لن أتزوج فتاة تكتب بالمنتديات ..!!

جبتلكم موضووووع حلووو

وحابة شوف رأيكم فيه ...؟

جات اليها أمها ووجها يتهلل بالبشر تكاد اساريره أن تنطق فرحاًًً وقالت بنيتي لقد جاء فلان وابنه لخطبتك.....

ألجم الفرح الفتاة واخرس لسانها ونطقت عيناها ببريق السرور : الان سيتحقق
حلمي ابني بيتا من السعادة واربي جيلاً يكون قطعةًً مني أربيه على ناظري
يكون عوناًً لي في الدنيا
وذخراًً لي في الآخرة .. لم تنم تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها ...

وافق ابوها على الخطبة وتمت الرؤيه الشرعية سر بها العريس وسرت به

وابتدى الجميع يوزعون بطاقات الدعوة لليلة الفرح الموعودة

ذهب العريس الى عمله اخبر بعض اصحابه بأنه سيتزوج ابنة فلان بارك له الجميع

وفي اليوم التالي

جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني

نظر العريس الى زميله متعجباً عن من تتحدث وماهذا الكلام؟؟؟

قال زميله خطيبتك كاتبه في منتدى بالاسم الفلاني ؟؟؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان ندخل الى المنتدى لنشاهد مواضيع خطيبتك ؟

قال العريس والعرق يتصبب ولما لا؟

فتح الزميل المنتدى استخرج بالبحث جميع مواضيعها ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم

خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى

من سماع الكلام المعسول او ان لاتملك القدرة على الرد وهو يحدثها عن بيت المستقبل ؟

لكنه فاجأها بسؤال واحد

هل انتي الكاتبة الفلانية في المنتدى الفلاني ؟؟؟

قالت نعم انا هي

قاطع حديثها وقال اسف انا لا اتزوج فتاة انتر نت

وأطبق السماعة .......................................

حالة قد تمر يوماًً ما على فتى او فتاة

فما موقفكم ؟ بكل صدق وتجرد انت يا ايها الرجل ؟

1-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟

2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

3-بنظرك ،،، هل كل فتاة تستخدم النت لابد أن يكون لها صديق أو 000000 ؟؟؟

4-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟

5-انت كشاب تستخدم النت وتكتب بمنتديات ،،، هل تسمح بمن تعولهم من زوجة
او اخت او ابنة ان يستخدمو النت تحت اشرافك او بدون اشراف او تمنعهم ؟؟؟

أرجـــــــــــــوا من الجمــــيع ابداء ارائـــــكم

طبعا ازا كانت مواضيعا ومشاركاتا وردودا ضمن حدود الادب
فبعتقد انو مافي مانع
اما ازا كانت تغازل فلان وتحكي كلام حب من فلان فبالتاكيد في ملانع كبير
وبالتاكيد ما رح وافق على هاد الشي

-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟

فتاة الأنترنيت ليش شو يعني فتاة الأنترنيت؟؟؟؟؟؟؟؟؟
الا وكانو حسيتا كلمة مدري كيف أو كأنو شيئ معيب شيئ مخجل للفتاة اذا كانت تستخدم الانترنيت

-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

الشب المتخلف عقليـــــــاً هو يلي بيفسر هالتفسير العظيم طبعاً لأنو البنت مابقيت ناطرة انترنيت لتحكي مع شباب ماشاء الله صار الانترنيت هو تكلمة لحياتا الغير اخلاقية اذا كانت هي حابة هالشي يصير

3-بنظرك ،،، هل كل فتاة تستخدم النت لابد أن يكون لها صديق أو 000000 ؟؟؟

ووين المشكلة بهالموضوع

-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟

ما المفروض يكون إلها حدود لأنو أول شي لازم تكون متل ماهي بطبيعتا بالواقع

-انت كشاب تستخدم النت وتكتب بمنتديات ،،، هل تسمح بمن تعولهم من زوجة
او اخت او ابنة ان يستخدمو النت تحت اشرافك او بدون اشراف او تمنعهم ؟؟؟

مع أنو لسؤال للشباب بس تعليق حابة ضيفو هون بالنسبة للاولاد انا مو مع وجود الكمبيوتر بالبيت أصلن لحتى يصيرو هالاولاد بوقت وعمر قادرين يميزو الصح من الخطأ بحياتهم عاااااااامة

بالنسبة لهل الموضوع انا عندي كلمة وحدة فقط وهو بأنو الانترنيت عالم ولا أجمل وأروع منو طبعاً اذا عرفنا نتصرف صح , والصح الآخر أنو أكيد ممكن نقع بأغلاط وطبعاً أغلاط بسيطة والأهم أنا موشغلي وتفكيري بأشخاص عم يستعملو الانترنيت لأغراض تانية نتيجة " عقد نفس " عم بتكون ظاهرة بكتير من كلامن ومواضيعهن وأفكارهن هدول الاقامة الجبرية تبعهن عالهااااااامش
والأهم من هاد كلو : الفتاة يلي بتحترم نفسا " حقاً " قبل الآخر رح تكون " حتماً " محترمة بكل عناوين حياتاااا

