مــــــــــايـــــــــك المنتدى

يعني والله يا جماعة هالفصل يلي صار فيني قبل شوي شغلة
يعني صحيح انتزع مراقي بس يلا بسيطة كلو بهون
لح ارجع اكتب هلأ يمكن ما يطلع معي نفس الكلام يلي قلتو لان كنت عم اكتب كل شي بيطلع براسي بس لح ارجع عيد وشوف شو لح يطلع معي
بعدين شو هالحكي سييادة القمر ولو انا عم امزح عادي هههههههههههه منكتب من الصبح للمسا

قبل شوي يا جماعة كنت عم انتقل للفقرة التانية من حديثي ويلي بظن يضل اكتر من يومين بعد اذن ليا طبعا او شي يومين ونص لان مبارح ما قدرت اعمل شي

وبالفقرة التانية ويلي بتخص الشلة حصرا كنت عم احكي على المشرفين والمدرا والـ بالموقع

وبرجع من اول مجموعة ويلي هيي :

المؤسس :

وسام : >> يا غالي طلبي منك شغلة وحدة انو نرجع نشوفك متل اول وانشالله تكون بخير وكل عام وانت والكل بخير

قمر >> يعني سيادة القمر عجبك هيك هههههههههه انا بظن انو من عينك انو الشغلة لانها واضحة خخخخخخخخ واشتغل التحشيش
سيادة القمر بئلك شي انو لا تبعدي ابدا عنا وعن الشلة لانو وجودك وحضورك دائما مميز

الادارة

ليا >>> لك ميت وردة يا غالية وعلى راسي والله يعني بجد لما ما بشوف اسمك بحس في شي ناقص
ليا بافكارك وموضيعك وردوك دائما عم يكون الموقع احسن وانشالله منضل منشوفك دايما

نينا >> الله حيو نينا صاحبة التميز ويلي صرلنا فترة ما عم نشوفها منيح
وانشالله يا غالية منرجع منشوفك متل اول

محمد >> ميت وردة يا غالي سيادة الادارة يلا انشالله توصل بالسلامة واجازة موفقة يا رب

مرتضى >> سيادة الادارة على راسي والله ميت وردة ههههه نصيحة يا غالي تاخلك شي اجازة هيهيهيهيهيهيهي شو رايك

VIP

سالي الغرام : >> نصي الغالي اما بعد هيهيهيهيهي
لح اطرقك رسالة هلأ يعني ,,,,, لا لا نصي والله جد بعزك كتير
وانتي من المؤسسين هون وبدي ئلك شي انو لا تبعدي عن الشلة ابدا لان الكل بحبك ووجودك ئلو معنى كتير كبير بموضيعك وردودك المميزة
وانا بتمنى نرجع نشوفك ويا رب ما تخجلي نصك ها هههههههههه

جوجينا : جورجي > ميت وردة والله على راسي
مميزة باغلب الاقسام بس صرلنا فترة ما عم نشوفك منيح
انا بتمنى نرجع نشوف نشاطك يلي الكل بيعرفو واحلى جرجي والله على قولة شريكتي روزاليندا

الاشراف العام

روزليندا >> شريكتي الغالية هههههههه صح انا وياكي منتخانق كتير بس من المحبة تئبريني هيهيهيهيهيهي
عنجد بزمن قصير اثبتي وجودك وتميزك وبتمنى نضل نشوفك دايما هيك
وانشالله ما مننحرم منك

شبل الاسد >الياس الغالي هيهيهي مبروك اللوك الجديد يا غالي جد حلو والقديم حلو وكلو حلو بس اختار واحد وشكلين لا تحكي
يا غالي خلينا نضل نشوفك هون دايما ولا تقطعنا من الرياضة هههههههه ايوا

سيريني >> سيرين الغالية يلي انا جد بعزها كتير وكتير كتير ههههه
سيرين اثبتت وجودها بوقت قصير كتير ولسعتها على نفس النشاط وانشالله منضل منشوفك دايماااا وما ننحرم منك قولي امين لشوف

روز >> مشرفة عامة >> على راسي والله انشالله منرجع منشوفك متل قبل
وميت وردة والله

روني > والله يا غالي حاسك مفقود وينك مو مبين ههههههههه كنت ترقص رقص بالمنتدى يلا انشالله منشوفك عن قريب وترجع متل ما كنت

نيكولاس >> ميت وردة والله انشالله يا غالي منضل منشوفك عم طلطل علينا
وخلينا نرجع نشوف موضيعك الحلوة

الحنين > صاحبة القلم الشعري الجميل والله صرلنا زمان ما شفنالك شي وما منعرف ليش بس انشالله خير
وانشالله نرجع نشوفك متل قبل لان جد وجودك مميز

البنت الحلوة >>> ميت وردة والله وكمان صرلنا شي اسبوع ما شفناكي
وانشالله الاهداء يلي قرينا بالشات يكون غلط وخلي يشبك النت معك ولو ههههه
ونضل نشوفك

لسع في المشرفين والمشرفات وكم عضو مميز بدي احكي عنون
بس يا جماعة جد تعبت وللعلم هي الكتابة كنت كاتبها بس علقت الصفحة ورجعت عدتها مرة تانية
بس عادي كل شي كرمالكن بهون

وسأعود طبعا ولكن الان وقت الاستراحة

في شغلة حابب احكي عنها انو انا عم احكي عن كل واحد مشرف ولا اداري هون
لانو يمكن جد ما احسن اطلع عالمقابلة مشان هيك اقتصرت هي الشغلة من خلال هالمايك وهالفكرة الحلوة هون

....

مابعرف محارب ازا خلصت فقرتك او لسى
بس شايفة انو المشاركة من اكتر من يومين
لهيك رح احكي ونشالله ماكون قاطعتك

فعلا بهاليومين او اكتر يمكن
خصصت وقت كتير للمنتدى
فعلا بشكرك كتير لاهتممامك ولوقتك وبعرف ادي المنتدى مهم عندك متل ماهو مهم كتير عنا كلنا
شكرا كتير لكلامك وفعلا تعرفت عليك اكتر
وكمان لرسائلك للكل
بعرف صرلي فترة مو متل اول بس انا لو قصرت شوي مابغيب ابدا
المنتدى بيتي وغالي علي
ونشالله شوية اعطال بحلا وبرجع متل اول واكتر

لا لا جوجو ولو ما خلصت هيهيهيهيهيهي

بس غبت فترة وعنجد اسف كتيرررررررر ولح كمل اليوم الحكي عالمايك الروعة

اقتباس :: لسع في المشرفين والمشرفات وكم عضو مميز بدي احكي عنون
بس يا جماعة جد تعبت وللعلم هي الكتابة كنت كاتبها بس علقت الصفحة ورجعت عدتها مرة تانية
بس عادي كل شي كرمالكن بهون

وسأعود طبعا ولكن الان وقت الاستراحة

رجعناااااا
ويلا يا رب

اسم المجموعة : المشرفين

...عاشق الأسد : يعني جد ما بتمنالو غير الخير والتوفيق بعد ما نزل موضوع انو لح يغيب بسبب الجامعة صح لح نشتقلو بس الجامعة اهم
وانشالله يرجعلنا وهوي متخرج باعلى العلامات

أحمود مافيا : هاد الزلمة بربي مبدع بالسيارات يعني لولاه لكان قسم اليسارات ميت نظاااامي
وانشالله نرجع نشوفو متل اول وعلى راسي يا احمد

اسد24 : يعني من زمان بشوف اسمو بس وجودو قليل وانشالله منرجع منشوفو متل اول لان جد وجودو مميز

cadosh : يعني شريك وغالي وغير كل هاد معلم البرامج يلي رجع طل علينا من جديد وانشالله ما ننحرم منك يا غالي وميت وردة

اعتزلت الغرام : الشب الرايق الشاعر يلي جد خواطرو ولا احلى صح وجودو صار قليل بس عم يطل علينا كل فترة وانشالله موفق بدراستك
يا غالي ونرجع نشوفك متل اول

دانجر : كمان صرلي فترة ما عاد شفتو بقسم الاخبار وانشالله نرجع نشوفك متل اول يا غالي وتحياتي

الاسطورة : كمان صرلو فترة غايب وانشالله موفق وبلكي منرجع نشوفك متل اول

شبل المنتدى : الشب الحويص هههههههه عنجد غالي وكتير بيعجبني نشاطو وانشالله منشوفو دايما منور وبكل الاقسام

زاهر : كمان صرلي فترة ما عم شوفو وانشالله خير ونرجع نشوفك متل اول

........................

