عدد المساهمات : 2599 تاريخ الميلاد : 14/07/1985 العمر : 39 العمل/الترفيه : العيث فساداً المزاج : دموي علم الدولة : مزاجك اليوم : المهنة : الهواية : السٌّمعَة : 54 نقاط : 2648 تاريخ التسجيل : 19/07/2009
موضوع: دعوة لحذف الكوكيز... 24/4/2010, 5:57 pm
شلونكون؟؟ دائما نحنا معصبين مزعوجين قلقين خايفين .. دائما في شي من عدم الراحة عند كل واحد منا.. ماحدا مرتاح والكل الو همومو ومشاكلو والبعض بينفس شوي هموم هون بالمنتدى وهاد الشي واضح كتير من خلال الردود.. اي شخص زائر للمنتدى رح ياخد انطباع مأساوي عن حالة اعضاء المنتدى من خلال الردود التراجيدية ببعض المواضيع .. انا ماني ضد الردود بس انو لازم نطور طريقة بقا لنخلص من واقعنا الصعب ومن تفكيرنا السلبي ومن زفرة اليأس الحقيرة.. لازم نطلع للحياة ..لقدام وما نطلع لورا لانو رح توجعنا رقبتنا كتير.. المشكلة كلنا منعرف هالحكي بس للاسف ماحدا بيملك الارادة ليتخلص من اثار الماضي .. كلنا عم يشكي وينعي وكل ماحكيت مشكلتك لواحد بقلك هي سهلة قدام مشكلتي بس بكل بساطة ..ماحدا بحس بالتاني .. وماحدا رح يحس بالتاني الا اذا كانت العلاقة كتير قوية وانسانية لابعد الحدود طيب معناها ليش لنشكي من الاساس ..وليش لنبين للعالم انو نحنا ضعاف وعنا مشاكل صعبة وظروف ومدري شو بالوقت يللي منملك القدرة والارادة على اخد الامور ببساطة.. يمكن ماحدا فهم المقصود..طيب نحنا عادة منعمل حزف لملفات التيمب والكوكيز لانو بتخربط البرامج وبتبطأ الكومبيوتر .. ليش ما منحزف الكوكيز من دماغنا مثلا؟؟ليش مامنسى كل الزكريات الصعبة والمواقف المحرجة .. كل الالم والعزاب يللي سبب لنا ياه شخص ما بيستاهل يكون جزء من تفكيرنا..ومامنفكر الا بالحياة والامل ..بحالنا وذاتنا ؟؟ ليش ما نقتل هالحشرة الكريهة يللي بتضل توز بدماغنا عن الظروف الصعبة وعن الاخرين شو عم يعملوا ليدايقونا ويستفزونا.. والله ماحدا مرتاح وانا مثلا عندي مشاكل بلاوي بس موضوعيا في كتير عالم عندا مشاكل اكتر مني وعالم تانية اقل ..
بالنسبة الي مشاكلي هي الاهم والاعظم والاصعب ..وكلنا هيك ..بس ليش ما منفكر بطريقة تانية انو الحمدلله مشاكلي ولاشي قدام غيري كلنا مفكرين انو نحنا لازم نسافر عالجزيرة يللي اسمها السعادة بس الحقيقة انو السعادة هي طريق السفر مو الجزيرة ..الجزيرة هيي النهاية ..
لازم نعيش اللحظة ..ننبسط..ناخد الامور ببساطة الاطفال .. صار عندي قناعة انو حياتنا كلها عادة وروتين .. كل يوم منفيق الصبح منشوف الشمس ومنشوف المطر ..منشوف العصافير ..امور عادية يومية بس بالحقيقة هي معجزات ..نحنا بحد ذاتنا وكيف عايشين هي معجزة ماحدا فاضي للتفكير فيها لانو كل فكرنا بامور الحياة المادية ..ليش فلان ماحاكاني اليوم ..ليش فلانة نظرتلي هالنظرة؟؟
ليش الطفل الزغير بيندهش لما بشوف الشتي او القطة او البالونة؟؟لانو لسا ماتعود على هيك امور عكسنا نحنا يللي منفكر بالمطر كامر روتيني رح يحرمنا من المشوار وهوي بالحقيقة مصدر خارق للرومانسية ومعجزة من الطبيعة .. للاسف عقلنا تعود عالحزن والشك ..وبالاخص هون اغلبية اعضاء المنتدى ..الحزن محفور وواسم شخصيتهن ..وخاصة البنات .. حافظ قول لماركيز بقول ابتسم بكل الحالات فربما يعجب شخص ما بابتسامتك.. بتمنى شوف ابتسامتكن كلكن حتى لو مجاملة لانو مليت من الحزن وكرهتو .. صدقوني الشغلة بالتدريب والتعود ..ومتل ما تعودنا عالحزن العام منتعود عالابتسامة والتفاؤل ..لانو ببساطة ما حدا بيستاهل دمعة من عيونكن..ولا بيستحق هالوقت يللي عم تضيعوه بالتفكير والتوهم..
