تنا قضات ...ومشاكل تحتاج لارائكم

صبااااااااحووووووو ومسااااااائووووووو ياشلة سوريا

نشاالله تكونوا بخير واخررواء

اليوم كاتبنا الاسباني :انطونيون

واليكم المحاور :
---------

-انعدام شخصية الزوجة داخل المنزل بحيث أن مهمتها فقط رعاية شؤون المنزل وهي خاضعة دائما لزوجها ...؟ مارأيكم ...؟

-هل تعتقدون بأن الذكور تتصارع بشكل عام للحصول على القيادة والسلطة ،أم أن النساء أصبحنا أيضا يتصارعن مع الرجال للحصول عليها ...؟

-هل صحيح بأن الفتيات يربين لكي يصبحن مرغوبات في المجتمع ...؟

-هل مازال الرجال في مجتمعنا يعتبرون بأن المرأة متاع لهم ...وماالسبب في ذلك ،ومن الذي أوجد هذا الشيء ...؟

-أن تحب الغير كما تحب نفسك ،هل هذا المبدأ قابل للتطبيق في الحياة ؟أم أن حبنا لأنفسنا يتغلب عليه ويسقطه ...؟

-يقول الكاتب :أن الرجل كسول وأن نشاطه سطحي وخارجي على عكس المرأة التي تحمل وتلد وتربي ...فهل أنتم مع هذه الفكرة ...؟

-هل بتخلي رجال مجتمعنا عن الذكورية سوف يصبح أفضل ،وسيتحسن حال المرأة ...وماسبب عدم توافر عمل ينسجم مع مؤهلاتها العلمية ...؟

-محاور الجزء الثاني :
-------------

-تشجيع الأهل لأولادهم وتحفيزهم على العمل والدراسة خاصة ان فشلوا في أول خطوة لهم ...؟

-مارأيكم بالطلاق النفسي عند المتزوجين ؟ومالسبيل لمعالجته ؟وماهو سببه ...؟

-هل أنتم مع عمل المرأة من أجل ملأ أوقات فراغها ...؟

-عندما يكون الرجل لاينجب (عقيم)فهل تفضلين كزوجة الانفصال عنه لأنك تفضلين أن تكوني أم وتنجبين أطفال ...؟

-موت الطفل الأول للأسرة وكيف يمكن أن نتخطى هذا الوضع ...؟

-هل من الممكن أن يصل الأمر بالمحب حد ،أن يغفر خيانة واضحة قام بها حبيبه ...؟

-عندما لايريد الرجل أن ينجب الأطفال في بداية الزواج ،والمرأة بالعكس تريد الانجاب ،فما الحل ...؟

-الاجهاض بسبب عدم رغبة الزوج بالانجاب ...كيف تعالج هذا الأمر ...؟

-هل الكائن البشري ميال بطبيعته لاصدار الأحكام على الاخرين ..؟

بس بدي عقب على شغله
بعض الناس بتلاقيهون ماهمهون غير ينتقدوا الناس وبينسوا أخطائهم وبيناقضوا نفسهم
ماهي الرساله التي توجهها لهيك ناس
في متل بيقول الجمل مابشوف حدبته
وفي بعض الناس بتسكت عن أخطاء الغير ومع العلم انه الخطأ بكون واضح بس السكوت غامض شو بيكون تصرفك مع هيك موقف
--------
ولكم مني كل الشكر والود والامتنان لمروركم وارائكم
دمتم بخير

يبدو انه الحوارات ماعجبتكون
رح غير نموزج المواضيع اذا بدكون
بس بدي اعمل متل أحمد الحلبي وجاوب عن أسئلتي هالمره

------------
-انعدام شخصية الزوجة داخل المنزل بحيث أن مهمتها فقط رعاية شؤون المنزل وهي خاضعة دائما لزوجها ...؟ مارأيكم ...؟

