نقاش مـــــــــــــــــــــع كتـــــــــــــــاب كــــــــــاتب

مساء الخير ...وصباح الخير ... صبايا ...شباب

كل انسان يمتلك عقليه خاصه به ومقتنع فيها وممكن يتراجع عن قناعته الشخصيه لما الطرف التاني بناقشه وممكن يتشبس أكتر برأيه وممكن يكون حيادي

اليوم بدي اكتب كم سؤال من واقعنا ويلي حابب يشارك ويبدي وجهة نظره مشكور سلفا ويلي عنده أي استفسار عن الكاتب يلي عم بكتب عن كتابته وكتابه أو اسم الكاتب واسم الكتاب أنا جاهزه

اليكم أسئلتي :
----------
-أحد الكتاب شبه المرأة بمدينة دمشق ذات البوابات السبع ...فهل المرأة كما صورها الكاتب متعددة الشخصيات ؟

-الحب بين العقل والعاطفه ...هل بيد الانسان ايقاف العقل وتحريك المشاعر ...أم أنه أمر لاارادي يحدث لنا ...؟

-المرأه الوحشية يحبها الرجال لكن يخافونها ...هل الرجال ميالون الى هذا النمط من النساء ...؟

-الروايات يكتبها الحزينون ...ماصحة هذه الجملة ...؟

-البشر يعشقون رغم أنفهم ...هل توافقون الكاتب الرأي ...؟

-التمنع يجذب الطرف الاخر ...هل هذا صحيح...؟

-الكاتب يقول انه علينا أن نكون غامضين ...هل توافقونه الرأي ...وبماذا يفيدنا الغموض ...؟

-أتعتقدون بأن كتابة الشعر قد أصبحت موضة في عصرنا ...؟

-مارأيكم بمبدأ :الغاية تبرر الوسيلة...واستخدام الكذب للوصول الى الحقيقة التي نشتهيها...؟

-النساء أدهى من الرجال ...هل هذا صحيح ...وما السبب ...؟

-كيف لمجتمعنا أن يتفادى موضوع غيرة الزوجة من الضرة ... والانتقام من الزوج ...؟

-زواج الخطيــــــــــــفة ...هل أنتم من مؤيديه ...وماهي سلبياته ...؟

-ماأهمية دور المرأة في تحضير الرجال ...وهل مازلنا نرى مثيل لهذه المرأة في مجتمعنا ...أم تراجع دورها

----------
رح اكتفي بهالقدر من الأسئله
ولي عودة

أخ منك يارهف اسئئلتك أصعب من اسئلة البكالوريا

بدها تفكير ومخمخة
لي عودة أخرى للاسئلة لان هلاء مخي سطم عالاخير
والنعس غلبني
تصبح على مية ألف خير

ههههههههههههههههه
ينعن شيطانك ياعليا
ولو شوبك عادي رياضه للعقل والدماغ
ومشان نستفيد من بعضنا أفكاركون وارائكون متل الفاكهه المتنوعه على مائده مليئه من المقبلات
ليله سعيده وأحلام سعيده
وانتي بألف مليون خير علوشتي

-أحد الكتاب شبه المرأة بمدينة دمشق ذات البوابات السبع ...فهل المرأة كما
صورها الكاتب متعددة الشخصيات ؟
اكيد المراة ببتغير متل مابدها
مابحب شبها بالحرباء بس هي هيك

-الحب بين العقل والعاطفه ...هل بيد
الانسان ايقاف العقل وتحريك المشاعر ...أم أنه أمر لاارادي يحدث لنا ...؟
بهي مافينا نتحكم بشي مهما حاولنا
دايما القدر او المشاعر هي الي بتحركنا

-المرأه
الوحشية يحبها الرجال لكن يخافونها ...هل الرجال ميالون الى هذا النمط من
النساء ...؟
اي القط مابحب الا خنائو
وهدا شي مزبوط

-الروايات يكتبها الحزينون ...ماصحة هذه الجملة ...؟
يمكن كل ابداع بحاجة لشوية حزن حتى يطوق هالابعاد ويضهرها

