أبدع بقلمك..وابتعد عن المنقول فأنت أهل للتميز

[size=16]أبدع بقلمك..وابتعد عن المنقول

..
السلام عليكم ورحـمة الله وبركاته
..
لا ارتقاء بالصعود فوق ماتتركه المواقع والمنتديات الأخرى من المواضيع المنقوله

والتي أصبحت مادة لكل قسم من أقسام المنتديات التي لاتسعى للتطور ولاتنظر للأفضل

والأعلى وتقنع بهذا المستوى المتواضع

..

للأسفنلاحظ الكثير من المواضيع المنقولة هدفها في الطرح ليس الفائده وإثراء

المنتدى

..

بل زيادة المشاركات والنظره الخاطئه في مفهوم التميز والإبداع,فالتميز

والإبداع لا يأتي بمواضيع الآخرين ونقلها من منتدى إلى آخر وعادةً بشكل عشوائي

وهذه الطريقه بعكس مايتوقع صاحبها فإنها تقلل من مستواه وتميزه وتغير من نظرة

الآخرين تجاهه,

نحن قادرون على التميز بأقلامنا وأفكارنا وإن كانت بسيطه فإننا نتشرف بالمحاوله

ولانستهين بها فهي أول خطوه في طريق التميز
..
دعونا نطوي هذه الصفحات المتكررة من المنقول في هذا القسم ومن باقي أقسام

المنتدى

..

ولنحاول ونشجع الآخرين فهذا بلأخير يعود لصالحنا جميعاً

عند الدخول لهذا المنتدى و رؤية

الجديد من أعضائه ومشاركتهم,فهذا أفضل بكثير من الدخول لقسم نجد كل محتوياته

مطابقه لباقي المنتديات الأخرى,هذا لايعني عدم نقل أي موضوع أو عدم نقل الفائده بل

هذا الشيء مطلوب ولكن بحدود الإفاده وليس بشكل عشوائي وبتخبئة مواهبنا ودفنها

فلنبدأ من الآن في هذه الخطوه جميعاً,كلٌ بما يتقنه ويميل له

..

وإن شاءالله بتعاونكم نرتقي بمنتداكم ,وأنا من موقعي هذا إلى كافة المنسوبين يداً بيد

في هذا الطريق إلى أن نحقق طموحنا في خدمتكم وإنشاء مجتمع منسجم مبدع يعتمد

على نفسه ويكون مقصداً لغيره ..متنوعاً وجديداً

تقبلوا تحياتي جميعا
..

[/size]

مشكورة ابرار ع المشاركة

لك طلع علساني شعر وانا عم عيد هالاسطوانة ...

شو المميز بالموضوع اذا بدنا ننقل؟؟؟

كيف بدو يرتقي المنتدى غير من خلال الجديد والعفوي والابداع الذاتي ؟؟

مشكورة عالموضوع ابرار بس عنجد ما بقا الي خلاق ارجع عنفس السيرة

بتشكرك ابرار
بس والله عم نلت ونعجن بنفس المواضيع ونكرر الحكي فبلا مانعمل
شعارات لانو تعبنا كتيرررر بعدين ازا الموضوع هاد الي بيدعو لتميز والرقي
منقول عن منتدى تاني كيف بدنا نكون مبدعين والشخص بيكون مميز بأبداعو الشخصي
وطريئه تفكيرو يعني مافينا نحكي للعالم ونفهمهن ازا هما
مو فهمانين هالشي او مابدهن يفهومو وبرجع ئول كل شخص
والو طريئه في التفكير ومستوى معين بالوعي والعئل
واسفه ع صراحتي بس عنجد
حاجتنا حكي بدنا فعل هون

