اسالة جديدة....

موضوع: اسالة جديدة.... 15/2/2010, 7:24 pm

هاي يا بشعين
رجعت من جديد وحابة ارجع لهالقسم ورجعو متل قبل
وانا عم دور اليوم بالموقع خطرتلي شوية اسالة بس مانها عامة هيي اسالة شخصية
يعني متل ما كان النظام الاساسي لهالقسم انو السؤال بيتوجه لشخص محدد وكانو عم نلعب الصراحة والجراة
وهلق انا جايبة كم سؤال بتمنى الي بدو يجاوب على سؤالو يجاوب بصدق
طبعا الي ما كتبتلون اسالة هلق الي عودة بس هدول شوية موضيع شفتن وكتبت الي خطرلي

قمر ... باحد مواضيعك كتبتي الورقة انثى والرجل قلم
حابة اسالك بتعتقدي بوجود ورقة بيضاء بهالزمان ؟؟؟ بتعتقدي انو في ورقة ما شوهها حبر رجل عابث؟
وكمان في اقلام حافظت على رونقها وما هدرت احلى حروفها على ورق مبلول وورق خلا الحبر يجف؟
شو نظرتك لاوراق واقلام هاد الجيل وبرايك ورقتك هل رح تلاقي قلم مناسب
ولو لقيتي القلم المناسب هل رح تكتبو احلى الكلمات واجمل الابجديات وتكونو اقلام ووريقات المستقبل النظيفة؟

وداد... باحد مواضيعك حكيتي عن الخطوط الحمرا
عددتي كم خط احمر يمكن بالنسبة الك او انها من الخطوط العامة
بس هلق ما رح اسالك عن خطوطك رح اسالك هل عاطية لاشخاص بطاقة خضرا لعبور خطوطك؟
اذا اي مين هني وشو هني البوابات الحمر الي ممكن تصرحيلهن انو يقتحموها؟؟؟

رهف ... بموضوع لمرتضى اسمو اذا كانت هذه هي الحياة فهذه قوانينها
اقتبستي من الموضوع العبارة التالية
القانون التاسع ?
ما تحتاجه من إجابات يكمن بداخلك
كل ما عليك فعله هو أن تنظر بداخلك وتنصت بدقة وتثق بنفسك
شددتي عالثقة بالنفس حابة اعرف شو نسبة الثقة بالنفس عند رهف ؟؟؟
وايمت ممكن تتزعزع ثقتها بحالها؟؟؟
هل الثقة بالنفس كافية للتعايش مع الحياة؟ وهالحياة ما عم تخليكي تفقدي اجزاء من هالثقة بسبب الاحكام الغير عادلة الي بتصير؟؟؟

ديمو ...موضوع لالك اسمو الفراق
لزيز كتير وسوري اسا ما رديت عليه بس لانو ردي يطول وانا عم اعمل تفتيلة بس لجمع اسالة
المهم.. الفراق نهاية شي وبداية شي جديد ممكن نهاية ماساة وبداية سعادة او بمعظم الاوقات العكس
بقا حابة اعرف ديمو والفراق ... كيف بتتعاملي مع الفراق وكيف بتنسي الالم او بتتعايشي مع وضع الفراق؟؟؟؟

ليا ... موضوع الك عن اخر شمعة
حابة اسالك بطريقة تانية لو كنتي انتي شمعة هل مستعدة تنحرقي لتنيري حياة شخص؟؟؟
واذا اي مين هالشخص .. اهلك ..الحبيب..الصديق؟؟
هل عندك ثقة انو الشخص التاني بيقدر تضحيتك؟؟؟
احكيلي شوي عن شموعك شو بتقيمي احتراقها؟؟ نافع او ضار لالك ولغيرك؟؟