اسم المجموعة : المشرفات

ميرا : يعني جد بردودها الحلوة وحضورها الحلو بتخلي الكل يحترمها بس صايرة دخولها قليل
وانشالله نرجع نشوفك متل اول

بنوشا : كمان بنوشا بنت ولا اروع رائيةةةةة كتيرررر ولابعد الحدود وجد بتمنى شوف موضيعك دايما
وموفقة بدراستك يا رب

دمدومة : ديمو البنت الزكية الرايئة الفهمانة يلي جد قد حالها ويلي محركة قسم اللغات والاجنبي وكلو على كلو هيي
انشالله ما ننحرم منك يا رب واحلى دمدومة

الاميرة : وينك والله زمان مو باينة وانشالله نشوفك من جديد

الوردة الدمشقية : بطل علينا كل فترة وتاينة وبتختفي وانشالله نرجع نشوفك متل اول

حنين القلب : فاتت فترة وصرنا ما نشوفها متل اول وانشالله خير وياريت نرجع نشوفك متل اول

laial1987 : كمان فترة مو مبينة الله اعلم ليش بس انشالله خير

مون لايت : البنت يلي بحسها بريئة من كل شي ورائية ودخولها قليل وانشالله نرجع نشوفك متل اول

رورو : كمان مو مبينة وانشالله نرجع نشوفك متل اول

همسات دافئة : بحس هالبنت لازم تكون اكتر من مشرفة لان جد مبدعة لما بتتواجد وانشالله موفقة
وياريت نشوفك اكتر

الاعضاء :

طبعا ما لح احكي عن كل الاعضاء لان ما بحلص بسنة هيهيهيهيهيهي

لح احكي عن يلي بعرفون ويلي اثبتو وجودون

RAUL : ميت وردة يا غالي رجعنا نشوفو من جديد وانشالله دايما منشوفك

rana-m : احلى رنوستيي بالعالم البنت الزكية ويلي قد حالها والقلب الذي لا يوصف
عنجد بتمنالك التوفيق وانشالله منشوف نشاطك هون يا غالية

المرعب : والله احلى مرعب انشالله منشوفك دايما يا حبيب
حارس فلسطين : معلم المعلمين وانشالله ما ننحرم منك يا غالي

abu wade3 : ميت ورد شيخ الشلة ههههههههههه وانشالله ما ننحرم منك وشو رايك ترجع تستلم قسمك يا غالي

البنوتة زيزو : احلى بنوتة بالردود بالموضيع وبكل شي وانشالله بضلي هيك دايما منورة الشلة
وعئبال الاشراف والادارة

west live : غايب صرولو فترة وانشالله نرجع نشوفك متل اول

المبدع
رومـانـــMــس
Rama
مــــــــــــــروق
Rostomano
samer
الراحل
kalimearo
nana13
نزار ابو حلب
NOURA

بقايا رجل

الطنبوري

....
...
..
.

وكتار كتيررر

جد خلينا نرجع نشوفكن صح انا ما بعرف كتار منكن بس اسمائكن محفورة وانا ما جبتها غير من خلال الموضيع
ولسع في كتير اسماء بس ما بدي اقتصير حكيي بالمايك على الاسماء

والف تحية مني ئلكووون

.............................................................

تعالو هلأ لاحكيلكون وين كنت غايب يعني الشغلة صارت فجاة وبدون تخطيط
وصار مشروع السفر : 3 تيام باللادقية ويومين بالضيعة عالجبل عن صاحبي ويومين بلبنان
هيهيهيهي بس استاذ مدينتا الفاصل الخاين طلع قبلي بسيطة

والشغلة كلها صارت بدون تخطيط وفجأة بس جد كنت بتمنى كل الشلة معنا

اما شو مشواااار شغلةةةةةةةة هههههههههههههههههههه

يلا بئى شد حيلكون وجهزو حالكون وخلينا نعمل شي رحلة : رحلة خاصة بشلة سوريا

وانا اول من سيكون في المقدمةةةة

...................................................

قصيدة الى .....

ارحلي دامك بغيتي ترحلين
***
واتركيني في همومي والقهر
***
واتركيني لليالي والسـنين
***
اللي مثلي كم تعود للسهـر
***
واسمعيني كان ودك تسمعين
***
كلمتين بخاطري قبل السفر
***
حبك بقلبي ترى لو تصدقين
***
باقي وياي مع طول العمر
***
ودعي يا عين بالك تدمعين
***
ما يفيد الدمع في يوم القدر
***
الليالي تقول والقلب الحزين
***
ما نبي الا ذكرياتك والصور

..........................................................

علمتني وشلون احب علمني كيف انسى
يا بحر ضايع فيك الشط والمرسى
يا جرح من وين ابتدي وانت معي من مولدي
بس انت علمني الجفا دامي عجزت اعلمك كيف الوفا

الى مجهولة

..........................................................

اهداااااااااااااء لمن تسكـــن ارواااحهم اعاااالي السماااااااااء

مضى امس ومضى عمر ولاغير الله الباقي

طوينا صفحة كتاب خذا من عمرنا همه

فجيع ليلي البارح فقيد عمري الباقي

رحمكم الله ,, ورحمنا .....

الى غالي

.......................................................

والله ياغالي مالي عرفان شو احكي صح انا تعرفت عليك من فترة صغيرة بس بجد انت شب مميز واكابر ومحترم
وانا متل جورجينا هلأ مابعرف اذا المايك خلص معك او لسى
بس بدي قول انو المايك كان معك غير وحكيت عن كل واحد فينا وحكيت عن حالك والقصايد يلي قلتون كتير حلوين واحلى شي سوريا الله حاميها
وجد اسف اذا كان المايك معك ماخلص
وتحياتي لشخصك ياغالي وعلى راسي يا أحمد

المرعب

وانا كمان ما بعرف اذا المايك خلص او لا
بس مبين عليه لسى ما خلص لان في محور تالت رح يحكي عنه وهو الواقع
بس وينك مو مبين محارب
شو خربت المايك عم تصلحه
ما عم تلاقي قطع
معك حق مايك اصلي لان مو صيني

يلاا رح خلي تعليقي على المايك ليخلص
بس حبينا نطمن عنك

يلاا بان وعليك الامان

لك عراااااااااااااااااااااسي يا قمر

بصراحة ما عاد ئلي وش ارجع كمل وجد اتأخرت كتير بس ظروفي كانت شوي صعبة

لسع في حكي كتير عن الواقع وكلام كتير بس جد ما لح كمل لان المايك معي طول وما بدي حدا يزعل

وبشكر كتير ليا يلي طولت بالها علييي وعطني فرصة اني اطلع عالمايك
وبشكر كل يلي مرو
مرعب
وقمر
وجورجينا
وحارس
وعلى راسي احلى شلة

احمد

[ندعوك للتسجيل في المنتدى أو التعريف بنفسك لمعاينة هذه الصورة] بتستاهلها يا غالي .. وتشرفت بمعرفتك

المحارب لا تاكل هم خود وقتك
كل واحد منا عندو ظروف
المايك رح يكون معك مدة مفتوحة
والشي يللي قدمتو لهلق رائع
وناطرين الشي يللي بدك تقدمو
برجع بقلك خليه ع فضاوتك

[ندعوك للتسجيل في المنتدى أو التعريف بنفسك لمعاينة هذه الصورة]

ليا يا غالية بتشكر كتير وموقفك ما لح انسالك ياه

بس خلص المايك هون وما بدي عطل دور حدا لازم ياخدو وكون انا السبب

وقت ارجع متل اول لحالي بقلك يا ريت تفضيلي المايك يوم وبستعارو منك شو رايك [ندعوك للتسجيل في المنتدى أو التعريف بنفسك لمعاينة هذه الصورة]

وميت وردة يا غالية

ولا يهمك المحارب
وانتظرو عن قريب

المايك رح يكون مع !!!!!!!!!!

ما رح قلكون

ترقبو

هايو شلة

المايك رح يكون هي المرة

مع شخص كتير مميز

كتير كتير كتير

بشخصيتو

بثقافتو

بخفة دمو

بكل شي من وجهة نظري وبتوقع بوجهة نظركون كمان

وهي بالاحرى انسانة محبوبة كتير

يعني هلق حكيت بشكل انثوي

مين بتتوقعو

؟؟؟

هيي ميراااااااا
واحلى حلبية والله
ميرا بتمنى تكوني معنا بالمايك هي المرة
ناطرينك

اول شي شكرا ليا عتقديمك لألي بهالاسلوب الاكتر من مميز ..
وبشكرك لزوئك بالكلام عني .. واكيد انشالله رح كون معكن ب مايك المنتدى .. لشوف شو رح أحكي أو شو رح قول .. وإلي عودة .. قريبة ..

