الجرأة والحـــــــــــــــــــــب

عدل سابقا من قبل *رهف* في 1/4/2010, 10:38 pm عدل 1 مرات

مساء الخير ...وصباح الخير ...صبايا ...شباب
كل انسان يحب أن يحب وينحب
لأن الحب غذاء الروح
ولولا الحب لما وجد هذا الكون حتى ربنا عز وجل له حبيب وهو (سيدنا محمد (صلى الله عليه وسلم)
اليوم بدي احكي شوي عن الجرأة في الحــــــــــــــــب
في كتير بنات وشباب
ماعندهون الجرأة أن يعبروا عن حبهون لمحبوبهون
وهالخجل يتسبب بتسرب هالفرصه من ايدهون
ثم يثورون بعدها ويصبون غضبهم على الأيام التي فرقتهم ويندبون أيامهم
ولا يصرخون بكلمة (أحبـــــــــك)
ويكتفون بمراقبته من بعيد والاطمئنان عليه
هذا مايجنيه الصمت ، وعدم الجرأة بمصارحة المحبوب
لماذا يصعب علينا أن نعترف بالحــــــــب
أخوفا من الحب ؟
أم خوفا من صد المحبوب وعدم الثقة بمشاعره تجاهنا
وهل تندم اذا كان جواب المحبوب الصد ؟ أم أنك تسعى ولا تيأس؟
هل نرسل أحدا يخبرهم عن مشاعرنا لنتجنب الاحراج؟
ماهي ردة الفعل عند الشاب والفتاة
عندما يأتي أحد ويصارحك بمحبته ؟
ليس بالضرورة أن يقع الحــــــب أولا بقلب الرجل
هل من المعيب أن تبادر الفتاة بالحــــــب كل فتاة حسب أسلوبها
أم تكتم مشاعرها وتتجرع مرارة هذا الكتمان
وهل هذا الكتمان يتعلق بالعادات والتقاليد
وعندما تكتم مشاعرها سترتبط برجل لاتكن له أية مشاعر وتكون أسيرة حب وسيؤثر على حياتها كلها
يقولون :ركوب الجمل والحمل والحـــــــب
من الأمور التي لايمكن أن نخفيها
ويقولون :ماأصعب حياة المرأه أن تجد نفسها بين رجل تحبه وبين رجل يحبها
هل لديك الجرأة بالاعتراف والبوح بمشاعرك وعواطفك وأحاسيسك؟
شاب أو فتاة
ماهي طريقتك في التعبير عن الحــــــب
وهل الجرأة هنا مذمومه أم محموده وبالأخص من طرف الفتاة
بتمنى نتناقش بهالموضوع وبصمتكون هي العلاج الشافي لكل القلوب

o81

:n6

رهوف موضوع حلو كتير كل عادة

انا بقول لسبب بهل شي هوة مجتمعنا
لانو ما بيتقبلو بنت تروح لعند شب وتقلو بحبك
حتى لشب ما بيتقبلا مو كلن 99% منن

بس انا اذا حبيبت شخص
فقبل ما حبو بدي كون متاكدة انو بحبني
وفي مية طريقة لحتى تخلي لبنت باسلوبا
تخلي لشب يبادر ويعترف بحبو
وكمان اذا ما حس ع حالو وما فادة معو ولا طريقة
مو غلط تقلو لانو بتحبو ولازم تتحمل لنتيجة
لحب تضحية مو مجرد حكي

هاد رئي

مشكورة رهوف

هلا فيكي ودادو ومشكوره عمشاركتك ورأيك
حلو رأيك كتير وجريئ

رهف هلق موضوع الاعتراف بالحب بدو شوي جراة من الاتنين هلق انا بدجها فورا هيك دجني دجتك العافية لانو الامر ما بدو خجل ابدا هلق ليش ما بيعترفوا فورا ممكن الخوف من الصد او كبرياء او الانتظار بان يقول احدهم هذه الكلمة وليش البنت ما بتبادر احسن لانو ما في احلى من البنت الا التمنع عن قولها وترى في عينيها الق الحب