محمد ... حكيت عن الحب والمشاعر والفقر هوي فقر المشاعر مو فقر المال
وانو العطاء اساسو المحبة ..صنفت الحب واللاحب بس ما صنفت الكره بموضوعك فينك هلق تقلي شو الكره برايك؟
محمد شو بتعتبر حالك اديش بتحط نسبة لخضارة حبك؟؟؟ وصلادة صخر كرهك؟؟
حاليا شو نسبة الحياة بقلبك بما انو القلوب ميتة اذا ما نبضت احاسيس...
لو كان مرجك الاخضر كبير ولو كانت مشاعرك اراضي بتنبت باحلى واشهى الفاكهة ... ما بتخاف من السرقة؟؟
ما بتخاف من التربة الي عم تزرع فيها مشاعرك انها ممكن تقطع عنك المي وترميك كورقة خريف؟؟؟

ثعلوب ...اقتبست كلمات انت كتبتها بوريقات من الجنون ...
من السهل ان تكون الانثى امرأة ...لكن من الصعب ان تكون المرأة انثى ..
من السهل ان يكون الرجل ذكراً..لكن من الصعب ان يكون الذكر رجلاً..
ثعلوب انت شو بتصنف حالك؟؟؟ انت نهيت كل الصعاب وصرت الرجل ؟؟؟ مو تشكيك فيك بس سؤال جريء
الرجولة شو بتعنيلك او كيف بتصنفها ... عطيني وصف زغير او شرح بسيط للرجولة من منظورك
الانوثة كمان كيف بتصنفها وبتوصفها وشو بتعنيلك ... وهل وجدت امراة اتمت مرحلة الانوثة...

بحر الغرام ... لا نريد الكم ولكن نريد الكيف ...لا نريد الكثرة بل نريد الجودة .. كلمات من موضوعك هيا نبني حضارتنا
من زمان ولفترة قصيرة انا كنت فكر متلك انو كل حدا بيصلح الي فيه وبعدا بيتصلح الشعب والوطن وبنرقى لاعلى المستويات
بس بدي اسالك انا وانت وكتير من الشباب والصبايا هون عنا جودة كبيرة ان كانت علم ولا ثقافة ولا انتاجية كلنا شباب وكلنا بصحة منيحة وعقل منيح
انا وانت وهالشباب فينا نصلح مجتمع كامل برايك؟؟ انت ما بتضطر لانك تعمل شغلات من مظاهر التخلف متل الرشاوي وهدول القصص بمجتمعك؟
فيك تساعد الفقير يكون منتج قبل ما يكون حرامي؟؟ فيك تساعد الجاهل يدرس والامي يتثقف .. ؟؟؟
متاكد انو رايك هاد بيمت للواقعية بصلة وانو عنجد نحنا لو تغيرنا رح نقدر نرتقي وخصوصي انو لو احتفظنا بكل هالمعاني الجوهرية للحضارة بس اساتنا محتفظين بالمظاهر المتخلفة؟
انا بعرف وماكدة انو الله لا يغير ما بقوم حتى يغيرو ما بانفسهم بس فيك تكون منيح مع شخص مو منيح؟ لو تعطلت على شي من دائرة حكومية ما بترشي الموظفين؟؟

موضوع: رد: اسالة جديدة.... 15/2/2010, 8:04 pm

ديمو ...موضوع لالك اسمو الفراق
لزيز كتير وسوري اسا ما رديت عليه بس لانو ردي يطول وانا عم اعمل تفتيلة بس لجمع اسالة
المهم.. الفراق نهاية شي وبداية شي جديد ممكن نهاية ماساة وبداية سعادة او بمعظم الاوقات العكس
بقا حابة اعرف ديمو والفراق ... كيف بتتعاملي مع الفراق وكيف بتنسي الالم او بتتعايشي مع وضع الفراق؟؟؟؟

اوك سؤالك حلو لولو
بالنسبة للفراق الفراق بيكون نهاية شي حلو
شي انتي تعودتي عليه و اختفا فجأة من حياتك
و رح يكون نسيان الالم صعب بدك وقت لحتى تتأقلمي مع الوضع الجديد
ما بتعايش مع الفراق لانو ما بدي اقبر حالي
بحاول انسا تعود على وضع جديد
و لما الواحد بيحط شي ببالو بيساوي
حبيت سؤالك لولو
مشكورة عالمواضيع الحلوة

موضوع: رد: اسالة جديدة.... 16/2/2010, 1:18 pm

هلا ديمو عجبني جوابك وشكرا لمرورك
ووين الباقي؟؟؟؟؟؟ رح عصب ها

موضوع: رد: اسالة جديدة.... 16/2/2010, 4:41 pm

هههههههه لاتعصبي ليناي ..
بس انا رايي خبريون برسائل خاصة افضل .. .
وبعتيلون اللينك ...

