الجرأة بالصراحة...

: مين الاعضاء اللي انت بتعرفون على أرض الواقع

ليجند , روزاليندا , بنوشا , نانا , اليكس , بانشير , انجل غيرل , ومن الشات بعرف كمان عالم بس مو مسجلين بالمنتدى

2:مين الأعضاء اللي بتتمنى تعرفون شخصيا على أرض الواقع
ليا , سالي , ار بي جي , محمد , مرتضى


سؤال للاعضاء القدامى:
هلق انا ما بعتبر حالي قديم ولا جديد لهيك رح جاوب عالتنين
مين الاعضاء الجدد اللي حبيتون وثقت فيهم فوراااا
ويست لايف واكيد بنات عمي روزاليندا وبنوشا ونانا
سؤال للاعضاء اللجدد:

مين الاعضاء القدامى اللي حبيتون وثقت فيهم فوراا

ليا وسالي وروز ومحمد ومرتضى ونينا وتقريبا كل القدام الي بيشاركو كتير والون بصمة بالمنتدى

الله ياكريم جيتكننن ....

بسم الله

شو الموضوع يلي بيعطي قلمك حرية التعبير من داخلك من غير أن تشعر؟
بس احكي عن الحب
ماهو الذي بإمكانه أن يأسر حريتك بالحياة ؟
شخص واحد فات بحياتي وطلع منا هلق بس ممكن يأسرني ايمت ما كان
متى قلبك يقتله الزمان ؟
بس صير انسان مسؤول ومستقبل اشخاص تانيين بتعلق بقراراتي ممكن اتخلى عن قلبي وشوف الأفضل بعقلي بس
كل إنسان عندو ذكرى أليمة وذكرى جميلة شو بتوجه كلمة لكل ذكرى منهما؟
انا في عندي زكريات كتير حلوة بقلا انو انا ما بندم عليا حتى لو انا نتهت بس كانت احلى ايام بحياتي وتعلمت منا كتير
والذكرى الأليمة كمان بتتعلق بنفس الموضوع بقلا عسا أن تكرهو شيأً فهو خير لكم
بدي وصف واحد لتسمية خيانة الصديق والحبيب مجتمعين؟ أنو التنين اجتمعو وخانوك !!
الشخص الي بيخون بغض النظر عن مكانتو بالنسبة الي بيكون عدوي اللدود وبسمي ابن حرام
شو بتاخد معك من الماضي للحاضر يلي أنت فيه هلأ ؟ أتمنى التحديد...
باخد تجربتي بالحب والماضي الي انا عشتو الي كان سيء كتير بالنسبة لغيري بس انا بشوفو انو كتير حلو والي انا عشتو كتير عالم ما عاشو لهيك بعتبرو شي كتير حلو انا مريت فيه بيضل ذكريات باخدا معي لحتى موت
ليش لما منقرا مكتوب على الحائط احترس من الدهان؟ لانصدق بل نجرب بأصبعنا؟ يعني لازم يحلف الحائط مثلاً لنصدق ؟؟؟
هيدا الشي الي بيميز مجتمعنا عن غيرو خخخخ
ممكن عشق جديد ينسيك عشق قديم؟ وكيف؟
اي ممكن والشغلة مو انو انسى لأنو اي شي انا عشتو فهوي موجود بحياتي بس الشغلة بتكون اني انا عيش شي جديد وما فكر بالقديم وبيصير هالشي حسب البنت الي بحبا يعني هي الي بتقدر تخليني عيش معا حياة حلوة وانسى كل التجارب الي انا مريت فيا
عطوك دبوس أمام مجموعة من البالون شو بتختار لون البالون لتنخزو ؟ وطبعاً رح يكون جواتها ورقة فشو بتتمنى يكون في الك جوا هالورقة؟؟
بالون أزرق وبتمنى يكون في عالورقة مبروك انت تخرجت
وصفلي بكم كلمة حياتك يلي أنت فيها هلأ ؟
حياه شب بالجامعة ما عندو شي غير دراستو وبيحلم كتير
اختار بوكيه ورد مع تحديد اللون تبعها وقدمو لعضو واحد فقط بالمنتدى مع كلمتين صغار جنبن ؟

بوكيه ورد أبيض بعطي لشخص كتير عزيز عقلبي وهوي ليا

نينا سوري حبيبتي ما انسخ معي الاسم اللي حطيتلك ياه والاسم هوي اليكس
لانو بحسكن كتير متفاهمين وتفكيركون قريب لبعض

له شو بحبك وشو بمووووت بحبك .......أهلي............



4) ونندم عالعشرة الغالية ونرضى بالمكتوب والله ادي حال الدنيا بتفرق بالقلوب ........لا احد..........



5) يا ريتك لو تجي يمي وسمعك كل صدى همي ..........لا احد......



6) يا غايب ليه ما تسأل عحبابك اللي يحبونك ......بونيشر.............



7) كيفو .. مش عم شوفو ولا عم بعرف كيف هيي ظروفو .....نانا............



بموت عليك.. بموت عليك مو شايفني بموت عليك.. عجبك هيك .. عجبك هيك .. صرنا لعبة بين ايديك....لا احد......



9) قولي لقلبك يسمعني مش دمعو اللي مرجعني من غير ما تنادي وتبكي الشوق كان هيرجعني...لا احد..........



