يؤلمني ...

المحاربOoO كتب:

كلامك كتير منطقي الحنين بس الحمدلله انا يا حنين ما عندي لا شلل ولا شي
بحب رد عالكل وبحب الكل وما عندي عداوة مع حدا
اصلا دخولي هوي دخول بقصد الافادة والاستفادة مو بشي تاني
يمكن انتي عم تحكي هيك لان في شي صاير بينك وبينك حدا او هيك
بس يا الحنين انا براي انو اذا بدك تكوني اكبر من اي حدا
ردي عالكل بشكل عادي ولا تستني رد من حدا ولا تعتبي على حدا بتكوني كبيرة
هي نصيحة مجرب
وشكرا كتير
المحارب

ميراا كتب:

اول شي مرحبا الحنين وكيفك ...

بالنسبة للشي يلي كاتبتيه أنا معك فيه مية بالمية بس للأسف ياصديقتي هاد الكلام بيستاهلوه البعض من الأشخاص يلي هنن لاشعورياً عم يتعاملو بأسلوب معك أو معي أو مع أي شخص آخر بشكل تلقائي وعادي وتاركين المشاكل يلي بيناتهم بغير محل ويلي هو غير المنتدى ..

بس لقلك الحنين .. أنا مثلا هون أغلب الزملا هنن من المقربين جدا جدا إلي وبدون استثناء .. وعفكرة بحكم الصداقة القوية بتصير مشاكل بيناتنا كمان .. بس بتلاقينا عم نرد على مواضيع بعض بس طبعاً بالموضوع يلي بتلاقيه فعال ومهم يستحق الرد بغض النظر اذا كانو اصدقاءك المقربين ..

هلأ بالنسبة إلي في لهلأ انا أشخاص غلطانين معي وبتلاقيني برد عليين بشكل طبيعي وكأنو مافي شي بيناتنا .. ولكن في واحد أو تنين من بعض الأعضاء مسجلين بغير أساميهم ونازلين فزلكة وحكي وردود بلاطعمة " مع احترامي لالك حنين ولكل يلي عم يقرأو ردي هاد " بس هالعدد يلي ذكرتو وبصراحة لو أهم المواضيع إلهم انا مابرد علييا ولابعلق فيها باعتبار أسلوبهم مكشوف .. بصراحة أنا مابقدر اكتب رد عليين او مشاركة بموضوعهم لانو مابقدر اتحمل اللف والدوران ونوع من أسلوب الذكاء الأكتر من فاشل ولو كانو هالاشخاص من بقية عيلتي حتى ..

مع العلم يمكن أنا من الأشخاص ياللي ردودا أغلب بكتير بكتير من مواضيعها بس ماشاء الله والبركة بهالاعضاء يلي ماعم يتركو شي ماعم ينزلوه وكلو أروع من الآخر وطبعي أنا من النوع يلي مابيفضل ينزل موضوع حتى لو كان مكرر وانما بأسلوب وتطبيق آخر ..

بحب علق على شغلة بالاخير أنو ياريت الموضوع يلي بيعلق عليه أي شخص ومني أولاً .. أنو يعطو الموضوع حقو بالرد لانو بيكون صاحب الموضوع تعبان عليه كتير وحابب الافادة إلهم .. فأكيد بيتمنى رد يستاهل حق التعب عموضوعو لانو حرام نمرق على أي موضوع من هالنوع بكلمة شكراً والسلام ..

وفكرتك أكيد واصلة الحنين وللكل بدون استثناء لأنو بالنهاية كل شخص بيقرأ موضوعك حيعرف حالو عالأقل هو كيف عم يتصرف بهالمنتدى ومارح يقدر يغطي عقلو وعينو بأي تصرف هو قاصد يتصرفو ..

تحياتي إلك حنين
مــيرا

جورجينا كتب:

حنين يمكن انو في اشخاص بردو بس على موضيع لاشخاص محددين
بس مو دايما هيك
لانو بجوز يكون في ناس تفوت مايعجبها الموضوع ممكن ما تعلق عليه
يعني كل واحد يمكن والو طريقتو بالتفكير
في ناس مابتحب تقول هاد الموضوع ماعجبني ممكن تطلع ببساطة بدون ما تجاوب وبس
مابعرف كل واحد الو راي وحر بطريقة الرد يمكن
انا بحاول شارك مواضيع للكل يمكن بس في اقسام مو اشخاص انا مابحب شارك فيها كتير
واكيد من بين الموضيع الي مابحبها هي موضوع بينزلو شخص بقول انو رح اترك المنتدى
اكيد مابتمنى حدى يترك حتى لو غاب فترة الهم يرجع معنى

دلع القمر كتب:

كلامك رائع يالغاليه
وجميل وفشيتي خلقك مزبوط
الف شكر لك
اتمنى ان ترجعي لهم بسلامه

NINA RICCI كتب:

