الي عندو القدرة يناقش يتفضل والي ما عندو لا يفوت لهون

مرحبا .. كيفكن؟ بتوقع مناح ولو مو مناح انشالله بتصيرو مناح
كنت قاعدة لحالي من الصبح وعم فكر بهالموضوع وحبيت نزلو وشوف مناقشاتكن ورايكن فيه
ليش وقت بنلاقي شخص طيب بنحاول نستغلو؟ ولو بعقلنا الباطني ولا حدا يقول ما بنستغلو انا متاكدة انو وقت بيكون في حدا طيب بيكون اخر اهتمامتكن وواثقين ايمت ما رجعتولو رح يسامحكن ولهيك ما كتير بنتبهو لمشاعرو؟
ليش وقت بنلاقي شخص احسن منا بنحاول نكسرو ما بنحاول نكون احسن منو او نتعلم منو؟ وكمان لا تجاوبو اجابات فلسفية انو مانكن هيك لانو دايما وقت بنشوف حدا منيح بندور على اخطائو مو على محاسنو وبنحاول نورجيها للعالم كلو؟
ليش وقت حدا بيمدحنا بنحبو وبنحب وجودو معنا مع العلم انو ممكن يكون كتير تافه ومانو منيح وعم يستغل غبائنا وحبنا للمدح والثناء ؟
ليش ما فينا نكون صريحين مع الناس الي مراتبن عالية او الي بنحبن؟ ليش بنخاف نخسرن وما بنخاف انو يضلو بجهلن او باخطائن؟
ليش وقت بنلاقي شخص عم يبكي بنحس اتجاهو بالشفقة وما بنحس انو هالشي بيستاهل دمعو لانو كل شي بيصير للانسان بيصير من ايدو وما حدا يقول قدر او غيرو نحنا قدرنا بايدنا
وكمان لا تحسوني عم اكفر لو ما قدرنا بايدنا ما كان الله حطلنا عقل وكان ما في اي سبب مقنع لخلقو لالنا بما انو هوي الي عم يسيرنا وهيك بنكون مجرد لعبة وحاشا لله اكيد
بتوقع ما حدا رح يقدر يجاوب على هي الاسالة لانو ببساطة ما الها جواب ....
ببساطة نحنا ناس ماشيين عالهلة ولو بنشغل عقلنا بهالشغلات البسيطة بدال ما نشغلو بانو نحصل عالمال وعالشخص المناسب وعالصحة ونسيانين اهم شي عنا الي هوي جوهريات الانسان والي الله خلقو منها وفيها
الاخلاق يا جماعة والعقل والمحاولة للوصل لشبه الكمال حيوصلونا لكل شي بنتمناه بالدنيا والكل بتوقع بيعرف انو الانسان قادر على كل شي لو بدو
بس الحمدلله ما حدا بيفكر يترك الغرائز الحيوانية الي فيه وينسى الحيوان الي جواتو ويحاول يعيش كانسان
عفكرة ما فيني صنف اي حدا بهالعالم على انو انسان لانو عنجد ما عاد في انسانية ولا عاد في وعي ولا اصلا حدا بيفكر بهيك شغلات براينا لازم نعيش وناكل ونوصل ليلي بدنا ياه وننسى مين نحنا بالاساس
لك عنجد ليش بندور عالسعادة وهيي الشي الي مستحيل نوصللو ونحنا هيك؟؟ ليش بندور على شخص بيكملنا ونحنا بنعرف انو الكمال هوي بداخلنا وما بعازة لحدا
بغض النظر عن الفطرة البشرية للزواج والارتباط وتكوين الاسرة انا قصدي بشكل عام ليش بدنا الشريك يكون معنا ويسعدنا وما بنفكر نحنا نكون معو ونسعدو
ليش ما بنلاقي سعادتنا الداخلية قبل ما ندور على سعادتنا الخارجية
حابة اعرف عنجد ليش نحنا بننوصف بالانسانية ونحنا اسوأ شي وابعد شي عن هي الصفة
ليش ما بنحاول نطور حالنا قبل ما نفكر بانو نطور غيرنا
ليش بنفكر بانو في شخص غبي وشخص زكي وما بننتبه انو كلنا بشر ليش بنستسلم لهيك شغلات
ليش بنعتبر الاستسلام هوي السلام مع انو هالصفتين ابعد ما يكون عن انو ينخلط بيناتن
ولا حدا يقلي الله خلق العاقل والمجنون والله هيك عمل ونستسلم لافكار الله ما خلقلنا ياها من الاساس بس نحنا بنحطها كمكان نعلق عليه اخطائنا انو الله هيك خلقنا والله هيك عملنا والله والله والله ....
طيب لو هيك الله عنجد برايكن بيستحق العبادة؟؟ مو كفر يا جماعة بس الله غير هيك تمام الله اكبر واحسن واعدل من انو يكون هيك وما بدي فوت بهالدويخة بس بدي اوصل انو ليش هيك نحنا
لك يا جماعة في لكل شي منطق بس ندور عليه نحنا بنلاقيه
وليش مفهومنا عن السعادة مختلف تمام عن الجوهر الاساسي للسعادة
ولك كيف فيو واحد يكون بهالاستسلام بينو وبين حالو بين الشر والخير الي فيه وبس يلاقي الشر والخير برا نفسو بيستغرب انو يا الله هدول ليش هيك وبيعتبرون مو مناح
وبينسى انو اصلا هوي اضرب منن لو بيطلق هالوحش الي فيه بس ما بيطلقو لانو بيكون عندو شوية مصالح ووقت بيكون في طرف ما االو مصلحة معو رح يخلي الشر يستحوذ عليه
عنجد عجبا لحال الناس عجباااااااااااااااااااااااااااااااااااااااااااااااااا
سبق وقريت موضوع تبع انو نحنا جيل فاشل حابة قول عنجد نحنا فاشلين لانو الشي الوحيد الي عم نطورو هوي حياتنا وخارجنا وكل شي ما الو معنى قدام جوهرنا الي كان وقت خلقنا قمر عم ينورنا وهلق صار عتمة عم تكبر اكتر واكتر
ما بعرف بجد موضوع محيرني بفكر فيه بكل الاوقات انو ايمت نحنا عنجد رح نستحق صفة الانسانية ونستحق السعادة ونستحق الحياة
مبارح كنت عم اقرا كتاب كتير مميز عطاني ياه ثعلوب وبدي اشكرو عنجد لانو هالكتاب رائع بكل معنى الكلمة
بتمنى بس يفوت ثعلوب يعطيكن ياه وتقروه شوي لانو عنجد بيخليكن تشوفو الحياة من منظور تاني تمام
مووضوع للمناقشة مو للشكر الي حابب يشكرني على هالموضوع من الاساس ما يرد
حابة الكل عنجد يفوت ويقلي نظرتو لحكيي ويعطيني رؤيتو عن هالافكار الي طرحتا

ليناي هلا ومنورة بهالموضوع شوفي بالنسبة للقسم الاول من موضوعك لماذا هذا وليس غيره هاد لانا نحنة ما بنعمل عقلنا اللي الله وهبنا اياه نحنة مجمدينو بشوية افلام واغاني واخر الموضات واخر الصرعات وهاد شو عمل وهاي شو سويت وبالنسبة اللنظرة البشرية شيء طبيعي انو تفكري بالغريزة لانو لوما فكرنا فيها لشو الزواج بالاصل حتى النظرة الى الاله ليش ما ننظر انه اله لو نظرنا على انه شيء من الاشياء التي يمكن ان نملكها فلماذا نعبده انعبده لانه امرنا او راينا اهلنا يعبدونه ام هو اله يستحق العبادة والفشل هو خلق من خلق الله هو والنجاح نحن من نصنعه في حياتنا بالعقل والعقل هو الاساس لان الله تعالى قال ( افحسبتم اننا خلقناكم عبثا وانكم الينا لا ترجعون ) هذا راي لاننا نحن من نبني الحضارة الانسانية ونحن من يهدمها واصابع ايديك مو وحدة ليناي وتقبلي مروري

