هل نحن حقا جيل فاشل ؟؟؟؟

موضوع: هل نحن حقا جيل فاشل ؟؟؟؟ 10/1/2010, 10:16 pm

[center]بسم الله الرحمن
الرحيم

كثيراً مانسمع في هذه الأيام من
أناس كثيرين وخاصةً كبار السن أن

الزمان قد تغير ولم يعد كما
السابق ..

يا ريت أيام زمان ترجع
..

كانوا الناس إخوان وأحباب وكل شي
كان له طعم ..

كثيراً ما نسمع نبرات الإحباط في
مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا
يصلح للمعيشة وأنه زمن الإتكال على الغير

وإنتشار المحرمات وضيق العيش ...
الخ

نسمعهم يتحسّرون على أيامهم
الماضية

ويصفوننا ويصفون زماننا بأمور
غريبة

فهل نظرتهم صحيحة أم أنها جائرة
؟؟ ولماذا ؟؟

وهل هم دوماً محقّين فيما يذهبون
إليه ؟؟

وهل يخلوا عصرنا من كل شيء جميل
لهذه الدرجة التي يرونها ؟؟

أريد أن أرى آرائكم العقلانية دون
التعصّب لزماننا ..

هل حقاً نحن جيل فاشل
؟

فى
انتظااااااااااااااااركم

[/center]

طبعاً لا لسنا مثل ما يدعون , حق قولهم فقط في تغير الزمان
ولكن كونهم أكبر سناً نكون دائماً بأنظارهم أطفال
فزماننا أصعب وأقصى بكثير من زمانهم فكيف نكون فاشلين ونحن واقفين على أرجلنا
لا مقعدين ومهزومين , الفشل يكون في الهروب والهزيمة لا بالمواجهة والنجاح
ولكن مثل ماقلت لك كونهم أكبر سناً ينظرون إلينا مثل ما ننظر للجيل الأصغر منا
ونقول عنهم لا يفقهون شيئاً في الدنيا كيف سيستطيعون تدبر أمورهم
لكل جيل زمانه .
أرجو أنني أحسنت التعبير

شكراً على الموضوع الجميل
تقبلي مروري
تحيااااااااااااااتي

موضوع: رد: هل نحن حقا جيل فاشل ؟؟؟؟ 11/1/2010, 3:33 am

بانوشا اولا انا ضد كلمة زمان وعصر غير العصر او الزمان لان الزمن مخلوق مرتبط بالوجود الالهي فالزمن لا يتغير انما الذي يتغير نحن الادوات البشر نعم الكبار عندما يمدحون زمانهم فهم يمدحون طبيعة الاشخاص الذين كانوا وقتها يمدحون التربية التي كانوا عليها والقيم التي تعلموها من ابائهم واجدادهم هذه نقطة حتى الفشل والنجاح هم مخلوقات وضعها الله بين ايدينا ليختبرنا وهبنا العقل وهبنا العينين واللسان والشفتين وهدانا الى طريقين فليس من المعقول ان ارى طريقين احدهما عليه الورود والرياحين والاخر عليه الشوك وامشي بطريق الشوك بحجة انني احب التجربة اين العقل من هذا فنحن نفشل اذا استسلمنا لشهواتنا وغرائزنا وننجح اذا اعملنا عقلنا وجعلنا الحياة ترقى برقي معاملتنا مع بعضناالبعض ولنبدا من البداية اصلاح الفرد والاسرة والمجتمع ولا نبتعد عن الدين لانه هو الاساس وتقبلي مروري بانوشا

خيي صمت الليل كلماتك
لامست قلبي وعبرت عن ماأريد ويمكن لو انا بدي اكتب ماكنت عبرت بهذا الجمال
انا مع كلام صمت الليل بكل كلمة قالها وبحذافيرها

سلمت يداكي بنوشا

موضوع: رد: هل نحن حقا جيل فاشل ؟؟؟؟ 11/1/2010, 1:53 pm

شكرا لكل اللي مرو
وكلامك كتير حلو وصح صمت الليل
شكرا ألك

موضوع: رد: هل نحن حقا جيل فاشل ؟؟؟؟ 11/1/2010, 2:36 pm

غلط المقولة ان نحنا جيل فاشل
ليش بوقتن ما كان اشخاص فاشلين
وبكرا بجي الجيل اللي بعدنا منقول عنه فاشل وهكذا
لكل وقت في نجاح وفشل ما في تعيم ان الجيل فاشل كله او ناجح

