عدد المساهمات : 798 تاريخ الميلاد : 25/11/1989 العمر : 34 العمل/الترفيه : ابحث عن كارميلا المزاج : منيحة علم الدولة : مزاجك اليوم : المهنة : الهواية : السٌّمعَة : 10 نقاط : 837 تاريخ التسجيل : 29/03/2009
موضوع: اسالة جديدة ..ج2 17/2/2010, 11:51 am
هايو يا بشعين هي الجزء التاني من الاسالة ولاعضاء مختلفين واسا اكيد عندي اسالة لاعضاء تانيين وبتمنى من الكل يتابع هالمواضيع لانو حاسة انها بتخلينا نتعرف على بعض اكتر وبتمنى من الي حابب يتعرف على الاعضاء يعمل متلي واي سؤال بيخص اي موضوع او رد كاتبو احد الاعضاء بتمنى تكتبولو السؤال بهالقسم وبتمنى يرجع التفاعل لهالقسم متل قبل
جورجينا ... لون المطر بيزكرك بشي؟ اكيد بيزكرك بخاطرة كتير حلوة خطتها اناملك سؤالي الك الخواطر منبعها واقع ومشاعر شو رايك بالمشاعر ولاي درجة بتحسي انو البنت لازم تتبع مشاعرها واحاسيسها بيقولو المشاعر صارت سلعة بتنباع وبتنشرى بدي اسالك بتامني بهالشي؟ هل اشترت جورجينا مشاعر حدا او باعت مشاعرها لحدا وكانت تجارتها ربحانة وعامرة؟ حكيلي عن المشاعر بنظرك..وخصوصي مشاعر المراة
روزاليندا ...هنيئا له تضحيتك ... بتزكري خاطرتك هنيئا لك موتي.. سؤالي اجا منها بصراحة بس اول شي سمحيلي اثني على مشاعرك الحلوة والرسم الحلو الي خطو ابداعك ومشاعرك ... بالنسبة للسؤال بدي اسالك لاي درجة بتوصل تضحيتك بالحب؟ هل ممكن عنجد تموتي (لاسمح الله) كرمال الشخص الي بتحبيه؟ عطاء مشاعرك كبير بالخاطرة بس بدي اسالك هل هالعطاء بيمتد للواقع؟؟ هل بتضحي لابعد الحدود مشان الحب؟ باخر الخاطرة كان في بعد اتجاهو وانك ما عاد البنت الي بتحبو بنفس القوة بقا حابة اسالك حبك ممكن يقل وشو الي بيخليه يقل او بشو بتتاثر مشاعرك بالضبط؟؟
الحنين ... واخيرا عدت كلمات رائعة عنجد متل ما تعودنا منك وحابة اسالك هل من الممكن لحنين ان تهجر القلم؟ ممكن تنسي ابجدية خواطرك وتنثري احلام قلمك على غبار الماضي وتوقفي الكتابة؟ اديش بتعتبري قوة ارتباطك بالقلم .. وبعيد الشر بس شو الي بيخلي حنين تترك الكتابة؟؟ هلق كتاباتك الكل بيشهد انها من احلى الكتابات بالموقع ويمكن حتى بالواقع .. حابة اسال الحنين من وين بيستمد قلمها هالقوة بالتعبير ومشاعرها هالقوة بالعطاء وابجديتها هالقوة بالحروف؟ حكيلي عن الكتابة شوي شو بتعنيلك وشو بتحسي وقت بتكتبي واذا بعدتي عن القلم شو بتحسي؟
صمت الليل ..بموضوع لالك كتبت قصة عن اقصر واعظم حب وثنيت عليه طيب انت ممكن تكون متل هالشب؟ تعجب ببنت وتطلبها للزواج بدون ما تعرف اصلها وفصلها ومنطقها او اي شي عنها؟ بس عندي شرط لاجابتك ... لا تقول بالخطبة بعرفها بدي تجاوبني على هالسؤال بالضبط بتقبل ترتبط ببنت لمجرد انها حلوة؟ وانها عجبتك؟؟ بتامن بالحب من النظرة الاولى؟؟ ولا بتعتبرو اعجاب ولو انو هاد اعجاب شكل مو اكتر
كيان الشام .. عضو جديد اعجبت بهذيان قلبك كتبت عن الرحيل بصمت ... حكيك كتير حلو بس سؤالي هل الرحيل عنها بسبب المك منها اشد من حبك لها ؟؟ شو الشي الي بيخليك تضحي بالحب؟؟ كيف ممكن تحب بهي القوة وتبعد بهي القوة كمان؟؟؟
HASAN ::: نائب المدير العام :::
عدد المساهمات : 10548 تاريخ الميلاد : 11/09/1978 العمر : 46 العمل/الترفيه : طالب المزاج : طاير من الفرح علم الدولة : مزاجك اليوم : المهنة : الهواية : السٌّمعَة : 126 نقاط : 12841 تاريخ التسجيل : 22/10/2009
موضوع: رد: اسالة جديدة ..ج2 17/2/2010, 1:41 pm
صمت الليل ..بموضوع لالك كتبت قصة عن اقصر واعظم حب وثنيت عليه طيب انت ممكن تكون متل هالشب؟ تعجب ببنت وتطلبها للزواج بدون ما تعرف اصلها وفصلها ومنطقها او اي شي عنها؟ بس عندي شرط لاجابتك ... لا تقول بالخطبة بعرفها بدي تجاوبني على هالسؤال بالضبط بتقبل ترتبط ببنت لمجرد انها حلوة؟ وانها عجبتك؟؟ بتامن بالحب من النظرة الاولى؟؟ ولا بتعتبرو اعجاب ولو انو هاد اعجاب شكل مو اكتر