موضوع: رد: اسالة جديدة.... 16/2/2010, 4:57 pm

هههههههه هلا ليناي

أنا حابي شوفك معصبه كتير
لأني حابي اتعرف واكتشف شخصيتك من ل جوانبها
ههههههه
وبرجعلك
هلأ بليز مشغوله شوي
بس أكيد راجعه ياأحلى مجنونه متألقه -محنكه بكل معنى الكلمه

موضوع: رد: اسالة جديدة.... 16/2/2010, 8:43 pm

ليا ... موضوع الك عن اخر شمعة
حابة اسالك بطريقة تانية لو كنتي انتي شمعة هل مستعدة تنحرقي لتنيري حياة شخص؟؟؟

اكيد

واذا اي مين هالشخص .. اهلك ..الحبيب..الصديق؟؟

هلق يا اهلي يا الحبيب لانو ال 2 بيستحقو مني كل شي

هل عندك ثقة انو الشخص التاني بيقدر تضحيتك؟؟؟

اي اكيد لانو انا لما بدي اضحي كرمالو رح كون متاكدة انو هو بيستاهل هل التضحية
واذا بدي ضحي كرمال اهلي فلو ما بيستحقو انا بضحي كرمالون

احكيلي شوي عن شموعك شو بتقيمي احتراقها؟؟ نافع او ضار لالك ولغيرك؟؟

بصراحة انا ما مريت بتجربة اني ضحيت كرمال حدا
بس كرمال اهلي بعمل المستحيل
وكرمال الشخص يللي هلق هو بحياتي اكيد بعمل كتير اشياء لانو هو انسان بيستاهل كتير مني
وبتمنى كون شمعة بحياتو
ضار ما في شمعة بتحترق وبكون ضار الا بكون كان الا تأثيرا ونورت

يسلمووون ليناي ع السؤال

موضوع: رد: اسالة جديدة.... 16/2/2010, 8:58 pm

مسا الخير ليناي
وسوري ما كنت منتبه للاسئلة

محمد ... حكيت عن الحب والمشاعر والفقر هوي فقر المشاعر مو فقر المال
وانو العطاء اساسو المحبة ..صنفت الحب واللاحب بس ما صنفت الكره بموضوعك فينك هلق تقلي شو الكره برايك؟

الكره بالنسبة لالي نادر بحياتي
او يمكن الكره نسبته بحياتي 10%
لاني اذا ما رتحت مع شخص او تدايقت من شخص معين
بشيلو من حياتي وما بكمل معو لصير اكرهوا
والحمد لله ما بحس انو بحياتي في حدا بيكرهني بمعنى الكره

محمد شو بتعتبر حالك اديش بتحط نسبة لخضارة حبك؟؟؟ وصلادة صخر كرهك؟؟

75%
بشكل عام يلي بيعرفني بالواقع وبيعرفني بالنت
بيعرف ان تعاملي مع الناس كيف طبيعتو
مابعمري فكرت اذي حدن
بس يلي بحسو انو بدو ياذيني بصنفو من حياتي وبدير بالي منو
وما بتعاطى معو

صلادة كرهي
بعمروا ما وصل لنص هالمستوى

حاليا شو نسبة الحياة بقلبك بما انو القلوب ميتة اذا ما نبضت احاسيس...

