الجرأة بالصراحة...

موضوع: رد: الجرأة بالصراحة... 17/2/2009, 1:19 am

يالله ياكريم جيتكننن ....

إي أهلين

شو الموضوع يلي بيعطي قلمك حرية التعبير من داخلك من غير أن تشعر؟
المواضيع السياسية

ماهو الذي بإمكانه أن يأسر حريتك بالحياة ؟
الإحترام

متى قلبك يقتله الزمان ؟
لما بفقد ذكرياتي الحلوة

كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟
بقول للذكرا الأليمة :من تكون إنت تعذبني وسامح
بقول للذكراا الجميلة: هتمنالو الخير

بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!
الغدر وبس

شو بتاخد معك من الماضي للحاضر يلي أنت فيه هلأ ؟ أتمنى التحديد...
باخد ذكرياتي كلها الحلوة مشان ما يضل عندي تفاؤل وأمل والبشعة مشان ما أرجع أوقع بنفس الخطأ

ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟
هههههههههههههههههههههههههه والله أنا بصدق وما بلمس

ممكن عشق جديد ينسيك عشق قديم؟ وكيف؟
مستحيل يقدر ينسيني عشق قديم بس ممكن يعوض عنو شوي

عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟
بختار البالون الأسود
بتمنى كلمة اشتقتلك قد ما اشتقتيلي

وصفلي بكم كلمة حياتك يلي أنت فيها هلأ ؟
انطوائية وعدم استقرار وملل

اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟
باقة ورد جوري زهري طبعا بس مو لشخص واحد
لميراا وحسام ونوار وليناي وأليكس

وليديز فيرست
طبعا ودائما ورح نضل بالأول نحنا ههههههههههههههههههههه
ومغسي ميغاا
هههههههههههههههههههههههه

موضوع: رد: الجرأة بالصراحة... 17/2/2009, 2:41 am

شو الموضوع يلي بيعطي قلمك حرية التعبير من داخلك من غير أن تشعر؟

كل المواضيع تقريبا وخصوصي المواضيع الاجتماعية بحب كتير اتناقش فيا

ماهو الذي بإمكانه أن يأسر حريتك بالحياة ؟

اذا صار معي ايا شي ممكن انو يبندني من المجتمع يعني اعاقة او شي

متى قلبك يقتله الزمان ؟

لما الكل بيطعني بضهري وما بعود بوثق باي شخص وبلاقي حالي لحالي يعني لما بيخذلوني اقرب الناس الي

كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟

ذكرى اليمة : كنتي السبب بكتير دموع الي بس بنفس الوقت بتشكرك لانك كنتي درس كبير الي بالحياة
ذكرى حلوة : بتمنى انو تتكرري دايما معي

بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!

القلب الاسود

شو بتاخد معك من الماضي للحاضر يلي أنت فيه هلأ ؟ أتمنى التحديد...

باخد معي نفسيتي وشخصيتي والشخص يللي بحبو

ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟

لانو صار زمن بخلي الواحد يشك بحالو وما عاد حدا يثق بحدا كلو عم يخدع بعضو وما حدا بيتمنى الخير للتاني

ممكن عشق جديد ينسيك عشق قديم؟ وكيف؟

اي طبعا حسب طريسقة تعاملو معي لانو لما انسان بقدملك كل شي بحياتو و
بحاول اد ما فيه لحتى يشوف الضحكة على وشي وبقف جنبي بالحلوة والمرة وما
بدوقني طعم الخيانة بكون شخص بستاهل انسى العالم مشانو مو بس حب قديم

عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟

بالون احمر ويكون فيا رسالة من يللي بحبو ومكتوب عليا بحبك وهل للحياة نبض وانتي لست فوادي

وصفلي بكم كلمة حياتك يلي أنت فيها هلأ ؟

هادية مفعمة بالحياة عم عيش اجمل ايام الرومنسية فيها شوق

اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟

بقدما ل I AM LEGEND

موضوع: رد: الجرأة بالصراحة... 17/2/2009, 5:30 am

كلنا ممكن تحصل معنا مواقف أو نتعرف على أشخاص عن طريق الصدفة فسؤالي هوي:
1:شو هوي (الموقف-الشخص-الحدث)اللي صار معك بالصدفة فرحك كتير؟؟
انو اكتشفت كزب حدا هالشي خلاني حس اني مو ظالمتو وكتير فرحت

2:شو هوي(الموقف-الشخص-الحدث)اللي صار معك الصدفة كمان وقلت ياريتو ما صاراوما التقيت فيه للشخص؟؟؟
انو اكتشفت كزب حدا بس المشكلة انو ما كنت متوقعتو ابدا

مشكوووووووووووووورة روزا

اسئلتي:

1: مين الاعضاء اللي انت بتعرفون على أرض الواقع
ميرنا
2:مين الأعضاء اللي بتتمنى تعرفون شخصيا على أرض الواقع
نوار وايم ليجند وميراا وسالي
سؤال للاعضاء القدامى:بصراحة ما بعرف صنف حالي رح جاوب عالتنين
مين الاعضاء الجدد اللي حبيتون وثقت فيهم فوراااا
روزاليندا
مين الاعضاء القدامى اللي حبيتون وثقت فيهم فوراا
نوار وميراا ونينا وقمر وسالي وليا

مشكووورة بنوشا

ليناي
في حال حبيبك منعك من الخروج برا البيت بدون ما تقوليلو أو تاخدي اذنو ورحتي انتي خالفتي رغبتو وطلعتي لأحد الأسباب قام هوي تركك لان ما طعتيه
شو بتعملي وشو بتكون ردة فعلك؟
هههههههههههههههههههههههههههههه بضحك ضحكة غبا لانو اخترت انسان جاهل وما بيعرف يتعامل لو فيو شوية عقل المفروض يا يتناقش معي بسبب اني طلعت يا يقنعني من قبل ما اطلع انو الطلعة ما منيحة لسبب هوي شايفو اكتر مني
اما والله بدو يقنعني لانو برأيو هيك بتكتمل رجولتو اى طبيعي ما رد عليه