وانطروني ..
الاحد 22 / 11 / 2009
مــيرا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

صباح الخير ..
صباح الورد ..
صباح الحب ..
ليومكم أروع وأدفى صباح مني انا .. مــيرا ..

مع لسعة هالبرد عند هالصبح مع إشراقة هالشمس ليوم جديد ..
حبيت يكون هالصباح وفنجان قهوتي .. معكن أنتو ..
لأنو صباحي مابيكون إلا مع ماما ..

مع كل إشراقة يوم جديد بحس أنو ولدت من جديد ..
أنا ونبراسي يلي هو وجه ماما الكريم .. يلي بيضويلي عتمتي بهالحياة ..
بلحظة صفا وأنا عم راقب وجهها ..

بشوف كل السنين يلي مرقت فيها من خلال هالتجاعيد البسيطة الموجودة بين حنايا عيونها ..
بينتابني شعور .. بيخليني حس أنو فيي قدم الكتير ..
بيخليني أمحي كلمة " مابقدر ومافيي " من قاموسي ..

رغم كل التعرجات يلي بمرق فيها ..
كلمة " الله يرضى عليكي ياميمو منها " بتنسيني العالم كلو ..

بتعرفو شغلة ؟؟
صح أنا بابا راح الله يرحمو .. بس ماما موجودة .. الله يخليلي ياها ..
لهيك رغم كل ظروف الحياة .. من دراسة لعمل لمنصب .. مهما علا شأننا .. نحنا فقراء للدعاء ..

دعاء الخير بحقنا وبابو مفتوح للرب مباشرة .. هو دعاء الوالدين ..
خلونا نحافظ عليه برضاهم علينا .. والله والله والله رح تلاقو الخير ..

أنا ماعم أنصح ولا واقفة بمنبر لالقاء الخطب والمواعظ ..
أنا عم نبّه .. لليوم يلي تفقد فيه والديك .. لاسمح الله .. وأنت مقصر بحقهم ..
واسئلو مجرب متل مابيقولو ..
بيكفيني للحظة أنو لما بحط راسي عالمخدة ..
بنام مرتاحة .. لأنو الحمدلله آخدة رضا بابا الله يرحمو عليي ..
وصدقنوني ربنا مابينسى حدا ..
ف .. رضا الوالدين من رضا الله سبحانه وتعالى ..

صحيت ماما ورايحة اعملها القهوة بإيدي .. صوتها وهي هلأ عم تقلي وينك ياميمو تعي نشرب القهوة ..
بيخليني قول يا أصدقائيي .. روحو اشربو قهوتكن أو النسكافيه أو المتة أو الشاي أو الكوفي ميت أو حبة الفواكه ..
يعني بالمختصر رح روووووح..

مرة تانية ..صباح الخير والنور والورد ..
هالغنية مني إلكم .. لتتذكرو صباح مــيرا فيها .. مع كل كلمة كتبتا هون ..
وراجعة مو مطولة .. لأنو بدي نروح مشوار مع بعض ..

وانطروني ..

23 / 11 / 2009

10.42 pm

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

أنو صباحو من جديدد .. بس شو مشان كيفني وأنا مستلمة المايك ههههههههههههههههههه ..
انفصلو الجكات معي يلي واصلين المايك .. بس رجعتن ..

لك ماقلتولييييييي كيف طالع صوتي اه ؟؟

بعرف مارح تردو عليي .. ترا صعبة ها عليي .. مو متعودة احكي .. وماحدا يسمع ..
بس يلا معلش .. لانو اذا بلشت بأي نقاش .. خلصصصصصص مابقى بسكت ..

المهم ماعلينا ..
كنت قايلة انو انطروني رح نروح مشوار .. بتعرفو لوين هالمشوار ؟؟

المشوار هو رح اخدكن معي .. برياضة مشي sporting.. وياحزركن مشان شو ؟؟ مشان بدي ألفت نظركم لأشخاص نحنا لولاهم ولا شي ..
إلهم فضل علينا ومو حاسين بقيمتهم ..

من وجهة نظري لابد أن ننظر لهم أبعد من كونهم .. يكنس أو يلملم .. الأوراق وعلب البيبسي ..
وأرى أنها نظرة خاطئة بالأخص لمثل هؤلاء الرجال ذوي العظمه كما اسميهم ..

ارى المجتمع ينظر اليهم بعين الاستخفاف والاجحاف لحقهم ..
بل وشتم وسب من يعمل كعامل نظافه....
طيب ليش كل هالقسوة ماهو عم يحاول تنظيفنا ..

قد يقول قائل هم شريحه عاطله عن العمل ولم يجدوا فرصه غير البلديه للعمل بها....
اقول له ( العمل عباده ايا كان المهم الا يسمى عاطلا دون عمل ) .. هذا هو العاطل الحقيقي..

فأما حقهم علي فهو الأحترام والتعاون معهم وعدم الاستخفاف بهم بل يوجب احترامهم وتقديرهم..
والتعامل معهم كأي عمال آخرون دون التمييز الجاهلي والتخلف النفسي والعقلي ..

بدوره السيد الرئيس بشار الأسد أقام مأدبة إفطار لهم في رمضان الماضي ..
وكان متواجد معهم عم يسمع طلباتهم وشكواهم ..

وأكيد بالنهاية المقصود من مأدبة الإفطار تلك .. تقدير جهودهم ..
باعتبار هم الأشخاص الوحيدين .. يلي عم يعطو لبلدنا .. المظهر الجميل ..
يلي بالتالي بيوحي لأي زائر عن ثقافة ونظافة البلد يلي عايشين نحنا فيه ..

هلأ بدي اسئلكم .. عامل البلدية ( النظافة ) حدا فكر بمجهودو معنا ؟؟

ولحتى تروحو بفكركم لبعيد وتسألو أنفسكم .. رح فوت تشات .. بتروحو معي ؟؟
يلا .. خلينا نروح ..
بس ماتنسو .. انطروني ..
في حديث كتير مهم بدي خبركم عليه وآخد رأيكم فيه ..

23 / 11 / 2009
14.53 pm

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هااااااااااااااااااااااااااااااااااااي ومرحبااااااااا وكيفكننننننن ...
أنا تعبانة اليوم .. الكريب كل يوم عن يوم عم يتقل عليي .. ماخليت حدا مانقيت عليه ..
بفوت بغرفة وبطلع بغرفة وبقلن أنا مرضانة .. بسكر تلفون وبفتح تلفون وبقلن أنا مرضانة ..
تخيلو حتى خطيبي وماما قالولي : ليكي هاد انفلونزا الخنازير ورح تموتي ها اذا بتضلي بتنقي .. فالأفضل سكتي ..
شايفين الإجرام شايفين !!! بس شو اسكت ما اسكت .. لك أنا اذا سكتت بموت ... عندي استعداد 24 / 24 احكي ..
اي اي بعرف عم تقولو بقلبكن الله يعينو العلقان .. هو صح الله يعينو بس والله أنا حبابةةةةةةةة ..

يعني أنا مكربة والرشح هلكني وماخليت نوع إبرة وما أخدتها ..
شلون ما لازم تسمع سوريا وضواحيها أنا شو صاير فيي اه ؟

لك ماحدا اهتم فيي لا هون ولا مو هون ولا حتى بللللللللللللللللللللللللللل ؟؟ بالتشات كمان ..
وهون حطنا الجمّال متل مابيقولو .. التشاااااااات !!!! التشات والمنتدى ورفقة ( أيام زمان )
هلأ كلنا عم نشوف بالفترة الأخيرة بعض النقاشات الحادة بين مجموعة معينة من عدد من الأعضاء

ومابدي أزكر أسامي لأنو الموضوع بيعنيهم إلهم فقط ..
وكل واحد منهم عندو وجهة نظر خاصة فيه بهالموضوع ..
وأنا بالنهاية بحترم رأي كل واحد فيهم .. وبتضل خصوصياتهم ..

عفكرة أنا من الأشخاص يلي تعاملهم بالواقع هو ذاتو تعاملهم بالنت ..
بكره ثم بكره ثم بكره .. التلون والكزب ..
إلي أوجه خاصة وتعامل خاص مع كل شخص تعرفت عليه عالنت ..
بتلاقيني بالتشات ومع رفقاتي .. غير المنتدى ..
لأنو في فرضيات مابتسمحلي كون بالمنتدى متل التشات متل ماكون مع رفقاتي ..
كل مكان وإلو زمان وأشخاص ..
لكن المبدأ وااااااااااااااااااااااااااااااااححد وين ماكنت .. وأساسو الصدق والاحترام ..