الجواب اولا مشكورة ليناي الغالية لانك قرات القصة ثانيا انا ماراح كون متل الشب اكيد لانو هي قصة على قبيل الدعابة ولو ليناي بنرجع للجد انا بامن بالحب من النظرة الاولى وبيغمى على قلبي اذا شفت بنت حلوة وما كلمتها وعرفت اذا مرتبطة ولا مو مرتبطة بس هاد الامر مو دجني دجتك العافية بعد كم لقاء بعدين ببئها للبحصة من تمي اذا وافقت اكون اسعد انسان على وجه البسيطة واذا ما وافقت فبحاول غيرلها نظرتها والا خلاص هلق الخطبة مو بالضرورة انو تكون فترة معرفة وممكن تكون هيك وهي امر لا بد منو بزماننا وشو عليه لو تعرفت عليها بفترة الخطبة ما في مشكلة بس انا بحب اعرف البنت قبل بشوي حتى اعرف على اي ارض بدي حط رجلي
rozalynda كبــار الشــخصيات
عدد المساهمات : 6914 تاريخ الميلاد : 10/03/1988 العمر : 36 العمل/الترفيه : طالبة المزاج : سيئ علم الدولة : مزاجك اليوم : المهنة : الهواية : السٌّمعَة : 54 نقاط : 7005 تاريخ التسجيل : 06/01/2009
موضوع: رد: اسالة جديدة ..ج2 17/2/2010, 4:21 pm
روزاليندا ...هنيئا له تضحيتك ... بتزكري خاطرتك هنيئا لك موتي.. اي اكيد بزكرا
سؤالي اجا منها بصراحة بس اول شي سمحيلي اثني على مشاعرك الحلوة والرسم الحلو الي خطو ابداعك ومشاعرك هادا من زوقك ليناي خجلتيني تانكس
... بالنسبة للسؤال بدي اسالك لاي درجة بتوصل تضحيتك بالحب؟ لدرجة كبيرة كتير لاني بنت مجنونة لما تحب ما بقا في عندا عقل يفكر وماعاد يهما غير راحة وسعادة اللي بتحبو لو عحساب سعادتا
هل ممكن عنجد تموتي (لاسمح الله) كرمال الشخص الي بتحبيه؟ اي بموت ليكي بدي قلك شي ازا ما ماتت روحي بتموت مشاعري وبموت جسدي وبالتالي بموت وبدبل يوم ورا يوم لصير من بعد هيك جسد بلا روح عم يتنفس هوا فيو اوكسجين بس هالهوا ما رح يضل ينضج لداخل هالرئة لانو الحزن والقسوة الي رح عيش فيا حالي هيي اللي رح تموتني فاي بموت مشان اللي بحبو لانو حياتي بدونو حتكون ولا شي
عطاء مشاعرك كبير بالخاطرة بس بدي اسالك هل هالعطاء بيمتد للواقع؟؟
اي طبعا ليكي بدي قلك شي لو هالعطاء مو من الواقع ما بكتبو صدقيني لو مانو احساس فعلا عايشتو وشي صاير معي ما كنتي شفتي مكتوب هون انا لما بكتب بكتب شي صاير بواقعي مو شي من الخيال فعطائي بالواقع كبير كتير حتى اصدقائي واهلي وكل اللي حوالي عاطيتون عطائي الن كبير بقا كيف ازا كان هالعطاء للحب
هل بتضحي لابعد الحدود مشان الحب؟ اي بضحي ليناي بضحي كتير مو شوي عحساب صحتي ومشاعري ما بيفرق معي شي ساعة الليبضحي اللي بكون براسي وقتا اني احمي اللي بحبو واسعدو وخلي مرتاح فبضحي لانو بالحب مافي انانية
باخر الخاطرة كان في بعد اتجاهو وانك ما عاد البنت الي بتحبو بنفس القوة بقا حابة اسالك حبك ممكن يقل وشو الي بيخليه يقل او بشو بتتاثر مشاعرك بالضبط؟؟
اي اكيد حبي ممكن يقل او قلك شي حبي بموت وبيندفت بس بموت مشاعري بتنتهي احاسيس الحب عندي وبالتالي ماعاد حب عمري ولا عاد اسمح لبني ادم ياخد مطرح اللي كنت حبو لانو لو قلت ومشاعري ولو ماتت بضل عندي وفا وهاد شي نادر تشوفي بين البشر ومن ناحية ايمتا بيقل حبي ومشاعري ب3حالات خيانة موت كزب تحياتي الك ومرسي للاسئلة الظريفة ليناي وناطرة اسئلتك عطول
alhanen ::صاحبة الإحساس المرهف::
عدد المساهمات : 3764 تاريخ الميلاد : 29/02/1984 العمر : 40 العمل/الترفيه : طالبة المزاج : مستقيلة ... علم الدولة : مزاجك اليوم : المهنة : الهواية : السٌّمعَة : 68 نقاط : 3200 تاريخ التسجيل : 26/05/2008
موضوع: رد: اسالة جديدة ..ج2 17/2/2010, 11:18 pm
الحنين ...