مشكووورة روزا

انا حابة جاوب على الاسألة اللي انا حطيتها مشان الكل يعمل متلي ويجاوب على اسألتو كمان لحتى نتعرف عليكن اكتر يا بشعين
والاسألة :
اول شي املأ الفراغ بما يناسبه: (اعضاء او اشخاص خارج المنتدى او مواقف واحداث فيكن تحطو شو ما بدكن)

1) يا خيي قلبي موجوع ما عاد فيها العين دموع لعيونك بشكي همي يا خيي وبيي وامي >>>>>>>> لشخص انا بعتبرو اخ وصديق وكتير بيساعدني وقت بكون متدايقة
2) من يوم الغابت عني تعما عيوني متمني من يوم الغابو عيونا زادو عناتي عني >>>>>>>> الامل
3) الله شو بحبك وشو بمووووت بحبك >>>>>>>> للبوي فريند بخخخخخخخخخخخخخخخخ
4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب >>>>>>>> لكل رفقاتي اللي ما كانو عند حسن ظني
5) يا ريتك لو تجي يمي وسمعك كل صدى همي >>>>>>>> الشخص اللي بعتبرو اخي
6) يا غايب ليه ما تسأل عحبابك اللي يحبونك >>>>>>>> لكمان نفس الشخص اللي بعتبرو اخي
7) كيفو .. مش عم شوفو ولا عم بعرف كيف هيي ظروفو >>>>>>>> لشخص الي زمان عم حاول اني اوصللو لاني فقدتو وما عم اقدر لاقيه
بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك >>>>>>>> للبوي فريند كمان ويا جكركم ههههههههههههه
9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني >>>>>>>> لصديقة عملت معي موقف مو منيح ورجعت حاكيها لاني بعزها
10) اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا يصير .. لكن من تبعد عني احس روحي نفصلت مني >>>>>>>> لماما وبابا
11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد >>>>>>>> كمان للبوي فريند وياي ياي ياي كلو ياي
12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين >>>>>>>> كلمة من صديق قديم
13) جاية .. جاية الوقت وبطل فكر فيه .. قاسي قسي قلبي وما جرب احكيك >>>>>>>> لشخص كنت كتير بعزو وطلع بالاخير مو عند ثقتي
14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني >>>>>>>> لقلبي اللي كتير انجرح
15) بيحن للنغم الوتر وبيحن للشمس القمر وبيحن لليل السهر وانا مش قادر حنلك >>>>>>>> طيبة قلبي ما بقا بدي ياها ولا بحنلها
16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك >>>>>>>> للبوي فريند كمان ويا جكركم كمان مرة
17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني >>>>>>>> للشخص اللي كنت بعزو وما كان عند ثقتي

يمكن بيكفي بالنسبة لأكمل الفراغ
هلق السؤال التاني:
اجب عن ما يلي:
1) شو بتعملو عالنت بمعظم الوقت؟؟؟ بتسلا لانو عندي وقت فراغ كتير وبمظعم الاوقات بكون عم اقرا لانو بحب كتير اذا كنت بجلسة نقاش ما حس حالي ما فهمانة شي
2) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟ لا ابدا ما صرت انطوائية بالعكس يمكن صار عندي ثقافة اكبر وطريقة تفاهم احسن مع شخصيات مختلفة (لانو برااي النت ما هوي الا عالم مصغر)
3) النت عالم متل العالم الواقعي بس شو تقييمكم لألو من حيث الحسنات والمساوئ؟؟؟ والله هوي بيضلو منيح اذا الواحد عرف ياخد منو المعلومات وما يعطيه شي الا شوي من وقت اما لما يصير ادمان انعكست الاية وصار الشخص رهن النت مو النت رهن الشخص

السؤال التالت والاخير :
صل بين العضو المناسب من الفئة A والعضو المكمل له من الفئة B مع امكانية وجود تشابه ببعض الاجوبة ولكن لا تنسو زكر السبب (يعني لحتى اقتنع انو ما عفشكتو الاسامي شلون ما كان)
(((((( A ))))))<<<<<<<<((((( B )))))
سالي >>>>>>>> نيكولاس >>>>>>>> بحسن التنين كتير طيبين وبيحبو يعملو مقالب بالعالم وروحن مرحة
قمر >>>>>>>> راؤول >>>>>>>> بحسن كتيييير هاديين ورايقين
ليا >>>>>>>> I AM LEGEND >>>>>>>> بحسن متفاهمين وتنيناتن رومنسيين وكتير حساسين
نينا >>>>>>>> محمد >>>>>>>> بحسن بيتفقو بكتير شغلات
ميرنا >>>>>>>> اليكسندر >>>>>>>> التنين شريرين بيلبقو لبعض هههههه لا جد بحسن كتير رفقة وبيعزو بعض كتير
ميرا >>>>>>>> حسام (كاكا ميلانو) >>>>>>>> كمان بحسن لابقين لبعضن
ليناي >>>>>>>> نوار >>>>>>>> بحسن تنين قوايا وبيتفاهمو مع بعض ههههههههه
جورجينا >>>>>>>> مرتضى >>>>>>>> كمان كتير متفاهمين وبيشبهو بعض كتير
روز >>>>>>>> ار بي جي >>>>>>>> بحسن كتير مأذيين وبيحبو كتير يجننو العالم
روزاليندا >>>>>>>> عاشق الاسد >>>>>>>> بحسن كتير بيعزو بعض وفين صفات متشابهة
البنت الحلوة >>>>>>>> ويست لايف >>>>>>>> بحسن كتيييير طيبين ورايقين كتير
بنوشا >>>>>>>> ابو حيدرة >>>>>>>>كمان هاديين كتير وطيبين
نانا 13 >>>>>>>> روني >>>>>>>>ما بعرف تشابه حرف النون يمكن السبب هههههه لا بس بصراحة كمان بحسن هاديين كتير

يالله ياكريم جيتكننن ....

