بين الهلال والصليب هل يقتل حب ....

هلأ ما بعرف اذا غلط او لا بس ما لازم تصير لانو ما في منا امل علا قة الحب هي
هلأ الواحد لما بيرتاح لحدا ما بيقدر يسيطر على مشاعرو بس يعني ما بظن انو اي حدا من هالتنين رح يتخلى عن اهلو و دينو كرماال التاني
هلأ الزواج المدني مو على سنة الله و رسولو و هيك منصير تقريبا دولة علمانية الحل برأيي انو الواحد ما يتعلق و يحب و يبني امال على واحد من غير دينو
لانو كل واحد على دينو الله يعينو انو يكتفي بالصداقة و بس


اسئلة حلوة

..........‏ بجاوب مختصر /ان كان الجب صادقا وحقيقي وخال من المصالح فإن المشكلة في الحب
هل هو المجتمع ؟ ام العائلة ؟ ام ماذا؟
فكل هذا يزول امام الحب

اما ان كان حب مصالح وعلاقة تعتمد على الكذب والخداع سواء من طرفين او طرف واحد فإن كان واستمر هذا الحب فسيفشل

مشكورة الحنين لطرحك المميز /تقبلي مروري /المرعب

هللأ اذا كان الحب صادق والاهل والمجتمع فرضا وافقوا شو هوو مصير الابناء ... ؟؟؟


شو لح ايكون دينن مسيحي ولا مسلم

طبعا لا الام لح ترضى انوا الابناء ايكونوا على غير دينها ولا الاب ..

وفرضا رضي واحد منهم او الاثنين لح ايضل واحد منهم عم يفكر ولو مع حالوا انوا مو حرام ابني ما يكون على ديني ..

ولا تقللي ولد هيك وولد هيك يعني كل واحد على دين ( ما لح تزبط )

لان الابناء بين بعضهم حتى لح ايفكروا بنفس الطريقة وسالوا الاب او الام ليش اخي مو متل ديني او انا متل دينوا ...

على كل حال سؤال غاية في الرووووعة

واسف على الاجابة ...

..........‏ اعتزلت الغرام اول شي ردك كتير حلو وفي وجهة نظر

بس طالما كانوا بحبوا بعضون
ما لح يختلفوا على دين الولاد يعني لو الاب مسلم والام مسيحية
الولاد بتسجلوا مسلمين بس وين الغلط انو بأعياد المسيحية انو ما يروحو للكنيسة
وعكس هالشي لو كان الاب مسيحيي والام مسلمة
وطبعا هي المسألة بدون يكونو مناقشينا وحالين هالخلاف قبل الارتباط
وحكيك كتير حلو /

banosha كتب:

انا بلاقيا عادية انو الواحد ياخد مسيحي
او مسلم
بس المجتمع عنا مابيتقبل هالشي ابدا
يعني حتى لو الشب والبنت اخدو بعض من غير دين
المجتمع مارح يرحمون ابدا
وانا بعرف بنت اخدت من غير دينا كان الشب مسيحي واسلم
ليقتا انو حلوة
كيف اسلم مشان اهلا يرضو
وكمان مشانا
اول شي الكل عارض وصار كتيير مشاكل
بس هلقق كتير متفاهميين ومافي مشاكل
يعني قولي شي هيك4 سنيين ممكن يتقبلو هالفكرة
شكرا حنيين اسئلة واقعية ومن الحياة
تقبلي مروري

Mohammed كتب:

1-برايكون علاقة حب بين مسيحية ومسلم او بين مسيحي ومسلمة خطأ?

من رايي الشخصي خطا لانو نهايتها الفرقة
لهيك من البداية يعرف الانسان وين تكون خطوتوا


2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو

حسب الانسان بس بضل الشب قادر يتحكم بمشاعره اكتر من البنت
والاهم حسب مرحلة الحب يلي وصل لالها
في مراحل قادر يحكم الانسان عقله فيها وفيه مراحل خلص بكون انشل عقله عن التفكير




3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟

مو شرط يكون في زواج مدني
الحل انو الواحد يفكر قبل ما يقدم لهيك خطوة وبس


4-انت هل ممكن تتزوج عن حب وشخص من غير دينك ؟

قبل كنت ممكن فكر واتزوج بس كان تفكيري طفولي
هلق لا ما بتزوج بنت من غير ديني
لان رح كون قدام خيارين
اني اتزوجها وصير مسيحي وخالف ديني وديانتي وازعل مع اهلي
او انها تصير مسلمة وتتخلى عن كل عيلتها واصحابها

بالحالتين الموضوع صعب
صعب الواحد لما يفكر اهلوا ادي تعبو بتربايتو ويجي يبعد عنهم
هالحكي للطرفين


هاد رايي وكل انسان حر

ويعطيكي العافية حنين للموضوع الرائع جدا والحساس

Lea LeGend كتب:

1-برايكون علاقة حب بين مسيحية ومسلم او بين مسيحي ومسلمة خطأ؟

برايي مانا غلط يمكن صعبة بمجتمعنا بس بالاخير نحنا كلنا منعبد رب واحد
بس التقاليد والعادات شوي بتختلف

2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟

هئ مو دايما بفكر بقلبو ولو فكر بعقلو بيطلع هاد الشي مانو غلط

3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟

انا برايي انو يصير كل شخص يختار الشي يللي بيريحو

4-انت هل ممكن تتزوج عن حب وشخص من غير دينك ؟

ممكن

مشكووورة الحنين اسئلة حلوة كتير

اول شي شو يعني حب وبعدين اسالوازا يقتل او لا
الحب مو بس كلمة نحكيها ونسمعها لا الحب فعل وواقع نعيشو وازا بنحب بجد ما في شي ممكن يقتل حبنا ازا كان حبنا قوي وصادق لانو الحب الصادق مافي شي ممكن يقهروا او يقتلو الا ازا اردنا نحن عفكرة كتير في ناس عانت من هالشي وناس استمرت فيه بتمنى التوفيق لكل الي بيحبو سواء من الهلال او الصليب

Mr.Misho كتب:

1-برايكون علاقة حب بين مسيحية ومسلم او بين مسيحي ومسلمة خطأ؟

خطأ وهالشي معروف وواضح وان تم النقاش بوضحلكون انو خطأ كبير

2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟

طبعا حيلا انسان لما بحب او لما ما بحب في بوقت ما يقدر يسطر على مشاعرو بس بمر وقت بنفس الشي وبيقدر يفكر بعقلو وبيعرف شو الخطأ وشو الصح

3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟

نو تعليق بس بشوف انو مافيها شي القصة انو يصير زواج مدني

4-انت هل ممكن تتزوج عن حب وشخص من غير دينك ؟

اكيد لا


بانتظار جديدك

بحس مافي فرق

السلام عليكم انا جاوبت قبل عالاسئلة بس برجع وبقول حسب الاشخاص ودرجة الحب الي بينهم بس ازا الواحد قدر يتحكم بمشاعرو قبل ما يوصل لهالمرحلة بيكون افضل وازا ما فيه بس بقول الله يسعده ويحقق امانيه