلقة :ملعقة
وسطية : تنورة
مشزلة :مسجلة
إرتيلة : عنكبوت كبير
مصّوع ،نصّوع :حشرة تشبه النحل (زلئطة بالشامي)
بسّة ،بيسة : قطة
تبتوبة :بسكوتة
التليتي :الثلاثاء
الاربعي :الاربعاء
رابعاً صفات:
كيّس :جيد وجميل
كويّس :كيس صغير (في بعض المناطق)،جيد وجميل في مناطق اخرى
سطل ،سطلة ،سطيلة ،مسطول :غبي
جقر :وقح
نس : خبيث
نشح :سيء
هتيّ: ضعيف و محلول
أهتر - هترة : عديم-عديمة المسؤولية
هردب : فوضوي
فدان ،فدان الرب : شديد الغباء
شنتير : طويل واحمق
ملعون :فتح ،حدق
معرّم :ممّلي مركزو
مأنشح : مبهدل
جادوم : نهم جدا
ملّيق : يسبب الادمان
نَشحة (بفتح النون ): شخص نمام ولا يحفظ سراً
متفرع،مفرع :مخفف تياب
ضحكتا لقراميش دينيّا :ضحكتها عريضة
مقنزحة ،معنطزة ،معنفصة :درجات للغرور (مغرورة)
معفشكة : مخربطة
مفنطرة ،مبوزمة ،مشفترة،محنترة :درجات مختلفة من الزعل (زعلانة)
مكرسحة:متعبة وغير قادرة على المشي
مقرعبة:مرتعبة او شديدة النحافة
معصمصة :نحيفة جدا
حومة : طويلة جدا
بقرة العادة :شديدة البدانة
زارنة :شاردة
مقلقزة :غير ثابتة
بليد :قليل مروة
هالجفي :بهذا القدر او الحجم
الظبايا:الصبايا

خامساًَ افعال:
تعوّق :تأخر بالعودة
جقمر :جادل
رخيه ، دشو ،دشرو :اتركه
لا تتجقم فيي،لا تتلاوق فيي :لا تقلدني بالكلام
لا تتباطروا :لا تتقاتلوا
لا تبعق : لا تصرخ
يلقش :يثرثر
خسّبت :حسبت
زلطا :كلها بلا مضغ
لوكا : امضغها
روّجنا :اقتربنا من النهاية
عم تنعوص : عم تبكي باصدار صوت مزعج
عم يتدرج :عم يتمشى
تنقّز :كول الله جعلو فزرة ،تزهرم
تبوّع :اشرب الله جعلو فزرة
مجقا عبوزا :قبلها على فمها
اقرص راسي زوم :استحم
شق الشباك:افتح الشباك
شلّف :قطّع (تستخدم للبندورة خاصة)
قلز :قلب على ظهره
زحّنو تزحين:اسحقه
فقعتو لبيط : ركلته بقدمي بشدة
جوّش الابريق:اقترب من مرحلة الغليان
كفّر الابريق:غلي
وتّبنا:تعبير مجازي بمعنى :حدا يقوم يسخن الابريق
زل المتة :نقعها بالماء البارد
قطعت الكاسة:رسبت المتة في قاعها

سادساً مصطلحات اخرى
مرة اللخ،مرة اللخر:مرة اخرى
طالع بخوندة:مسافر بشركة القدموس
شحاري مفقرك :كم انت درويش وعلى نياتك
شيربين شي؟: سؤال بمعنى: شربتو متة ولا لسا؟
مي كيسة :ليست جميلة
ماني ساغ :لست على ما يرام
عمنوّل :العام الماضي
أول :العام قبل الماضي
اشتالله :حاشا لله : قسم
اي بحضّي :قسم
العيب عليّي ولبيّي :قسم
يقطعك الله : يحرق حريشك : ثكلتك امك
و فزززار ،وفزرة :دعوة
شارع الخميس :شارع هنانو
كيفك يا حبيب :كيف الحال يا صاح
شحاري :يا ويلي
ما أتيسك :كم انت عنيد
أيلييييي ، أيلاااااااع : ياإلهي!!!!
وااا علي:ياااا علي
حبسو سجنو مطرو بقعو كرتو قمصو:اسماء ضيع
الميعور: ميعار شاكر (قرية صفتلية)
حيفض درسك؟:حافظ درسك؟