ليناي هلا ومنورة بهالموضوع شوفي بالنسبة للقسم الاول من موضوعك لماذا هذا وليس غيره هاد لانا نحنة ما بنعمل عقلنا اللي الله وهبنا اياه نحنة مجمدينو بشوية افلام واغاني واخر الموضات واخر الصرعات وهاد شو عمل وهاي شو سويت وبالنسبة اللنظرة البشرية شيء طبيعي انو تفكري بالغريزة لانو لوما فكرنا فيها لشو الزواج بالاصل حتى النظرة الى الاله ليش ما ننظر انه اله لو نظرنا على انه شيء من الاشياء التي يمكن ان نملكها فلماذا نعبده انعبده لانه امرنا او راينا اهلنا يعبدونه ام هو اله يستحق العبادة والفشل هو خلق من خلق الله هو والنجاح نحن من نصنعه في حياتنا بالعقل والعقل هو الاساس لان الله تعالى قال ( افحسبتم اننا خلقناكم عبثا وانكم الينا لا ترجعون ) هذا راي لاننا نحن من نبني الحضارة الانسانية ونحن من يهدمها واصابع ايديك مو وحدة ليناي وتقبلي مروري

اول شي متل ما توقعت رد واحد و عدد كبير من المشاهدات
بتشكرك صمت الليل على جراتك انك تجاوب لانو طلعت الوحيد
بالنسبة لردك رح قلك بصراحة صح نحنا ما بنشغل عقلنا الا بشغلات سطحية وهاد الي قصدتو بموضوعي انو ليش نحنا هيك وليش بنحط اللوم على انو هيك خلقنا وقت بنعمل شي غلط ومتل ما قلت وقت بنعمل شي صح فهاد صنع عقلنا
عنجد نحنا بشرية جاحدة بتنظر لكل شي بطريقة تقديس الذات واذلال الغير
بالنسبة لخلق الله وهيك انا ما قصدتو بموضوعي لانو القدرة الالهية والمنطق الرباني موضوع كبير بنعجز انا او انت ومليون عالم وشيخ وراهب انون يناقشو فيه اصلا ما النا لا القدرة ولا الجراة نناقش فيها انا بقتصر مناقشتي على القدرة البشرية والمنطق البشري وبس وليش نحنا عنا قدرة لو سخرناها بالخير ملكنا العالم والسعادة وحق الحياة ولو سخرناها بالشر تملكنا الغباء والغرور واستحق علينا الموت...
هي فكرتي بطريقة مبسطة انو ليش ما بنستخدم قدرتنا الخاصة لنوصل لكل شي بدنا ياه بس بالخير ...وليش وقت الغلط ما بنلوم حالنا وليش الشر الي فينا اكبر من الخير ؟؟؟ حدا عندو الجراة يقول انو الخير الي فيه اكبر من الشر؟ لانو بدي اسالو ساعتها ما فكرت ولا لحظة تازي انسان؟ ما فكرت ولا لحظة انو الاخطاء بتنتمي لكونك انسان ومانك كامل وانو الصح من صنعك؟ ما تحكمت فيك غرائزك ولا حيوانك الداخلي ولو حتى بالتفكير او التخيل او هيك شغلات؟؟؟ الي عندو الجراة يقول اي وهوي مقتنع ومصدق حكيو رح قول بصراحة انت شخص عم تضحك عحالك ...
حابة اعرف وتناقشوني بالي قلتو برايكن غلط؟؟؟ حدا عندو نظرة للناس غير نظرتي؟؟ واذا اي فيني اعرف على شو بناها ؟؟ وكيف اكتشفها وصدقها واقتنع فيها ...
انتظر المزيد من الردود وبعتذر انو الموضوع يمكن مشربك بس قروه مرة وتنتين بتفهموه اكتر

صباحك ليناي اجيت متل ماقلتلك مع فنجان
القهوة وغنية كتير رايئة لفضل

وحابة ندردش هون شوي

رح جاوبك

اولا نحنا منستغل الطيبة بقلب غيرنا لانو
اخيرا لقينا شخص نستغلو

لانو مافي واحد بالدنيا مو متعرض للاستغلال
لهيك منطلع هالشي على غيرنا

و ما منحاول نكون احسن منو لانو كتير احيانن
منستغلو بدون قصد منا

وما منشعر الا ونحنا عم نستغل هالطيبة يلي
فيه

وعلى فكرة هو كمان رح يلاقي شخص يكون طيب معو
ورح يستغلو

قلك ليش منستغل حب غيرنا او طيبتو لانو ما
منحب الاسر لهيك لما منحس انو رح نكون مدينين لهالشخص منحال نهرب باي طريقة حتى
بظلمو احيانن

منحب يلي بيمدحنا مو دايما بس منحب المجاملة

يعني مدحنا بشي نحنا منحسو انو موجود فينا
يعني مايجي واحد يقلي انت اذكى مخلوقة بالعالم لانو بعرف حالي مو الاذكا بس اكيد
بحب يقلي انتي ذكية

او حلوة او غيرها من الصفات

منرتاح معو لانو منعرف انو عم يضحك علينا
وانو مارح نظلمو بحياتنا

السؤال التاني

هلا مع المناصبن عالية انو بخوفو

هههههههههه

بس مع يلي منحبن اكيد مابدنا نخسرهن منفضل
نضل جنبن ونكون معن بس يكتشفو خطئون بس هالشي اكيد ما بيمنعنا من تنبيهن للخطأ

ثالثا

قدرنا بايدنا أي بس رغم هيك موجع احيانن منحس
بالشفة لا منحس بالتعاطف وهي طبع البشر

ماعم تكفري بس الله خلق القضاء والقدر وكمان
قال انو الانسان مخير وليس مسير

وهاد الشي بيختصر كلمة القدر

اولا ليناي الكمال لله وحده نحنا مستحيل نقدر
ولو نقرب ببعد الاف الاميال عن الكمال

الكمال شي مستحيل تحقيقو ولا حتى الاقتراب
منو

الكمال بالنسبة الي هو غيرالكمال بالنسبة الك
او غيرك

كل واحد عندو مفهومو

كلنا منححاول نرضي رغباتنا منضن انو هي سبب
السعادة

بس العادة لما منرضي رغباتنا من خلال ارضاء
رغبات غيرنا اول

لما نحنا منشعر بالسعادة اكيد رح نقدر نوصلها
لغيرنا

هلا بالنسبة للعقل والجنون الله خلق ناس
اقل ذكاء من ناس

بس هذا مو معناتو انتقاص من وجودن

لكل شخص هدف بالحياة لكل شخص سبب لوجودو هو
يلي بيقدر يصنعو

الله ما لق الناس متساوين الله خيرنا
بافعالنا وامرنا بشغلات نساويها واشياء نبتعد عنها

الله خلق الناس الطيب والشرير بس لما خلقهن
كانو طيبين

بس كل واحد بياخذ الطريق يلي بدو ياه

هي شي بايدنا بايد اهلا وكيف ربونا وكيف نحنا
توجهنا

ماعم حمل المسؤولية للاهل لانو هنن بس بيزرعو
البذرة الاولى ومو مسؤولين عن النتائج اطلاقا