مجتمعنا الشرقي وعقلية الرجل الشرقي والأغلبيه
بينظره للمرأة نظرة أنها تابعة للرجل وهومسؤول عنها بكل أمورها من مال وملبس وقرارات
ولما المرأة بتحاول تثبت وجودها بتلاقي معارضه قوية من أهلها وزوجها وكل الي حواليها فبتخضع بعض الأحيان لقرارات زوجها ولو مالها مقتنعه لتخلص من المشاكل ووجع الراس

-هل تعتقدون بأن الذكور تتصارع بشكل عام للحصول على القيادة والسلطة ،أم أن النساء أصبحنا أيضا يتصارعن مع الرجال للحصول عليها ...؟
برأيي الرجل بطبيعته بحب السلطة والقياده
والمرأة نفس الشيء بتحب الظهور وحب الذات لتثبت وجودها
-هل صحيح بأن الفتيات يربين لكي يصبحن مرغوبات في المجتمع ...؟
المرأة وجودها أساسي في المجتمع وهي نصف المجتمع ومكملة للرجل بكل المجالات
وكل فتاة ترغب وتتمنى وتسعى لتكون مرغوبة في مجتمعها الي بلوذ فيها بالمجال الي بتحبه والمسموح لها به
-هل مازال الرجال في مجتمعنا يعتبرون بأن المرأة متاع لهم ...وماالسبب في ذلك ،ومن الذي أوجد هذا الشيء ...؟
الله خلق المرأة والرجل ليكمله بعضهون وتستمر الحياة وهي متاع لهم بالفعل والطبيعة البشرية أوجدت هالشيء والرجل متاع للمرأة بنفس الوقت
-أن تحب الغير كما تحب نفسك ،هل هذا المبدأ قابل للتطبيق في الحياة ؟أم أن حبنا لأنفسنا يتغلب عليه ويسقطه ...؟
هلأ نحب لغيرنا متل مامنحب لأنفسنا قابل للتطبيق بس مو دائما حسب قدرات وطاقة كل شخص
الانسان بطبيعته أناني ومحب لذاته
-يقول الكاتب :أن الرجل كسول وأن نشاطه سطحي وخارجي على عكس المرأة التي تحمل وتلد وتربي ...فهل أنتم مع هذه الفكرة ...؟
اي في بعض الرجال بليدين
ماعندهون طموح وفي نساء نفس الشيء هالشيء بيرجع للتربيه والبيئه الي عايشين فيها
-هل بتخلي رجال مجتمعنا عن الذكورية سوف يصبح أفضل ،وسيتحسن حال المرأة ...وماسبب عدم توافر عمل ينسجم مع مؤهلاتها العلمية ...؟
لامستحيل الرجل رجل والمرأة مرأة كل واحد فيهون اله طاقته الي رب العالمين منحه ياها
يمكن فرص العمل صايره بأيامنا نادره للرجل وللمرأة وعم بلاقوا صعوبة بهالمجال
-محاور الجزء الثاني :
-------------

-تشجيع الأهل لأولادهم وتحفيزهم على العمل والدراسة خاصة ان فشلوا في أول خطوة لهم ...؟
المفروض الأهل يشجعه أولادهون ويدعموهم من كل النواحي ولو فشلوا هالدعم بيعطي للولد طاقة وقدرة على الدراسة وعلى تحمل كل شيء
-مارأيكم بالطلاق النفسي عند المتزوجين ؟ومالسبيل لمعالجته ؟وماهو سببه ...؟
الطلاق النفسي أصعب من الطلاق العادي
بكون الزوجين تحت سقف واحد ولكن بعيدين تماما عن بعضهم من كل النواحي بالأفكار بالبيئة بالأشياء اي بحبوها متناقضين تماما
والسبب بيرجع لزواج البنت بعمر مبكر وعدم اختيارها شريك حياتها بنفسها وجبرها على الزواج
من طرف أهلها
والمعالجه بتكون من المرأة بانوا تخضع للرجل بكل شيء ولو انه مهي مقتنعه أو تطلب الطلاق ان فقدت الأمل بالاصلاح
-هل أنتم مع عمل المرأة من أجل ملأ أوقات فراغها ...؟
عمل المرأة ضروري بوقتنا بس اذا قدرت تحافظ وتعدل بين بيتها وبين تربية أطفالها وبين عملها
لأني المتزوجه بكون عندها وقت فراغ كبير وخاصة اذا مابتطلع من البيت مشاوير وهالأمور
-عندما يكون الرجل لاينجب (عقيم)فهل تفضلين كزوجة الانفصال عنه لأنك تفضلين أن تكوني أم وتنجبين أطفال ...؟
هلأ اذا متفاهمه معه ورجل وعاجبني ممكن أضحي باالأمومه
بس اذا كان عنده نقائص وعقيم لأ بفضل الطلاق

