عدد المساهمات : 886 العمل/الترفيه : معلوماتية المزاج : تمام علم الدولة : مزاجك اليوم : المهنة : الهواية : السٌّمعَة : 20 نقاط : 165 تاريخ التسجيل : 27/11/2007
ما بعرف حبيت نزل هالموضوع اليوم يمكن لان صار وقتو او حسيت انو صار لازم نزلو
المهم بدي يلي يقرأ هالموضوع يقرأه كلو لان اذا قرأ جزء منو يمكن يفهمني غلط او ما يفهم شي
بلش تأسيس هاد المكان بتاريخ يوم الخميس باخر الشهر 11 بسنة 2007
بقول ليلي كانو وقتها بتتذكرو كيف كنا عم نلم بعض كيف كل واحد يجيب التاني طبعا عم احكي عن شلة سوريا يلي كنا نلتقي بشات سوريا (سوريتي) معليش انا ما عم اعمل دعاية لا نحنا بدنا نحكي الواقع يا خيي هاد الشات هوي جمعنا ونص الادريين يلي هون كانو يتواجدو هونيك صح او لا !!! ظهرت فكرة انو ليش نحنا يلي عم نكون مع بعض لان الشات هونيك عم يضم كل الاشكال وكل النماذج ونحنا بدنا نظهر بنموذج يظهر خلفيتنا الحقيقة وخلفية اسم الشلة فكانت الفكرة انو نجتمع هون انا بعرف وانتو بتعرفو انو كل يلي دخلو لهون بوقتها ما كانو بيعرفو شي يعني ما عم بالغ انو يلي هلأ مدرا ومشرفين ... والخ ما كانو يعرفو يستخدمو المنتديات او شلون صار يلي بيعرف يعلم يلي ما بيعرف وهيك يلي ساهمو بهي الشغلة بيعرفو حالون ما ضروري اذكر اسمائون لان معروفين وقدمى كتير
هلأ شو الفايدة انو نحنا عم نفوت لهون !! يعني عنجد يلي ما بيعرف شو جواب هالسؤال لازم يعرفو خيي المكان هون مو لندخل ونعرض عضلات او كتير امور او مثلا يلي بيدخل لهون ممنوع عليه يفوت لموقع تاني او حتى يعمل موقع لا لا مو هيك الفكرة معليش بما اني دخلت بالموضوع لح احكي فيه اخي نحنا بسوريا شوفي احلى منها انو يكون لكل واحد موقع وياخدو من الجمعية يعني شوفو كمثال لكل عيلة في موقع وعم يجتمعو فيه او مثلا لكل طلاب مدرسة او جامعة او ..... الخ يكون في مكان عم يجتمعو فيه وبخص الاسم يلي حاملينو والله شي قمة بالتطور وانا بشجع عهالشي ويلي بدو لا يتردد والموقع عالجمعية شي رمزي يعني بظن اي حدا في يعملو هلأ كمان لا تقلو عم اعمل دعاية للمعلوماتية عنا بس جد الجمعية بحاجتنا لتطور او مجاني مافي اكتر من هيك كمان يعني انتو خدو الفكرة وامشو فيها هي نقطة كمان خلصنا منها يعني كل هدول وهون كعنوان هوي شلة سوريا اخي نحنا عم نمثل شلة سوريا واي حدا في ينضم وبسهولة ومافي انو الموقع لحدا معين او هيك لا لا الموقع ئلنا كلنا للكل ويلي بقدم النشاط الاكبر بترفع وكمان بنفس الوقت لما المرفع ما بدو يعمل شي اكيد بتنزل رتبتو يعني فكرة لا تسلط ولا شي ونحنا برسالة الترحيب اول ما يسجل اي حدا عم نقول يلي عندو خبرة او ... او .... لا يتردد يخبرنا يعني نحنا شلة وحدة باذن الله امور الاختلاف بوجهات النظر او طريقة الرد او مكان الموضوع مالها سبب لحتى تفرقنا لا كل واحد عندو وجهة نظرو وكلنا منحترمها نحنا الموقع هون لا تجاري ولا