لا يا ابرار هلق بيزعلوا منك العالم

طيب اذا ما نقلنا المواضيع وبسرعة البرق

وكل يوم خمسين ستين موضوع ومية رد

كيف رايحين ناخد رتبة جديدة بالمنتدى

يا ريت يكون في قوانيين صارمة لامر نقل المواضيع

وخاصة المواضيع اللي ما فيها عبرة ولا فائدة سوى زيادة في المشاركات

لانه المشكلة صايرة بس ما حدا حكي هجووووووووووووم

شكرا ابرار على موضوعك الهادف

أنا بأئيدك أبرار على فكرتك

الامر بسيط كتير
حتى و لو حب اي شخص ياخد الفكره من اي موضوع موجود بمنتدى تاني
و يصيغه بطريقته و بأسلوب سلس و مميز

هيك بتكون مواضيعنا مميزه و بنبتعد عن المنقول

كل الشكر إلك يا غاليه

روح اليوفي كتب:: لك طلع علساني شعر وانا عم عيد هالاسطوانة ...

شو المميز بالموضوع اذا بدنا ننقل؟؟؟

كيف بدو يرتقي المنتدى غير من خلال الجديد والعفوي والابداع الذاتي ؟؟

مشكورة عالموضوع ابرار بس عنجد ما بقا الي خلاق ارجع عنفس السيرة

انا ما حضرت الإسطوانة اللي فاتت راحت عليي

هههههههههههههههههههههه

خليها علي أنا ئلي خلاق عيد وكرر

بس أهم شي طلتك ع موضوعي مشكور والله

زهرة اللوتس 975 كتب:: مشكورة ابرار ع المشاركة

الشكر الك حبيبتي منورة

طفلة الناي كتب:: بتشكرك ابرار
بس والله عم نلت ونعجن بنفس المواضيع ونكرر الحكي فبلا مانعمل
شعارات لانو تعبنا كتيرررر بعدين ازا الموضوع هاد الي بيدعو لتميز والرقي
منقول عن منتدى تاني كيف بدنا نكون مبدعين والشخص بيكون مميز بأبداعو الشخصي
وطريئه تفكيرو يعني مافينا نحكي للعالم ونفهمهن ازا هما
مو فهمانين هالشي او مابدهن يفهومو وبرجع ئول كل شخص
والو طريئه في التفكير ومستوى معين بالوعي والعئل
واسفه ع صراحتي بس عنجد
حاجتنا حكي بدنا فعل هون

أبدع بقلمك..وابتعد عن المنقول فأنت أهل للتميز 756267

برافو طفلة الناي يا عيني عليكي

والله عفارم حبيبتي

أنا اتقصدت أنقل الموضوع مشان نئدر نميز بين اسلوب المنقول والإبداع يالي فيه جهد

والا ما في أسهل علي شخصيا انو عيد صياغتو
أنا بصراحة ضد
المنقول حتى لو كان شي مميز

ومواضيعي اغلبها بالقسم الأدبي ومن قلمي الخاص

وانا معك انو الحكي ما عاد يغير شي وأكبر دليل الردود

بس أنا ما رح اسكت

لأنو عنا اقلام مميزة وما في داعي للنقل
بس شوي مجهود وثقة بالنفس

مشكوووووووووووووورة جدا لمرورك

المتألق كتب:: لا يا ابرار هلق بيزعلوا منك العالم

طيب اذا ما نقلنا المواضيع وبسرعة البرق

وكل يوم خمسين ستين موضوع ومية رد

كيف رايحين ناخد رتبة جديدة بالمنتدى

يا ريت يكون في قوانيين صارمة لامر نقل المواضيع

وخاصة المواضيع اللي ما فيها عبرة ولا فائدة سوى زيادة في المشاركات

لانه المشكلة صايرة بس ما حدا حكي هجووووووووووووم

شكرا ابرار على موضوعك الهادف

ههههههههههههههه المتالق ولا يهمك الهجوم عليي أنا هلا بس مو مشكلي

لو كنت عرفت هالئد متغاضين من المنقول من زمان نزلت موضوع وبأسلوبي الخاص طبعا وبتشوفوا وئتا