هلا فيك صمت الليل وشكرا لمشاركتك
أكيد الاقدام حلو يكون من الرجل

اكيد الجراة حلوة بالحب
بس طبعا الخجل مطلوب دائما واكيد من الطرفين
حلوة الجراة لما بتكون بتخدم الصراحة بين التتنين
وكل واحد يعرف شو بدو من التاني

يسلمن رهف

صحيح جورجينا
المهم الفتا ة أو الشاب يتأكدوا من مشاعرهون
نورتي عزيزتي
هلا فيكي

ماعندهون الجرأة أن يعبروا عن حبهون لمحبوبهون
انا ماعندي الجرائة اني قول لشخص يلي بحبو اني بحبو يعني بحس ح الي اني رخيصة او مابعرف هيك هاشعور انه كتير صعب يمكن يصد هالشي او يقول انتي متل اختي يعني الواحد بينجرح وصعبة كتير

وهالخجل يتسبب بتسرب هالفرصه من ايدهون

معلش يروح من ايدي ولا اوقع بموقع حرج ويكون مابحبني

ثم يثورون بعدها ويصبون غضبهم على الأيام التي فرقتهم ويندبون أيامهم
ولا يصرخون بكلمة (أحبـــــــــك)
ويكتفون بمراقبته من بعيد والاطمئنان عليه
انا حاولت كذا مرة اني عرفه بطريقة غير مباشرة انه بعتني فيه او بضل امزح معه وهيك شي
بس ماباخد لاحق ولاباطل هههههه

هذا مايجنيه الصمت ، وعدم الجرأة بمصارحة المحبوب
لماذا يصعب علينا أن نعترف بالحــــــــب
أخوفا من الحب ؟

الخوف يلي بخلينا من انه نقول المشاعر والاحاسيس هوي الصد او رفض انه يكون حبيبك ويمكن مانه حاطك ببالو وهي صعبة عليي اني اتقبل هالوضع لانه ماعد الي عين انه احكي معه مرة تانية

أم خوفا من صد المحبوب وعدم الثقة بمشاعره تجاهنا
هاد كلامي
وهل تندم اذا كان جواب المحبوب الصد ؟ أم أنك تسعى ولا تيأس؟

اكيد بندم وبزعل كتير وبحس حالي كتير انه رخصت بحالي ونزلت كرامتي
وبحس انه نزلت من عينو كتير

هل نرسل أحدا يخبرهم عن مشاعرنا لنتجنب الاحراج؟

اكيد لا
ماهي ردة الفعل عند الشاب والفتاة
انا وقت حدا يقلي بحبك ويحكي عن مشاعرو عادي مابنصدم ولا بوافق
بس انه يعني بتندهش وبتلجم انه مافيك تعطي قرار بهالخصوص لانه ماكان ببالك بالمرة

عندما يأتي أحد ويصارحك بمحبته ؟
اي هي بضل تصير معي ومابعرف مابحس بشي اتجاه كل انسان بقلي بحبك
لانه صرت بحس بانه كلمة بحبك هيي كلمة عادية راحت ايامها

ليس بالضرورة أن يقع الحــــــب أولا بقلب الرجل
هل من المعيب أن تبادر الفتاة بالحــــــب كل فتاة حسب أسلوبها
أم تكتم مشاعرها وتتجرع مرارة هذا الكتمان
وهل هذا الكتمان يتعلق بالعادات والتقاليد
يعني فيه كتير بنات بقولو عنه بحبك وهيك شغلات بس حسب المنطقة او الترباية يلي هيي عايشة فيها
بس يمكن عادات وتقاليد عنا انه هيك اهلينا علمونا انه نعمل

هل لديك الجرأة بالاعتراف والبوح بمشاعرك وعواطفك وأحاسيسك؟
شاب أو فتاة
لا ماعندي الجرئة بهالشي ... لانه الها عواقب صعبة

ماهي طريقتك في التعبير عن الحــــــب
وهل الجرأة هنا مذمومه أم محموده وبالأخص من طرف الفتاة

انا بشوف انه مذمومة لانه الشب بينظر ع البنت نظرة ماحلوة ان اعترفت بحبها
ويمكن ينزل من عينا ويقول عنا انه هي من شب لشب واكيد عترفت بحبا لاكتر من شب