بكره أنو حدا يقول أنا شخص موجود بالنت وماحدا عارفني مين أنا وفيي اتخفى بمليون وجه وورا أكتر من ماسك ..
طيب وأنا مع هالتفكير هاد ..
طيب مابيفكر للحظة أنو عم يفقد احترامو لنفسو .. لما بيتلون ؟

والله احترام الذات اهم شي بالوجود ..
مثلا عنا التشات والمنتدى .. هو القاسم المشترك لكل واحد فينا مع بقية الكادر ..
اذا بدي اتطلع على الردود والمواضيع ونوعية المواضيع ..
بتلاقي أروع المشاعر والقصص والعبر والمثاليات عم تنكتب ..
طيب ليش لما منجي على أرض الواقع مامنطبق هالشي وخصوصاً بالتعامل مع بعض ؟؟

لهيك .. لازم تكون النتيجة وحدة أنو أي موضوع عم ينزل وينكتب هو كذب بكزب ..
( مارح قول وميز أشخاص عن أشخاص .. لأنو كل واحد اذا بيسئل قلبو الصافي من جوا .. رح يعرف هو كيف وشلون )

طيب ليش ؟؟ مو نحنا يوم يلي كبرنا هالمنتدى وكبرنا هالتشات وكبرت شلتنا مو لأنو كنا قلب واحد ؟

وأنا من اول العالم يلي بوجه هالكلام لنفسي .. لأنو احيانا بزعل من صديق أو صديقة .. بتلاقيني زعلت وبطلت فوت وبطلت وبطلت .. والله العظيم بعدين بضحك عحالي انو ليش هيك عم اعمل متل الولاد ؟؟

أنو لو أنا مابعز هالاشخاص يلي زعلت منهم .. من كل قلبي .. كنت زعلت بقوة منهم ؟؟

شغلة تانية .. ويلي هي الأهم ..
هالشلة يلي اسمها شلة سوريا .. هي دائرة كانت صغيرة وعم تكبر هالدائرة ..
ويلي رح يغرد خارج هالسرب .. لوحدو حيلاقي حالو برا ..
لأنو يلي جمعنا القلب يلي بداخلنا قبل ما تجمعنا الصداقة .. ويلي رح يتعامل من خارج قلبو ..
قلبو ساعتها حيموتو .. مين ماكان يكون هون ..

و كل الأخوة بتتخانئ وبترجع .. المهم هو الأساس .. أساس وجذور المعاملة ..
أذا أساسسها غلط وانبنت على غلط .. رح توصل لطريق مسدود ..
واذا مبنية صح .. وبقلب صافي .. رح ترجع متل قبل وأفضل ..

أنا ذكرت بنهاية فقرتي السابقة أنو في حديث مهم وبدي آخد رأيكم فيه ؟؟
والجواب هو : بدي جواب منكم لكل اشارة استفهام موجودة هون .. وطبعا بينكم وبين حالكم ..
وكلامي هاد لكل شخص موجود هون بعيداً عن المصالح الخاصة .. ماحدا يفكر حالو ذكي .. لأنو يلي بيفكر حالو أذكى إنسان بالعالم .. فهو أغبي واحد بالعالمممممم ..

[ندعوك للتسجيل في المنتدى أو التعريف بنفسك لمعاينة هذه الصورة]

لك بتعرفو .. أنا نسيت حالي وأخدني الحديث عالمايك ..
مانعستو .. أنا نعست وتعبت لأنو مكربة .. ويمكن كلمة أنا مكربة لحد هاللحظة هو عددها 1546585674 ..
ماتقولولي صرعتينا .. بعرف صرعتكم لأنو هو المطلووووووووووووب ..
رايحة نام .. تصبحو عخير .. كل واحد يلف مخدنو أو دبدوبو وينام ويلي ماعندو يلف حالو وينام .. يلا أوام ئدامي عالنوم .. بكرا عنا sport جديد وبطريق جديد .. بس مارح قول لوين .. لأنو رح اتركها مفاجأة ..

وانطروني ..
الاثنين 24 / 11 / 2009
4.30 صباحاً

وصلني هاد الايميل .. حابة تشوفوه وتقروه معي ..
هههههههههههههههههه يلي حبيتو فيه هو طريقة هالحب هاد .. أحلى وأروع كلام حب بشوفو بحياتي ..

حبيت تقروه قبل ماتنامو .. يمكن لأنو بحب نام وأنا عم أضحك .. لهيك بدي تكونو نفس الشي ..

وهي رسالة من إرهابي إلى حبيبته ..

بسم الله الرحمن الرحيم

تحية حب شديدة الانفجار تنسف بيت اهلك وتقذفه ركاما على بيت جيرانكم الاعزاء ،

تحية غرام مدمرة تزلزل قلبك الحنون المفعم بمعاني النسف والتفخيخ،

تحية هيام عنقودية الى عينيك التي تشع بلهيب قذائف الهاون الدافئة في فصل الصيف.

اما بعد :

فهذه رسالتي الثامنة عشرة غير المفخخة لك خلال هذا الاسبوع، واعذريني على قلة رسائلي، بسبب الظروف الامنية الصعبة.

ارجو ان تعلمي علم اليقين الذي لا يزلزله قصف الـ اف 16 بأنني لن اسمح للعذال من الجواسيس والعملاء ان يفرقوا بيني وبينك ،

ولن اسمح للحواجز الكونكريتية ان تحول بيني
وبينك، وسأصبر وانتظر ساعة لم شملي بك كما ينتظر افراد تنظيم القاعدة مرور
عضو بارز في الحكومه

آه يا حبيبتي! كيف لي ان انساك وانا اذكر
اسنانك الناصعة السحرية كلما رأيت شريط بي كي سي ، واناملك الرقيقة تمر
طيفا على خيالي كلما رأيت صواريخ قاذفة آر بي جي، واذكر خدك المتورد كلما
رأيت بقايا مدرعة ملطخة بدم العلوج. واذكر (كراعينك) الرشيقة كلما رأيت
صاروخ ستريلا. ويشنف اذني صوتك الدافئ الحنون كلما دوى قصف او انفجار
بالقرب مني.

فكيف لي ان انساك وانا اعيش وسط كل هذه الاشياء التي تذكرني بك؟؟

وكيف اتخيل انني ساعيش بدونك؟؟

فهل يعيش السمك بلا ماء؟؟

وهل يعيش الناس بلا هواء؟

وهل يعيش العراقي بلا انفجارات؟؟

آه، ياشوشو، يالقسوة قلب ابيك الذي يريد ان
يفرق بيننا بلا مبرر...الا يعرف الرحمة؟؟ الم يحب يوما قط؟؟ الم يفكر يوما
بوحدتنا الوطنية؟؟

ولكن،،، والى متى سنظل نئن تحت قسوة ابيك ومخططاته التآمرية التي تصب في مصلحة ايران؟؟

انا من جانبي، ساشكل مليشيا من اصدقاءي لمجابهة ابيك الظالم الذي جاء على ظهر دبابة امريكية.

وساطرح عليك بعض الحلول للتخلص من ابيك
الخائن (مع احترامي وتوقيري له) ليخلو لنا الجو فنتزوج، فاختاري يا حياتي
بين مايلي (على ان يكون الاول من ضمنها):

1-

نهرب انا وانت الى مكان بعيد نجد فيه الهدوء
والامان وراحة البال، كالفلوجة او الرمادي او القائم او تلعفر او بهرز،
حيث لا انفجارات ولا طاخ وطيخ،، لنرتاح من همومنا ونفكر بهدوء في الزواج
على سنة الله ورسوله. فان وافقتِ، فسوف امر من امام بابكم بسيارة اوبل
مفخخة في الساعة الثانية ليلا، وعندما اطلق منها قذيفة هاون، تخرجين الي،
فنهرب، بعد ان اضع على باب بيتكم لافتة مكتوب عليها: "مقر تنظيم قاعدة
الجهاد في بلاد الرافدين". .

2-
تضعين تحت سريره قذيفة نمساوي لتفجريها عن بعد، بعد ان نبتعد مسافة 200 متر، وساتحمل تكاليف الزجاج.

3-
اقوم بخطفه ثم اطلب فدية قدرها مليار دولار مقابل اطلاق سراحه، فترفضين دفع الفدية، فاجرب به السكينة التي اشتريتها امس.

وبعد ان نقوم بواجبنا الوطني تجاه ابيك
الكريم، نتزوج وننجب مليشيا من الاطفال "الارهابيين" ، فهم جيل المستقبل
المشرق الذي سيقود جمهورية ارهابستان الى بر الامان ويذود عن حياضها ضد
دول الجوار التوسعية مثل كردستان وشيعستان.

