بين الهلال والصليب هل يقتل حب ....

المعتصم بالله شكرا لمرورك كنت بتمنى تناقش الموضوع اكتر من هيك

كنت عم اتصفح مواضيعي القديمة فانتبهت انو ماعقبت عكلامك مرة تانية ياسمين ..
معك حق بس احيانا الواحد مابيقدر يتحكم بمشاعرو .. خاصة بالحب ..
بشكر مرورك مرة تانية عزيزتي نورتي ...

-برايكون علاقة حب بين مسيحية ومسلم او بين مسيحي ومسلمة خطأ؟
لا ..وياما صايرة ..بس الخطأ مو بالحب ..الخطأ بالمجتمع

2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟
يعني هاد المتل القرباطي ما بحبو لانو شغل قرون وسطى ..
هلق العالم كلو عم يتفاعل مع بعضو ..واذا ارتبط شخصين من دينين مختلفين ما رح نقضي على اصولنا العرقية ولا رح نضعف الاسلام ولا رح نقدر نمحي المسيحية الاصيلة ..
شوفوا بلاد اوروبا او لبنان مثلا..منحس انو كل طائفة عايشة لحالا مع انو بالحقيقة في تزاوج مخيف بين الطوائف بلبنان
بالتأكيد ما فينا نحاكم الانسان على مشاعرو
الحكم بيكون على القرارات يللي اخدها
هل هوي شايف انو ارتباطو مع شخص من دين تاني رح يخرب علاقتو مع ابناء ملتو ؟
ورح يخرب علاقة شريكو مع ابناء ملتو؟

3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟
ببساطة ..ليش لا؟

4-انت هل ممكن تتزوج عن حب وشخص من غير دينك ؟
الحب ما بيعرف لغة او دين او طائفة
كنت قول لرفقاتي انو انا اذا حبيت ..مستعد قاتل امة محمد كرمالا
ولساتني عند حكيي..بس يكون في حدا بيستاهل

متل العادة رائعة حنين ..وشكراً لانك نكشتي الموضوع ..وريحتيني من التدوير ههههههه

واااااع يا حنين جيتي عوتر حساس

1-برايكون علاقة حب بين مسيحية ومسلم او بين مسيحي ومسلمة خطأ؟
اذا سؤالك من منحى ديني بيقولو الحب الي بدون زواج غلط والاختلاط غلط ومليونين قصة غلط
بس لو سؤالك عن ارائنا فانا بقلك هئة مو غلط الحب ولا غلط المشاعر بس غلطنا انو خلقنا بمجتمعنا المتعقد الي بطاركت المسيحية وشيوخ الاسلام حددو شغلات مانها موجودة ضمن العقيدة الاساسية مين الي حدد انو هيك شي خطيئة عند المسيحية وحرام عند الاسلام؟؟؟ القرآن؟؟ الانجيل ؟؟ هئة الي حدد هني بشر متلنا ومتل ما نحنا بنغلط هني بيغلطو وبعتبر حكمن بهيك موضوع اصلا غلط
2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟
لو المشاعر خلقت لنتحكم فيها كانت سيرتها عقولنا مو قلوبنا متل ما القلب عضلة لا ارادية كمان المشاعر هيك وتبع الي بياخد من غير ملتو بيموت بعلة غير علتو هاد صح بس مو بسبب الشخصين نفسن بس بسبب هالمجتمع الي ما بيرحم يا ريت لو فينا ننسى تطور الفجر والمخدرات ونفكر نتطور فكريًا حتتغير حياتنا كلها
3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟
لا ما برايي بالمرة مو لانو ما بايدو بس برجع وبقول مجتمعناااااااااااااااا بس يتطور تفكيرو شوي بنقدر نملك العالم بقا هلق خلينا تابعين احسن ما نكون اغبياء مع سيف لانو رح يازينا النا
4-انت هل ممكن تتزوج عن حب وشخص من غير دينك ؟
لو كنت شب اخر شي ممكن فكر فيه الدين والعيلة لانو برايي الدين ما انوجد ليازينا والعيلة مانها جزء منا لما بدها تنفينا بسبب حريتنا وسعادتنا
بس بما اني بنت كالعادة محدودة ارادتي بكتير اشيااااااااااااااااا
صح ممكن بنات يهربو وهيك بس مو من طبعي الهريبة لهيك بفضل كون شب بهيك موقف او بنت خانعة لاني ما فيني اعمل شي