مشكورة سكاي دريمز
مــــيرا

لا اكيد ما برفض هيك شي يعني اذا كنت انا عم فوت على منتدى ليش لامنعها هي
بس كمان حسب المنتدى يعني ازا منتدى محترم ليش لاء
مشكورة سكاي يسلمن

مشكورة سكاي موضوع مهم
يعني بظن انو بالاخير هنن حرين
بس مابشوف انو فيها اي غلط او اي عيب انو البنت تشارك بالمنتديات
ومابضن انو في عالم لسا تفكيرها هيك

1-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟

الشب يلي بده يحب بنت ويشوف انها عم تحكي ع النت .. مابعدو رجال
الا بحالة انه البنت عم تحكي ع النت بغرض شي تاني وهاشي مو حلو ومو مستاهلة انه تكون زوجة المستقبل
بس الانسان مالازم يطلع ع الشي السطحي وهوي انه البنت خلص قعدتت ع النت خلص صارت بنت مابتسوى وساقطة
لازم الواحد يطلع ع جوهرة البنت مطمونا شرفا اهلا اهم شي وكيف عايشين وكيف هني ومين هني
والنت هي عبارة عن اداة لثقافة والتعارف والحب اذا صار هالشي

2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

والله انا بشوف بس الاهل والشباب يلي عديمين النت هني يلي بفكرو بهالشي انه البنت يلي بتتثقف عن طريق المنتديات
ويلي بضيع وقتا وبتتسلى مع رفقاتها هي بفكروا مابتسوى مع انه شي طبيعي وعادي جدا
ويمكن هالشب هوي بحد ذاته عم يقعد ع النت وعم يشارك وعم يحكي مع بنات كمان
وبرجع بقول انه جوهر البنت بمضمونا وشخصيتا الحقيقية مو بالنت

3-بنظرك ،،، هل كل فتاة تستخدم النت لابد أن يكون لها صديق أو 000000 ؟؟؟

هي بترجع ع ثقة الرجل بالبنت يلي بحبا
يعني الا مايكون فيه شك بالنص انه هي البنت اكيد عم تحكي مع شباب وتحب وتتمعشق وعندا رفقات كتير
والثقة هيي يلي بتحدد مضمون هالعلاقة هي
بس اذا بده يشك انه هيك بظن بلاله هالحب كله والخطبة
وكمان عادي كتير يكون عندا اصدقاء ع النت وشي طبيعي
واحتمال تكو بتحب ع النت بس قبل ماتنطلب وتنخطب

4-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟

اكيد مو يروحو يحطو البنت بغرفة بين اربع حيطان وقلولا قعدي هون منشان تقول العالم انه هي بنت منيحة وماعم تعمل شي مابيسوى
كل بنت والها حريتا بحياتها وبتصرفاتها
والبنت بايدا بتعمل حالا بنت حلال وبأيدا بتعمل حالا بنت حرام ومنحرفة سواء بالواقع او بالنت
لانه فيه كتير بنات بالواقع عم يتعرضو لشغلات مابتسوى وجسد بجسد مو ع النت كاميرا ومدري شو

وبظن البنت عليا انه ضل واعية وتحط كلشي بحدود
مع رفقاتا ومع اهلا ومع خطيبا ومع الناس منشان الحكي والاشاعات

5-انت كشاب تستخدم النت وتكتب بمنتديات ،،، هل تسمح بمن تعولهم من زوجة
او اخت او ابنة ان يستخدمو النت تحت اشرافك او بدون اشراف او تمنعهم ؟؟؟

هي بترجع لحسب عقدة الشب يلي بده هالشي وحسب زن اهله ع هالشي
بس حقه الشب انه يمنع مرته بالمستقبل انه تفوت النت لانه بصير عندها مسؤوليات كبيرة وهيي بيتا واهلا وجوزا وولادا
بس انه يمنع خطيبته او البنت المستقبل او اخته هاد اكيد بظن مو بحقه لانه مانه ولي امرها وماعم تعمل شي غلط
وبس تعمل شي غلط اكيد يعمل يلي بده ياه وحقه

مشكورة سكاي موضوع حلو
بس كانه مكرر

موضوع جد كتير مهم

بس بظن منتهى السخافة يحدا يفكر بهيك شي هالايام

نحنا صرنا بالقرن ال 21

والدنيا كلا مفتوحة على مصراعيها

بئا مو معقول لسه في حدا بيفكر بهالطريقة

مشكورة كتير

طالما منتدى محترم ويكون هو على اطلاع

مافي مشكلة

يعطيكي العافية سكاي للموضوع

[size=25]1-اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟؟؟
انا برأي شي عادي كتير ومافي داعي انو يفسخ الخطبة مشان النت لانو النت صار متل الاكل والشرب عند الناس واكيد هوي هاد العريس فتح النت ومو مرة وحدة اكيد مرات
2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ،،،،