-البشر
يعشقون رغم أنفهم ...هل توافقون الكاتب الرأي ...؟
اكيد

-التمنع يجذب
الطرف الاخر ...هل هذا صحيح...؟
اي بس مو دايما
في ناس بتحب تكون هي المنجذبة

-الكاتب يقول انه علينا أن نكون
غامضين ...هل توافقونه الرأي ...وبماذا يفيدنا الغموض ...؟
الغموض مطلوب وحلو احيانن بسمو ع طول
اكيد احيانن الصراحة والشفافية هامة جدا لنعرف نتواصل مع المحيطين

-أتعتقدون
بأن كتابة الشعر قد أصبحت موضة في عصرنا ...؟
مو موضة بس كل واحد بحب يعبر عن يلي جواه
وخصوصي مع انتشار التعلم
اكيد رح نكتب اكتر

-مارأيكم بمبدأ
:الغاية تبرر الوسيلة...واستخدام الكذب للوصول الى الحقيقة التي
نشتهيها...؟
مرفووووووظ

-النساء أدهى من الرجال ...هل هذا صحيح ...وما السبب
...؟
اي وكتير كمان
بس رجل داهية بعشر نساء عم يدعو الدهاء

-كيف لمجتمعنا أن يتفادى موضوع غيرة الزوجة من الضرة ...
والانتقام من الزوج ...؟
هدا شي مستحيل

-زواج الخطيــــــــــــفة ...هل أنتم من
مؤيديه ...وماهي سلبياته ...؟
لا اكيد ضدو
منقدر نحاول بالاقناع

-ماأهمية دور المرأة في تحضير الرجال
...وهل مازلنا نرى مثيل لهذه المرأة في مجتمعنا ...أم تراجع دورها
هلئ الدور اساسي جدا
بس بصراحة بوقتنا هدا تراجع كتير

رهف عنجد عم تابدعي وبتستاهلي احلى+

-أحد الكتاب شبه المرأة بمدينة دمشق ذات البوابات السبع ...فهل المرأة كما صورها الكاتب متعددة الشخصيات ؟

ههههههههههههههههههه رهف اي طبعا ما المراة سبحان الله بميت وش
يعني طبعا مامتلي انا انا عطيبتي ماعندي غير وش
بس المراة بشكل عام فيا تحكي مع مية شب وكل شب وش

-الحب بين العقل والعاطفه ...هل بيد الانسان ايقاف العقل وتحريك المشاعر ...أم أنه أمر لاارادي يحدث لنا ...؟
الحب بيجي بشكل لا ارادي ومنحب بشكل لا ارادي
يعني وقت نحب م افينا نشغل عقلنا ولابدنا نشغلو لانه القلب لازم ياخد حقو

-المرأه الوحشية يحبها الرجال لكن يخافونها ...هل الرجال ميالون الى هذا النمط من النساء ...؟
انا بشوف انه الرجال بحب البنت القوية والصعبة المنال ومابحبو البنت يلي سهلة كتير ويلي فورا بتوقع بشباك الحب

-الروايات يكتبها الحزينون ...ماصحة هذه الجملة ...؟
يلي عندو تجارب كتير بحياته ويلي شايف كتير ومجروح بحياته فيه يطالع با ليوم عشر قصص عن الحب وغيرها لانه خيالو واسع

-البشر يعشقون رغم أنفهم ...هل توافقون الكاتب الرأي ...؟
ههههههههههه اي طبعا رهف ما الناس شو شغلتا غير العشق اه
-التمنع يجذب الطرف الاخر ...هل هذا صحيح...؟
اي انابشوفو صح هالشي لانه كل انسان بحاول انه يجذب الشخص التاني منشان يحبو

-الكاتب يقول انه علينا أن نكون غامضين ...هل توافقونه الرأي ...وبماذا يفيدنا الغموض ...؟
انا مابحب كون غامضة بحب كون صريحة بك لشي والغموض مابفيد حدا لانه الطرف التاني مارح يقدر ي فهم عليه او يوصل لشي

