هل نحن جيل فاشل؟؟؟

موضوع: هل نحن جيل فاشل؟؟؟ 19/10/2008, 4:38 pm

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الإتكال على الغير

وإنتشار المحرمات وضيق العيش ... الـخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟ ولـمـاذا ؟؟

وهل هم دوماً محقّين فيما يذهبون إليه ؟؟

وهل يخلوا عصرنا من كل شيء جميل لهذه الدرجة التي يرونها ؟؟

أريد أن أرى آرائكم العقلانية دون التعصّب لزماننا ..

هل حـقـاً نحن جيل فاشــــــل ؟!!!

موضوع: رد: هل نحن جيل فاشل؟؟؟ 19/10/2008, 4:58 pm

بظن انه جد انه جيلنا فاشل للاسف
لانه صار الكل عم يضيع وقته لشغلات فاضية ومنا
الانترنيت والصياعة برا وتضيع الوقت بايام الدراسة بشغلات تافهة مع الطعات مع الاصدقاء
وكمان الفشل بحد ذاته هوي القنوات يلي صايرة عم تطلع هالايام كلا عن الاغرائات والقنوات الاباحية وعم تاخد هم وتفكير حيز كبير من الشباب والبنات هالجيل يعني ماعد فيه نضافة بالافكار
ولا عد فيه حلال ولا شي صاير كله حرام المهم انه يوصلو ع يلي بدن ياه

جيل فاشل لانه ماعد فيه شخص عم يفكر يصلي او حتى يسمع قرأن او حتى يقرا القرأن
جيل فاشل لانه ماعد فيه حدا من جيلنا عم يفكر يتابع دراسته متل الخلق بيوصل ع البكلوريا وبوقف
حتى صايرين عم يقطعو سن الطفولة قبل اوانن
صايرين عم يفكرو بافكار مو من قدن قبل مايقطعو سن العشرين لهيك صار جيل فاشل
راحت الطفولة والبرائة يلي كانت اجدادنا واهلنا يمرو فيه كل يوم وبكل لحظة وصار جيلنا
اسمو جيل الوقاحة وعيني عينك والاباحة
والحق مع الاهل والاجداد بانه يقولو هيك وانا معن بهالشي
مشكور شريك ع موضوعك الحلو

موضوع: رد: هل نحن جيل فاشل؟؟؟ 19/10/2008, 5:09 pm

والله ما قصرتي يا شريكة بكلامك
حسيتك عما تحكي من قلب محروق
معك حق بكل كلمة قلتيها شرحتي واستفضتي بالشرح

بشكرك لمرورك المميز يا سالي

الله يهدينا ويهدي الجميع

موضوع: رد: هل نحن جيل فاشل؟؟؟ 19/10/2008, 5:13 pm

انا برايي اي الزمن كتير اختلف عن قبل
لانو نحنا بوقت التطور السريع وظروف العيشة الصعبة
ما عاد حدا فاضي لحدا وكل واحد بقول يللي فيني مكفيني
ايام زمان كان في بساطة بالعيش اكتر
هلق صار العالم يغارو من بعض
نحنا مانا جيل فاسد بس الواقع والظروف عم يفرض علينا هيك
وكمان عم تلاقي في كتير شباب مو بس بكملو دراستون كمان عم يتخصصو
وزمان اول كانت المراة ما الا ولا دورغير الطبخ وهيك
هلق صارت متعلمة وبتشتغل بكل المجلات
ولو منشوف واحد مو مكمل درسو بتلاقيه عندو تفتح بغير مجال
لحتى يحسن يكمل عيشتو
بس انا برايي من ناحية الاخلاق صاير فشل لانو ما عاد في تربية متل قبل
مشكور محمد موضوع حلو كتير
تقبل مروري

موضوع: رد: هل نحن جيل فاشل؟؟؟ 19/10/2008, 5:17 pm

كلامك كمان صحيح يا لولو
الاخلاق هية اللي فسدت والتربية

صح متل ما منلاقي الفشل منلاقي النجاح

في مساوئ كتير ومحاسن اقل برايي

وما قصرتي يا لولو بشرحك

استفضتي بالشرح

شكرا كتير لولو لمرورك المميز دايما

موضوع: رد: هل نحن جيل فاشل؟؟؟ 23/10/2008, 12:24 pm

لا انا مو هيك رئيي ابدا

لي عم يتهمونا النا انا جيل فاشل
يعني شوف المبدعين الشباب والمخترعين
وزمانا زمن التطور والتقدم
جيلانا صار واعي اكتر من يلي ابلنا
صار يعرف شو الصح وشو الغلط اكتر من يلي ئبلنا
صرنا على اطلاع على اخبار العالم ونعرف وين الضلم وين الصح
يمكن صرنا نئدر نوئف بوش الضلم اكتر
صحيح زاد المشاكل
والشرئات والجرائم والحروب يمكن
بس ليش مابيعتبروا انو زمنا زمن فاشل
لي ليعتبرو انو نحنا الفاشلين
مافي جيل اسمو جيل فاشل
بس في ضروف ومشاكل هي يلي بتحدد اتجهانا
بس انا بئول اكيد نحنا مو جيل فاشل

مشكور ابو حميد موضوع بحاجة لنقاش اكتر
جد مشكور كتير

موضوع: رد: هل نحن جيل فاشل؟؟؟ 24/10/2008, 4:31 pm

كلامك فيه من وجهة النظر بشكل منيح جوجو

يعني في ابدعات وفي اختراعات

وفي نجاح

وبنفس الوقت في فشل

بس مافينا نقول جيل فاشل بشكل كامل على كل الناس

بشكرك جوجو لمرورك الحلو والمميز

» هل نحن حقا جيل فاشل ؟؟؟؟
» قصيدة فاشل لم تكتمل
» احدث 9 طرق لتصبح فاشل!!
» اعرف شخصيتك ناجح ولا فاشل
» أمامك 9 طرق لتصبح إنسان فاشل