الانسان بداخلومجموعة اضداد فينا الخير والشر
عايشين سوى

مامنشعر فيهن بس لما منشوفن بشخص تاني منحكم
عليه

لانو نحنا تعودنا انو نحاكم غيرنا ما نحاكم
انفسنا

ودايما منلحش اخطائنا على كلمة هيك الله بدو
هيك الله خلقنا

والله يلعن الشيطان

هي اكبر كزبة بيتخبا وراها الانسان

هلا بالنسبة للكتاب كمان هي سمحيلي فيا

كل كتاب بخليكي تشوفي الدنيا او الحياة من
وجهة نظر الكاتب صدقيني

لي نحنا ما منقرر انو يكون عنا فسلسفتنا
بالحياة

نحنا يلي نكتبها ونوضع قواعدها

الكتب بتوسع وجهات نظرنا بس مو بتخلينا نفهم
الحياة ابدا

الحياة منفهمها بس لما منعيشها

هلا مارح اتشكرك لاني بدي قلك يكسر اديكي

ههههههههه

انو شو نحنا جيل فاشل

صدقيني ما منحكم انو نحنا جيل فاشل وبس لانو
كمان زمانا زمان فاشل

ماتحطي الحق كلو على الشخص لانو الزمن موجود
وبعد حقيقي بيتحكم فينا غصبا عنا مو بكيفنا ابدا

فكلشي حولينا هو سبب فشلنا من بينون نحنا
انفسنا

خلصت القهوة بدك شي

بايو ليناي

صحي هلا فهمت لي مشاهدات كتير ومشاركة وحدة
بس مافهمت لي اخدة تقيم سلبي ولو
ههههههههههه
لك متحاملين عليكي وليه دبة شو عاملة نصي
هههههههههههه

صباحك ليناي اجيت متل ماقلتلك مع فنجان
القهوة وغنية كتير رايئة لفضل
وحابة ندردش هون شوي
يبعتلك الهنا انشالله اى ما قلتلك تعي مع برميل قهوة شو مشان ردك اطول من موضوعي؟
رح جاوبك
يلا لشوف
اولا نحنا منستغل الطيبة بقلب غيرنا لانو
اخيرا لقينا شخص نستغلو
لانو مافي واحد بالدنيا مو متعرض للاستغلال
لهيك منطلع هالشي على غيرنا
و ما منحاول نكون احسن منو لانو كتير احيانن
منستغلو بدون قصد منا
وما منشعر الا ونحنا عم نستغل هالطيبة يلي
فيه
وعلى فكرة هو كمان رح يلاقي شخص يكون طيب معو
ورح يستغلو
طيب بالنسبة لردك واقعي بس مانو صح
لانو نحنا فينا ما نخلي حدا يستغلنا وما نستغل حدا بس الحمدلله قدرة الانسان اخر شي بيفكر فيه
بنستسلم لواقعنا وبننسا انو نحنا الي فينا نرسمو ونحنا بنقدر نعمل كتير شغلات تحسن هالواقع
قلك ليش منستغل حب غيرنا او طيبتو لانو ما
منحب الاسر لهيك لما منحس انو رح نكون مدينين لهالشخص منحاول نهرب باي طريقة حتى
بظلمو احيانن
هي الفكرة ما كتير فهمتها
منحب يلي بيمدحنا مو دايما بس منحب المجاملة
يعني مدحنا بشي نحنا منحسو انو موجود فينا
يعني مايجي واحد يقلي انت اذكى مخلوقة بالعالم لانو بعرف حالي مو الاذكا بس اكيد
بحب يقلي انتي ذكية
او حلوة او غيرها من الصفات
منرتاح معو لانو منعرف انو عم يضحك علينا
وانو مارح نظلمو بحياتنا
ام صح بيمدحنا بشي موجود منا بس مو بالطريقة الي هوي عم يصورها وهالشي بيخلينا نحس شوية بثقة بالنفس
مع انو نحنا بنعرف انو هالشخص ممكن يكون عم يكزب
شو مشان انو ما رح نظلمو بحياتنا شو قصدك فيها؟ وكيف بترتاحي لشخص بتعرفي انو عم يضحك عليكي؟
انو قصدك بترتاحي انو عم يضحك عليكي مو انو انتي عم تقسيه علي ؟ بس جوجيتي انا ما قصدي الحب
ما قصدي انو واحد يضحك عليكي بالحب انا قصدي المدح بشكل خاص
السؤال التاني
هلا مع المناصبن عالية انو بخوفو
هههههههههه
بس مع يلي منحبن اكيد مابدنا نخسرهن منفضل
نضل جنبن ونكون معن بس يكتشفو خطئون بس هالشي اكيد ما بيمنعنا من تنبيهن للخطأ
هههههههه المناصبن عالية قضا الله طيب الي بنحبون ليش بنخاف نخسرن؟
ليش ما واثقين انو هني بيحبونا اكتر من حبهن لفكرة انهن صح؟
ليش بنفكر بمشاعرن انها ممكن تتغير لو نحنا صححنالهن عيوبن واخطائن؟
لانو هيك الانسان بطبيعتو ما بيقبل النقد لانو بيعتبرو تنظير وتقليل من قيمتو
وما بيعتبرو محبة وخوف عليه عنجد حالة الانسان فظيعة
ثالثا
قدرنا بايدنا أي بس رغم هيك موجع احيانن منحس
بالشفة لا منحس بالتعاطف وهي طبع البشر
ماعم تكفري بس الله خلق القضاء والقدر وكمان
قال انو الانسان مخير وليس مسير
وهاد الشي بيختصر كلمة القدر
دبة انتبهي لكي بوردك كانو فيه كم حرف عطلانين؟ شو مشان شو يعني موجع بالشقة ؟
هلق ليكي القضاء شي والقدر شي تاني
انا قلت قدرنا بايدنا مو قضائنا لانو اكيد القضاء بايد الله
بس انا عم ناقش على الشغلات الي بايدنا والي نحنا فينا نتحكم فيها
اولا ليناي الكمال لله وحده نحنا مستحيل نقدر
ولو نقرب ببعد الاف الاميال عن الكمال
الكمال شي مستحيل تحقيقو ولا حتى الاقتراب
منو
شبه الكمال موجود ولو ... انا قصدي بكمال الاخلاق مو بكمال الانسان
بكمال العقل مو بكمال الفعل ... النقص رح يضل موجود بس فينا نحدو وفينا نكمل حالنا بكتير شغلات
منها عقلنا ومنها اخلاقنا هدول بيوصلو للكمال وانا متاكدة
الكمال بالنسبة الي هو غيرالكمال بالنسبة الك
او غيرك
كل واحد عندو مفهومو
صح بس انا قصدي الكمال بالنسبة للمقاييس البشرية
يعني كمال الصدق وكمال الاخلاص وكمال المحبة والتفكير وكل هالشغلات فينا نكملها
بس اكيد ما فينا نكون كاملين مية بالمية ورح يضل عنا نقص بشي وشي
كلنا منححاول نرضي رغباتنا منضن انو هي سبب
السعادة
بس العادة لما منرضي رغباتنا من خلال ارضاء
رغبات غيرنا اول
لما نحنا منشعر بالسعادة اكيد رح نقدر نوصلها
لغيرنا
وهاد الي حابة اوصللو .. انو ندور عالسعادة الي جواتنا ونوصللها وهيك رح نقدر نوصل السعادة لكل العالم
ونتميز ونستحق صفة الانسانية
هلا بالنسبة للعقل والجنون الله خلق ناس
اقل ذكاء من ناس
بس هذا مو معناتو انتقاص من وجودن
لكل شخص هدف بالحياة لكل شخص سبب لوجودو هو
يلي بيقدر يصنعو
الله ما لق الناس متساوين الله خيرنا
سمحيلي بمداخلة .. الله خلق الناس متساويين ولو ما خلقن متساويين معناها الله ظالم
وحاشا لله اكيد
ما في انسان عاقل وانسان مجنون بدون سبب
وبعدين تعي لقلك اصلا في كزا حدا من العلماء كانو معاقيين وكانت قدرتهم الاستيعابية كتير قليلة
ومع هيك قدرو يوصلو لاختراعات ولحضارة جديدة وما استسلمو لواقع انهن ما بيملكو عقل واعي او هيك شي
بافعالنا وامرنا بشغلات نساويها واشياء نبتعد عنها
الله خلق الناس الطيب والشرير بس لما خلقهن
كانو طيبين
بس كل واحد بياخذ الطريق يلي بدو ياه
هي شي بايدنا بايد اهلا وكيف ربونا وكيف نحنا
توجهنا
ماعم حمل المسؤولية للاهل لانو هنن بس بيزرعو
البذرة الاولى ومو مسؤولين عن النتائج اطلاقا
الانسان بداخلومجموعة اضداد فينا الخير والشر
عايشين سوى
مامنشعر فيهن بس لما منشوفن بشخص تاني منحكم
عليه
لانو نحنا تعودنا انو نحاكم غيرنا ما نحاكم
انفسنا
وصلتي لفكرة كتير حلوة تعودنا نحاكم غيرنا وما نحاكم حالنا ... بعمرنا ما شفنا اخطائنا بالرغم انو لو بيكون دا غيرنا عم يغلط متلنا بنعتبرو انسان مو منيح
وهاد الشي الي بيخليني احقد على البشر الي وصلو لهيك مراحل كلو بيتو من قزاز وكلو بيرمي الناس بحجارو
ودايما منلحش اخطائنا على كلمة هيك الله بدو
هيك الله خلقنا
والله يلعن الشيطان
هي اكبر كزبة بيتخبا وراها الانسان
هلا بالنسبة للكتاب كمان هي سمحيلي فيا
كل كتاب بخليكي تشوفي الدنيا او الحياة من
وجهة نظر الكاتب صدقيني
لي نحنا ما منقرر انو يكون عنا فسلسفتنا
بالحياة
نحنا يلي نكتبها ونوضع قواعدها
الكتب بتوسع وجهات نظرنا بس مو بتخلينا نفهم
الحياة ابدا
لا جوجيتي ما فهمتيني ... الكتاب ما فيو نظرة للحياة الكتاب فيو نظرة للانسان
فيو منطق كتير عن الانسان عدة افكار متل انو الانسان دايما بيحب الشي الي بايد غيرو
وانو الانسان بيحب الشي الصعب ووقت بيوصلو بيرميه وانو الانسان بيحب كل مرحلة بحياتو بعد ما تخلص
وبعمرو ما شعر بقيمة الي عندو ليفقدو
انا هاد الي عجبني بالكتاب مو نظرتو الحياتية لانو اصلا ما بيحكي عن الحياة بيحكي عن الانسان كانسان وبس
الحياة منفهمها بس لما منعيشها
اكيد بنفهم الحياة لما نعيشها بس فيني اعرف ايمت بنفهم الانسان؟ وخصوصي انو نفهم حالنا ؟
هلا مارح اتشكرك لاني بدي قلك يكسر اديكي
ههههههههه
يلعن ديبك مين لازم يكسر ايدين التاني كلو هاد رد ولو والاحلى بين الجملة والجملة سفر سنة مشان اتعب وانا عم نزل بالماوس لاتحت
انو شو نحنا جيل فاشل
صدقيني ما منحكم انو نحنا جيل فاشل وبس لانو
كمان زمانا زمان فاشل
ماتحطي الحق كلو على الشخص لانو الزمن موجود
وبعد حقيقي بيتحكم فينا غصبا عنا مو بكيفنا ابدا
فكلشي حولينا هو سبب فشلنا من بينون نحنا
انفسنا
لا جوجيتي الزمن ما دخلو ...
نعيب زماننا والعيب فينا وما لزماننا عيب سوانا
ونهجوا ذا الزمان بغير حق ولو نطق الزمان لنا هجانا
حبوبتي العلة مو بالزمن العلة بالناس اصلا الشي الي بيخلي زمن مميز بانو منيح او مو منيح هوي الناس
لانو نحنا الشي الوحيد الي بنتعلمو من بعض هوي الشي السيء وبنصير كلنا مجتمع سيء وبالاخير بنلوم الزمن
طيب كيف بدنا نلوم شي ما فيه حياة ولا عندو منطق ولا عندو عقل؟ وننسى انو نحنا الي عنا المنطق وفينا الحياة والعقل؟
اكيد يا جوجيتي الزمن ما دخلو العلة بالناس الي فيه
خلصت القهوة بدك شي
بايو ليناي
صحة وهنا والله معك .. المرة الجاية حاولي تجيبي نسكافيه مشان فرط الطاقة
صحي هلا فهمت لي مشاهدات كتير ومشاركة وحدة
بس مافهمت لي اخدة تقيم سلبي ولو
ههههههههههه
ههههههههههه اى جوجيتي لانو مو كل العالم بتقدر تستوعب هيك موضوع كبير بقا اجباري بيقيموه انو سلبي
لانو اصلا ما قدرو يستوعبوه متل ما قلتلك الانسان دايما بيلوم اي شي ولو كان جماد ومستحيل يلوم حالو ويلوم قلة استيعابو وادراكو
لك متحاملين عليكي وليه دبة شو عاملة نصي
هههههههههههه
الاشجار العالية ترمى بالطوب جوجيتي لهيك عادي هالشي بيفرحني ما بيدايقني