-أتعتقدون بأن كتابة الشعر قد أصبحت موضة في عصرنا ...؟
اي طبعا يعني كل انسان مجروح وقلبو خاين او عم يتعرض لنوبات عاطفية
عندو حاجز جواته عم تخليه يكتب شعر او يلي بقلبو

-مارأيكم بمبدأ :الغاية تبرر الوسيلة...واستخدام الكذب للوصول الى الحقيقة التي نشتهيها...؟
الكذب صاير هالايام بودي لمصالح وليلي بدو ياه الواحد

-النساء أدهى من الرجال ...هل هذا صحيح ...وما السبب ...؟
اي طبعا لانه البنت ماروها شي غير التفكير ام الشب براسو مليون نشغلة مو فاضي

-كيف لمجتمعنا أن يتفادى موضوع غيرة الزوجة من الضرة ... والانتقام من الزوج ...؟
يعني الواحد وقت يجيب ضرة لمرته يابكون حقد يابكون حق اله
وانا بشوف الانتقام حكي فاضي يعني تجوز وتجوز ليش تينتقم اه

-زواج الخطيــــــــــــفة ...هل أنتم من مؤيديه ...وماهي سلبياته ...؟

والله زواج الخطيبة من اصعب الزنوب يعني ضد حكم الله والبشر والاهل
بكفي انه بتنحط راسها با لتراب

مشكورة ولي عن جد اسئلتك بتجنن

-أحد الكتاب شبه المرأة بمدينة دمشق ذات البوابات السبع ...فهل المرأة كما صورها الكاتب متعددة الشخصيات ؟
طبعا المرأة متعددة الشخصيات و بظن انو نزار قباني شبه التشبيه الصحيح

-الحب بين العقل والعاطفه ...هل بيد الانسان ايقاف العقل وتحريك المشاعر ...أم أنه أمر لاارادي يحدث لنا ...؟
لا هاد شي مو ارادي بيحصل مع اي انسان انو بهيك امور على طول المشاعر بتقودنا

-المرأه الوحشية يحبها الرجال لكن يخافونها ...هل الرجال ميالون الى هذا النمط من النساء ...؟
اي طلعا القط بيحب خناءو

-الروايات يكتبها الحزينون ...ماصحة هذه الجملة ...؟
ممم لا مو بالضرورة بس اوقات بتكون بتتطلب شوية حزن لحتى تكون حلوة
-البشر يعشقون رغم أنفهم ...هل توافقون الكاتب الرأي ...؟
اكيد

-التمنع يجذب الطرف الاخر ...هل هذا صحيح...؟
مو دائما

-الكاتب يقول انه علينا أن نكون غامضين ...هل توافقونه الرأي ...وبماذا يفيدنا الغموض ...؟

الغموض حلو بس مو بكل الاوقات بظن الو وقتو
لانو الصراحة احلى لان بيكون الشخص على طبيعتو
-أتعتقدون بأن كتابة الشعر قد أصبحت موضة في عصرنا ...؟
مو موضة بس كل واحد بيحس حالو مبدع و يجرب حظو و يشوف راي العالم فيها
ليش لا

-مارأيكم بمبدأ :الغاية تبرر الوسيلة...واستخدام الكذب للوصول الى الحقيقة التي نشتهيها...؟
ضدو

-النساء أدهى من الرجال ...هل هذا صحيح ...وما السبب ...؟

هلق النساء داهية
بس الرجال بهالايام صايرون بيحطونا بجيبتون
-كيف لمجتمعنا أن يتفادى موضوع غيرة الزوجة من الضرة ... والانتقام من الزوج ...؟
التوعية

-زواج الخطيــــــــــــفة ...هل أنتم من مؤيديه ...وماهي سلبياته ...؟
غلط بغلط يعني الاهل ما وافقو لانو حسو في شي غلط بالشب او بالزواج كلو من اصلو
يعني هنين ادرى بمصلحتنا
سلبياتو انو بيجوز واحد من الطرفين يخسر اهلو و محبينو
-ماأهمية دور المرأة في تحضير الرجال ...وهل مازلنا نرى مثيل لهذه المرأة في مجتمعنا ...أم تراجع دورها
الها دور كبير و لساتا موجودة و رح تضل موجودة

