الفراغ العاطفي بين الواقع والخيال

قبل نناقش هذا الموضوع بعطيكم تعريف مبسط له الا وهو:
الفراغ العاطفي هو تلك الفجوة التي يشعر بها الفرد عندما لا يجد من يفيض عليه حنان ومشاعر تحسسه بأهميته وقمته الذاتيه وفي المقابل أيضا عندما يتلفت لمن حوله ولا يجد من يفضي له بما داخله من حب وعواطف طيبه ، سواء من حنان الأمومة ، الأبوة ، الأخوة ، أوالصداقة وغيرها..

اننا لا نبالغ عندما نقول اغلب فتياتنا وفتياننا يعانون من مشكلة الفراغ العاطفي وتعود اهم اسباب ذلك الى البيئة التي يقطنونها ، قالواللدين دوراً اساسيا في هذه المسالة ، فإذا ما تربو على العطف والحنان وانثيال الكثير من تلك العواطف الجياشة عليهن ، لن يفتقرن الى الحب وعليه نضمن سلامة عواطفهن .

اتمنى كل عضو يقول حقيقة مشاعره تجاه هالموضوع بكل صدق وصراحه
وانا اول واحد بقول احساسي فيه

الاسره منبع الحنان الاول لي لكن بحكم ظروف العمل ما القى وقت لاني اعبر عن حبي لاحد او اتخاطب مع احد حتى من جد احس كثير نعاني من هالمشكله بسبب ضغوط الدراسه فغالبا ما اكتم كل شيء بخاطري من هموم او مواقف مؤلمه امر فيها ,,,,
اكتفي بهذا القدر واتمنى اشوف مشاركاتكم

مشكور صمت الليل

الفراغ العاطفي ممكن يكون بفقد حدا كان كلشي بحياته وما في اي حدا ياخد مكانه ولا باي شكل من الاشكال

الفراغ العاطفي يمكن يكون بانشغال افراد الاسرة عن بعضن فترة طويلة بسبب ظروف العمل واوقاته الطويلة

الفراغ العاطفي ممكن يكون بسبب فقدان الثقة وكتم المشاعر

تقبل مروري

منورة قمرمشكورة عا مرورك يا غالية

نحنا شعب مابحب يعبر عن مشاعرو
منفضل نخبيها جد حتى بين الاهل
الاب مابيعبر لابنائو عن حبو وكانو شي عيب
والاولاد رح يتعلمو هالشي ورح يتراكم مع الزمن
جد نحنا شعب يعاني من فراغ عاطفي كبير

موضوع مهم صمت يعطيك العافية

جورجينا هيدا فعلا هو الواقع اننا لا نستطيع ان نعبر عن مشاعرنا ولا اعرف لما الخوف ومما نورتي

فإذا ما تربو على العطف والحنان وانثيال الكثير من تلك العواطف الجياشة عليهن ، لن يفتقرن الى الحب وعليه نضمن سلامة عواطفهن .

فاقد الشئ لا يعطيه

موضوعك حلو صمت

بس حاليا مو جاي على بالي احكي عن الفراغات العاطفية لانها كتير وما بعرف منين بدي بلش

تقبل مروري

منورة عليا وصح هالكلام فاقد الشيء لا يعطيه

كل انسان بحب وبيفشل بحياته العاطفية رح يحس بفراغ عاطفي وضيق بصدرو

يعني ماشرط الاهل لحالن بيعطو هالشي انا بصراحة حنان اهلي مابكفيني تسد الغراغ العاطفي يلي عندي

اغلب البنات بدن حب حقيقي يحسسن انن عم يمرو بعلاقة حب تملا ها لغراغ يلي عندنن
حتى وقت يمر بهالغراغ العاطفي هاد بحاولو يحبو اي انسان شو ماكان وكيف ماكان المهم يحسسن ب الامان والحب والعناية

يعني ا نا بشوف انه ال فراغ مو عيب او عيب ع امجتمع

هي ناتج عن فشل علاقة حب او علاقات حب بتولد فراغ كبير بحاجة لشخص يكون جنبك ويحبك ويملي الشي

يعني انا عم مر بفراغ عاطفي ولا لقيت الانسان الصح تملي هالفراغ ورغم هالشي بضبط حالي منشان مااختار شخص غلط ع حساب اني حس بشي وانبسط

مشكور

منورة سالي ورايك عراسي وهي فعلااحدى اسباب الفراغ العاطفي

مابعرف شو ضيف أكتر من الي عبروا عنه الصبايا
بس يمكن
الانسان دائما بحاجه لعاطفه من كل شخص
ومافي شخص حنانه بعوض عن حنان شخص تاني
يعني حنان الأم غير حنان الحبيب
حنان الصديقه
غير حنان الصديق
يمكن حتى لما بتقدم فينا العمر ان كان بالخمسين أو بالستين
منكون بحاجه للعاطفه من كل الأشخاص
الي موجودين بحياتنا
العاطفه والحب هي روح حياتنا
ويمكن ما م نشعر بحلاوتها بدون عاطفه وحب وحنان
واذا انفقد بحياة انسان
بتصوري بكون انسان فاشل بحياته
معقد
محطم معنويا
يائس
دايما منسعى نملي فراغنا العاطفي
لنغذي أرواحنا
منبادر بالمشاعر الطيبه ليستمتع غيرنا فيها ويتجاوب معنا بمشاعره
كتير حلو موضوعك صمت الليل وواقعي
يسلمون

مشكورة رهف وصحيح هالكلام فعلا في اناس بحاجة دايما للعاطفة ولو تقدم فيهم العمر شرفتي

انا فراغاتي كتيرة

واهمها اني عايشة مع عائلتي بس مابحس فيهون
دائما بعاد عني ماحدا بيفهم انا ششو بدي
كلوا بيلومني على حبي
وكلوا بيخانقني على تصرفاتي
يعني مالي مرتاحة نهائيا

تانيا الفراغ العاطفي
وهاد عم عاني منوا كتير هالأيام
اوقات كتير بكون بحاجة لحبيب يفهمني ويحس فيي
ويحضني لما كون بحاجتوا
بس كل مرة ماعم لاقيه
البعد قتلني

رح اكتفي بهاد الكلام حاليا
مشكور صمت

اولا عاشقة مشكورة تانيا بالنسبة لاهلك فكرتي انك تحكي مع الماما مثلا هلق ممكن ما تفهم عليك بس جربتي حاولي وبتشوفي الفرق واما لحبيبك الله يرجعوا بالسلامة

صمت الليل

جربت احكي مع امي ومع اخواتي
بس ماستفدت بشي
تفكيرون غير تفكيري
طبعون غير طبعي
مابيفهموا عليي ولا بشي
عايشة مع ست اخوات
وامي وابي
بس رغم هيك عايشة وحيدة بالبيت

عاشقة خير ان شاء الله بس الامر بدها مجاولة اكتر من مرة لانو الامر بحاجة لصبر منورة عاشقة

» ضبط مشاعرنا بين الواقع والخيال
» لماذا الاستغلال العاطفي
» هل هناك شيء إسمه وقت الفراغ ؟
» ماذا ستضع في الفراغ ؟؟؟؟
» هل الهروب من الواقع حل؟؟؟؟؟؟؟؟