هلا ليناي ...
واخيرا عدت ... كلمات رائعة عنجد متل ما تعودنا منك وحابة اسالك هل من الممكن لحنين ان تهجر القلم؟
لا ماممكن اهجر القلم ممكن يصير جفا بيني وبينو لفترة معينة .. بس بضلو اصدق صديق عندي واقرب شي لقلب الحنين ...
ممكن تنسي ابجدية خواطرك وتنثري احلام قلمك على غبار الماضي وتوقفي الكتابة؟
لا ماممكن لانو الكتابة بدمي .. انا بكتب لارسم لحظات الحنين بحلاوتا بمرا بحزنا بضحكا .. والحنين بلا خواطرها متل البلبل بلا صوت .. .
اديش بتعتبري قوة ارتباطك بالقلم .. وبعيد الشر بس شو الي بيخلي حنين تترك الكتابة؟؟
بيني وبين قلمي حبل سري ماممكن ينقطع انا بغذيه وهو بغذيني وهو اصدق من كتير ناس حوالي .. ودايما كلماتي الها معنى باطن اكتر من الظاهر ... مافي شي ممكن يخليني اترك الكتابة الا الموت ...
هلق كتاباتك الكل بيشهد انها من احلى الكتابات بالموقع ويمكن حتى بالواقع ..
قلمي ومشاعري وابجديتي بيستمدو قوتون من صدقون .. لان الكلمة عندما تخرج من القلب تدخل الى القلب ... وطبعا القراءة المستمرة لاسماء عظيمة بالادب بتخلي القلم يقوا اكتر واكتر .. وبتخلي سيطرتك عحروف الابجدية تكون اسهل .. وتقدري تتحكمي فيها ببساطة وسلاسة .. وتوصلي مشاعرك بصورة جميلة ...
حكيلي عن الكتابة شوي شو بتعنيلك وشو بتحسي وقت بتكتبي واذا بعدتي عن القلم شو بتحسي؟
الكتابة بكل بساطة هي حياة الحنين ... وقت بكتب بحس في فيضانات داخلية جواتي بدي فجرها عالورق ... لما ببعد عن القلم بحس حالي عم اختنق .. متل ماكنت عم حس بالفترة الاخيرة ...
عدد المساهمات : 124 تاريخ الميلاد : 03/10/1980 العمر : 43 العمل/الترفيه : محاسب المزاج : شاعري علم الدولة : مزاجك اليوم : المهنة : الهواية : السٌّمعَة : 4 نقاط : 224 تاريخ التسجيل : 14/02/2010
موضوع: رد: اسالة جديدة ..ج2 18/2/2010, 1:52 am
صديقتي ليناي ساجاوب على اسئلتك عن طريق تعريفي للحب ما هو الحب بوجهة نظري
وهيك بظن اني ممكن اكون جاوبت على اسئلتك بطريقة غير مباشرة
الحب برأيي الحب مشاعر سامية .... ليست عنث أو تسلية ... ... الحب وعد... كلمة عهد ... ... الحب ... إحساس وتضحية الحب ...مرآة ... ترى بها من تحب ...خال من العيوب ... الحب أسمى من أن يكون ...إحساس بالقلب فقط ... بل يتعدى الحدود والفوارق ... الحب ....أكبر من أن يفهمه أو يعرفه إلا من عاشه بكل ما فيه من عذاب وأفراح ... الحب ... حب في الله ... فالحب في الله أسمى وأعظم ... حب القلب والروح ... ...وليس حب الجسد والمظهر فحب القلب والروح هو الأبقى وللأبد ..