3-بنظرك ،،، هل كل فتاة تستخدم النت لابد أن يكون لها صديق أو 000000 ؟؟؟
لاء مو شرط بعدين هي عم تعمل شي عادي شكر ومو اكتر نحنا هلاء بالاماكن العامة اذا شي شخص ساوة شي منشكرو ومو شرط كل بنت بتفوت عالنت عالمنتديات يكون عندها حبيب او صديق من النت
4-ترى ماهي بنظرك الحدود التي يجب أن تقف عندها الفتاة ،،،حتى لايسيء استخدامها للنت اخلاقهااااااااا ؟؟؟؟؟؟؟؟؟
انو اي شخص حاول التقرب منها توقفو عن حدودو وماكتير تفوت عالنت وتفوت على شغلات معروفة يعني مافيها فساد
5-انت كشاب تستخدم النت وتكتب بمنتديات ،،، هل تسمح بمن تعولهم من زوجة
او اخت او ابنة ان يستخدمو النت تحت اشرافك او بدون اشراف او تمنعهم ؟؟؟
اكيد الشب من حقو يمنع مرتو من دخول النت مو مشان شي بس مشان مسؤولية البيت والطبخ بس هوي مادخلو باختو وبخطيبتو لانو هي بتعرف حالها شو عم تساوي

مشكووووووووووووووورة كتير لموضوع الحلو سكايو

تقبلي مروري

مافي اي مشكلة انو البنت تفوت عالانترنت والشب يللي بفكر بمصطلح فتاة الانترنت بكون تفكيرو محدود وسطحي..وليش ما نقلب الموضوع ..يعني ليش مسموح للشب باستخدام الانترنت والبنت لا؟
انا ماعندي مشكلة بالمرة باستخدام اختي او الزوجة المستقبلية للنت ..وبالحقيقة كل اقربائي البنات مبدعات عالانترنت وانا بفتخر فيهون ..
بس البنت تعرف حدودها وتلتزمها..وبس الشب يعرف حدودو ويفكر بعقلو بالمنطق..بعتقد ما بتصير مشاكل..
وشغلة الاشراف حتى ..يعني انا شايف انو الشباب لازملهن اشراف اكتر من البنات ..ههههههههه

شكرا كتير الك موضوع من اهم ما قرأت في هذا المنتدى

اها هيك مواضيع ساخنه غير شكل بتضرب عالوتر الحساس
بدي اسألكون
نحنا بواقعنا البنت أو المرأه هيك ئافلين عليها سبع ئفال وماحدا بشوفها ولابسمع صوتها ؟؟؟؟؟؟؟
هه
بالعكس النت انا شفتو وسيله كتير حلوه لكل شيء
بس البنت أو الشب الي اله ميول شاذ سواء بالنت أو بالواقع حييسلك طريق شاذ وبدون ماحدا يعرف فيه
والله المنيح برأيي والمقتنع بتصرفاته وواثق من نفسه مابيأثر عليه أي جو
بالعكس (بيأثر وما بيتأثر )
أنا عندي قناعه البنت لما من صغرها بتتربى وبأسلوب مقنع عالشرف والامانه والقيم وبيكون متطلباتها كلهاااااااااااااااااا مشبعه عالكامل بحياتها محتفكر بتالغلط ان كان عالنت
أ و كانت باخر ماعمر الله ومع 100 رجال مستحيل تفكر بالغلط
بالعكس
بتعتز بأنوثتها ... وبعنفوانها ...وعفتها
وهاد الاحساس بحد ذاته قمة الشعور بأنوثتها
ممكن يكون الها أصدقاء عادي مهي شاشه بالنهايه وشخصيات افتراضيه وهيه بأسلوبها بتئدر( تحجم هالعلاقه وتعملها حد معين)
أنا بالنسبه الي ماحداالوا علاقه فيني بهيك امور شخصيه لاني ابل مااخطي أي خطوه بكون عمهدلها الطريق ولما بتصيربيكون الكل مقتنع بوجهة نظري ومافي اعتراض بالنهايه هي حريتي الشخصيه وأنا مسؤؤله عن تصرفاتي وأنا الي بدفع تمنها وانا الي بتألموكتير حلوه هيك مواضيع نعالجها كلنا لانو بتلامس حياتنا الواقعيه بس مابظن بوئتنا في حدا جاهل لهالدرجه وان وجد فالاقليه

» هل تقبل الزواج ممن تكتب في المنتديات؟
» لكل عضو اشتقت الى أن أتزوج
» ** كيف يصطاد الشباب( الذئاب البشرية ) الفتيات ( الفريسة) بالمنتديات **
» غادة عبد الرازق: لم أتزوج سرا.. ولا أخشى شيئا لأخفيه
» كيف تكتب كلمة (أحبك)