اسئلة حلوين يعطيكي العافية

اليكم أسئلتي :
----------
-أحد الكتاب شبه المرأة بمدينة دمشق ذات البوابات السبع ...فهل المرأة كما صورها الكاتب متعددة الشخصيات ؟
عفكرة البواب السبعة تعدد منافز بس الشام وحدة
يعني ما بعرف ليش فسرتي حكي الكاتب بهي الطريقة
انا بتوقع القصد منو انو المراة عندا كزا مدخل لقلبها بس الانوثة بالاخير وحدة
وبتتفاوت صعوبة الدخول من اي باب لقلبها على حسب قدرة الرجل المقابل
وانا حابة اسم الكاتب والكتاب من بعد ازنك لاني حابة افهم بالضبط شو قصدو يمكن قيمت الجملة غلط

-الحب بين العقل والعاطفه ...هل بيد الانسان ايقاف العقل وتحريك المشاعر ...أم أنه أمر لاارادي يحدث لنا ...؟
وقت بيامن بقدرتو مو بس بيقدر يوقف قلبو .. فيه كمان يوقف اي زكرى عنو
لا المشاعر امر ارادي برايي لانو العقل دايما اقوى من اي شي بس بدك ليكون عند الشخص ارادة يوقف قلبو ويتحكم فيه

-المرأه الوحشية يحبها الرجال لكن يخافونها ...هل الرجال ميالون الى هذا النمط من النساء ...؟
وحشية؟ ... بتمنى اعرف شو يعني وحشية قبل ما جاوب ولهيك ناطرة اسم الكتاب والكاتب

-الروايات يكتبها الحزينون ...ماصحة هذه الجملة ...؟
ولا صفر بالمية ... الرويات بيكتبها ناس حساسين وحابين يعبرو عن الي جواتن
الرواية متل الخواطر ومتل اي كتابة ممكن تكون فشة خلق وممكن تكون هواية ورغبة

-البشر يعشقون رغم أنفهم ...هل توافقون الكاتب الرأي ...؟
لا ما بوافقو .. البشر بيعشقو لانو بدون يعشقو بس ممكن يعجبو بشخص غصب عنن
ولو بعدو عنو بيقدرو ما يعشقوه ولو ضلو قراب رح يعشقو بقا الشغلة فيهن بالاول والاخير

-التمنع يجذب الطرف الاخر ...هل هذا صحيح...؟
التمتع؟ متل الاستمتاع بحكي الطرف التاني ووجودو وصفاتو وهيك؟
اي بتوقع صح لانو نحنا بشر وغريزتنا الي مستحيل ننساها هيي حب المتعة

-الكاتب يقول انه علينا أن نكون غامضين ...هل توافقونه الرأي ...وبماذا يفيدنا الغموض ...؟
اي بوافقو لازم نكون غامضين
بيفيدنا انو بيبعد عنا ازى كبير لو الطرف التاني حب يستخدم نقاط ضعفنا او صفات محددة فينا

-أتعتقدون بأن كتابة الشعر قد أصبحت موضة في عصرنا ...؟
موضة؟ لا ما صارت موضة بس هيي المنفذ الوحيد لمشاعرنا لانو الناس ما عاد حست ببعضا

-مارأيكم بمبدأ :الغاية تبرر الوسيلة...واستخدام الكذب للوصول الى الحقيقة التي نشتهيها...؟
مبدا ضعيف كتير لانو فيك تستخدم الحقيقة وتوصل ليلي بدك ياه بس الكزب بيضل اسهل

-النساء أدهى من الرجال ...هل هذا صحيح ...وما السبب ...؟
اي صح .. السبب انو الرجال بيستخدمو عقلن بكل شي والدهاء ما بيكون الو ميزتو
اما النساء ما بتستخدم عقلها الا وقت بدا تعمل شي وتركز فيه ودايما التركيز نتايجو اكبر

-كيف لمجتمعنا أن يتفادى موضوع غيرة الزوجة من الضرة ... والانتقام من الزوج ...؟
ما فينا نتفاداه لانو المراة بطبعها كيدا كبير ولو خبتلو ياها لزوجا فترة بس رح تظهرها
ما في بنت بتقبل تكون ثانوية بحياة الرجل
متل ما بيقولو المراة بدها تكون الاخيرة بحياة الرجل والرجل بيحب يكون الاول بحياة المراة