10) اقدر اتحمل كل شي .. يوقف دمي وما يمشي وخل عيني تزعل رمشي خل كل شي بيا يصير .. لكن من تبعد عني احس روحي نفصلت مني .........الرسم......



11) احبيني بلا عقد وضيعي في خطوط يدي .. احبيني لاسبوع لايام لساعاتي فلست انا اللذي يهتم بالابد ....صديقتي.........



12) اصعب كلمة بفكر فيها .. هي الكلمة اللي قلتيها.. كيف قدرتي ما تخبيها بعيونك الحلوين....لا احد.........



13) جاية .. جاية الوقت وبطل فكر فيه .. قاسي قسي قلبي وما جرب احكيك ....لا احد...........



14) ريتو يسلملي الزعلان العامل حالو مش سئلان بيقتلني برمشو النعسان وعيونو الدبلاني .. بعدك زعلانة مني ...صديقتي الزعلانة..........



15) بيحن للنغم الوتر وبيحن للشمس القمر وبيحن لليل السهر وانا مش قادر حنلك ....الدرس......



16) مشتقلك لا بقدر شوفك ولا بقدر احكيك .. بندهلك خلف الطرقات وخلف الشبابيك.....صديقتي.القديمة.......



17) ايوا لسا لك مكان بقلبي بس مش واقفة عليك سنيني مش حموت علشان منتاش جنبي اصلا انت مش اللي بيحيني......لااحد.......







يمكن بيكفي بالنسبة لأكمل الفراغ



هلق السؤال التاني:



اجب عن ما يلي:



1) شو بتعملو عالنت بمعظم الوقت؟؟؟



2) بفوت عالمنتدى وعلى



مواقع عن الرسم واهم المعارض الجديدة يعني تسلاية موأكتر







3) برأيكن عالم النت بيخليكن تنفتحو على الواقع اكتر ولا بتصيرو انطوائيين؟؟؟







4) لا ابدا ما بيخليني صير انطوائية بالعكس لانو ممكن نكتشف أمور جديدة ونتعلم كمان







5)



3) نت عالم متل العالم الواقعي بس شو تقييمكم لألو من حيث الحسنات والمساوئ؟؟؟



الحسنات: ممكن يفيدنا بأمورمو موجودة بأرض الواقع وتعرفت على اشخاص كتييير اكابر



المساؤىء:يباخد من وقت الواحد كتيير وبيشغلو عن كتيير أمور مهمة بالحياة



السؤال التالت والاخير :

صل بين العضو المناسب من الفئة A والعضو المكمل له من الفئة B مع امكانية وجود تشابه ببعض الاجوبة ولكن لا تنسو زكر السبب (يعني لحتى اقتنع انو ما عفشكتو الاسامي شلون ما كان)

سالي& واربي جي ... شخصيات2 قوية وقد حالون

ليا&وعاشق الاسد & I AM LEGEND....بحسون اصدقاء بكل معنى الكلمة

روزاليندا& ونانا=عاشق الاسد... 3ولاد عمي وبعزون وبحترمون كتيييير

روز &الكسندر..متفاهمين مع بعض

نوار& وميرنا...بيتفقو مع بعض

نينا &محمد ...متفاهميين

جورجينا&نيكولاس

الكسندر&البنت الحلوة... متفاهميين

ليناي&مرتضى ...مواضيع متميزة

ميرا&ويست لايف..مواضيع حلوة

جورجينا

انتي هلئ عايشة قصة حب؟؟؟ ومين هو الرجل المثالي بنظرك

ممممممممم
نينا صعبتيها
يعني فيكي تئول هيك شي

الرجل المثالي
هو الجرل المتفهم الحنون الي مابحب التعصب كتير ويلي بعرف اتفاهم معو ببساطة

روزاليندا

بدي منك تحطيلي رسمة من رسوماتك لو سمحتي

وتقليلي ليش رسمتيا وشو بتعنيلك؟؟


https://souriaa.yoo7.com/users/44/41/27/avatars/1066-54.jpg
من هالرابط شوفي لوحتي التانية اللي عملتا
وهي بتعنيلي كتير لانو هيي من النوع التجريدي يعني الرسم الغير مفهوم
وهاد الرسم هوي اللي بحبو اكتر شي لانو كل شخص بيشوف اللوحة الشي اللي بدو ياه يعني كل شخص بشوف اللوحة التجريدية شي غير اللي بيشوفو غيرو وهوي نوع من الفن ما الو قواعد ولا الو قيود هوي فن او رسم خارج عن الاطار المالوف للفن يعني لانو واقعي ولانو كلاسيكي ولانو انطباعي هوي عبارة عن الوان متبعثرة باللوحة وخطوط واشكال لا منتهية من الغرابة ومن اللا مالوف يعني ممكن ترسمي تفاحة بس مو بشكلا التقليدي اللي بتعرفيه ممكن ترسميها بطيقة مختلفا وبغير اللون اللي بتعرفيه للتفاحة هي متلا
ورسمت هاللوحة لاني حبيت اطلع عن الاطار التقليدي واتميز عن رفقاتي بالمعهد بلوحة غير مالوفة مميزة غير مفهومة وبتعنيلي كتييييييييير هاللوحة لانو تاني لوحة رسمتا بحياتي وبدون مساعدة ولا استاذ بالمعهد عنا
مشكورة نينا