الحب .. هو ذلك الشعور الخفي الذي يتجول في كل مكان ويطوف الدنيا
بحثاً عن فرصته المنتظرة ليداعب الإحساس .. ويسحر الأعين ..
ليتسلل بهدوء .. ويستقر في غفلة من العقل ورغماً عنك ..
داخل تجاويف القلب .... ليمتلك الروح والوجدان ..
ليسيطر على كل كيان الإنسان ..
والحب .... هو ذالك الشعور الذي يتملك الإنسان في داخله ويطوف به العالم حيث يشاء بأفراحه وأحزانه يجول كل مكان فوق زبد البحر يمشي دون أن يغوص في أعماقه
الحب .. هو ذلك الوباء اللذيذ المعدي الذي يصيب جميع الكائنات بدون استثناء ..
له مغناطيسية تجذب الكائنات إلى بعضها البعض ..
وبدونه لن تستمر الحياة على أي كوكب ..
اشكرك جزيل الشكر صديقتي العزيزة على سؤالك وعلى مدحك واعجابك عن موضوعي والله يعطيكي الف عافية على موضوعك المميز والرائع
تقبلي تقديري واحترامي
كيانو كيان الشام k.y.n
ليناي :عضو هام:
عدد المساهمات : 798 تاريخ الميلاد : 25/11/1989 العمر : 34 العمل/الترفيه : ابحث عن كارميلا المزاج : منيحة علم الدولة : مزاجك اليوم : المهنة : الهواية : السٌّمعَة : 10 نقاط : 837 تاريخ التسجيل : 29/03/2009
موضوع: رد: اسالة جديدة ..ج2 18/2/2010, 3:32 am
اهليييييييييين يا بشعين نورتو بردودكن الحلوة والي اسا ما جاوب متل الديموزيل جورجينا بدي العنو لعنة المجانين .. وقد اعذر من انذر
جورجينا ::: نائبة المدير العام :::
عدد المساهمات : 18506 تاريخ الميلاد : 10/02/1987 العمر : 37 العمل/الترفيه : طالبة المزاج : شوية رواق علم الدولة : مزاجك اليوم : المهنة : الهواية : السٌّمعَة : 178 نقاط : 10135 تاريخ التسجيل : 22/03/2008
موضوع: رد: اسالة جديدة ..ج2 18/2/2010, 8:39 am
جورجينا ... لون المطر بيزكرك بشي؟ اكيد بيزكرك بخاطرة كتير حلوة خطتها اناملك سؤالي الك الخواطر منبعها واقع ومشاعر اكيد من مشاعري او شي بالبي وطلع معي بهالكلمات البسيطة بس اكيد شي حاسة في جوى هلا ممكن تقولي شو لون المطر او المطر الو لون المطر عندي موسيقا ولون ورائحة وفي عبون بحسها بتحمل هاللون
شو رايك بالمشاعر ولاي درجة بتحسي انو البنت لازم تتبع مشاعرها واحاسيسها المشاعر جزءمن كيانا اكيد حتى لو حاولنا نتخلص منها او نهرب او نكزب على حالنا ونقول مابدنا نركد ورى احساسنا بي مستحيل هالشي اصلا المشاعر جزء من وجودنا نحنا غير موجودين من دونه
بيقولو المشاعر صارت سلعة بتنباع وبتنشرى بدي اسالك بتامني بهالشي؟ اي بامن اكيد في كتير ناس بتتلاعب بمشاعر الاخرين يمكن تسلاية ويمكن مجبورين ويمكن طبع فيهن بس بالاخر رح يكتشفو انن هنن تلاعبو بمشاعرهن هن كمان
هل اشترت جورجينا مشاعر حدا او باعت مشاعرها لحدا وكانت تجارتها ربحانة وعامرة؟ اشتريت مشاعر حدى لا اكيد مستحيل حاول شراء مشاعر حدى باي طريق من الطرق بعت مشاعر حدى ممكن بس من وجهة نظرو هو وهالشي ماكان بايدي لانو مابعت مشاعرو هو بس ومشاعري كمان تجارة رابحة اكيد لا اصلا المشاعر مو تجارة ابدا ومافيكي تقيمي ناجحة او خسرانة
حكيلي عن المشاعر بنظرك..وخصوصي مشاعر المراة يمكن احساس المراة اعمق من احساس الرجل او نحنا منظهرو اكتر من الرجال المشاعر جزء من كل انسان مابينوجد من دونها مو ضروري تكون مشاعر الحب والحنان والطيبة ممكن تكون مشاعر الكره والغضب والحقد حتى هي منحتاجها احيانن كتير يمكن بلاها مننفجر
احترت باسئلتك كتير خصووصي بيع المشاعر نشالله كون جاوبت باكبر جراة ممكنة
موضوع: اسالة جديدة ..ج2 
17/2/2010, 11:51 am