انا حياتي مليانة احاسيس
احاسيس حب واحاسيس حزن وفراق
بحس انو في بقلبي كتير مشاعر حب ومعزة لكتير اشخاص
اشخاص مرقوا بحياتي حبيتهم كاخوة
حبيتهم كاصدقاء
اشخاص حسيت بالحب معهم بس فقدته
يمكن كان هالحب موجة من امواج الحب الحقيقي يلي انتهت عن شط الواقع

وحاليا من بعد ما خطبت قررت
عيش الحب وكرسه مع هالانسانة يلي اخترتها
رح اعمل كل يلي بقدره لاحمي ودافع وخلي الحب يعيش ويكبر بيناتنا

لو كان مرجك الاخضر كبير ولو كانت مشاعرك اراضي بتنبت باحلى واشهى الفاكهة ... ما بتخاف من السرقة؟؟

لا مارح خاف
لاني سرقت وظلمت بحياتي وندمان على كل لحظة ظلمتو فيها
بس ما بندم على معرفته وعلى وجوده بحياتي لفترة من الزمن
بتمناله وبدعيله من قلبي السعادة والنجاح بحياته

ما بتخاف من التربة الي عم تزرع فيها مشاعرك انها ممكن تقطع عنك المي وترميك كورقة خريف؟؟؟

كل انسان ومرق بتجارب
هالمرة بتمنى وبدعي ربي انو يكملها معي
بتوقع هالمرة اني مسكت الطريق الصحيح وبلشت ازرع بالطريقة الصح

وشكرا كتير ليناي للاسئلة الحلوة

موضوع: رد: اسالة جديدة.... 16/2/2010, 10:26 pm

وداد... باحد مواضيعك حكيتي عن الخطوط الحمرا
عددتي كم خط احمر يمكن بالنسبة الك او انها من الخطوط العامة
بس هلق ما رح اسالك عن خطوطك رح اسالك هل عاطية لاشخاص بطاقة خضرا لعبور خطوطك؟
اي لشخصين واحد
كنت سامحتلو عبور هل خطوط وبكل حرية
حتى انو كان مسموحلو يدخل بهل خطوط لحمرى اكتر مني
بس هلئ لا ومستحيل ارجع خلي يتعد لخطوط لحمر لي الي
وشخص لتاني
مو مستعدة بس خليها تتعدي لخطزط لحمرا عندي
وسامحتلا تعمل اي شي بد يا
تاخد اي قرار مصيري ئلي
اذا اي مين هني وشو هني البوابات الحمر الي ممكن تصرحيلهن انو يقتحموها؟؟؟

شخص لاول بحتفظ بلاسم لئلي
وكنت عطيتو لحرية لكاملة وما كان عندي خطوط حمرى معو
بلمختصر اي شي

شخص لتاني
هي ليال اختي
ليال متل ما ئلت
لو عندي قرار مصيري بخلي ليال اذ
بدا تاخدو عندي وما بردد ابدا

مشكوررررة ليناي
سؤالك كتير حلو

موضوع: رد: اسالة جديدة.... 17/2/2010, 8:27 am

رهف ... بموضوع لمرتضى اسمو اذا كانت هذه هي الحياة فهذه قوانينها
اقتبستي من الموضوع العبارة التالية
القانون التاسع ?
ما تحتاجه من إجابات يكمن بداخلك
كل ما عليك فعله هو أن تنظر بداخلك وتنصت بدقة وتثق بنفسك
شددتي عالثقة بالنفس حابة اعرف شو نسبة الثقة بالنفس عند رهف ؟؟؟
وايمت ممكن تتزعزع ثقتها بحالها؟؟؟
هل الثقة بالنفس كافية للتعايش مع الحياة؟ وهالحياة ما عم تخليكي تفقدي اجزاء من هالثقة بسبب الاحكام الغير عادلة الي بتصير؟؟؟
الثقه بالنفس بتنبع من الايمان بالله و من (نجاح )الانسان بكل مراحل حياته وطبعا لما بيكون اختياره لهالشيء الي رسمه بحياره وخطط اله صحيح ومدروس ميه على ميه