-زواج الخطيــــــــــــفة ...هل أنتم من مؤيديه ...وماهي سلبياته ...؟
ماني مؤيدة ولا معارضة بشكل عام .. الوعي لازم يكون من الطرفين ويخططو للنهاية قبل البداية
يعني لو هيي واثقة وهوي واثق انو اهلون ممكن يستقبلون بعد عملتن وانو هاد اجراء بسيط للضغط على الاهل اي بأيدو
اما لو هوي وياها فايتين بالحيط وما حاسبينها وبدون يخسرو كل حياتن القديمة مع اهلن
وممكن توصل للتارات بالعيل بكون معارضة وبشكل كبير

-ماأهمية دور المرأة في تحضير الرجال ...وهل مازلنا نرى مثيل لهذه المرأة في مجتمعنا ...أم تراجع دورها
دورها بيكون على حسب القيمة الي عاطيها ياها الرجل
ممكن يكون دورها كتير كبير لو الرجل بيحبها وبيثق فيها وهيي كانت زكية على القدر المطلوب
وممكن يكون دورا سلبي لو هيي هبلة وهوي بيثق فيها ثقة الغبا
واساتو موجود اكيد بس على حسب الرجل والمراة

----------
رح اكتفي بهالقدر من الأسئله
ولي عودة
اوك وانا كمان الي عودة بدي اعرف مين الكاتب وشو اسم الكتاب
تقبلي مروري

جورجينا
شكرا كتير عزيزتي لمتابعتك واهتمامك
الابداع والزائد الي منحتيني ياه
أكيد هوي سبب مشاركاتكون
وبصمتكون عالموضوع وتفاعلكون تغني الموضوع
الله يعطيكي العافيه جورجينا ويسعدك

صديقتي الصدوقه سالي الغرام
عزيزتي شكرا كتير لدعمك المعنوي الي
والله لايحرمني منك
انتي انسانه مخلصه وطيبه ونادر وجودك بهالزمان
الله يسعدك
سالو انتي الي بتجنني بعطائك واخلاصك
الله يعطيكي العافيه

عزيزتي ديمو شكرا كتير لبصمتك عالموضوع ومشاركتك
بتمنى شوف بصمتك دايما
الله يسعدك ويعطيكي العافيه

هلا فيكي عزيزتي ليناي
كتير بيسعدني مرورك عمواضيعي وأفكارك بتعجبني
بالنسبه لاسم الكاتبه هي :
لينا هويان
والروايه اسمها :سلطانات الرمل
عزيزتي ليناي أنا ماعم شبه شي
أنا عم بنقل كتابة الكاتبه ونقاشها وأفكارها مع الي بستضيفوها وبناقشوها بكتابها وبكتابتها
وثقي تماما مالي ناقله شيء غلط عزيزتي بامكانك ترجعي للروايه
-----------
-التمنع يجذب الطرف الاخر ...هل هذا صحيح...؟
التمتع؟ متل الاستمتاع بحكي الطرف التاني ووجودو وصفاتو وهيك؟
اي بتوقع صح لانو نحنا بشر وغريزتنا الي مستحيل ننساها هيي حب المتعة
-----------
ليناي
سوري منك
التمنع يعني الامتناع وأسلوب المد والجزر
وليس التمتع عفوا
انتي فهمتي الكلمه غلط صديقتي
-------
الله يعطيكي العافيه ليناي وأي استفسار أنا جاهزه صديقتي
---------
بس بدي قول شغله :
ليناي
بالنسبه لهالأسئله بالذات هنن للكاتبه :لينا هويان
بس غير أسئله بمواضيعي
أكيد لغير كاتبه أو
غير كاتب
وشكرا

» اسئلة للنقاش بين الشباب والبنات
» نقاش خفيف :-)
» طباخ نقاش شوفو شو عمل
» مشاكل ...حب ...تناقض...نقاش
» نقاش امراتيين متوفيتين.........