لحتى نربح لا الموقع للشلة ولا حدا يفكر انو هوي شي تجاري او ربح او تسلط مثلا هالشي فيكون تشوفو وببين يعني نحنا عنا 216000 مساهمة يلي كان من البداية بيعرف انو هالشي بلشنا من الصفر لو بدنا ناخد الشغلة تجارية او ربح او للبيع فينا نحط رقمين بالبداية بصير 10216000 وبصير الموقع بالقمة وكل المواقع يلي بتعتمد على المنظر والربح بالنهاية هيك بتعمل المهم انا شفت لان موضوع للصديقة حنين وكمان موضوع لنينا مشان الاختلاف بوجهات النظر وانو ليش هي ما بترد على هاد وهيك بتمنى من كل قلبي يلي اخد الشغلة هيك يغير وجهة نظرو كلكون بيعرف انو بهاد المكان اتعرفو كتار على بعض وكتار حبو بعض وكتار اختلفو مع بعض وكتار لح يتزوجو مثلا بهاد المكان التقو كتار وعملو مشريع مع بعض وكتار بطلو يفوتو لهون وعملو مواقع خاصة فيون يعني بالنهاية الحياة هيك وكل واحد بدو يمشي بحياة وبدو يعيش الحياة هلأ في اشخاص اتراجع مستواهون هي الفترة وانا بعرف السبب الدراسة وناس تانين العمل وانا بتمنى التوفيق للجميع بالدراسة لان اكيد شي مهم انو يكون كل يلي هون داخلين بمجالات علمية مختلفة وكمان يلي عم يواجهو شوية صعوبة بشغلون انشالله بتنحل كل الامور انا بوعدكون انو بنهاية المدراس والامتحانات والجامعات انو الكل لح نبلش شي جديد سواء بموضيع تعليمة لكتير شغلات ومنخلي كل يوم بالصيفية في درس ههههه عالدرس 1000ايوا ( انا عم خص المنتدى التقني ) وكمان منعمل تجديد للموقع بكتير شغلات فيه متل ما بلشنا من الصفر وطلعنا درجة درجة فينا نخلي يوصل للقمة مو يعني نحنا هلأ مو مناح لا بس لسع فينا نعمل احسن من هيك بكتير وهلأ اهم شي كل واحد عندو امتحانات سواء شهادات او جامعات او او الخ يهتم فيها وكل شي منلحقلو بعدين
يعني والله في كتير حكي اذا بضل عم احكي لعبكرا من بخلص مشان هيك لح خلي الحكي الباقي لبعدين واحلى تحية ئلكون
الف مبروك وسام النا كلنا وان شاء الله من اعلى لاعلى ورح نضل ايد وحدة نرتقى وان شاء الله خلال فترة قصيرة رح نشوف اسم المنتدى منتدى شلة سوريا الاول بالعالم
والله معك حق وسام والف الف مبروك لكل الي ترفعو وان شاء الله بس نخلص من الدراسة رح نرجع متل اول واحسن ورح تشوفو النشاط على اصولو وبرجع بقول الف الف مبروك ليلي ترفعو
وسام بعرف شو ماحكينا عن شلة سوريا قليل وما بعطيها حقها انا صحي ماكنت من القداما جدا بس يمكن كنت باول مية او ميتين بالمنتدى وجد تعرفت على ناس بفتخر بمعرفتن شلة سوريا هي بيتنا كلنا القداما والجدد ويلي ما سجلو معنا لسى بس رغم انو هو للكل والكل شارك بنجاحو انا بعتبرك انت الاصل وانت ابونا كلنا مو عم كبر بعمرك يعني بل قدرا وقيمة
بعدين شو هي 1000 على الدرس يخرب بيتك بدك تعطيني راتب الف وتاخد انت الف ع الدرس طيب ماشي منتحاسب انا اقل من الف وخمسمية مابقبل وماتعلق معي عقلي جوزتين بخرج ههههههههههههههه
تحيتي لاحلى شلة