-موت الطفل الأول للأسرة وكيف يمكن أن نتخطى هذا الوضع ...؟
ممكن بالمعالجه النفسيه والجسديه منتخطى هالأمر رغم صعوبته
-هل من الممكن أن يصل الأمر بالمحب حد ،أن يغفر خيانة واضحة قام بها حبيبه ...؟
اذا كانت الخيانه مره وحده وكان التراجع والاعتذار موجود ممكن
بس اذا تكررت الخيانه كذا مره مستحيل يكون في تسامح
-عندما لايريد الرجل أن ينجب الأطفال في بداية الزواج ،والمرأة بالعكس تريد الانجاب ،فما الحل ...؟
بتحاول المرأة تقنع زوجها ومع الوقت أكيد رح يقتنع اذا كان الزواج شرعي
-الاجهاض بسبب عدم رغبة الزوج بالانجاب ...كيف تعالج هذا الأمر ...؟
حسب فترة الحمل اذا كان مرعليها وقت مستحيل الاجهاض وهوي حر مع الوقت بيقتنع غريزة الأبوه رح تغلبه حسب أسلوب وذكاء المرأة
-هل الكائن البشري ميال بطبيعته لاصدار الأحكام على الاخرين ..؟
بعض الناس
بس بدي عقب على شغله
بعض الناس بتلاقيهون ماهمهون غير ينتقدوا الناس وبينسوا أخطائهم وبيناقضوا نفسهم
ماهي الرساله التي توجهها لهيك ناس
الرساله بقلهون ياريت تنشغله بنفسكون وبأخطائكم لأني أغلب الناس مابحب الي براقب تصرفاتهون وأخطائهم واذا كان ولابد فبكون بأسلوب لبق وسلس ومافيه فتنه وتهجم
في متل بيقول الجمل مابشوف حدبته
وفي بعض الناس بتسكت عن أخطاء الغير ومع العلم انه الخطأ بكون واضح بس السكوت غامض شو بيكون تصرفك مع هيك موقف
بطنش وبعمل حالي ماسائله
أكيد بكون فيه حلقه مغقوده وفي شيء غامض بالموضوع
---------

-انعدام شخصية الزوجة داخل المنزل بحيث أن مهمتها فقط رعاية شؤون المنزل وهي خاضعة دائما لزوجها ...؟ مارأيكم ...؟
رايي صار معروف رهف وما بحب عيدو مليون مرة..
مافينا نطلع من جلدنا والمرأة بالبيت العربي هيي وزيرة المالية والمسؤولة عن حاجات البيت والقريبة للولاد اكتر من الرجل الغائب بداعي العمل وهاد الحكي اذا كانت غير عاملة اما اذا كانت عاملة وهاد يللي بشجعو تماما فهي ما بتقل عن الرجل بشي ابدا ومو من حق الرجل يتسلط عليها بشي لانو ما بتنقص عنو بشي هيي واذا عم يعيرها بالولاد يروح يجيب ولاد لحالو لشوف!!