اي بالنسبة للحروف حلك تعرفي اني بطير حروف كتير
بالنسبة لكلمت موجع يعني مؤلم
بختلف معك ببعض المواقع بس بايدك باغلبها
فرط الطاقة من موضوعك بدو مجلدات مو كم سطر
يعني لسى ماحكيت نص يلي بدي احكي بس
بايو

ميرسي جوجيتي عالرد وانا ناطرتك لترجعي تناقشيني بالنقاط الي مو مأيدتيني فيها
باياتو

طبعا الي رجعة بس انت بتعرفي انو مابعرف صحصح الا الصبح
هلا طفيت
هههههههههههه

لككككككك شو هاد ليناي والله ما عاد استرجي اعطيكي كتاب

هههههههههههههههههههههه..
طولي بالك شوي الشغلة مو مستاهلة شريكة وما فينا نحل كل قضايا الانسانية هون..

اول شي بدي اشكرك عنجد لانو اثبتيلي انك قارئة ممتازة(وسريعة) وما توقعت منك هالسرعة البديهة باستخلاص العبر والمغازي من الحكاية بهالطريقة التراجيدية ..
انا كان الي هدف تاني من اعطائك الكتاب ..وخبرتك عنو ..بس انتي فعلاً محللة ممتازة نكشتي الخمير والفطير بالكتاب مع انو قديم والو 30 سنة مطبوع..