تحياتي وتقبلي مروري

موضوع: رد: هل نحن حقا جيل فاشل ؟؟؟؟ 11/1/2010, 5:03 pm

نعيب زماننا والعيب فينا وما لزماننا عيب سوانا
هلق اول شي انا مع صمت الكلام بمعظم الي حكاه
وحابة ضيف انو ما العلة بالزمن ولا بالجيل العلة بالامراض الجديدة الي عم تطلع بالمجتمع
وبس نعرف الدواء رح يطلع عنا داء جديد وهيك هالدنيا بيروح فشل وبيجي غيرو
يعني مجتمع قبل كان يعتبر فاشل بالدراسة والعلم والتطور وناجح بالحب والطيبة
ومجتمعنا يعتبر فاشل بالحب والطيبة وناجح بالعلم والتطور
بقا لكل جيل صفاتو المختلفة ومميزاتو ومساوئو
اصلا لو عشنا كلنا بشكل مميز وما كان في شي بشع نقدو ما رح نختبر ولا نوع من المشاعر ولا رح نحس بشي جديد حنعيش متل الالات لهيك حلو الفشل بقدر ما هوي حلو النجاح
حلاوة الحياة بانتقاضاتها
مشكورة بنوشا عهالطرح الحلو وتقبلي مروري

موضوع: رد: هل نحن حقا جيل فاشل ؟؟؟؟ 11/1/2010, 7:15 pm

الجواب
أبداً ابداً ...نحنا مو جيل فاشل..
طبعاً كل جيل بتفاخر بانو احسن من يللي بعدو حتى نحنا لما نشوف اخواتنا الزغار وشو تقدملهون وشو تقدملنا منفتخر انو وصلنا لهون.. بايام كان الديجيتال والكومبيوتر حلم ..(موهيك)
وبالنسبة للي سبقونا ..كان التلفزيون والراديو كمان حلم..
كل جيل الو ظروفو ..بس الفرق بين كل جيل والتاني انو نحنا عم نتقدم بالوسائل التكنولوجية بس للاسف ..لساتنا محلنا بشغلات تانية متل وسائل الحكمة والتفريق بين الخطأ والصواب ..وكمان ..التكبر..وهون بتذكر قول للكاتب الكبير توفيق الحكيم :
"مشكلة البشرية انها تطور وسائل قدرتها اكثر من ان تطور وسائل حكمتها"
يعني نحنا عم نطور ايدينا مو عقولنا..
مين قال انو بهالزمن مافي حب؟او مشاعر؟
بالعكس..لساتو الحب موجود....لساتا المشاعر ما تغيرت ..لسا الجمال الو قيمة ..لسا الانسان عم يبكي من مشاهد مؤثرة..نحنا ما تحجرنا ..نحنا لساتنا بشر..ومافي داعي لهالتشاؤم..
بس الفرق الوحيد انو كل جيل ايدينا عم تخشن وتكبر وتقوى ..بس عقلنا ما عم يكبر متل ايدينا...
تقبلوا مروري

...

موضوع: رد: هل نحن حقا جيل فاشل ؟؟؟؟ 12/1/2010, 8:09 pm

انا ضد هاد الشي
انو هلق نحنا جيل فاسق
ليش لانو يللي قبلنا كمان كانو يشوفو زمن يللي بعدون هيك
لانو كل فترة الجيل عم يتغير
بالعكس انا بشوفو جيل متحمس بيعرف شو بدو
وعم ينطلق للحياة كل واحد عم يحاول ياثبت وجودو بطريقتو
ويتعلم كل شي واهم الشي يواكب التطور
من ناحية الاخلاق ما بقلك انو صارو يتفتحو ع بكير
بس كمان ايام زمان لما تحررت المرأة بالبداية صارو يقولو انو جيل صار فاشل
لانو شي جديد عليون وما متعودين عليه
هاد يللي عم يصير
مشكووورة بنوشا سؤال حلو كتير

موضوع: رد: هل نحن حقا جيل فاشل ؟؟؟؟ 13/1/2010, 2:19 pm

هلاا فيكم شكرا لأرا ئكم الحلوة

» هل نحن جيل فاشل؟؟؟
» احدث 9 طرق لتصبح فاشل!!
» قصيدة فاشل لم تكتمل
» اعرف شخصيتك ناجح ولا فاشل
» أمامك 9 طرق لتصبح إنسان فاشل