أنا بضم صوتي لصوتك متألق لازم يكون في قانون للمنقول وتحديدي عدد المساهمات المنقولة لكل عضو

ان شاء الله بهالسني نشوف اشيا جديدي بالمنتدى بتمنى

شكرا الك متالقنا العزيز

موضوع رائع صديقتي

انا بس بقترح شغلة ينعمل مكتبة او موضوع بشي قسم اداري والموضوع يكون بخص فقط المواضيع المميزة
اي المواضيع المكتوبة والغير منقولة
وكل شخص بيكتب موضوع وبنزل رابط موضوع بالموضوع الاساسي الموجود بالقسم الاداري
وبرأي انا هيك منكون عم نجمع لنشوف مين عم يكتب ومين عم ينقل
وبنفس الوقت يلي عم يابدع ويكتب بكون له وضع خاص وصلاحيات خاصة
يا ريت رأيي يصل للادارة عن طريقك طفلة وكل الشكر لكي
محمد علي السيد

soofy كتب:: أنا بأئيدك أبرار على فكرتك

الامر بسيط كتير
حتى و لو حب اي شخص ياخد الفكره من اي موضوع موجود بمنتدى تاني
و يصيغه بطريقته و بأسلوب سلس و مميز

هيك بتكون مواضيعنا مميزه و بنبتعد عن المنقول

كل الشكر إلك يا غاليه

منورة صوفي ومثل ما ئلتي ما ناقصنا شي غير شوية جهد

منشان نتميز

ليكنا عم نتعلم من بعض ونحاول وباذن الله سنتميز دائما دائما

شو مشان كمان لازم كل شي يكون في حق
يعني اقسام الاخبار انا مثلا بتابع المنتدى لاخباري هاد القسم فيه ابداع اكيد لا
معناها في اقسام لازم ننعشها بمواضيع يومية ومافيها ابداع ولا شو رايك خيي محمد السيد وفكرة المواضيع المكتوبة تنزل بروابط بموضوع لحالو حلوة وبايد فيها
ومشكورة لموضوع لمييز ابرار الشام كل الود

محمد علي السيد كتب:: موضوع رائع صديقتي

انا بس بقترح شغلة ينعمل مكتبة او موضوع بشي قسم اداري والموضوع يكون بخص فقط المواضيع المميزة
اي المواضيع المكتوبة والغير منقولة
وكل شخص بيكتب موضوع وبنزل رابط موضوع بالموضوع الاساسي الموجود بالقسم الاداري
وبرأي انا هيك منكون عم نجمع لنشوف مين عم يكتب ومين عم ينقل
وبنفس الوقت يلي عم يابدع ويكتب بكون له وضع خاص وصلاحيات خاصة
يا ريت رأيي يصل للادارة عن طريقك طفلة وكل الشكر لكي
محمد علي السيد

شكرا لمرورك أخي العزيز

اقتراحك جميل وإن شاء الله ينظر في الموضوع
مع العلم إنو في كثير من الأقسام وخاصة الأدبي لتشجيع الأقلام وعدة مواضيع أيضا لكن المنقول يغزونا ولا مفر الا بمحاربته معا وسويا

ارجو من الجميع يعذروني يعني ما في حد مقصود بالموضوع والأعضاء الي ردوا ع موضوعي بيأكدوا انهم أقلام

مميزة وأنا بحترمهم واحترم كل قلم ينبض من أجل الثقافة العلم التميز الغد الجميل

ومن أجل منتدى شلة سوريا

اشكر ردك الرائع ابرار وانشاء الله يكون الاقتراح مفيد ويصل للادارة

هذا رابط موضوع جديد خاص بالمواضيع المميزة

http://www.souriaa.net/montada-f3/topic-t61391-5.htm

» 15سؤال,, إذا اجبت عليها فأنت عضو مميز ؟؟ الدعوة عامة للتميز
» افتخر فأنت في..........
» مسابقة التوقعات ... فرصتكم للتميز لا تفوتوها