انا هون مو لجاوبك على اسئلتك لانو ماحدا بشري قادر يجاوب على هالاسئلة ..
متل لما بتطلبي من الكومبيوتر انو يفرمت حالو بعد ما يعمل ساين ان ..هاد مستحيل ..الكومبيوتر مستحيل يفرمت حالو قبل ما يعمل اعادة اقلاع ..وهيك الانسان ..مستحيل يعرف ذاتو قبل ما يموت ..
انتي آخدة الموضوع بشوية مأساوية..الانسان مانو سيء لهالدرجة..يعني ما رح اعمل محلل نفسي ..بس غريزة التملك عند الانسان بعتبرها اقوى الغرائز..ومن ضمنها بصنف غريزة الامومة يللي هيي تملك للطفل بالنهاية(رأي شخصي)..ومتل ما قلتي لما الانسان بيحصل على الشي بهملو لانو صار الو وماعاد عندو هاجس التملك..وحتى الحب هو هاجس تملك للغير ..لك الفقير المعدم بهالجيل عم يطلع بسيارة ..ومن 100 سنة كان اغنى الاغنياء يحلم بدولاب السيارة..
بس هيك الحياة ..يللي مامعو سيارة بيطلع عللي معو ويللي معو سيارة بيحسد يللي معو تنين ويللي معو2 بيحسد يللي معو 3 وهيك...(وين سامع هالمحاضرة)
انتي عم تحطي كل علل الانسان بحيوانو الداخلي ..وهاد رأي فرويدي ههههههههه(انتبهي من شي تهمة عاطلة)

بس معك كل الحق انو الانسان عم يدور عالسعادة وعم يركض وراها متل شي سراب ..عم ينظر للسعادة ويقول وينا؟والسعادة عبارة عن النضارات يللي لابسها وعم يشوف فيها العالم..بس غريزة التملك عند الانسان ..تملك المال والسلطة والشهوة ..هي رح تكون سبب دمارو..
لاحدا يقلي حب ومب وما بعرف شو لانو الانسان اثبت ببعض التجارب انو اكثر شيطنة من الشيطان بذاتو..وفيكون تذكرو قصص الحب المأساوية يللي انتهت بزواج المحبوبة من اول عريس وانتحار العاشق ..يا ترى هالعاشق شو موقفو بعد ما دمر حياتو كرمال انسان خانو بهالطريقة المقرفة؟

ما بعرف ليناي ..بكفي لهون بس رح اختم بعبرة مميزة كتير ..

"
لا تنظر الى ما يرتسم على الوجوه ولا تصغ الى ما تقوله الالسن ولا تلتفت الى الدموع ..فكل هذا هو جلد الانسان والانسان يغير جلده كل يوم كما الافعى ..ابحث عما تحت الجلد ..ليس القلب وليس العقل فالقلب يتقلب كما اسمه والعقل يتبدل ..حسب الحقائق العلمية واسأل العلماء..
انظر الى فعله في لحظة اختيار حر حتى تعرف حقيقته..

"

تقبلي مروري ليناي ولسا منحكي كتير ومنتناقش

...

لككككككك شو هاد ليناي والله ما عاد استرجي اعطيكي كتاب

هههههههههههههههههههههه..
هههههههههههه بالعكس لو عندك من هالنموذج من الكتب عطيني كتير بحب اقراهن
بحب الكتب الفلسفية والي بتحكي عن النظرة الانسانية للحياة وهيك
طولي بالك شوي الشغلة مو مستاهلة شريكة وما فينا نحل كل قضايا الانسانية هون..
اكيد ما رح نحلها انا بس عم فش قلبي وحابة اعرف لو حدا ما بيشوف هالشغلات الي انا عم شوفها
يعني انو حابة اعرف اسا في شخص بيامن بهالصفات الي بتخجل انو نكون بنحتويها كبشر؟.
اول شي بدي اشكرك عنجد لانو اثبتيلي انك قارئة ممتازة(وسريعة) وما توقعت منك هالسرعة البديهة باستخلاص العبر والمغازي من الحكاية بهالطريقة التراجيدية ..
شكرا الك وشهادتك فخر وبعتز فيها
انا كان الي هدف تاني من اعطائك الكتاب ..وخبرتك عنو ..بس انتي فعلاً محللة ممتازة نكشتي الخمير والفطير بالكتاب مع انو قديم والو 30 سنة مطبوع..
شكرا لرايك الحلو عني وشكرا لثقتك فيني بهداك السبب
انا هون مو لجاوبك على اسئلتك لانو ماحدا بشري قادر يجاوب على هالاسئلة ..
صح وهاد قصدي انو نحنا مستحيل نقدر نفهمها ولا نحكي فيها بس بتستفزني ولهيك حبيت احكي انها شغلات واضحة
يعني حابة الكل يفهم انو ما في حدا منيح وحدا مو منيح ولا حدا غبي وحدا مو غبي كلنا نفس الشي
وبدي الناس يعرفو منيح بقدرتن ويامنو فيها ليوصلو لمراحل كتير حلوة
متل لما بتطلبي من الكومبيوتر انو يفرمت حالو بعد ما يعمل ساين ان ..هاد مستحيل ..الكومبيوتر مستحيل يفرمت حالو قبل ما يعمل اعادة اقلاع ..وهيك الانسان ..مستحيل يعرف ذاتو قبل ما يموت ..
صح
انتي آخدة الموضوع بشوية مأساوية..الانسان مانو سيء لهالدرجة..يعني ما رح اعمل محلل نفسي ..بس غريزة التملك عند الانسان بعتبرها اقوى الغرائز..ومن ضمنها بصنف غريزة الامومة يللي هيي تملك للطفل بالنهاية(رأي شخصي)..ومتل ما قلتي لما الانسان بيحصل على الشي بهملو لانو صار الو وماعاد عندو هاجس التملك..وحتى الحب هو هاجس تملك للغير ..لك الفقير المعدم بهالجيل عم يطلع بسيارة ..ومن 100 سنة كان اغنى الاغنياء يحلم بدولاب السيارة..
بس هيك الحياة ..يللي مامعو سيارة بيطلع عللي معو ويللي معو سيارة بيحسد يللي معو تنين ويللي معو2 بيحسد يللي معو 3 وهيك...(وين سامع هالمحاضرة)
ههههههههه وانا وين سامعتها؟
انتي عم تحطي كل علل الانسان بحيوانو الداخلي ..وهاد رأي فرويدي ههههههههه(انتبهي من شي تهمة عاطلة)
هههههههههههه طيب ما هاد الواقع ... لانو الله ما خلقنا لنعيش وناكل ونتزوج ونموت
ولو هيك بدو معناها نحنا مجرد فيلم يتفرج عليه ... حاشا لله
بس انو لولا هالحيوان الي هوي الغريزة ما كنا وصلنا لهون ..
ضمن غريزتنا الفجر والمتعة وبتنرج تحتها مليونين علة متل المخدرات وحب المال
بقا بتوقع مبلا كل مشاكلنا سببها هالحيوان الي ما عم نقدر نسيطر عليه خصوصي لو وصلنا لمرحلة الحصول عشي
متل ما بيقولو اعزب دهر ولا ارمل شهر ... والي بايدو ليرة بدو ياها ليرتين
وكلون بسبب طمعنا وجشعنا مشان نوصل لرغباتنا الداخلية
بس معك كل الحق انو الانسان عم يدور عالسعادة وعم يركض وراها متل شي سراب ..عم ينظر للسعادة ويقول وينا؟والسعادة عبارة عن النضارات يللي لابسها وعم يشوف فيها العالم..بس غريزة التملك عند الانسان ..تملك المال والسلطة والشهوة ..هي رح تكون سبب دمارو..
لاحدا يقلي حب ومب وما بعرف شو لانو الانسان اثبت ببعض التجارب انو اكثر شيطنة من الشيطان بذاتو..وفيكون تذكرو قصص الحب المأساوية يللي انتهت بزواج المحبوبة من اول عريس وانتحار العاشق ..يا ترى هالعاشق شو موقفو بعد ما دمر حياتو كرمال انسان خانو بهالطريقة المقرفة؟
موقفو انو بيحس كل العالم مو منيحة وانو هالبنت سيئة ونسيان اهم عنصر
الي هوي غباءو ولولا هالغباء ما كان صار هيك بس طبيعة الانسان يلوم غيرو وينسى اخطاؤو

ما بعرف ليناي ..بكفي لهون بس رح اختم بعبرة مميزة كتير ..