اهلا بهالطلة اهلا اهلا بهالعين الكحلا

شو الموضوع يلي بيعطي قلمك حرية التعبير من داخلك من غير أن تشعر؟
الحب طبعا او الكره (بغض النظر عن طبيعة الحب ولمين بحب يعني بالرفقة او الصداقة او بالعائلة او حتى لموضوع معين او صفة معينة ونفس الشي الكره)

ماهو الذي بإمكانه أن يأسر حريتك بالحياة ؟
اي قعدة ما عاجبتني بتأسر حريتي ووقت بكون بين عالم ما بحبن

متى قلبك يقتله الزمان ؟
وقت اللي ما بيلاقي شخص يحبو ويثق فيه

كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟
الزكرى الاليمة : انو انتي درس الي لحتى اتعلم ولحتى حس بالوجع اللي ممكن تتسبب فيه اخطائي او ثقتي بالعالم الخطأ
الزكرى الحلوة : انتي الدافع اني اسا عم عيش الحياة لانو بدي جدد احساسي فيكي

بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!
يمكن حقارة؟؟؟؟؟ سوري على التعبير بس انسب تعبير

شو بتاخد معك من الماضي للحاضر يلي أنت فيه هلأ ؟ أتمنى التحديد...
زكرياتي وقوة شخصيتي

ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟
هههههههههههه لا ولا مرة عملت هيك شي اصلا انا بس شوف هيك عبارة بهرب من الحيط كلو بخاف عتيابي ههههههه

ممكن عشق جديد ينسيك عشق قديم؟ وكيف؟
اذا كان العشق الجديد صادق اكتر

عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟
بنخز البالون الازرق والرسالة بتمنى تكون بحبك يا مجنونة كيف ما كنتي تكوني هههههه لا جد بتمنى تكون رسالة من صديق وشو ما كان فيها ما عندي مشكلة

وصفلي بكم كلمة حياتك يلي أنت فيها هلأ ؟
هلق عم عاني من روتين كتير وملل بتمنى اقدر غير هالشي لانو ما عم اقدر املي وقت فراغي ابدا

اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟

**الورده الحمراء**
تمثل الجمال والحب الملتهب ورسالتها "احبك من كل قلبي"

**الورده الزهريه**
تمثل الرقه والأ فتنان ورسالتها "انا معجب بك"

**الورده الصفراء**
تمثل السعاده والغيره في الحب ررسالتها " لن تكون لأحد غيري"

**الورده البيضاء**
ثمثل النقاء والخصوصيه ورسالتها "انت هديه من السماء"

** الورده الخضراء**
تمثل الأمل والرجاء ورسالتها "اتمنى ان تكون لي"

**الورده البرتقاليه**
تمثل رهافه المشاعر ورسالتها " رقتك تفوق رقه الورد"

** الورده الزرقاء**
تمثل الوفاء وكأنها تقول" انا لك للأبد"

** الورده البنفسجيه**
تمثل الحب الحزين وكأنها نقول" مهما حدث سأظل احبك"

اما الباقه المتعددة من الزهور فهي تدل " ان الحبيب مستعد ان يضحي بأي شي من آجل من يحب"
وانا بهديه كل الورود بباقة كاملة
مشكووووووووورين جميع على المرور والمشاركة نورتو

موضوع: رد: الجرأة بالصراحة... 17/2/2009, 5:38 am

واكيييييييييد ليناي

طيبة كتير وزكية كتير بحبا كتير
مجنونة بمعنى الكلمة
واسلوبها فظيع
عنيدة
جريئة
وعفوية الله يحميها ويوفقها
يلي ما بيعرفها بيجهلها

اليكسسسسسسسسس اول شي يسلمو شهادتك بعتز فيها
بس امانة شو يعني اسلوبي فظيع؟؟؟؟؟؟؟ والله حاولت افهمها ما كانت تظبط انت قصدك فيها النية الحسنة وللا العاطلة؟؟؟
جاوبني على هالسؤال مبدأيا وانا الي عودة مع اسألة تانية

موضوع: رد: الجرأة بالصراحة... 17/2/2009, 8:10 am

هل يختلف معنى الحب عبر العصور؟
اكيد بيختلف يعني كلما نطيتي ع عصر جديد عم يصير الحب معصور بين التسلاية والتضيع الوقت وكلمة بحبك صارة مجردة من المعنى والمشاعر والاحساس كلمة صارة منباعة ع البسطة
ما هو تأثير العمر على معنى الحب في المراحل التالية ( مراهقة , شباب , بعد الأربعين )
المراهقة :
حب خيالي احلام تخيل حب يمكن يكون اخلاص بس مارح يتنهي بالزواج

شباب :
حب حلو بمر بمرحلة حلوة من الحب والمشاعر بس مابدك تيكون عندن مصاري ومامنين حالن انه يتجوزو ويتحقق احلامن ههههههه

بعد الاربعين:
انابشوف هون الحب احسن ويمكن بصير حقيقة اذا كنت بتحب وناطر ناطر ناطر ناطر ع البلكون انه يجي هاليوم يلي تكون مع من تحب
والحب بكون اوعى واصدق واخلص

أيمكن للحب ان يغير مجرى حياتك؟

ما اساس الدنيا الحب سؤاء حب شريك او غيرو
بس انه يعني بغير وخاصتا انه بريح النفس وبخلي الواحد روحو حلوة ومرحة مو عطول عم يتخلق

البعد أيخفف المشاعر أم يلهب الأشواق؟

امممممممممم اكيد بيلهبو وبيحرق نفسه هههههه
بس انه شو نفع الحب اذا بعاد عن بعض
بس بضل حلو الحب عن بعد
هل الغيرة ضرورية في الحب و ما دورها ؟ سلبي أم ايجابي

انا بقول انه الغيرة حلوة بالحب بس الها سلبياتا
انه بوصل لدرجة الشك وبعدين الفراق
وايجابيتا انه بتحسي انه الشخص بحبك وهوي الك وبس

هل انت تجامل بالحب من يحبك بصدق خوفا على شعوره ؟
لاااااااااااااااااااااا ومستحيل
والكل بيعرفني منيح
انا مابحب جامل وبحب من قلب وبخلص من قلب وبوقف معه من قلب حتى باصعب الظروف ولابجامل