أنا بطبيعتي لما بكون في فكره معينه ببالي عاجبتني والمفروض تكون كتيييييييير صعبه
ويكون الي حوالي عم يؤلوا مستحيل هالشيء تئدري تعمليه أو تنجحي فيه
فبصير عندي بقرارة نفسي تحدي مو طبيعي وبتهيمن هالفكره الي ببالي دائما وبكرس كل فري وطاقتي واهتمامي الها وبصمم لو شو ماكانت الصعاب والعقبات بدي اعملها لو شو ما صار
ببكي وبتألم وبتعب بس بالنهايه بدي احصل عليها والحمد لله بحصل عليها بتصميمي وارادتي وهادا الشيء مر ثقتي بنفسي
ثقتي بنفسي الحمد لله مابتتزعزع طالما بعرف نفسي اني أنا ماشيه بالطريق المستقيم والصحيح
وأهدافي ونواياي كلها ساميه وخطواتي بحياتي ناجحه
ممكن أتدايق لما أفشل بشيء معين بس فتره قصير ه وبترجع بثقتي بنفسي
الحياة بعمرها ماخلتني أفقد ثقتي بنفسي
رغم أحكامها الغير عادله
بالعكس بتقويها
وبأخذ العبر من أخطاء غيري
أنا الي بنفسي
(بل الانسان على نفسه بصيره ولو ألقى معاذره)
اذا أنا كنت صح مع نفسي مابهمني حدا
بالعكس لما بشوف الأحكام الغير عادله الي بعض الأحيان بتصير
بتقوى ثقتي بنفسي أكتر لاني بعرف اني انا صح
وبصير عندي ردة فعل أقوى للثبات على مبادئي والتمسك فيها
ممكن اسألك أنا سؤال؟
ليناي لمست فيها الشخصيه القويه جدا والجريئه والمحنكه وطريقة نقاشك وأجوبتك لأي موضوع مقنعه جدا وبتلفت نظر القارئ الها
فيني أعرف شو سبب هالشخصيه القويه الي بليناي
وشو مصدرهالقوة الحنكه وقوة الاجابه الي عندك والأسلوب المميز
برأيك ليناي شو الي دعم شخصيتها وقوتها
وشكرا كتير كتير

موضوع: رد: اسالة جديدة.... 17/2/2010, 9:44 am

اول شي مشكورين يا بشعين على الاجابة والي عودة
رهف اول شي شكرا الك لاشادتك الحلوة والي رسمت ابتسامة فخر على شفايفي
بتعرفي لو بتسالني باي سؤال علمي او تاريخي او ادبي او منطقي واجتماعي ممكن جاوبك
بس اول مرة بوقف بعجز قدام سؤال واول مرة بصفن بهي الطريقة وبقرا السؤال كزا مرة
سؤالك حيرني اكتر ما حيرك وانا رح دور على اجابة لاني هلق ما لقيتها
بتعرفي كتير عجبني سؤالك ودايما بفكر فيه بس مو عن حالي انا بفكر بالشخصية كيف بتتكون
بس اول مرة بتلفتي نظري لشخصيتي كيف تكونت وعمري الزغير بيصعب عليي قول انها خبرة
وعقلي بيصعب عليي اني قول انها علم ومنطقي بيصعب عليي اني قول انها فطرة
رح جاوبك متل ما خطر عبالي هلق ... برايي انا وكل العالم متل الكربون
سواد وعبق مو حلو ومميزات سيئة بس كمان هالكربون بيكون الالماس
يمكن ضغوط الحياة وحرارة العقل هني الي كونو الالماس بداخلي
وبداخل اي شخص تغلب على كيونونتو الكربونية وقدر يكون الماسة انا هيك
بس كمان ما بخفي اني الماسة اسا ما تشذبت وما تبلورت منيح
وبتمنى اتبلور عنجد واستحق الي حكيتيه عني والي عالم كتير بفتخر براين ثروني بصفات الحلوة

سوري عالاطالة وكمان الي رجعة مشان هالسؤال بس لانو كتير عجبني حبيت جاوب هلق وعالسريع
شكرا مرة تانية ليلي مرو وشكرا الك رهف على رايك الحلو فيني

موضوع: رد: اسالة جديدة.... 18/2/2010, 8:44 am

قمر ...
باحد مواضيعك كتبتي الورقة انثى والرجل قلم
حابة اسالك بتعتقدي بوجود
ورقة بيضاء بهالزمان ؟؟؟
اكيد موجودة هالورقة
البيضاء اللي عم تحاول قدر الامكان ما تتلطخ بحبر مهما كان نوع الحبر