"
لا تنظر الى ما يرتسم على الوجوه ولا تصغ الى ما تقوله الالسن ولا تلتفت الى الدموع ..فكل هذا هو جلد الانسان والانسان يغير جلده كل يوم كما الافعى ..ابحث عما تحت الجلد ..ليس القلب وليس العقل فالقلب يتقلب كما اسمه والعقل يتبدل ..حسب الحقائق العلمية واسأل العلماء..
انظر الى فعله في لحظة اختيار حر حتى تعرف حقيقته..
"
............ لا تعليق هي من العبارات الي عجبتني بالكتاب عفكرة

تقبلي مروري ليناي ولسا منحكي كتير ومنتناقش
انشالله .. ومشكور لمرورك المميز كالعادة ثعلوب

...

هاي ليناي انا رجعت

اي انا بدي اختلف معك انو القدرات العقلية للبشر متساوية
انا ماقصدي معاق عقليا او هيك شي انا قصدي يبالنسة للبشر بشكل عام اكيد في اختلاف بالمستوى العقلي او الثقافي
اكيد هالشي بيخدم ناس وبيسطع نجما يمكن بينما بقود ناس تانية للضياع بين باقي عالبشر

اما بالنسبة لتحاملك لكبير على البشر بشكل عام انا ما بايدك فيه انتي شملتي الكل انو استغلالي
شملتي الكل انو بيسعا ورى غرائزو الحيوانية ونسي الروح وداخل الانسان
اكيد هالشي مو عند الكل يعني ازا منقدر نوصف البعض بهيك شي انا بقول انو 30% بس يلي بتصفو بهالصفات
لانو صدقيني الناس الكويسة اكتر بكتير من الناس المستهترة الناس الانانية

كليش وقت بنلاقي شخص طيب بنحاول نستغلو؟ ولو بعقلنا الباطني ولا حدا يقول ما بنستغلو انا متاكدة انو وقت بيكون في حدا طيب بيكون اخر اهتمامتكن وواثقين ايمت ما رجعتولو رح يسامحكن ولهيك ما كتير بنتبهو لمشاعرو؟

انا مريت بهالحالة هي وانتي ادرى فيا مني لاني انا كنت طيبة كتير مع ناس كتير وكنت كتير اتسامح مع اشخاص ومع شخص وانتي عرفتي مين وماكانو اصلا يهتمو للمشاعر ماكان بدن غير حالن
يعني فيه كتير عالم مابدا غير حالا وبيستغلو البنت الطيبة ويلي ع نياتها سواء انا او شب طيب
يمكن بيرجعولو لانه بحاولو يحبو او يروحو لعالم غيرن وبس يدايقو منهم ويطلعو معن مو مناح او صعبين معن بيرجعو لعند الانسان الطيب يلي بسامحن وبينسا اخطائن وبحبوهن

ليش الكل بشوف انه الطيبة بالانسان هيي عبارة عن غباء مو اكتر من اي شي تاني
ليش ماعم يشوفو فيه انه هوي الانسان يلي يمكن يكون جدارن بالحياة وحامين وبحبن وبخاف علين ويلي مافي حدا غيرو رح يقدملو الحب والحنان والرعاية

ليش وقت بنلاقي شخص احسن منا بنحاول نكسرو ما بنحاول نكون احسن منو او نتعلم منو؟ وكمان لا تجاوبو اجابات فلسفية انو مانكن هيك لانو دايما وقت بنشوف حدا منيح بندور على اخطائو مو على محاسنو وبنحاول نورجيها للعالم كلو؟

مين منا مابشوف انسان احسن منو ولابحاول يكسرلو هيبتو او شوكتو قدام العالم
والله يابنت عمي الحقد موجود عند الكل مني وجر
بس تعي تقلك فيه كتير عالم احسن منا بكتير بس فيه فرق بسيط بينا يمكن يكون الانسان مو منيح واحسن مني بكلشي وانا كون منيحة وماقدمت شي بالحياة لسى

بس انا من النوع الشخص يلي بكرهو حتى لو كان احسن مني بحاول اني اكسرو قدام مين ماكان
بس الانسان يلي احسن مني وبحبو وبحترمو وساعدني وساعدتو بحطو عراسي وبعطر سمعتو بين كل الناس

ليش وقت حدا بيمدحنا بنحبو وبنحب وجودو معنا مع العلم انو ممكن يكون كتير تافه ومانو منيح وعم يستغل غبائنا وحبنا للمدح والثناء ؟

رح قلك شي انا من النوع يلي بكره اي شب او اي بنت يمدح فيي
انا بكره المدح قدامي كتير ومابطيقو
واي شب بيمدحني قدام الكل قدامي مابصدقو مع احترامي لشخص بس لو كان عم يمدحني بغيابي احتمال يكون امتداحو الي صادق وبحطو عراسي
بس لاتنسي يمكن الشخص يلي مايكون منيح ويمدحني احتمال يكون معي منيح ومع غيري مانو منيح والسبب يمكن يكون الاحترام المتبادل والافكار المتشابهة

ليش ما فينا نكون صريحين مع الناس الي مراتبن عالية او الي بنحبن؟ ليش بنخاف نخسرن وما بنخاف انو يضلو بجهلن او باخطائن؟

انا من النوع يلي صريحة كتير وبحب قول لاي شخص الشي الصريح سواء كان جارح او منيح
وماني مطرة اكذب لحدا او خبي شي عني انا بنت والكل بيعرف اني صريحة ومابحب خبي شي عن حدا من الاسم حتى الصورة
انا ماعندي شي خاف اخسرو يعني كنت خاف اخسر الشب يلي بحبو واعمل جهدي اني حافظ عليه بكافة الوسائل بس بعد ما خسرت هالشخص ماعد تفرق معي اذا خسرت بنت او شب والصراحة بحب قولا

والدليل عم مر بحالة يمكن مو اكيد تكون عاطفية وقلت فيا انا بحب الصراحة حبك تصدق صدق ماحبك تصدق تلاتصدق هههههههههه
انه يعني ماتصدقو اني بحب يعني ...... بس انا مابحب بس محبوبة هلق وقلت بكل صراحة فيك تنطر تحبك انطر مافيك تنطر فيه كتير بنات عبس هههههههه ناطر ع باب الهوى والهوى بعدو ناشف ههههههههه

ليش وقت بنلاقي شخص عم يبكي بنحس اتجاهو بالشفقة وما بنحس انو هالشي بيستاهل دمعو لانو كل شي بيصير للانسان بيصير من ايدو وما حدا يقول قدر او غيرو نحنا قدرنا بايدنا
وكمان لا تحسوني عم اكفر لو ما قدرنا بايدنا ما كان الله حطلنا عقل وكان ما في اي سبب مقنع لخلقو لالنا بما انو هوي الي عم يسيرنا وهيك بنكون مجرد لعبة وحاشا لله اكيد
بتوقع ما حدا رح يقدر يجاوب على هي الاسالة لانو ببساطة ما الها جواب ....