مشكورة ليا اسئلة حلوة

موضوع: رد: الجرأة بالصراحة... 17/2/2009, 8:25 am

كلنا ممكن تحصل معنا مواقف أو نتعرف على أشخاص عن طريق الصدفة فسؤالي هوي:
1:شو هوي (الموقف-الشخص-الحدث)اللي صار معك بالصدفة فرحك كتير؟؟
والله مابعرف مابتذكر موقف فرحني هيك بالصدفة
2:شو هوي(الموقف-الشخص-الحدث)اللي صار معك الصدفة كمان وقلت ياريتو ما صاراوما التقيت فيه للشخص؟؟؟

بالواقع مانمدت ع تعرفي باي شخص
بس بالنت تقريبا اي شخص مابحبيت التقي فيه ندمت عليه انه يعني لزق او هيك ومع اني ماطقته ولزق
بس نادر ماتصير

1: مين الاعضاء اللي انت بتعرفون على أرض الواقع
لسى ماتعرفت ع حدا من ارض الواقع مانا بالغربة ههههههههه

2:مين الأعضاء اللي بتتمنى تعرفون شخصيا على أرض الواقع
بصراحة الكل بحب شوفن ع الواقع
اهمن ميرا وليا وميرنا وليناي وروزا

سؤال للاعضاء القدامى:

مين الاعضاء الجدد اللي حبيتون وثقت فيهم فوراااا
ولا حدا

سؤال للاعضاء اللجدد:

مين الاعضاء القدامى اللي حبيتون وثقت فيهم فوراا

مرتضى واليكس ودارك
قمر وليا ونينا
هدول القداما

مشكورة بنت العم

موضوع: رد: الجرأة بالصراحة... 17/2/2009, 8:29 am

: مين الاعضاء اللي انت بتعرفون على أرض الواقع
ماحدا

2:مين الأعضاء اللي بتتمنى تعرفون شخصيا على أرض الواقع
أووووووووه كتار.. كل يلي بعرفهن

سؤال للاعضاء القدامى:

مين الاعضاء الجدد اللي حبيتون وثقت فيهم فوراااا
مافي صدبق مقرب الي منهم

سؤال للاعضاء اللجدد:

مين الاعضاء القدامى اللي حبيتون وثقت فيهم فوراا
xxxxxxxxx

موضوع: رد: الجرأة بالصراحة... 17/2/2009, 8:42 am

شو الموضوع يلي بيعطي قلمك حرية
التعبير من داخلك من غير أن تشعر؟

لما بكون مدايقة بحب فش خلقي بالكتابة

ماهو الذي بإمكانه أن يأسر حريتك بالحياة ؟

النكد

متى قلبك يقتله الزمان ؟

كمان النكد المستمر

كل إنسان عندو ذكرى أليمة وذكرى جميلة
شو بتوجه كلمة لكل ذكرى منهما؟

للذكرى الحلوة: بتمنى انو تضل ببالي
وانو تكون ذكرياتي كلا حلوة

للذكرى المو حلوة: بقول الله لايردك
وانشالله بستفيد منك كرمال ماتتكرر

بدي وصف واحد لتسمية خيانة الصديق والحبيب مجتمعين؟
أنو التنين اجتمعو وخانوك !!

قمة الدنائة

شو بتاخد معك من الماضي للحاضر يلي
أنت فيه هلأ ؟ أتمنى التحديد...

انو ما احكي اسراري غير للناس يلي بوثق فين

ليش لما منقرا مكتوب على الحائط احترس من الدهان؟
لانصدق بل نجرب بأصبعنا؟
يعني لازم يحلف الحائط مثلاً لنصدق ؟؟؟

هههههههههههه انا مو هيك بعمل

ممكن عشق جديد ينسيك عشق قديم؟ وكيف؟

اي ممكن .. لو هالحب عوضني عن الشي القديم

عطوك دبوس أمام مجموعة من البالون شو بتختار لون
البالون لتنخزو ؟ وطبعاً رح يكون جواتها ورقة فشو
بتتمنى يكون في الك جوا هالورقة؟؟

مممممممم شو بدنا لونه

مممممممممم يلا احمر

بتمنى لاقي جواته رسالة من الناس يلي من زمان ماشفتن

وصفلي بكم كلمة حياتك يلي أنت فيها هلأ ؟

بصراحة هلئ هلئ... فايتة على مرحلة جديدة كلياً

رح تنقلب حياتي 180 درجة من وراها

وعنجد كتير متفائلة فيا ودعووووووولي

اختار بوكيه ورد مع تحديد اللون تبعها وقدمو لعضو
واحد فقط بالمنتدى مع كلمتين صغار جنبن ؟

بهدين لمحمد وبقله الله يوفقك بحياتك ويحققلك كل طموحاتك

ولا يضرك ابداً

موضوع: رد: الجرأة بالصراحة... 17/2/2009, 8:56 am

لما تعرفي انو حبيبك اللي ما بيكذب عليكي وما بيخبي شي عليكي وكل تفصيلة بحياتو بتعرفيا
عم يتعاطى مخدرات
شو بتتصرفي؟؟وشو بتكون ردة فعلك؟؟؟

يعني يمكن كل انسان وقت يمر بهيك ظروف رح يعمل شي سيئ
ويمكن الشخص وقت يشرب مخدرات مابينعد سيئ لهدرجة
وبينعد سيئ بالنسبة الي وقت يشرب ويعمل شغلات مابتسوى
بس اذا مستعد انه يتركو ل مخدرات مابتخل ى عنه لشخص يلي بحبو
لانه الحب اكبر من اني اتخلى شخص هيك