بتعتقدي
انو في ورقة ما شوهها حبر رجل عابث؟
قليل كتيير بعتقادي لان القلم دائما ببحث عن اول
ورقة بيضاء ناصعة
هالورقة بتكون باول عمرا مرحلة التفتح والوعي على الدنيا

وكمان
في اقلام حافظت على رونقها وما هدرت احلى حروفها على ورق مبلول وورق خلا
الحبر يجف؟
اكيد في كمان لكن اقل بكتير من الورق
اقلام ثابته تخط بخط رائع جميل يبقى محفوراعلى تلك الورقة ( يحافظ عليها)

واقلام تخط كي تفرغ ما بداخلها تذهب مع اول نسمة
لا يغرك شكل القلم لان ما منعرف شو بداخله

شو نظرتك لاوراق واقلام هاد الجيل
اوراق واقلام هالجيل واعية اكتر واكتريمكن لان
الوضع غير التامينات اللي عم تصحلن غير
لكن ما بيمنع ان يتقدملن ارشادات بين الفترة والتانية كي يكتبسوا رونق
واشراقة اكثر
وكمان ينحد من الاوراق والاقلام العايثة

وبرايك ورقتك هل رح تلاقي
قلم مناسب
ان شاء الله

ولو لقيتي القلم المناسب هل رح تكتبو احلى الكلمات واجمل
الابجديات وتكونو اقلام ووريقات المستقبل النظيفة؟[/size]
ان شاء الله اكيد رح نكون وريقات ناصعات البياض
واقلام ثابته

ويبقى القلم وتبقى الورقه سر هذا القلم
ومهما حدث تبقى الورقة والقلم كل منهما يبحث عن الاخر
لان القلم لا يستطيع ان ينزف قلمه بدون الورقة

الورقة من يستقبل هموم القلم ونزفه بحنان .

الورقة رقيقة مدعاة للتعرض للرياح القلم يثبتها.

تحياتي وشكراا

موضوع: رد: اسالة جديدة.... 18/2/2010, 11:51 pm

ثعلوب ...اقتبست كلمات انت كتبتها بوريقات من الجنون ...
من السهل ان تكون الانثى امرأة ...لكن من الصعب ان تكون المرأة انثى ..
من السهل ان يكون الرجل ذكراً..لكن من الصعب ان يكون الذكر رجلاً..
ثعلوب انت شو بتصنف حالك؟؟؟ انت نهيت كل الصعاب وصرت الرجل ؟؟؟ مو تشكيك فيك بس سؤال جريء
الرجولة شو بتعنيلك او كيف بتصنفها ... عطيني وصف زغير او شرح بسيط للرجولة من منظورك
الانوثة كمان كيف بتصنفها وبتوصفها وشو بتعنيلك ... وهل وجدت امراة اتمت مرحلة الانوثة...

قهلين مجنونة الحمدلله عسلامتك..راجعة وماشالله عليكي شو هالهمة فوراً اسئلة؟؟؟
بالنسبة الي انا مو مهم شو بصنف حالي ..بقدر قناعتي بحالي ..
لانو الرجولة مانها توب بلبسو ليشوفني فيه الناس ..الرجولة توب بلبسو لادفى فيه ودفي غيري..وما بهمني رأي الناس..
انا لساتني باول الطريق ..ورغم بعض المواقف بس بعتبر حالي لسا ما انحطيت بامتحان حقيقي للرجولة ..او فيكي تقولي ..لسا ما استخدمت طاقة الرجولة المعنوية طبعاً بموقف صار معي..