ياستي مافي سؤال وماله جواب حتى لو كان اصعب سؤال بالعالم الواحد وقت يفكر رح يلاقيلو جواب المهم

فيه كتير عالم بيبكو والسبب انه من ايدن والسبب مو بايدن مثلا تعطيكي مثاللين
االانسان وقت يكبي مثلا عاطفيا سواء خيانة او اي شي تاني صار معه هاد مافينا نقول من ايدنا وبعض احيان فينا نقول من ايدنا ليش
لانه الانسان عم يختار الانسان الغلط او الانسان الغير مناسب اله وهاد الشي بدو يعذبو لانه تعلق فيه وعم يعذبو .. وهالشي رح يخليه يبكي ويتعذب لانه ختار غلط بالزمن الغلط والقدر مافيه يوقف معه لانه مانو نصيبو
اما الانسان يلي بدو يغلط بعملو او شغلو او حياتو الاجتماعية مافينا نقول قدر لانه القدر مافيه يعمل شي بهالحالة هي بترجع الانسان لانه الشغل بدو عقل والحياة يلي بدنا نعيشا بدا عقل وبدا حظ بجانبب العقل

والقضاء والقدر بعض احيان بكون معنا وبعض احيان بكون ضدنا ومافينا نعتب عليه لانه الله كاتب وراسم طريق حياتنا ويلي مكتوب رح يصير ليش الواحد تيحط الملامة لشي تاني او لغيرو..؟

ببساطة نحنا ناس ماشيين عالهلة ولو بنشغل عقلنا بهالشغلات البسيطة بدال ما نشغلو بانو نحصل عالمال وعالشخص المناسب وعالصحة ونسيانين اهم شي عنا الي هوي جوهريات الانسان والي الله خلقو منها وفيها
الاخلاق يا جماعة والعقل والمحاولة للوصل لشبه الكمال حيوصلونا لكل شي بنتمناه بالدنيا والكل بتوقع بيعرف انو الانسان قادر على كل شي لو بدو

مافي انسان كامل ومافي شي جاهز بالحياة كلنا ناقصين وكل انسان فينا ناقصو شي جواتو او بمظهرو او بحياتو والكمال لرب العالمين وبس
يعني مافينا نقول يالله هي كاملة مكملة من برا ومن جوا ماحدا بيعرف شو فيا هموم ومشاكل وجرح وغيرو غيراته
لانه الله سبحانو ووتعالى مابحط انسان كامل لانه كل انسان بدو يدور ع كماليتو بحالو ومافي انسان بصير كامل حتى لو كان اجمل الخلق واغنى البشر

بس الحمدلله ما حدا بيفكر يترك الغرائز الحيوانية الي فيه وينسى الحيوان الي جواتو ويحاول يعيش كانسان

الغرائر هي مشكلة كبيرة بالمجتمع ويلي عايشين عليا وخاصتا الشباب واقلية شوي من البنات
يعني صايرة الغرائز والجنس اهم من انه الواحد يجيب ولد ويعتني فيه او يربي اسرة حلوة ومبنية ع الحلال والسعادة

بس سبحان الله المجتمع يلي عنا عايش ع الجنس يعني بيجي الشب عايش عذوبيته بيجي من الشغل بياكل وبنام وبعدين اذا صرلو وقت او اذا عندو فراغ بيقضيا غرائز وجنس وغيرتاو
يعني مافي عقل يفكر منيح بانه الجنس هوي عبارة عن واجب واحد ورئيسي وهوي انه لتكاثر البشري ولعدم انقراض هاد النوع من البشر

بس الناس كتير قليلة تتاخد انه الجنس والغريزة هيي لتكاثر وواجب انساني لزوجته او لزوجها

يعني تعو شوفو الحيوانات وفكرو فين منيح الحيوان ماعندو عقل
والانسان عندو عقل
الحيوان عم يفكر الغرائز والجنس مرة بالسنة او مرة شهريا والسبب التكاثر
اما الانسان عم يفكر بالجنس باليوم عشرين مرة باليوم والسبب التسلاية

لك عنجد ليش بندور عالسعادة وهيي الشي الي مستحيل نوصللو ونحنا هيك؟؟ ليش بندور على شخص بيكملنا ونحنا بنعرف انو الكمال هوي بداخلنا وما بعازة لحدا

يا ليناي السعادة موجودة وفينا نعمل السعادة بحالنا بس السعادة مو بس انه نحنا ناخد يلي منحبو وانه نحنا يكون معنا مصاري ونجخ لحالنا وبتكون هي السعادة
نسيانة انه السعادة النفسية والاخلاقية بتكمل بانه الانسان يصلي ويصوم ويذكر ربه..؟
يعني السعادة مو بس بالحياة الدنيا لانسي انه السعادة النهائية هيي سعادة الاخرة
يعني انتي او انا او اي شخص مجردين ضيوف بهالدنيا رح نعيش كم سنة يعني اذا شقت حالا رح نعيش ع 60 سنة يعني برايك هي السعادة
السعادة مابتكمل الا بكل الاتجاهات دين وحب ومال ااهل وولاد وكلشي

بغض النظر عن الفطرة البشرية للزواج والارتباط وتكوين الاسرة انا قصدي بشكل عام ليش بدنا الشريك يكون معنا ويسعدنا وما بنفكر نحنا نكون معو ونسعدو
ليش ما بنلاقي سعادتنا الداخلية قبل ما ندور على سعادتنا الخارجية

انتي يمكن البنت الوحيدة يلي بتعرفني وقت حب شخص ويمكن الكل بيعرفو هاد يمكن اقل دليل يمكن قدمو ع حالي
انه انا كنت جاهزة انه قدملو السعادة واسعدو بحياتو حتى لو كان بكوخ او ع حصير
بس انتي بتعرفي انه كمان السعادة مو بالذات لازم الانسان يسعد غيرو منشان ي حس بهال سعادة
وخاصتا ااذا كان حبيبك او زوجك او خطيبك يني كيف الواحد بدو يسعد حالو معه اذا ماكان هالانسان مبسوط معك

والله يابنت عمي مافي حدا راضي عن حالو كلو بيشكي وبينعي انه ماحدا مبسوط وماعندو سعادة داخلية مني وجررررررر ههههههههههه

حابة اعرف عنجد ليش نحنا بننوصف بالانسانية ونحنا اسوأ شي وابعد شي عن هي الصفة
ليش ما بنحاول نطور حالنا قبل ما نفكر بانو نطور غيرنا
ليش بنفكر بانو في شخص غبي وشخص زكي وما بننتبه انو كلنا بشر ليش بنستسلم لهيك شغلات

الله خلق الانسان درجات ومستويات وخلق الكافر والمؤمن وخلق المنيح وخلق القبيح
مافينا نقول عن كل العالم مناح ومافينا نقول عن كل العالم اغنياء وعن الكل وسخين

الله خلق الانسان وامة البشرية بشكل كامل ع درجات من اعلى درجة وهيي المؤمن والمنيح ل اقل درجة وهيي الكافر ويلي مابيسوى ويلي بخبص بحياتو ومابيذكر ربه ولا يلي بصوم وبصلي
يعني مافينا يابنت العم نقول ونفكر انه كل الناس متل بعض
يعني الناس كلا متل بعض من ناح انه كلنا عنا عقل وقلوب وجسد وروح بس مافينا قنول انه نحنا متل بعض من ناح الشهادة والدين والمستوى الثقافي والدين والمادي وانتي رايحة

ليش بنعتبر الاستسلام هوي السلام مع انو هالصفتين ابعد ما يكون عن انو ينخلط بيناتن
ولا حدا يقلي الله خلق العاقل والمجنون والله هيك عمل ونستسلم لافكار الله ما خلقلنا ياها من الاساس بس نحنا بنحطها كمكان نعلق عليه اخطائنا انو الله هيك خلقنا والله هيك عملنا والله والله والله ....