وعلى ذكر الاطفال،، اقترح ان نشتري لهم لعبا
تنمي فيهم الرقة والنعومة والترف، ففي سن الثالثة تكون اللعبة عبارة عن
كلاشنكوف، وفي الرابعة (بي كي سي)، والخامسة آر بي جي، والسادسة ستريلا،
والسابعة هاون، والثامنة عبوة ناسفة، والتاسعة صاروخ كروز، والعاشرة صاروخ
ابابيل. على الا نشتري لهم أي لعبة اخطر من هذه قد تؤذيهم اثناء اللعب.

ولكن،، مهلا،، وعذرا،،، فقد ابتعد بي خيالي
كثيرا،، فمن المبكر الحديث عن مثل هذه الامور، فلنؤخر الحديث عنها الى وقت
لاحق، لدواع امنية.

ختاماـ وليس خاتما،، تقبلي اخطر تحياتي
الملغومة بعبق البارود شديد الانفجار، واحر قذائف الود الارهابي المزلزل،
واصدق عبارات التفخيخ المدمر، وبانتظار ردك العشوائي الذي لا يفرق بين
مدني وعسكري.

واعلمي بان ساكون منتظرا على احر من همر محترقة بمن فيها من العلوج.

حبيبك المتيم: هاون بارود الصاروخي .

وشلوني معكمممممممم .. خخخخخخخخخخخخ
يلا بونويات ..
رح نام عالكيبورد الله وكيلكم ..

[ندعوك للتسجيل في المنتدى أو التعريف بنفسك لمعاينة هذه الصورة]

للنساء فقط .. ممنوع قرائتها من قِبل الرجال ..

مبارح قلت رح نروح sport .. بس بتعرفو مكربة .. واليوم صحصحت منيح .. بس لازم ريح بالبيت شوي ..

لهيك رح نأجل هالحديث لبعدين .. وباعتبار أنو بيتوتيين اليوم نحنا ..
حدا يعمل شي ركوة قهوة لنحكي يا صبايا .. والا قلكن رح قوم أنا .. والرب مارح أغلي ولا لوحدة لأنو كل وحدة برمت بوزا شكل .. قايمة أنا ومافي قهوة لشوف ..

بس مافيي مابسخى أنا .. خلص رح أعمل القهوة ..
كيفا طيبة ؟؟ أنا بحبا بلا سكر .. فللاسف مضطرين تشربوها هيك .. خخخخخخخخ

لك أنا وعم أغلي هالقهوة ..عبيت الغاز قهوة .. لأنو كنت صافنة وعم اتذكر قصة قريتها بكتاب نسيان دوت كوم .. لأحلام مستغانمي .. أنا سمعانتها من قبل .. بس بدي ئلكن علييا ..

القصة اسمها " ليلة الجدي "
القصة بتحكي عن جماعات البدو .. وطبعاً فيها نوع من الحكمة المؤثرة جداً ..
وبتقول هالقصة ..

إن إمرأة من إحدى قبائل البدو المقيمين في الجنوب الجزائري .. ذهبت مرة تزور ابنتها التي تزوجت .. وانتقلت للعيش في كنف قبيلة أخرى ..
ففرحت البنت بمجيئ أمها فرح كبير .. وذبحت " جدياً " احتفاء بها ..
وحين عاد زوحها في المساء ذهب .. قبل أن يدخل الخيمة .. يتفقد أغنامه .. فإذا بجدي ينقص من الحساب .. فدخل على زوجته فوجدها تعد العشاء .. فراح يضربها ضرباً مبرحاً لأنها ذبحت الجدي ..

من قهرها تظاهرت الأم بالنوم ولم تتناول العشاء .. وقبل الفجر شدّت الرحال إلى قبيلتها .. وبعد فترة .. جاءها مرسول بين القبائل يخبرها بوفاة زوج ابنتها ..
فذهبت لزيارتها .. فوجدتها أرضاً تجذب شعرها .. وتلقي الاتربة على نفسها .. حداداً وأسى على زوح .. تمنت لو التراب غطاها من بعده ..

فقالت لها الأم .. وهي تراها في تلك الحالة
" ابكي .. ابكي .. ابكي .. وزيني بكاءك .. واذكري ليلة الجدي "
فتذكرت المرأة حينها كم بكت على يد زوجها في ليلة الجدي .. يوم أبرحها ضرباً عن ظلم ..
فتوقفت عن البكاء وقامت ونفضت عنها التراب ..

رح احكيلكن شي .. أنا وأي بنت بهالحياة .. تعرضت أو رح تتعرض لقصة حب ..
" طبعاً الحب الحب الحب وليس علاقة عابرة " لأنو ما اكتر العلاقات العابرة بهالزمن متل الشهيق والزفير ..

المهم ..

هلأ شوبدنا فيهم هدول خلونا ببعض ..
كل وحدة مرقت بقصة حب فاشلة أو مكتلمة وبغض النظر عن المسببات لنجاح أو فشل هذا الحب .. في شخص مهم وأهم مافي تلك العلاقة وهو نحنا .. نحنا النساء العاطفيات ..
العاطفة بالحب رائعة وقلائل اللواتي يملكنها .. بالشكل الصحيح طبعاً ..

بيوم من الأيام أنا حبيت وانحبيت .. الحب النضيف أبدا مو مخجل ومن ناحيتي ومابتجنب ذكرو على لساني .. لأنو كان بيوم من الأيام من اختياري ..

وكل وحدة فينا بتتعرض لهزات فيها .. فلانة بتطلع مجروحة وفلانة بتطلع منكسرة وفلانة بتطلع منتصرة وفلانة بتطلع عم تبكّي قلب الآخر عليها ..
وبكل أحوال النتيجة .. لازم نضل ثابتين على أرض الواقع .. قكيف وشلون ؟؟

في أيام أنا كنت أبكي فيها لوحدي وماعندي حدا يمسح دمعتي .. الكل انسحبو من حواليي وقالولي .. القصة قصتك وأنتي الأدرى بالحلول فيها ..
لدرجة كنت رح انهار وكان عندي ظروف أخرى مافي داعي لذكرها لأنو بتخص بيتي ..
بالمحصلة كلو أجى مع بعضووو ..
بمعنى الرجل الذي أردت أن أعيده لجذوره .. اقتلع من قلبي جذور أي حب مستقبلي ..

كنت أصحى بأيام كتيرة باكرا .. تعبانة من كثرة البكاء ليلاً ..
بتعرفو شو السبب .. قلبي الطيب .. غباء الأنثى لحب رجل نسى ومشى ..
أسبوع كامل وأنا لوحدي .. لايوجد سوى بكائي المحترق وقطتي " كابوتشي " ..

إلى أن جاء يوم الذي تكلمت معي إحدى الصديقات .. من دبي .. وهي صديقة الواقع ..
متزوجة هناك .. وسئلتني .. ميمو شبو صوتك .. قلتلا أنا بحاجتك .. قالتلي شبك .. وحكيتلا القصة ..
وطبعاً سكتت وقالتلي ميمو رح أحكيلك قصة وبدي ياكي تاخدي قرارك النهائي بعدها ..
وحكتلي قصة ليلة الجدي .. يلي رجعت قريتا من فترة بكتاب أحلام مستغانمي ..
وصدقوني صدقوني .. والله شاهد على ما أكتب ..
مسحت دموعي ويمكن يومها كانت أخر دمعة عن الحب ..

في مثل بيقلك .. " الضربة يلي مابتموتك .. بتقويك .. "
أصبحت أنظر إليه وإلى قصتنا .. كجثة باردة ..
ودخلت معه .. حلبة صمته .. وصدقوني كبرت عليه بالصمت والأنقطاع ..
طبعا الأمر ماكان سهل ابداً يمكن طلوع الروح أخف منه ..
بس كسبت .. عالأقل كسبت كرامتي .. كسبت كبريائي .. الحياة وقفة عز وحدة يا صبايا .. يا أما منكسبها يا أما بتروح وبتاخدنا معها لأسفل السافلين ..

عندما خرج من حلبة صمته .. ليعاود الاتصال ..
بتعرفو شو هديتو .. أهديته قصة ليلة الجدي .. مخطوطة بخط بيدي !!!

استعنت بالنسيان .. طبعاً مافينا نشتري النسيان بثمن ربطة بقدونس .. لكن ليس المهم البقدونس .. المهم أن تفرمي الذكريات التي تفرمك يومياً بلا رحمة ..
لقد أنقذتك " المفرمة " من محرقة الماضي .. ولابأس إن بكيتي وحدك آخر المساء ..