-هل تعتقدون بأن الذكور تتصارع بشكل عام للحصول على القيادة والسلطة ،أم أن النساء أصبحنا أيضا يتصارعن مع الرجال للحصول عليها ...؟
من بداية التاريخ سبب محنة الانسان غريزة التملك والسلطة وهاد شي عادي مافينا نتغلب عليه الا بالتفكير وبالعقل وبما انو المراة بالنهاية ..انسان فهيي بتملك غريزة التملكومن الطبيعة تصارع الرجل عالقيادة

-هل صحيح بأن الفتيات يربين لكي يصبحن مرغوبات في المجتمع ...؟
اي طبعا هاد التفكير البالي والقديم ..البنت بتربى متل الغنمة مشان يكون سعرا افضل او مهرا اغلى

-هل مازال الرجال في مجتمعنا يعتبرون بأن المرأة متاع لهم ...وماالسبب في ذلك ،ومن الذي أوجد هذا الشيء ...؟
للاسف اي ببعض المناطق المرأة بتتورث متلا متل الحصان او الدابةوما بدي فوت معك بنقاش مين اوجد هالشي بس الله ياخدو مين ماكان يكون!!!!

-أن تحب الغير كما تحب نفسك ،هل هذا المبدأ قابل للتطبيق في الحياة ؟أم أن حبنا لأنفسنا يتغلب عليه ويسقطه ...؟
هاد صراع الانسان انو تقدر تحب غيرك اكتر من انو تحب نفسك
هاد سؤال بدو موضوع لحالو

-يقول الكاتب :أن الرجل كسول وأن نشاطه سطحي وخارجي على عكس المرأة التي تحمل وتلد وتربي ...فهل أنتم مع هذه الفكرة ...؟
لا مو لهالدرجة كمان الرجل الو دور محوري واساسي بالحياة وهوي المطر يللي بيمحي جفاف وقحط الارض
مافينا ننكر دور الامومة بالغ الاهمية بس الرجل مانو سطحي الا اذا وضع نفسو ضمن هالاطار

-هل بتخلي رجال مجتمعنا عن الذكورية سوف يصبح أفضل ،وسيتحسن حال المرأة ...وماسبب عدم توافر عمل ينسجم مع مؤهلاتها العلمية ...؟
مستحيل يتخلى الرجل عن سلطتو ابدا ومستحيل نقيم اذا رح تتحسن احوال المراة في حال تخلى عن السلطة..
هي امور غامضة مافينا نحكم عليها من زاوية وحدةمتل اذا سألتي انو لو اسلم اليهود كلهن رح تنحل مشاكل العالم؟؟؟
اما عدم توافر عمل فليش لا ؟؟بالعكس المراة قادرة تدخل بكل المجالات ماعدا البعض ..
مين قلك مافي فرص؟؟
نحنا يللي ماالنا فرص يا حسرتي قدام جنس حوى
هههههههههههههه

بكفي رهف ما فيي جاوب اكتر من هيك مرة تانية بكمل
يسلمو كتير عالاسئلة

روح اليوفي

كالعاده أسلوبك جدا راقي وذكي في التمويه والنصيحه

كتير انسريت لمشاركتك والتمويه بشكل غير مباشر وأنا بحاجه لهيك نصائح وهيك أسلوب لبق متل أسلوبك
يمكن أنا من ضعف النت عم بستفل الفرصه لما بكون النت عندي قوي وبكتب عدد كبير من الأسئله
والكتاب حواراته متشابهه لذلك عم ضيع وماعم ميز بين الأسئله المتكرره
عكل
ياريت نصايحك دايما تهديني ياها انت أو غيرك وبالتحديد بأسلوبك الراقي والذكي واللبق جدا

يسلموووووون ثعلوب

» الموضوع الشامل عن اخطاء ومشاكل الماسنجر ,,
» اسئلة حب تحتاج الى اجابة .....
» مواضيع متنوعه تحتاج لارائكون
» اسئلة تحتاج اجابتكن
» كلمات تحتاج للتعريف