يمكن الاستسلام هيي عبارة عن شي طلعت عن حاجة الانسان او انه مل وتعب من انه يعطي الشي والسلام هيي الحالة الوحيدة لرياحة النفس وللتوبة سواء عالميا او بشريا او دينيا

طيب لو هيك الله عنجد برايكن بيستحق العبادة؟؟ مو كفر يا جماعة بس الله غير هيك تمام الله اكبر واحسن واعدل من انو يكون هيك وما بدي فوت بهالدويخة بس بدي اوصل انو ليش هيك نحنا

ربك عطانا الديانة السماوية منشان نفكر منيح
ويلي بفكر بالله بكل الاتجاهات والافكار هي مو خطاء ومراقبة الله عز وجل مو غلط
ولاتنسي انه يلي بفكر بالخالق والمخلوق ويلي خلقو هاد مو كفر هي نوع من العبادة يلي بتخليكي تفكري انه نحنا كيف اجينا وكيف عطينا وليش ومن هالشغلات هي
بس نحنا من واجبنا العبادة والعبادة ل الله وحدة لاسواه

عم ينلك يا جماعة في لكل شي منطق بس ندور عليه نحنا بنلاقيه
وليش مفهومنا عن السعادة مختلف تمام عن الجوهر الاساسي للسعادة
ولك كيف فيو واحد يكون بهالاستسلام بينو وبين حالو بين الشر والخير الي فيه وبس يلاقي الشر والخير برا نفسو بيستغرب انو يا الله هدول ليش هيك وبيعتبرون مو مناح
وبينسى انو اصلا هوي اضرب منن لو بيطلق هالوحش الي فيه بس ما بيطلقو لانو بيكون عندو شوية مصالح ووقت بيكون في طرف ما االو مصلحة معو رح يخلي الشر يستحوذ عليه
عنجد عجبا لحال الناس عجباااااااااااااااااااااااااااااااااااااااااااااااااا
سبق وقريت موضوع تبع انو نحنا جيل فاشل حابة قول عنجد نحنا فاشلين لانو الشي الوحيد الي عم نطورو هوي حياتنا وخارجنا وكل شي ما الو معنى قدام جوهرنا الي كان وقت خلقنا قمر ورنا وهلق صار عتمة عم تكبر اكتر واكتر
ما بعرف بجد موضوع محيرني بفكر فيه بكل الاوقات انو ايمت نحنا عنجد رح نستحق صفة الانسانية ونستحق السعادة ونستحق الحياة
مبارح كنت عم اقرا كتاب كتير مميز عطاني ياه ثعلوب وبدي اشكرو عنجد لانو هالكتاب رائع بكل معنى الكلمة
بتمنى بس يفوت ثعلوب يعطيكن ياه وتقروه شوي لانو عنجد بيخليكن تشوفو الحياة من منظور تاني تمام
مووضوع للمناقشة مو للشكر الي حابب يشكرني على هالموضوع من الاساس ما يرد
حابة الكل عنجد يفوت ويقلي نظرتو لحكيي ويعطيني رؤيتو عن هالافكار الي طرحتا

عيني انتي بنت عمي وجعتيلي راسي وعيوني وفتحتيلي قريحتي للكتابة ههههههههههههه
بس رح قلك انه كل ما اجانا جيل جديد عم صيير الجيل فاشل اكتر والسبب واضح
التطور يلي عم يصير عم يخرب الانسان وماعد تعب ع حالو يعني تخيلي صار فيه خدامة الية
كلشي صار الي بتجيبي غراضك عن طريق الانترنيت بكل رياحة ومن دون تعب

شورايك بكرا نجيب ولاد بلا مانتجوز برايك رح نوصل لهالشي ........؟
ماتستغربي يمكن بكرا صير تكاثر اصطناعي مو طبيعي ومافي شي مستبعد
وصير الجنس والغرائز كلا عبارة عن تسلاية وشي ماضي وراح وراحت ايامو

مشكورة اسئلتك كتير حلوة ياروحو
الي عندو القدرة يناقش يتفضل والي ما عندو لا يفوت لهون 17997

الي عندو القدرة يناقش يتفضل والي ما عندو لا يفوت لهون 17997

هاي ليناي انا رجعت

اي انا بدي اختلف معك انو القدرات العقلية للبشر متساوية
انا ماقصدي معاق عقليا او هيك شي انا قصدي يبالنسة للبشر بشكل عام اكيد في اختلاف بالمستوى العقلي او الثقافي
اكيد هالشي بيخدم ناس وبيسطع نجما يمكن بينما بقود ناس تانية للضياع بين باقي عالبشر

ويلكم باك جوجيتي
جورجينا رح جاوبك بطريقة بتشبهك وقلك شغلة بما انك بتتابعي افلام كتير
اكيد لاحظتي بامريكا وقت الاب بيطلب من ابنو يعمل شي والابن بيقلو ما فيني بيقلو الاب مبلا فيك
وبيخليه يضلو عم يقول مبلا فيني لحتى هوي عنجد يامن انو فيه وبيصير بالواقع فيه يعمل اي شي
لانو امن بقدراتو ورح تطلع اكيد
وهيك الناس الي بيامن انو الله حطلو عقل ولو كان ضئيل برايو بيقدر يوسعو
وياما عالم هيي بقمة الزكا وخلت عقلها يصدا ... بقا برجع وبقلك كل شي من ايدنا

اما بالنسبة لتحاملك لكبير على البشر بشكل عام انا ما بايدك فيه انتي شملتي الكل انو استغلالي
شملتي الكل انو بيسعا ورى غرائزو الحيوانية ونسي الروح وداخل الانسان
اكيد هالشي مو عند الكل يعني ازا منقدر نوصف البعض بهيك شي انا بقول انو 30% بس يلي بتصفو بهالصفات
لانو صدقيني الناس الكويسة اكتر بكتير من الناس المستهترة الناس الانانية

طيب صديقتي رح سايرك بنسبتك وقلك ماشي معك حق بس تاكدي منها وروحي على اي مكان عام او خاص
دائرة حكومية .. حرم جامعة .. عائلة و عملي استفتاء زغير وسجلي النسبة
ووقتها بتلاقي اديش نسبتك غلط
بس فوتي سالين مبسوطين؟؟ مرتاحين ؟؟ ما بتعملو شغلات مو منيحة مشان المال؟؟ عندكن الايثار؟ مانكن انهزاميين واستسلامين؟ بتامنو بقدرة الانسان؟؟
لما بيصير معكن موقف بتلومو حالكن ولا بتلومو الدنيا ؟؟ مين اهم الانسان ولا المال ؟؟
واذا كانو صادقين رح تلاقي نسبة واحد الى اللانهاية من الانسانية واللانسانية صدقيني
السيئة تعم والحسنة تخص .... قانون العالم
ومشكورة لمرورك يا عسل

سلسوووووووول لك تسلملي روحك شو هالاجابات ولوووو عيني ربك
معك حق بكتير شغلات قلتيها وعجبتني كم شغلة رح احكيهن بس ارجع
لاني مضطرة اطلع بس ما قدرت شوف ردك اللزيز وما اشكرك
شكرا لمرورك بنت عمي

» شو بس ثعلوب عندو الجراة؟؟ يلا تفضلو لهون لشوف
» سؤال جرئ عندك القدرة تجاوب
» والله العظيم ألي بدو يفوت لهون مارح يندم (بس عجب بدك تبكي ولا بدك تضحك)
» يا الله مو معقول شو قوي هالجواب....بتمنى من الكل انو يفوت لهون ويقرا للآخر...!!!
» يلي بخاف ما يفوت ويلي معو مرض قلب كمان لا يفوت