آخر مطاف هالجلسة .. بدي أهدي كل فتاة " كتاب النسيان دوت كوم .. " لأحلام مستغانمي ..
طبعاً إلى كل فتاة تشكو ذاكرة عشقية ..

قصة الحب تلك ومحرك البحث في الماضي ..
ماضي حياتي الخاص بكل أطيافه ..
الزاوية العتمة بقلبي وبوجداني .. التي أملكها أنا فقط ..
تدعني دائماً أستعين بقول للكاتبة الاماراتية .. شهرزاد .. عندما أعود إلى فلاشات صور الماضي ..

وهو :

أن ليس كل الذئاب أعداء .. ولاكل العصافير أصدقاء .. ولاكل الأرانب أليفة ..

ولاكل الأسود مفترسة .. وليس كل الأطفال أنقياء .. ولاكل الثعالب ماكرة ..

ولاكل العقارب سامة .. ولا كل الكلاب أوفياء ..

مابدي كون مفلسة بيوم من الأيام .. لأنو المفلس فقط .. هو من يبحث بدفاتر حساباته القديمة ..

وأنا عم أكتب آخر فقرة .. اتصل خطيبي ومارديت لأنو كنت قربت خلص .. لهيك رايحة اتصل فيه .. ومن بعدها أشرب حبة الدوا ..
متل مابتمنى تكون هالكلمات البسيطة وعن تجربة خاصة .. حبة بنادول .. إلكن ..

انطروني لأنو رح أحكي عن وصايا لكل فتاة وناقشها معكم ..
24 / 11 / 2009
21.35 am

[ندعوك للتسجيل في المنتدى أو التعريف بنفسك لمعاينة هذه الصورة]

للنساء فقط .. ممنوع القراءة من قبل الرجال ..

بتعرفو حبيت قصة هالمايك ..
مارح تصدقوني اذا قلتلكم أنو فعلاً حاسة حالي مستلمة مايك وعم احكي .. ولسه كنت بتمنى اكتر لو كان صوت كمان ..

ياريت كان في صوت لاقدر وصل احساسي بكل كلمة عم اكتبها ..
متل ماقلت من شوي اتصل خطيبي ولازم روح حكييه .. لأنو بيعصب اذا تاخرت عليه ..
طبعا مابيعصب لأجل الحب يلي جامعنا .. لأ .. بيعصب لأنو تعود على حلم لازم يعيشو ..

تعبت كتير لحتى ئدرت وصلو لهل الأمر .. لأنو بداية العلاقة الحب بس الاستمرارية ماهو الحب هو ... التطرف بكل شئ ..

يعني التطرف بكل حالة إلى أقصاها .. بحب دائماً كون إمرأة متميزة .. ولحتى
كون متميزة .. مافي شي بيجي على طبق من فضة .. بشتغل عحالي كتير بشتغل على
تجاربي كتير .. بسمع من كل النساء والرجال ..
بستفيد من كل قصة بسمعها .. من كل قصة بتصير معي .. من أقربائي .. من أصدقائي ..
بعمري ما استهنت بأي كلمة حتى لو كانت من طفل صغير ..
مابهمش الموقف الصغير قبل الموقف الكبير .. الاعتدال مابحبو بكل نواحي علاقاتي الاجتماعية الدراسية العملية وبالأخص العاطفية ..

بتعرفو كيف ؟؟ طيب .. رح اكتبلكن كم نصيحة قرأتن ومن ناحيتي ساعدوني إلي كتير ..
صدقيني لما بتكوني إمرأة عادية بتنتسي بكل سهولة واستبدالك بيصير عادي .. كوني متميزةةة ..

لاتحبي ... اعشقي .

لاتنفقي ... أغدقي .

لاتصغري .... ترفعي .

لاتعقلي .... افقدي عقلك .

لاتقيمي في قلبه .... تفشي فيه .

لاتتذوقيه ... بل التهميه .

لاتشّوهي شيئاّ فيه ....جملّيه .

لاتكوني أمامه ... بل خلفه .

لاتكوني عذره ... بل غايته .

لاتكوني عشيقته ... بل زوجة قلبه .

لاتكوني ممحاته ... بل قلمه .

لاتكوني واقعه ... ظلي حلمه .

لاتكوني دائماً سعادته ... كوني ألمه أحياناً .

لاتبكيه ... أَبكيه .

لاتكوني متعته ... بل شهوته .

كوني أرقه وأميرة نومه .

لاتكوني سريره ... كوني وسادته .

لاتكوني يده ... كوني بصمته .

لاتغاري من ماضيه .. فأنتي مستقبله .

كوني مفاتيحه ومن يفتح بابه .. حتى في الغياب .

كوني عباءة بيته ... سجادة صلاته .

كوني المرأة التي لم ير قبلها امرأة .. ولن تأتي بعدها إمرأة .. بل مجرد إناث .

في شي حابه نوه عليه .. لمابدك تكوني وتقرري تكوني إمرأة حقيقة .. فالرجاء أن تكوني حقيقية لرجل حقيقي ..
لأن أشباه الرجال كثيروووون ..

صدقوني صدقوني صدقوني .. يلي بتتبع هالنصائح يلي إقتبستا من كتاب نسيان دوت كوم ..
عالأقل اذا ما استفدتي منها .. رح تنضاف إلكن رصيد وافر بيوم من الأيام ..

أنا عم أختصر المسافات .. لأنو أنا بيوم مشيت بطريق طويل وماكان في حدا عم يساعدني ..
وطبعاً قناعتي بأنو مابيحك جلدك إلا ضفرك .. خلتني أكتبلكن يلي أنا
اقتنعت فيه .. وكان عنواني بحياتي الخاصة .. ونفذتو ونجحت فيه .. وصدقاً
وبكل ثقة .. كنت ومازلت ورح ضل .. إمرأة متميزة ..

لهيك عم حاول قدر استطاعتي قلل الوقت وجنبكن ياه ..
وأهم أهم شيئ .. السلام الروحي والتقوى .. فبذكر الله تطمئن القلوب ..

بتمنى تكون صفحاتي تلك .. خبز الحب لكل إمرأة ..تريد أن تتذوق هذا الخبز .. ويلي هو طبعاً ..
.. الحب الحقيقي ..

[ندعوك للتسجيل في المنتدى أو التعريف بنفسك لمعاينة هذه الصورة]

أنو شو مشان أنو اه ؟
أنو إلي فترة ماشفت رفقاتي عالمسنجر .. لأنو ملتهية بالمايك ..
كنت عم أشرب كاسة عصير برتقال فرش .. باعتبارا مفيدة للكريب ..
ياترا أديه صارت كلمة كريب مارئة هون ؟ خخخخخخخخ
رح أشرب كاسة تانية .. بس بكرا ماتنسو sport .. وإلا شو رأيكم بلاه مننزل بالسيارة اذا أخي تكرم عليي وتركها إلي ؟ [ندعوك للتسجيل في المنتدى أو التعريف بنفسك لمعاينة هذه الصورة]
المهم بكرا منشوف شو رح يصير معنا .. مابدي روح نام بدي روح لرفقاتي ..

كلامي بكرا بيخص بلد بحالو ..
وانطروني ..
الاربعاء 25 / 11 / 2008
1.55 صباحاً

[ندعوك للتسجيل في المنتدى أو التعريف بنفسك لمعاينة هذه الصورة]

بونجور ..
كيفكن اليوم ..
عنا برد بحلب .. والطقس مغييم .. بحب هيك طقس .. الشوارع عاجئة بالناس ..
باعتبار العيد عالبواب .. وينعاد عليكم بالخير يارب ..
لفت نظري وأنا بهالطريق .. أفراد حاملة أغراض لبيتها وأفراد بالسوق عم تشتري أشيا للعيد ..

ياجماعة يمكن نحنا عم نقدر ناخد ونشتري ونعمل يلي بدنا ياه رغم ارتفاع الأسعار ..
طيب مو كل أفراد المجتمع متلنا ..
في عالم والله ماعم تقدر تشتري حتى الخبز لبيتا ..
نزلو وشوفو .. شوفو المؤسسات الخيرية أديه في عندا ليستات بالبيوت الفقيرة .. شوفو الأزقة الفقيرة بالحواري الشعبية ..
شوفو العالم كيف عايشين والله شي بيحرق القلب ..