مشكورةرهف مواضيعك عن جد روووووووووعة

مشكورة رهف على الموضوع

الحب في الارض بعض من تخيلنا لو لم نجده عليها لخترعناه
ولكن أعتقد بأنه من يصعب عليه الاعتراف بالحب هذه مسألة في ضعف الشخصية
أذا وجدت انا الانسانة المناسبة التي تبادلني الشعور وأنا متأكد من شعورها فالماذا لا اصارحها بحبي
وأذا واجهت الصد فيكفيني شرف المحاولة
وحابب اضيف هالقصيدة على ردي

إعتراف حب فجائي

قلت فجأة...أحبك، فأجبتني---من تكون أولا؟ هكدا سألتني
تمتمت قائلا أنا جاء خاطب ---في طلب قلبك للحب راغبا
الولهان الدي جعلت قلبه---يقوم، ثائرا وعصيا مشاغبا
نظرت إلي بتمعن وقالت---هل لي باسمك ونسبك شرفتني
قلت ولدت في دنيا حبك---توا، وأود لو اسمى لك حبيبا
بلا أهل غريب حبك أنا---هل يتبناني قلبك قريبا وربيبا
فابتسمت وسألتني قائلة---ما عملك يا من بغزلك أخجلتني
رددت جاهل بالحب أنا---غدوت لعلمه بين يديك طالبا
وعاطل عن كل شيء---لما أخد حبك عقلي مني سالبا
ثم قالت وأين تسكن وكفاك---بي تغزلا فبسحره قد حيرتني
أجبت أسكن عتبة قلبك---وأنا أنتظر أن تفتحي لي بابا
وقلبي في الحب متشرد ---هل لنا أن نسكن قلبك أحبابا
فسألتني ما هواياتك غير---الشعر والغزل الدي أسمعتني
أجبت سماع نغم صوتك---والغناء غزلا بك عليه طربا
وأخلو بنفسي في حضنك---و عن أحزاني أختفي هربا
قالت عجوز حب أنت، كم---سنك وأين لك بكل ما أخبرتني
رددت لا بل وليد حب، معدودة--- تجاربي، لم أعرف حبا
تغديت بقاموس حبك، فأصبح---لساني به فصيحا رحبا
سكتت لحظة، بعدها تكلمت---لكن هل تعرف أي شيئ عني
أجبت كنت بتاريخك غائبا---لا حق لي في نقاشه معاتبا
ولا تهم قصصكي المنسية---وأنا سأكون لحكايتنا كاتبا

هذا رأيي الشخصي تقبلي مروري

الشكر الك شبول سديكي الغالي
أكيد شبل سوريا الحب روح الحياة
يمكن في أشخاص مابيأدروا يبوحوا بحبهون
ويكون فيه بأ سلوبهون
(المد والجزر )والتكتكه
لتقوى المحبه ويكون الها نغم
ويحافظوا على محبوبهون
ماشالله عنك
على أساس انت خجول
طلعت مو خجول
وشخصيتك قويه
شبل سوريا شكرا كتير عالقصيده
مشاركتك أسعدتني
بتمنى تشارك بقسم الشعر والخواطر لأني بجد قصيدتك كتير حلوه
تحياتي

سلوتي
في مقوله كتير بحبها بتقول :
أحب من الشاب شجاعته واقدامه
وأحب من الفتاة أدبها وحيائها
أنا بشوف لما هالانسان الي أنا أعجبت فيه
مالفتت انتباهوا بتصرفاتي ودلعي وعفويتي ونظراتي فأكيد بكون مابيستاهل فكرفيه
لأني مو حلوه أبدا البنت هيه الي تكون المبادره
ممكن اتجاوب معه بالمشاعر لما بحس انو عم يبادلني المشاعر
بس انوا هيك لقموا ياها
أكيد لـــــــــــــأـــــــــــــ
سلوتي انتي الروعه والحلا كله
تسلميلي وشكرا كتير كتير كتير سديكتي

» الجرأة بالصراحة...
» هل لديك الجرأة على الاجابة
» قوانين قسم الجرأة والصراحة.
» من لديه الجرأة والصراحة
» اختبار الجرأة الشامل