مشكورة

موضوع: رد: الجرأة بالصراحة... 17/2/2009, 9:45 am

اول شي املأ الفراغ بما يناسبه: (اعضاء او اشخاص خارج المنتدى او مواقف واحداث فيكن تحطو شو ما بدكن)
1) يا خيي قلبي موجوع ما عاد فيها العين دموع لعيونك بشكي همي يا خيي وبيي وامي(نيكولاس
2) من يوم الغابت عني تعما عيوني متمني من يوم الغابو عيونا زادو عناتي عني(لحبيبي ) ................
3) الله شو بحبك وشو بمووووت بحبك ................... ( ابو علي )
4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب .................. ( والله ابو علي )
5) يا ريتك لو تجي يمي وسمعك كل صدى همي ...............( ابو علي ).
6) يا غايب ليه ما تسأل عحبابك اللي يحبونك ................... ( ولو حطو شي غير رح ضل قول ابو علي )
7) كيفو .. مش عم شوفو ولا عم بعرف كيف هيي ظروفو .................
لكل عضو غايب وماعم يبين
بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك.......... (ابو علي )
9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني............. (ماحدا )
10) اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا يصير .. لكن من تبعد عني احس روحي نفصلت مني ............... ( ابو علي
11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد .............
12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين............. (ما اني شب توجهو لحدا
13) جاية .. جاية الوقت وبطل فكر فيه .. قاسي قسي قلبي وما جرب احكيك ............... ابو علي
14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني ....ماحدا .........
15) بيحن للنغم الوتر وبيحن للشمس القمر وبيحن لليل السهر وانا مش قادر حنلك .......... ماحدا
16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك............. ابو علي
17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني.........ماحدا....

يمكن بيكفي بالنسبة لأكمل الفراغ
هلق السؤال التاني:
اجب عن ما يلي:
1) شو بتعملو عالنت بمعظم الوقت؟؟؟
المنتدى والشا ت والماسنجر
2) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟
الواقع متل النت كله متل بعضو
يعني بتتعافي وبتتقابلي بس شو بضيعك عن اهلك وشغلك
ومافي انطوائ ابدا لانه كله متل بعضو وين مارحتي عالم وناس

3) نت عالم متل العالم الواقعي بس شو تقييمكم لألو من حيث الحسنات والمساوئ؟؟؟

حسناته انه تعارف وثقافة ولقاء
مساوئة بس بيمنعك تضل مع اهلك كتير ومع رفقاتك بالواقع وتطلع محل

موضوع: رد: الجرأة بالصراحة... 17/2/2009, 9:54 am

سالي .... نيكولاس
قمر ..... وسامو
ليا...... الاسطورة
نينا ..... محمد
ميرنا .... اليكس
ميرا .... كاكا
ليناي .... نوار
جورجينا .... روني
روز ..... ار بي جي
روزاليندا .... عاشق الاسد

البنت الحلوة .... مرتضى
بنوشا ,,,, عاشق
نانا 13 .... عاشق

موضوع: رد: الجرأة بالصراحة... 17/2/2009, 11:29 am

شبااااااااااااااب صباااااااااايا شو مشان انتي فتت بالحيط

صرلي ساعتين عم شقلب الموضوع وما بعرف كم مليون سؤال شو رايكون نعملو بقسم لحالو

يستر على حالي فتت بالحيط بربي

موضوع: رد: الجرأة بالصراحة... 17/2/2009, 11:45 am

انو كيف قصدك بقسم لحالو مرتضى؟؟؟
انو يعني نعمل قسم اسمو الصراحة وتصير الاسألة من كل عضو على شكل مواضيع؟؟؟؟؟؟
واجوبة باقي الاعضاء تعتبر ردود؟؟؟؟

موضوع: رد: الجرأة بالصراحة... 17/2/2009, 12:17 pm

طيب طولي بالك لفكر شوية وانشالله منلاقي حل او بضل هيك مافيها شي

موضوع: رد: الجرأة بالصراحة... 17/2/2009, 1:03 pm

روزاليندا تسأل:

كلنا ممكن تحصل معنا مواقف أو نتعرف على أشخاص عن طريق الصدفة فسؤالي هوي:
1:شو هوي (الموقف-الشخص-الحدث)اللي صار معك بالصدفة فرحك كتير؟؟
شغلة كنت احلم ان تتحق وتحققت من قبل شخص

2:شو هوي(الموقف-الشخص-الحدث)اللي صار معك الصدفة كمان وقلت ياريتو ما صاراوما التقيت فيه للشخص؟؟؟
حدث صار ويا ريتني ما فتحت النت من زمان وطلعلي خبر للاسف لحد اليوم ولاخر عمري ما بنساه للخبر وان شاء الله ما بمر عليكم هيك خبر

دمتم بود

موضوع: رد: الجرأة بالصراحة... 17/2/2009, 1:42 pm

اسئلة بنوشة :

1: مين الاعضاء اللي انت بتعرفون على أرض الواقع
ما حدااا
2:مين الأعضاء اللي بتتمنى تعرفون شخصيا على أرض الواقع
في كتيرين
سؤال للاعضاء القدامى:

مين الاعضاء الجدد اللي حبيتون وثقت فيهم فوراااا
لحد الان ما حداا لان ما ممكن تحطي ثقتك الاا للتاكدي من العضو

دمتم بود

موضوع: رد: الجرأة بالصراحة... 17/2/2009, 2:15 pm

ههههههههههههههههههه
سوري نينا حقك عليي

بنت حبابة طيبوبه متقلبة المزاج اذا حدى ناقشها بتتفهم الموضوع ربي يوفقك ويحققلك اللي ببالك ونفرح فيكي مشان تجيبيلنا بنوته اسمها شام w_1

موضوع: رد: الجرأة بالصراحة... 17/2/2009, 4:06 pm

شو الموضوع يلي بيعطي قلمك حرية التعبير من داخلك من غير أن تشعر؟
الموضوع الحب كلشي بيتعلق فيه بقولو من قلب من دون مااشعر شو عم احكي

ماهو الذي بإمكانه أن يأسر حريتك بالحياة ؟
ماعندي شي يأسرني مابعرف

متى قلبك يقتله الزمان ؟

وقت قدم شي لشخص مانه مقدرو وخلال هالزمن كله ولاقدر الوضع وكله بروح هباء

كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟
الزكريات الجيملة بجوهلن انه بضلو متل ماانتو ذكرى حلوة
والزكريات الاليمة بوجهلن انه عد ماضلو معي وع طول رح تضلو ذكرى الا اذا الزمن هيك بدو

بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!
خيانة الصديق غير خيانة الحبيب
الصديق صح بخونك بس مابأثر بحيتك قد خيانة الحبيب
لانه حياتي كلا بتوقف ع الحبيب وع تصرفاته معي
يلي بدمرو االصديق بيوم بدمرو الحبيب بثانية
وفيه فرق كبير بيناتن واكيد الحبيب اصعب لانه كل انسان بيتكل عليه بكلشي بحياته اكتر من لاصديق لانه الصديق بيتعوض بس الحبيب لا

شو بتاخد معك من الماضي للحاضر يلي أنت فيه هلأ ؟ أتمنى التحديد...
الصبر وطولت البال بس

ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟
الانسان بطبعو فضولي واذا الواحد قله لا بيعملا واذا قله عملا مابيعملا
ابقى انا بحط اصبعتي تجرب اذا هالدهان كلمه صحا ولا هههه

ممكن عشق جديد ينسيك عشق قديم؟ وكيف؟
اي ممكن بس مو بهالسهولة والسرعة بتصير النسيانن
وهي بترجع ع الشخص يلي بدو ينسى

عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟

البالون يلي بتمنى اني انخزو الاسود وبتمنى يكون وراه ورقى مكتوب فيا
حل عليكي الفرج حل والهموم كلا راحت والشخص يلي بتحبيه صار معك والك ونصيبك وانه تحل كل مشاكله وهمومو ونفرج

وصفلي بكم كلمة حياتك يلي أنت فيها هلأ ؟
تعاسة ملل مقت انتظار الفرج
كلشي مسكر بهالوش وجايي عبالي من هالدنيا كش
مو بايدي اني لحدا فش لانه هيك مكتوب ع الوقة بدهان الرش

اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟

مممممممممممممممممممممممممممممممممم
باقة ورد بيض ل ليا
وبقلا جنبن احترامي وتقديري لكي واخلاصي لصداقة

موضوع: رد: الجرأة بالصراحة... 17/2/2009, 5:21 pm

سوري على تأخري بالردود اول شي

هل يختلف معنى الحب عبر العصور؟
اي بيختلف طبعا
العصور عم تختلف وكلشي عم يختلف والحب اكيد موجود بعصرنا بس قليل ولما عم يلتقا عم يصير كتير عواقب
ما هو تأثير العمر على معنى الحب في المراحل التالية ( مراهقة , شباب , بعد الأربعين )

مراهقة: الجنون
شباب: الجنون الوعي والادراك اكتر
بعد الاربعين : ببقى كلشي للزكرى وبكون ملون وبرجعو ظغار
أيمكن للحب ان يغير مجرى حياتك؟

اي اي كتير كمان وحسب الحالة يابغيرا بخليك فوق يا بغيرا لتحت
البعد أيخفف المشاعر أم يلهب الأشواق؟

لا بلهب الاشواق وبخلينا نطرق راسنا بالحيط هههههههه
هل الغيرة ضرورية في الحب و ما دورها ؟ سلبي أم ايجابي؟
اي الغيرة بتجي بدون ما تحسي وبتكزبرلي بدني
دوراايجابي اكتر من السلبي والغيرة مهمة بالحب
هل انت تجامل بالحب من يحبك بصدق خوفا على شعوره ؟
لا شو جامل بالعكس اذا جاملتو لح ينجرح كتير

موضوع: رد: الجرأة بالصراحة... 17/2/2009, 5:27 pm

هلا بنوشا
: مين الاعضاء اللي انت بتعرفون على أرض الواقع
ما حدا
2:مين الأعضاء اللي بتتمنى تعرفون شخصيا على أرض الواقع
كتير والله عندك مثلا قمر واليكس ومحمد نيكولاس ميرا سالي نينا وكل الشلة
سؤال للاعضاء القدامى:

مين الاعضاء الجدد اللي حبيتون وثقت فيهم فوراااا
نينا
سؤال للاعضاء اللجدد:

مين الاعضاء القدامى اللي حبيتون وثقت فيهم فوراا

موضوع: رد: الجرأة بالصراحة... 17/2/2009, 5:44 pm

اول شي املأ الفراغ بما يناسبه: (اعضاء او اشخاص خارج المنتدى او مواقف واحداث فيكن تحطو شو ما بدكن)
ايون ايون

1) يا خيي قلبي موجوع ما عاد فيها العين دموع لعيونك بشكي همي يا خيي وبيي وامي
أختي الكبيرة
2) من يوم الغابت عني تعما عيوني متمني من يوم الغابو عيونا زادو عناتي عني
أيام الطفولة
3) الله شو بحبك وشو بمووووت بحبك
ماحدا
4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب
لغاوي مشاكل صديقي الانتيم
5) يا ريتك لو تجي يمي وسمعك كل صدى همي
لقلبي
6) يا غايب ليه ما تسأل عحبابك اللي يحبونك
لليوم كون ناجحة فيه
7) كيفو .. مش عم شوفو ولا عم بعرف كيف هيي ظروفو
لدكتورتي بالجامعة يلي لازم بقى تنجحني بالمادة تبعي هههههههههههه
بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك
لسه ماصرت لعبة بين ايادي اشخاص وبس صير بخبرك لولو هههههههه
9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني
لمرحلة التلت سنين يلي مضو
10) اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا
يصير .. لكن من تبعد عني احس روحي نفصلت مني
أخي
11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد
للنسيان
12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين
لدموعي
13) جاية .. جاية الوقت وبطل فكر فيه .. قاسي قسي قلبي وما جرب احكيك
لقلبي
14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني
لمشاعري
15) بيحن للنغم الوتر وبيحن للشمس القمر وبيحن لليل السهر وانا مش قادر حنلك
لأيام مضت
16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك
لبيت الجبل .. لما بكون مزعوجة ومابقدر روح عليه
17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني
ماحدا

يمكن بيكفي بالنسبة لأكمل الفراغ
ههههههههههههههه كتير منيح

هلق السؤال التاني:
ايوااااااااااا

اجب عن ما يلي:
1) شو بتعملو عالنت بمعظم الوقت؟؟؟
اكيد مع الاشخاص يلي بعرفن .. أو بالمنتدى ولما بكون اوف فبكون هون وهون عم دور على شي انا بدي ياه

2) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟
بيموتني هالكلام ولووووووو ... ليش النت عم نشوفو مخبأ لكل انسان فاشل او انطوائي او مابيعرف وين الله حاطو .. بالرغم انو موجود من هالعينات متلو متل الواقع تمام .. لأ .. أنا برأيي كلو إلو وقتو لابيخليني منفتحة على العالم غير لما بيكون بدي معلومة جديدة ولابيخليني انطوائية أكيد

3) نت عالم متل العالم الواقعي بس شو تقييمكم لألو من حيث الحسنات والمساوئ؟؟؟
مافي شي محدد ليناي .. لأنو أنتي حسب خبرتك وتجاربك فيه بتحددي سيئاتو وين وحسناتو وين

السؤال التالت والاخير :

صل
بين العضو المناسب من الفئة A والعضو المكمل له من الفئة B مع امكانية
وجود تشابه ببعض الاجوبة ولكن لا تنسو زكر السبب (يعني لحتى اقتنع انو ما
عفشكتو الاسامي شلون ما كان)

نيكولاس و سالي
مرتضى و جورجينا
I AM LEGEND و ليا
اليكسندر و روز
نوار و ليناي
عاشق الاسد و روزاليندا
سامو و ميرنا
محمد و نينا ريتشي

بعتذر عن الأسامي الباقية لعدم معرفتي فيهم منيح
ماعدا ار بي جي يلي مالقيتلو حدا بيشبهو ههههههههههههه
واشتقنالك معــلم

موضوع: رد: الجرأة بالصراحة... 17/2/2009, 5:51 pm

الاسألة :
اول شي املأ الفراغ بما يناسبه: (اعضاء او اشخاص خارج المنتدى او مواقف واحداث فيكن تحطو شو ما بدكن)
1) يا خيي قلبي موجوع ما عاد فيها العين دموع لعيونك بشكي همي يا خيي وبيي وامي .......لشخص مميز ........
2) من يوم الغابت عني تعما عيوني متمني من يوم الغابو عيونا زادو عناتي عني .....امي.....
3) الله شو بحبك وشو بمووووت بحبك .....لشخص غالي علي......
4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب .....لا مالح نندم ولو افترقنا مالح نندم .......
5) يا ريتك لو تجي يمي وسمعك كل صدى همي .....لشخص غالي علي.....
6) يا غايب ليه ما تسأل عحبابك اللي يحبونك .......صديقة قديمة كتير.......
7) كيفو .. مش عم شوفو ولا عم بعرف كيف هيي ظروفو .....كمان لصديقة قديمة.......
بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك.....ههههههههههههه ما بعرف ....
9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني......ما لحدا.....
10)
اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا
يصير .. لكن من تبعد عني احس روحي نفصلت مني ..لشحص بحبو.......
11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد ...كمان لشخص بحبو......
12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين.....ما لحدا......
13) جاية .. جاية الوقت وبطل فكر فيه .. قاسي قسي قلبي وما جرب احكيك .....ممممم ........
14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني .....لنينا.....
15) بيحن للنغم الوتر وبيحن للشمس القمر وبيحن لليل السهر وانا مش قادر حنلك ...مو لحدا.....
16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك...لشخصية بحياتي بحبا كتير ....
17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني.....مو لحدا.....

يمكن بيكفي بالنسبة لأكمل الفراغ
هلق السؤال التاني:
اجب عن ما يلي:
1) شو بتعملو عالنت بمعظم الوقت؟؟؟
بسمع اغاني وبحكي مع رفقاتي ومنتدى بس
2) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟
هيك وهيك يعني على ئد ما عم تكسبي معلومات وبصير معك شغلات بضحك على ئد ما بخليكي تبتعدي عن كتير ناس حوليكي وتصيري شوي انطوائية
3) نت عالم متل العالم الواقعي بس شو تقييمكم لألو من حيث الحسنات والمساوئ؟؟؟
في كتير عالم عم تخطأ لما عم تستعمل النت
يعني في عالم بتستعملا استعمال خاطئ كتير
يعني الحسنات تقيمي قلا 88%
50% مساوء
السؤال التالت والاخير :
صل
بين العضو المناسب من الفئة A والعضو المكمل له من الفئة B مع امكانية
وجود تشابه ببعض الاجوبة ولكن لا تنسو زكر السبب (يعني لحتى اقتنع انو ما
عفشكتو الاسامي شلون ما كان)
(((((( A ))))))
سالي-ار بي جي
قمر-وسامو
ليا-I AM LEGEND
نينا-اليكسندر
ميرنا-نوار
ميرا-ويست لايف
ليناي-نيكولاس
جورجينا-مرتضى
روزاليندا-عاشق الاسد
البنت الحلوة
بنوشا-راؤول-محمد
نانا -13ابو حيدرة
-

موضوع: رد: الجرأة بالصراحة... 17/2/2009, 6:29 pm

شو الموضوع يلي بيعطي قلمك حرية التعبير من داخلك من غير أن تشعر؟
موضوع بحكي عن الالم والحب
ماهو الذي بإمكانه أن يأسر حريتك بالحياة ؟
ماحدا
متى قلبك يقتله الزمان ؟
اذا طلعت حساباتي كلا مو صحيحة وكلشي عم اطمح عليه طلع وهم وسراب وعبلف بدائورة وحدة
كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟
للزكرى الئليمة: مو مهم الشي الصار المهم لوما هالشي انا ما كنت بهالقوة هلق ما بدي يتكرر شي من الماضي خلي كلشي بعيد
الزكرى الجميلة:ما بعرف ليش في زكرة حلوة؟
بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!
غدر
شو بتاخد معك من الماضي للحاضر يلي أنت فيه هلأ ؟ أتمنى التحديد...
باخد كلشي اتعلمتو من الماضي بحط الاحلام بكيس وبطيرا للحاضر
ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟
الفضول بدبحنا اذا ما اتأكدنا هههههههه
ممكن عشق جديد ينسيك عشق قديم؟ وكيف؟
لا ما بنسي
عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟
احمر بتمنى يكون بالورقة كلمة بحبك
وصفلي بكم كلمة حياتك يلي أنت فيها هلأ ؟
كئيبة وخناقات وفيا جنون شوي
اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟

بحب اهديا لاليكس وبقلو احلى عالم ويارب تحقق كل طموحاتك ويصير الي بالك
ويضل الاصفر مغطي سوريا هههههههههه

موضوع: رد: الجرأة بالصراحة... 17/2/2009, 6:42 pm

ليا سألت
من تكون الانثى التي تقف امامها ضعيفاً . ( لا احد يقول امي )
هههه ليا اانتي بتعرفيا وهيي بنت انا حبيتا لمدة طويلة كتير وتركتا بالاخير بس لهلق بضعف قداما

عندما تكون معجبا بها .. ماهي طريقتك في الوصول الى قلبها !!
انا بصراحة بعمري ما حاولت اوصل لقلب بنت حتى لو كانت بتعجبني
يعني ما بعمل أو ببتكر وسائل وطرق لأتحركش فيا أو لأحكي معا
اذا انا عجبتا فأكيد رح يبين هالشي وحتى لو انو ما بينتلي هيي بس بيكون في شي غريب ووقتا انا ممكن اني اتقرب منا
بس اذا هيي ما بينتلي شي انا مستحيل اعمل اي حركة أو اتصرف اي تصرف لألفت انتباها أو هيك شي
هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
ببادلا الهجر
هل خضت يوما حربا من اجل الوصول الى قلب انثى .. وهل ظفرت بقلبها !!

اي خضت وظفرت بقلبا وضليت عم حارب منشانا سنين وسنين

موضوع: رد: الجرأة بالصراحة... 18/2/2009, 1:12 pm

لك ويلكم والله
هلق صح صار في اسألة كتير بس انا هلق ما حابة جاوب رح اسأل وبعدين جاوب
واسألتي رح تكون لكل الاعضاء ومانها مخصصة باشخاص محددين
حبيت تكون شاملة مشان اللي ما عم يلاقي فرصة انو يشارك لانو ما حدا عم يختارو يبلش مشاركتو معنا من هلق لحتى باقي الاعضاء يبلشو يسألو
والاسألة :
اول شي املأ الفراغ بما يناسبه: (اعضاء او اشخاص خارج المنتدى او مواقف واحداث فيكن تحطو شو ما بدكن)
1) يا خيي قلبي موجوع ما عاد فيها العين دموع لعيونك بشكي همي يا خيي وبيي وامي ................لخيي
2) من يوم الغابت عني تعما عيوني متمني من يوم الغابو عيونا زادو عناتي عني ................لحبيبتي السابقة الله يوجهلا الخير
3) الله شو بحبك وشو بمووووت بحبك ...................مو لحدا
4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب ..................كمان لحبيبتي السابقة
5) يا ريتك لو تجي يمي وسمعك كل صدى همي ................ما حدا
6) يا غايب ليه ما تسأل عحبابك اللي يحبونك ...................صديق قديم
7) كيفو .. مش عم شوفو ولا عم بعرف كيف هيي ظروفو .................نفس الشخص
سوريا بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك..........ماحدا
9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني.............ما حدا
10) اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا يصير .. لكن من تبعد عني احس روحي نفصلت مني ...............ماحدا
11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد .............خخخخخ لكل بنت حلوة
12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين.............ما حدا
13) جاية .. جاية الوقت وبطل فكر فيه .. قاسي قسي قلبي وما جرب احكيك ...............ما حدا
14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني .............ما حدا
15) بيحن للنغم الوتر وبيحن للشمس القمر وبيحن لليل السهر وانا مش قادر حنلك ..........حبيبتي القديمة
16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك.............ما حدا
17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني.............ما حدا

يمكن بيكفي بالنسبة لأكمل الفراغ
هلق السؤال التاني:
اجب عن ما يلي:
1) شو بتعملو عالنت بمعظم الوقت؟؟؟
مسنجر + شات + منتدى +مواقع الا علاقة بالبسنس
2) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟
هلق انا بظن انو هالشي بيعتمد على طبيعة الشخص بس بالنسبة الي انا ما الو اي تأثير سلبي عليي والو كتير تأثيرات ايجابية وخلاني شوف كتير شغلات جديدة بس ما كان الو تأثير عالانفتاح والانطوائية
3) نت عالم متل العالم الواقعي بس شو تقييمكم لألو من حيث الحسنات والمساوئ؟؟؟
حسناتو كتير ومساؤو كتير وهيدا الشي بيعتمد عالشخص الي فايت بعالم النت
بالنسبة الي حسناتو كانت اكتر من سيئاتو وتعرفت عناس كتير كويسين وبتشرف انون يكونو اصدقائي وفادني من النواحي العلمية كتير وما لهاني عن شي الا عن الرياضة
بس الحمدلله هلق رجعتلا وعم وفق بين كلشي
السؤال التالت والاخير :
صل بين العضو المناسب من الفئة A والعضو المكمل له من الفئة B مع امكانية وجود تشابه ببعض الاجوبة ولكن لا تنسو زكر السبب (يعني لحتى اقتنع انو ما عفشكتو الاسامي شلون ما كان)
(((((( A ))))))
سالي........نيكولاس
قمر.........مرتضى
ليا..........I AM LEGEND
نينا.........محمد
ميرنا.......نوار
ميرا........اليكس
ليناي.......اليكس
جورجينا....ويست لايف
روز........RBG
روزاليندا....عاشق الأسد
البنت الحلوة..روني
بنوشا......عاشق الأسد
نانا 13....عاشق الأسد ....... هيدول بنات عمي بفهم عليون وبحبون كتير وبظن انون بيفهوم عليي

» اختبار الجرأة الشامل
» تعريف الجرأة..
» هل لديك الجرأة على الاجابة
» قوانين قسم الجرأة والصراحة.
» من لديه الجرأة والصراحة