من جهة أخرى بتلاقي عالم .. عم تغير سيارتها كل شهر ..
بيكب الفلوس على رقاصة بسهرة خاصة .. لأنو هزت خصرها إلو .. ولما بيشوف طفل أو مسن شحاد .. بيقلو ليش ماعم تشتغل أحسن ماعم تشحد ؟
طيب ليش عم يكون في عنا كل هالتفاوت بالطبقات ؟
رح نصل بيوم لمرحلة تنعدم فيها الطبقى الوسطى ..
لأنو في إبحار كتير كبير نحو التفشي بالفساد !!!

الفساد من أهم المشكلات يلي بتعيق تقدم وازدهار البلد ..
صح هي ظاهرة عالمية بتعاني منها كل البلدان .. بس المشكلة عم نلاحظ أنو صاير وباء ..
وروائحو النتنة .. والله عم تزكم الأنوف .. عم تمتد لأماكن ماعم تكون بالحسبان ..
أهمهااااااا ..

الاستيلاء على المال العام .. كالمشتريات وأعمال المخازن ..
صاير عنا مبالغة بنمو السوق السودا .. كالاتجار بالمخدرات والجنس وتهريب البضائع والسلع ..

رشوة شرطي المرور أو معقب المعاملات الرسمية .. نظرا لأنو راتبو مابيكفيه .. لبيتو والا لولادو والا لتعليم ولادو والا لصحتهم ..
بالوقت يلي بتلاقي مناصب حكومية عدة عم تكون وعاء لتجميع الثروة ..
حتى صار قيم الفساد أحد أهم الشروط .. لتولي المسؤوليات ..

ويلي بيزيد الطين بلة .. هو وصول الفساد للقضاء ..
اقسم بالله أبشع فساد هو الفساد القضائي .. مركز الحق والعدالة .. لما بيصير الفساد من أحد شروطه .. كيف الحق رح ينتصر ياجماعة ..

معالجة الفساد مابتخلص إلا اذا ما نظرنا إليه نظرة فردية ..
واذا معالجة الفساد بعيدة المنال تقريبا لكن يمكن .. اجراء اسعافات أولية .. ممكن على الأقل محاصرة هالبؤرة .. وأول شرط لنجاحها تعبئة الرأي العام ..

ونحنا هون بالمنتدى نعتبر رأي عام وقلم حر .. ومن ناحيتي يلي عم شوفو عم أكتبو .. وكل ماسنحت الفرصة إلي رح نزل موضوع عن أي نوع من أنواع الفساد يلي عم شوفا وحصرا بالقضاء العدلي ..

بتمنى أول شي كف يد السلطة التنفيذية عن تعيين القضاة وتسمية القضاة ..
والانتقال إلى آلية انتخابية للهيئات القضائية .. مع تأمين مستوى لائق للقضاة .. ليشكل حماية لضمائرهم وقيمهم الانسانية ..
والله اذا المجال القضائي بخير .. فالبلد بخير أكيد ..

في شغلة بدي نوه عليها وهي اطلاق لصحافة الحرة .. لأنو وجود الصحافة بدون رقيب أو حسيب رح تفضح وتعري كل مظاهر الفساد ..
عساها تلبي قولي المأثور .. اللهم افضحنا ولاتسترنا حتى يتبين الخبيث من الطيب ..

من أول مبارح وأنا بدي اكتب هالكلمتين .. بس كنت مريضة .. والله يلي بينزل عالقصر العدلي وبيلمس بايدو شو بيشوف هونيك من بلاوي .. مارح يسكت .. بالذات اذا كان بيهمو مصلحة أولادو بالمستقبل ..

مو قلتلكن الحياة موسهلة !! الله يرحم أيامك ياستي .. شو كنت شوفك مبسوطة أكتر ..
رغم كل وسائل الراحة يلي نحنا فيها هلأ وبشكر ربي عليها .. طيب ليش مو مرتاحين متلك .. رغم بساطة الحياة يلي كنتي فييا يا ستييي ..

وانطروني ..
لأنو طالعة أشرب حبة ضغط ..
والله يبعد عني وعنكم هالمرض .. بس يلي بيعيش بهيك أجواء وبيلمسها ..
بتجيه الجلطة كمان مو بس مرض الضغط ..

الاربعا 25 / 11 / 2009
1.14 ظهراً

[ندعوك للتسجيل في المنتدى أو التعريف بنفسك لمعاينة هذه الصورة]

هاللو ماي فريندز .. هاللو ماي ديير ..
العيد بعد بكرا ..
بتتذكرو أيام العيد وقت كنا صغار ..

انا كنت من الاشخاص يلي ماينامو ليلة العيد .. لانو كنت اتنكرز من النومة بكير .. ومتل مابتعرفو بالعيد تاني يوم عطلة ..

لهيك كنت اسهر .. عاساس أنا عم جاكر ماما ومافيها تقلي روحي نامي بكرا عندك مدرسة ..

كان في عندي عادة انو انا مابحب ألبس مشاية برجلي ..
ودايما ماما تعصب لهل القصة .. ( ولهلأ انا بنفس العادة )
المهم .. كل مرة لازم اسمع زعيئ منها أنو ياميمو ماتضلي بلامشاية برجلك ..
ممكن تنجرحي .. ممكن يصلك أي شي .. وأنا أدن من طين وأدن من عجين ..
المهم مرة كانت بالمطبخ .. وانا طالعة من عندها وكنت بلا مشاية طبعاً .. كانت بدا تقول .. سكري الباب وراكي وانتي طالعة من المطبخ ..
ياحزركن شو قالتلي !!!
قالتلي وبصوت عالي وهي معصبة مني أنو أنا بلامشاية ولقطتني بهالمنظر ..
ميموووووووووووووووو سكري المشاية ولبسي البااااااااااااب برجلك .. [ندعوك للتسجيل في المنتدى أو التعريف بنفسك لمعاينة هذه الصورة]
يعني تخيلو المنظر هاد وانا عاملة هيك .. [ندعوك للتسجيل في المنتدى أو التعريف بنفسك لمعاينة هذه الصورة]

كل عيد ولازم اعمل شي فصل ناقص بالبيت .. هيك بخليهم يحسو بقيمة العيد بشي قصة جننهم فيها ..

ومرة اشتريت جهاز تلفون متل اللاسلكي .. بس هو لعبة ..
و بابا اللله يرحمو كان عندو واحد عادي .. لأنو بأوقات بتجيه تلفونات ضرورية لازم يحكيها وكان عنا جهاز لاسلكي عادي مشانو هو بس .. لأنو بيضل بأيدو ومعو ورقم خاص إلو ..

مرة كان عم ينتظر تلفون ليلة العيد .. وهالتلفون ضروري ومهم كتير ..
ف شو بيقلي .. ميمو انا عم اتعشى اذا رن التلفون .. جيبيلي ياه لانو ناطر تلفون ضروري ..
قلتلو اوك .. وراح عم يتعشى بغرفة السفرة هو وماما وكان عنا خالي كمان ..

قمت شو عملت أنا .. جبت جهاز اللاسلكي اللعبة يلي شاريتو أنا ..( وشكلو عقكرة نفس جهاز بابا ..)

وشغلت فيه الرنة عالصوت العالي .. وعاساس عم يرن تلفونو الأصلي لبابا ..
وقلتلو باباااااااااااااااااااا تلفونك عم يرن .. واخد بابا التلفون وصار يقول ألو ألو ألو ..

يقلي لك ميمو مافي حدا عم يرد عليي شوصار بالتلفون أنتي متأكدة أنو رن ؟
قلتلو إي بابا رن الجهاز .. بس يلي رن جهازي مو جهازك .. [ندعوك للتسجيل في المنتدى أو التعريف بنفسك لمعاينة هذه الصورة]
تخيلو الموقف مع شخص عصبي وناطر تلفون ضروري وأنا تباردت عليه .. الله وكيلكم كنت رح اجلطو يومها ..

ومرة كمان عملت فصل .. بس بصراحة هاد اكلت عليه علقة مرتبة ..
كنا أيامها بوقفة عياد .. وكنت متعلمة السواقة جديد .. بس مامعي شهادة لأنو بالنسبة لعمري مابيطلعلي لسه ..

رجع بابا الله يرحمو عالبيت الضهر وبدو يتغدى وينام ..
وطبعاً بس ينام باخد أنا السيارة تبعو لانو كان ممنوع اللمس أو التصوير علييا .. ومن دون ماينتبه .. وبجن فيها مع رفقاتي .. وبرجع قبل مابابا يفيق من نومو .. وطبعاً بترجع نفس المكان عالليبرة .. بس البنزين فاضييييييي ..

المهم ونحنا عم نفتل أنا ورفقاتي المجانين يلي متلي .. قمت تجاوزت اشارة حمرا ..
ولحظي الاسود لحقنا شرطي مرور وبدو يكتب فيي مخالفة ..