..................
طفلة الناي كبــار الشــخصيات
عدد المساهمات : 4570 تاريخ الميلاد : 14/07/1990 العمر : 34 العمل/الترفيه : أعزف بقلمي على اوتار الروح المزاج : لاحول ولا قوة الا بالله علم الدولة : مزاجك اليوم : المهنة : الهواية : السٌّمعَة : 32 نقاط : 4422 تاريخ التسجيل : 17/01/2010
عدد المساهمات : 3764 تاريخ الميلاد : 29/02/1984 العمر : 40 العمل/الترفيه : طالبة المزاج : مستقيلة ... علم الدولة : مزاجك اليوم : المهنة : الهواية : السٌّمعَة : 68 نقاط : 3200 تاريخ التسجيل : 26/05/2008
عدد المساهمات : 2173 تاريخ الميلاد : 01/05/1981 العمر : 43 العمل/الترفيه : سماع الموسيقى المزاج : معتدل نسبيا مزاجك اليوم : الهواية : السٌّمعَة : 44 نقاط : 2266 تاريخ التسجيل : 28/01/2010
أنا صديقي اتخذت قرار إني لما أشعر بألم أو جرح إني داويه بنفسي وبصمت وما قضي ساعات وانا عم اشتكي واشكي منو لان لكل انسان منا متاعبو ومشاكلو وآلامو يلي ما بتسمحلو بالاهتمام بمشاكل الاخرين
يا صبايا وياشباب الحياة حلوة حلوة رغم كل منغصاتها
ابتسم بكل الحالات فربما يعجب شخص ما بابتسامتك..
قولتلك رح جرب
ههههههههههههههههههه
ألف ألف شكر الك يا روح خليتني عيد النظر بكتير شغلات
جورجينا ::: نائبة المدير العام :::
عدد المساهمات : 18506 تاريخ الميلاد : 10/02/1987 العمر : 37 العمل/الترفيه : طالبة المزاج : شوية رواق علم الدولة : مزاجك اليوم : المهنة : الهواية : السٌّمعَة : 178 نقاط : 10135 تاريخ التسجيل : 22/03/2008
يمكن لانو الواحد لما بكون فرحان بيطلع الكلام عادي بس لما بكون مدايق بفوت بفش قهرتو هون معك حق يمكن هالشي بيعطي صورة سوداوية عنا وجد لازم نغير لانو تعلمت انو مافي شي مستاهل
يسلمن يا دب
منشان تغيير الجو يعني ههههههههههههه
*رهف* : مديرة النادي العام :
عدد المساهمات : 5423 تاريخ الميلاد : 27/09/1979 العمر : 45 العمل/الترفيه : ربة منزل المزاج : مستقيلة ومهاجرة علم الدولة : مزاجك اليوم : المهنة : الهواية : السٌّمعَة : 67 نقاط : 5519 تاريخ التسجيل : 29/12/2009
موضوع: رد: دعوة لحذف الكوكيز... 28/4/2010, 5:41 am
ههههه معك حق روح بس الكلام سهل والانسان بمر بمراحل وتقلبات متل تقلبات الطقس يعني حسب الجو الانسان بيتأثر وبأثر وبيتفاعل وبينفعل ولما بكون هالصديق الي عم تشكيله همك رح يحس فيك ويساعدك ولما بتسمع منه ولو كلمه حلوه أكيد هالكلمه رح تهون عليك حزنك وتمدك بطاقه وتنسى حزنك مع دعمه المعنوي لالك نحنا منشكي لأني الناس متفاوتين بطاقاتهون وقدرتهون عالتحمل في ناس اذا ماحكوا بطقوا بأرضهون ممكن نحذف الأشياء الي بذاكرتنا بس في أوقات شريط الذكريات بأكمله بيخطر ببالنا لما منكون مزعوجين من شيء أكبر من تحملنا -------- شكرا كتير روح كلامك منطقي ونشاالله نقدر نعمل فيه بس مو بكل الأوقات منقدر نتحكم بأنفسنا
موضوع: دعوة لحذف الكوكيز... 
24/4/2010, 5:57 pm