حنين يا حنين



حكيك انا معه مليون بالمية


وهالحكي انا قلته لما كان معي المايك من فترة


وفعلا شي بيزعل


لانو نحنا اسمنا شلة سوريا فالمفروض نكون فعلا ايد وحدة


يلي بدي قوله حنين انو انتي ما تتركينا مشان هيك مشكلة يمكن تكون عابرة


ويمكن يكون حلها بسيط وقريب جدا


حنين انتي من الاشخاص يلي بيتشرف المنتدى بوجودن فيه


وفعلا لما بتنزلي اي رد او اي موضوع بيكون قمة بالرقي والذوق والثقافة


بتمنى ما تتخذي قرار انك تحرمينا طلاتك الحلوة مشان هيك شغلة


تحياتي الك

Lea كتب:

والله انا هلق لشفت الموضوع
بصراحة حطيتي ايدك ع الجرح
على فكرة من احد الاسباب يللي خلتني اترك المنتدى من فترة هو هاد السبب
ومرتضى بيعرف هاد الشي
انا بعرف انو ممكن موضوع ما يعجب الشخص
بس انا متاكدة انو في اشخاص مثلا كتير عجبون الموضوع وعن قصد ما عم يردو
بالاخير هنن احرار بس نظرتي الون تغيرت كتير
بالمنتدى ما في شي اسمو شلل انا في ناس في بصير مشاكل بيني وبينن
بس ولا مرة خليتو ياثر عليي بالمنتدى لانو جد مواضيعون بتكون مميزة وبحب اعطي رايي فيا
لانو بالنهاية انا عم اعطي رايي الصريح بالموضوع مو بالشخص
ولازم هاد شي يصير مع الكل لانو المشاكل الشخصية ما الها علاقة بالمنتدى
لانو المنتدى بيستحق انو نتعب عليه لانو اول شي جمع هيك شلة حلوة واعضاء رائعين
مرسي كتير الك الحنين على الموضوع لانو مو بس فشيتي خلقك فشيتي خلقي انا كمان
بتمنى ما تعملي متلي و تتركي لانو انا جربت وقلت انو لو في شخص
واحد بالمنتدى بيقرا مواضيعي بكون بيستاهل نزلو لانو بحبني وبيحترم الشي يللي عم قدمو
وخصوصي انو انتي جد مميزة وقلمك مبدع ضلي كرمال العالم يللي بحبوكي وبينظرو جديدك وانا اولهم
تسلم ايديكي الحنين

اول شي بدي قول مرحبا لكل اعضاء المنتدى
انا اول مرة بشارك بالمنتدى بس عاملة تسجيل من زمان لهي سموني عضو نائم
الي بدي قولو معك حق بكلمتك انو المنتدى لازم يكون شلة واحدة والكل يشارك للجميع مو لناس وناس
بس المفروض ما تزكري مين الناس لانو الزنب مو زنبها
لا يمكن المواضيع الي بتكتبها قريبة اكتر الن بس حلوة صراحتك وانك حكيت الي بقلبك وانشاء الله بتوصلي للي بدك ياه حبيبتي وانت كتاباتك حلوة وبالتوفيق

أنا جديد و ما عم فوت على كل المواضيع لأن ما عم فوت على النت كثير عندي بكلوريا بس إذا بدك الحقيقة أ،ا بفوت أحيانا ما بجاوب لأن ما بعرف معولمات عن الأعضاء و أ،ا بتمنى أنو يكون في صراحة بين الأعضاء و يلي زعلان من حدا يقول بصراحة بشو زاعجه و كيف وين لأن هذا المنتددى أكثر منتدى جريء من بين المنتديات و أنا صرني ثلاث أو أربع أيام و عم شارك بنظري منيح رغم إني جديد

اول الشي مرحبا حنين وكل الشباب والصبايا

انا ماصلي مشتركة بالمنتدى غير فترة قصيرة أقل من شهر
بس صرت كل يوم فوت وماخليت شي يعتب عليي
ولافكرت اني ميز حداعن التاني
كلكون بحبكون رغم معرفتي القصيرة فيكم
ولامرة فتت ع موضوع إلا وكان رديي فيه
بعرف انك انت مو قاصدة الكل
بس إلا مالبعض يكون عندون أسبابن
انا ماعم دافع عن حدا بس هيك رأيي
وبصراحة في شغلة زعجتني
في أسماء كتير بالمنتدى مشتركة معنا
بس يلي بيشاركوا بينعدوا ع الأصابع
طيب وين الباقي ليش ماعم نشوفون

وانت كمان طولي بالك ولاتعصبي
مشان صحتك
انت عزيزة كتير
وسلااام

كلامك كتير حلو و منطقي وبصراحة كنت حاسس في

بس قلت مو مستاهل أحكي في
بتمنى نكون ايد وحدة
صحي نحنا مو داخلين على حرب
بس بتوقع المنتدى بصير أحلى بكتيررررررررررررر؟؟؟؟؟؟؟؟؟؟؟؟ بيكهام الملك