مشكورة حنونتي موضوع روعة بس بيوجع القلب وااااااااااااااااااااااااااااااع

عدل سابقا من قبل zaher في 9/1/2010, 11:39 am عدل 3 مرات

1-برايكون علاقة حب بين مسيحية ومسلم او بين مسيحي ومسلمة خطأ؟

اولاً رضا الله فوق كلشي يعني المشاعر الانسانية لادخل لها يعني الاحترام المودة الاخلاق الحسنة
لما بكون الواحد انسان جيد يعني قبضاي هاد مالو علاقة بدينو كتير ناس بصلو من جميع الاطراف الدينية بيكذبو وبيسرقو ومعاملتهم سيئة مع الناس......الخ
2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟
هلئ الانسان بشكل عام مابيقدر يسيطر على مشاعرو يعني نحنى مو انبياء لذلك لايجب علينا ان ندخل
باشياء نعرف اننا لانستطيع فيها السيطرة على انفسنا لانه عند ذلك نكون نرتكب خطأ ونغضب الله
واهم شي رضا الله

3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟
لازم يكون كلشي ربنا راضي عنو واهلنا الدنيا زائلة اخر شي وكل واحد حر في ناس بدها رضا الله
وفي ناس بدها الدنياااا كل واحد حرر

4-انت هل ممكن تتزوج عن حب وشخص من غير دينك ؟
عن حب ممكن اتزوج بس عن غير ديني اذا كان الله برضى بهالشي اي
رح اتزوج مع محبتي واحترامي وتقديري لجميع الناسسس

سلمت يداكي حنين
تقبلي مروري

زاهر اول طفل في العالم

اسئلتي بتقول :

1-برايكون علاقة حب بين مسيحية ومسلم او بين مسيحي ومسلمة خطأ؟
لا هي ما خطا لان العيش فيما بيننا قائم منذ االازل

2-هل الانسان لما بيحب بيقدر يسيطر عمشاعرو لنحاكمو انو علاقتو غلط ونقلواللي بياخد من غير ملتو بموت بعلة غير علتو ؟
لا مو غلط انو يعبر عن مشاعرو ولكن حنين الى الان ليس هناك الا القليل من يتقبل فكرة زواج المسلم من المسيحية والعكس

3-هل برايكون انو لازم يصير عنا بسوريا زواج مدني ؟ او انت برايك الشخصي شو الحل لهيك قصص ؟
لا مو بالضرورة هلق النبي عليه الصلاةوالسلام كانت احدى زوجاته مسيحية مارية نحنة بشرعنا المسلم يجوز له ان يتجوز المسيحية مع ابقائها على دينها اما الدين المسيحي فيمنع هذا الامر بالنسبة للزواج المدني لا مانع مع وجود ضوابط عليه

4-انت هل ممكن تتزوج عن حب وشخص من غير دينك ؟
ممكن ليش لا لانو قلتلك هناك مجال لهذا الامر

بتمنى شو ف آراء الجميع

مودتي للجميع...
الحنين ...
ومشكورة حنين اسئلة رائعة وضرورية

» الدعاء عند رؤية الهلال
» استقالتة رئيس نادي الهلال
» خدمات رفح يسحق الهلال بسداسية في الدوري
» تعادل الهلال والشباب في الدوري السعودي لكرة القدم
» مصر تحصر عبور القوافل المتجهة لغزة عبر الهلال الأحمر