قلي هاتي الاوراق قلتلو نسيانتن وكتوب مخالفتك .. لأنو اذا بقلو مامعي بينخرب بيتي خخخخخخ
وطلعت براسو يومها كل قصص الالتزام والحرص .. ومابقى يفهم عليي لابمنيح ولابعاطل ..
ودينو وربو بدو صار بدو الاوراق ..

قمت شو قلتلو .. قلتلو ليك انا بنت أخوه لفلان .. وتركني بحالي بقى ..
قلي هاتي هويتك لاتاكد قلتلو مامعي .. لأنو ساعتها كمان حيشوف بالهوية أنو انا بنتو للشخص يلي ذكرت اسمو .. وانا كنت قايلتلو أنو أنا بنت أخوه ..

المهم حس عليي أنو أنا عم خبي شي .. وقلي هلأ بدي اعرف انتي مين واذا بتطلعي كزابة رح وقفك ..
لك شو توقيف ماتوقيف والله بابا ليدبحني وقتا ..

وفعلا .. ضل ضل هالشرطي عن طريق الجهاز الالي لحتى مابعرف مين خلاه .. يتصل بالبيت لعنا .. وقالولو لبابا أنو بنت أخوك عاملة مشكلة بالسيارة ومامعها وراقها ..
بابا الله يرحمو بيعرف ماعندو أخ أصلا لأنو وحيد .. قام قلن أنا جاي لشوف شو القصة .. ( ماحكي شي لأنو فكر ممكن يكون حدا من قرايبينا صاير معو مشكلة .. وعم يقولو بنت أخوه )

أول مشهد ياجماعة الخير ..

1 - نزل بابا ومالقى سيارتو ..
2 - ولما وصل عمكان الحادثة والناس متجمعة حواليي .. شاف بنتو يلي موجودة مو بنت أخوه !! [ندعوك للتسجيل في المنتدى أو التعريف بنفسك لمعاينة هذه الصورة]
3 - ضليت خمس سنين مابعرف شي اسمو مقعد سيارة ورا دركسيون ..
4 - ما خلاني آخد الشهادة وماعطاني ياها .. لحتى مات .. وطالعلي ياها رفيقو الله يرحمو ..

وهاد هو عيدي وهي هي فصولي مع أهلي ..
ف ..
كــل عــام وأنــتو بــخير .. كــل عــام وأنــتو ألذ مــشاكل
لك بكلشي فييه.. الله يرحم هديك الأيام ..
لأنو ماضل للعيد نكهتو متل قبل ..

لك صحييييييييي .. صار وقت حبة الكريب .. إلي كم صفحة ماعم اذكرها ؟؟
بس شربتا وأنا عم حاكيكم من ورا المايك .. خخخخخخخخ
ماتنسو بكرا الصيام .. لأنو صيام وقفة جبل عرفات .. فيها ثواب منيح ..
وانطرونييييي .. راجعة .. مومطولة بقى عالمايك ..
وبدي بختامها تكونو معي ..

الاربعاء 25 / 11 / 2009
10.30 مساء

[ندعوك للتسجيل في المنتدى أو التعريف بنفسك لمعاينة هذه الصورة]

مافي حديث بكون فيه .. مافي ليلة مابتمرق عليي ..
مابتكون بتفكيري واسمك على لساني ..
أصعف إنسانة بالوجود .. لما بكون عم أحكي عنك ..
لما بتكون ببالي .. لما بيجي اسمك أدامي ..
بنسى حالي ..

والله العظيم .. مشتاقة لكلمة بابا علساني .. وتضحكلي عيونك وروحك.. لما كنت ئلك ياها ..
اشتقت لكلمة كرمالك عايش أنا .. ورحت وتركتني ولاضليت كرمالي ولا لحتى حط راسي عصدرك .. لما بكون بحاجتك ..

لسه بعيوني نظراتك وقت انطفت روحك ادام عيوني ..
عيونك وروحك يلي علمتني .. شو معنى الحياة وكيف أنو مافي طريق مسدود ..

صح رحت وتركتني بس مسؤوليتي زادت بعدك .. رحت بكير ليش ..
اشتقت لايدك الدافية لما كنت تمسك ايدي وتقويني ..
اشتقت لكلمة ميمو من شفافك ..
لك اشتقت لصدرك الدافي والقوي يلي لما كنت استند عليه .. انسى معنى كلمة خوف عليه ..

وعدتني رح تسلمني بايدك لعريسي بليلة عرسي وانا لابسة الفستان الأبيض ..
صدقني مابقى يفرق معي اذا لبستو أو لأ .. لأنو مابقى في ايدك لامسكك فيها ..

وعد رح كمل دربي ودربك .. بس كون واثق رح يضل هاجرني القمر ..

إلى من اختار لي اسمي وعنواني ..
إلى من أسميته بطفولة الكهولة .. طفلي المدلل ..
إلى صديق عمري ..
إلى دقئي وحناني .. وقوتي مابعد مماته ..
إلى اليوم الخامس من الشهر الثامن .. عام الألفين وسبعة ..
إلى اليوم الذي استيقظت فيه من حلمي باكراً ..
إلى والدي ..
رحمك الله ..

الاربعاء 25 / 11 / 2009
11.45 مساء

[ندعوك للتسجيل في المنتدى أو التعريف بنفسك لمعاينة هذه الصورة]

احم احم احم ..
ولما منقول احم .. يعني في موقف قوي هههههههههههههههههه
والموقف القوي .. هو أنو خلصت المايك .. ولازم سلمو لليا بقى ..
قبل مارجعو الها .. بدي قول ..

حبيت كتير تواجدي معكم ..
بتمنى تكونو حبيتو المايك بصوتي .. sorry بقلمي ..
بتمنا التوفيق للجميع .. بتمنا السعادة إلكن ..
بيتي التاني أنتو .. أخواتي يلي بحس بقلبهم وهمومهم وضحكتهم ..

بدي اشكر ليا لاستضافتا إلي هون ..
كان ممتع المايك وانا عم احكي فيه .. ومتل ماقلت ياريت كان صوت .. لوصل يلي بدي ياه اكتر واكتر ..
مهما اخدتني الايام من هالمكان هاد .. رح ارجعلو أكيد .. اذا ربنا عطاني العمر ..
ورح ضل اسئل عنو عالاقل
.. بكلمة .. كيفك أنت ..

هالمرة مارح قول نطروني .. لأنو مابقى في نطرة .. صار دور غيري ..
كل عام وأنتو بخير بمناسبة عيد الأضحى المبارك ..
كل عام وأنتو بخير بأعياد الفصح المجيدة ..
سنة جديدة مباركة عليكم ..

ورح تضلو بقلبي .. وإلي ذكريات كتيرة معكم .. مستحيل أنساها .. لأنو رح سمي بنتي ميرا ..
وهالغنية لتتذكروني فييا .. بهديها للجميع ..

[ندعوك للتسجيل في المنتدى أو التعريف بنفسك لمعاينة هذا الرابط]

وتصبحو عخير ..
مــــيرا

26 / 11 / 2009
12.37 بداية يوم جديد ..
باي

اول شي قبل ما علق ع المايك بدي قلك سلامتك من الكريب
الله يلعنو بموت انا واقعة فيه هلق
سلامة قلبك ميرا
تاني شي بدي قلك لما اخترت كنت عارفة وائقة انو بدو يكون مميز معك المايك
بس خيبتي ظني ميرا
لانو طلع اكتر من المميز
يمكن انتي ما حكيتي بالصوت
بس كان كل حرف من حروفك عم تحكي
كان كلو مميز بس اكتر شي اثر فيني لما حكيتي عن والدك ( الله يرحمو )
جد حسيت بصوتك جواتي
بدي قلك كل سنة وانتي سالمة
وبدي عيد كمان الجميع بمناسبة عيد الاضحى
وعيدو عيلكم من طرفي
بتمنالك ميرا كل الخير لانو جد بتستاهلي كل الخير والسعادة

[ندعوك للتسجيل في المنتدى أو التعريف بنفسك لمعاينة هذه الصورة]

كانت معكون ميرا من ورا المايك

» الله ياخذ المنتدى ولي عما المنتدى واعضاء المنتدى
» سامحوني يا اعضاء المنتدى انا احب واحد من المنتدى.....((محد يـــزعـــل))
» الى قمر بدر المنتدى
» رهف محااااااااااااااااااااااورة المنتدى
» مواضيع المنتدى إلى أين

*مــــــــــايـــــــــك المنتدى*

مــــــــــايـــــــــك المنتدى