..
الرجولة والانوثة بالنسبة الي متل المطر والارض..متل بعل وعشتار..الارض دائماً موجودة منتظرة..معطاءة..خيرة ..خصبة ..بتعطي وبتضحك..والكل بدوسها والكل بوسخها..بس عالاقل..في ناس بتعبدها..
تواضع الارض وقناعتها بخليها تكتفي بشخص واحد بس يقدسها ..وهي هيي الانثى ..بتعطي بدون ما تنتظر الرد..وغير هيك ..مانها انثى..فينا نقول عنها امرأة
..
بس الارض للاسف مافيها تعطي بلا المطر..والمطر مش دائماً موجود..ولما بيجي بيكون مستعجل ..وبيدلي بدلوو وبيروح ..
هاد الشي علم الارض الصبر ..والشوق ..ومتعة العطش للقاء المطر ..يللي بدورو دائماً مشتاق للارض..وما بيستغل براءتها وعطاءا بدون مقابل وما بيستعبدها لسكوتا عن غيابو ..وغير هيك ..مانو رجل..فينا نقول عنو ذكر

موضوع: رد: اسالة جديدة.... 27/2/2010, 6:48 pm

لا نريد الكم ولكن نريد الكيف ...لا نريد الكثرة بل نريد الجودة .. كلمات من موضوعك هيا نبني حضارتنا
من زمان ولفترة قصيرة انا كنت فكر متلك انو كل حدا بيصلح الي فيه وبعدا بيتصلح الشعب والوطن وبنرقى لاعلى المستويات
بس
بدي اسالك انا وانت وكتير من الشباب والصبايا هون عنا جودة كبيرة ان كانت
علم ولا ثقافة ولا انتاجية كلنا شباب وكلنا بصحة منيحة وعقل منيح
انا وانت وهالشباب فينا نصلح مجتمع كامل برايك؟؟ انت ما بتضطر لانك تعمل شغلات من مظاهر التخلف متل الرشاوي وهدول القصص بمجتمعك؟
فيك تساعد الفقير يكون منتج قبل ما يكون حرامي؟؟ فيك تساعد الجاهل يدرس والامي يتثقف .. ؟؟؟
متاكد
انو رايك هاد بيمت للواقعية بصلة وانو عنجد نحنا لو تغيرنا رح نقدر نرتقي
وخصوصي انو لو احتفظنا بكل هالمعاني الجوهرية للحضارة بس اساتنا محتفظين
بالمظاهر المتخلفة؟
انا بعرف وماكدة انو الله لا يغير ما بقوم حتى
يغيرو ما بانفسهم بس فيك تكون منيح مع شخص مو منيح؟ لو تعطلت على شي من
دائرة حكومية ما بترشي الموظفين؟؟

طبعا مافينا نصلح مجتمع كامل لوحدنا ليناي .. بس رحلة الالف ميل تبدأ بخطوة .. لما نحن بنحاول نوجه الجاهل ونصلح الفاسد باي شي ممكن نعمله متل واحد عم يكفر ادامي ( وللاسف صارو يتفنوا بالكفر ) مابضحكلوا ..واذا صديق بحاول انصحه ..

لما بيلجألي فقير طبعا انا مارح اغنيه بس ( بحصة بتسند جرة ) ..

لما انا بضل حامل علبة الكولا بايدي لحتى وصل على مكان اقدر ارميها فيه رح علم يللي معي شغلة حلوة ومتلها اذا بعدت حجرة او قطعة خبزة وحطيتها على طرف الطريق بحيث ما حدا يدوس الخبزة او يتفركش بالحجرة ..

هللأ بالنسبة للدوائر الحكومية اذا بدي ادفع ليمشي شغلي قبل غيري .. يعني انا بدي مشي شغلي على حساب غيري طبعا ما بدفع متل اني ادفع لمشي معاملتي قبل معاملة غيري .. بس اذا كان بدي ادفع لمشي شغلي اسرع بدون ما عطل حدا بدفع متل اذا بدي اعطيه للموظف مشان ما يخليني ارجع لعندو بعد فترة ..

والف شكر على هالسؤال الحلو ليناي .. واذا ما وضحت فكرتي انا جاهز ..

الف شكر .

» اسالة جديدة ..ج2
» اسالة جديدةةةةةةة تفضلو يا بشعين لهون..
» الأسد: زيارة الحريري إلى دمشق لم تكن صفحة جديدة بل هي مرحلة جديدة
» نكت جديدة
» نكت جديدة ...