سابعا وأخيراً .. مادة قرد

قرد :اشارة تعجب
قد :اختصار لكلمة قرد
ميت قرد :اشارتي تعجب
شيخ رب القرد : مليون اشارة تعجب
لحفض القرد : عالجهنم !
يا قرود الارض : تقال للمشاغبين
يا سعادين الارض :تقال للمشاغبين الصغار
آه يا مات قرد ،آه يا مات دين : تقال للسخرية
القرادة :لحن شعبي
قرد العادة : رجل مشعر بشدة ،طفل شديد المشاغبة
وشو متل قفا السعدان : محمر الوجه
القرود أبتعرف وينو : الجن الازرق ما بيعرف وينو
قرد بعينك :تباً لك

يللي عندو شي مصطلح خرج نضمو لا يبخل علينا

موضوع: رد: تعلم اللهجة الطرطوسية 3/9/2010, 9:11 pm

علوش حلوي هي تعلم اللهجة
ههههههههههههههههههههههههه
هههههههههههههههههههههههههههه
يسلم اديك يا حلو

موضوع: رد: تعلم اللهجة الطرطوسية 4/9/2010, 1:54 pm

هههههههههههه

حلوين هالمصطلحات
شكرا روح اليوفي
ذكرتني بصديقتي كمان من طرطوس
والله من فترة ماحكيت معها
لروح اطمن عليها

موضوع: رد: تعلم اللهجة الطرطوسية 4/9/2010, 1:56 pm

ههههههههه

وانا كمان رح دق لهديل وسلم عليها من اللذقية

موضوع: رد: تعلم اللهجة الطرطوسية 4/9/2010, 3:36 pm

ماعرفتك وانت استاز لغات
ههههههه
شغلة ها بس الطراطسة بمطو الكلام يا ترى ليش

يسلمن علوش

موضوع: رد: تعلم اللهجة الطرطوسية 4/9/2010, 9:22 pm

حيواتي اتوووووووووووو
ههههههههههههههههههههههههههههه عجبتني اللهجة الطرطوسية
رح اقعد دورات وصير احكيها هههههههههههه
يعطيك العافية

موضوع: رد: تعلم اللهجة الطرطوسية 18/9/2010, 11:19 am

ههههههههههههههه حلوين رح نختم تقريبا

قال الشاعر روح اليوفي في احدى مواضيعه

انا اليوم مرندح ؟؟
بتمنى بيع شي سبيتي ؟؟
اشرح ما يلي
مرندح
سبيتي

لك الشكر

موضوع: رد: تعلم اللهجة الطرطوسية 17/10/2010, 10:52 am

ههههههههههههههههههههه يسلمو روح اليوفي والله تعبان ع المشاركة يسلم ايديك يارب

موضوع: رد: تعلم اللهجة الطرطوسية 17/10/2010, 12:43 pm

لغة صعبة كتير
ان شاء الله ما بيدخلوها بمنهاج المدارس
لانو بعدين كل الطلاب بيرسبو

موضوع: رد: تعلم اللهجة الطرطوسية 17/10/2010, 1:03 pm

موضوع: رد: تعلم اللهجة الطرطوسية 17/10/2010, 11:13 pm

يللي عندو شي مصطلح خرج نضمو لا يبخل علينا
----------
هههههههههههه
ثعلوبو الله لايحرمنا من رندحتك ومواضيعك وطلتك
كل هالشرح ولسى في كمان
علي قمر عم تسألك شو يعني الرندحه وبيع السبيتي
اشرحلها واستفلح بالشرح ههههههههه

موضوع: رد: تعلم اللهجة الطرطوسية 20/10/2010, 3:21 am

قرددددددددددد

والله حلو هالموضوع ابو شريك
تحياتي

» تعلم اللهجة الحلبية في ثلاث دقائق
» اللهجة الحلبية
» قواعد اللهجة اللادقانية مع الشرح
» اللهجة الحلبية وشرح مفرداتها
» اللهجة الحلبية تعود إلى الدراما.. من خلال «في الميزان»